اذا عندك رقم مميز من كيوتل واخترب بعد الزيادة (كيوتل راح تعوضك برقم اخر)

[بوليد]

السلام عليكم
كنا شفنا خدمة فوادفون الممتازة للتعويض المشتركين الي تضررو بعد الزيادة
وطبعا كيوتل ماقصرت ايضا سوت تعويض لكن تعويض على طريقها الخاصة الي تطلع منه بأقل قدر من الخسارة :strong3: كعادة كيوتل الحبيبة

المهم
اذا كنت شاري رقمك بعد هالتاريخ28 يوليو 2009
لك الحق بمطالبة كيوتل بتعويض
والتعويض عبارة عن يخيرونك بين رقمين تختار واحد منهم
واذا ما اخترت اي رقم ماراح تقدر تقدم طلب مرة ثانية
وطبعا مايرجعون لك فلوس مثل فوادفون:no:

والطريقة جدا سهلة فقط ادخل على موقعهم وعب الطلب
على هالرابط
http://www.qtel.qa/EtrNMLanding.do

[الجوكر90]

السلام عليكم
انا دخلت وحطيت رقمي مادري ليش قالوا لي مايصير
ورقمي ماكمل سنه عندي
وطلع من البرج هم اقل من سنه

[عبدالرحمن بن محمد]

والله انا اشوف فودافون احسن منهم بمليون مره

كيوتل اصلا مب شي كله يبون يشفطووووووون بس شفط شفط

بس فودافون الصراحه واوو عليهاا

تعوضك بفلووس

وذا ماتبي تعوضك برقم انت تختاره بمزااااااااااااااجك بنفس السعر

ركزو وياي هاااااا

بمزااااااااااااااجككككككككككك

مايخيرونك بأرقام بكيفهم

بس لازم الرقم حده من خذته 4 سنين

الله يعينكم مادري شتحبون فكيوتل

حق الخساير بس

[qtr9]

لازم يكون الرقم بقيمه 2000 ريال وبشرط ماخذه من الشاشه علشان يبدلونه ويعوضونك
اما اذا كان رقم بسعر اقل طبعا مافي تعويض

[قـطــر]

العرض للي شرى رقم بين الفتره 28/7/2009 لين 28/7/2010

طيب واللي عنده رقم مميز من قبل يشرب من البحر؟؟


طلب تعويض عن رقم مميز
نظرا للتغييرات التي تمت طرأت على الأرقام المحلية المستخدمة في قطر بتاريخ 28 يوليو2010، تأثرت أرقام الهواتف المميزة/ سهلة الحفظ كذلك بهذا التغيير. وحتى لا يشعر عملاء كيوتل بأية خسارة نتيجة ذلك، قررت الشركة إتاحة الفرصة لأصحاب هذه الأرقام بإبدالها بأرقام أخرى مميزة من نفس الفئة. فإذا كنت ترغب بالحصول على رقم جديد يرجى منك تعبئة الطلب التالي بعد قراءة التعليمات التالية:


سيسري هذا العرض الخاص باستبدال الأرقام المميزة إبتداءً من 28 يوليو 2010 وحتى 30 سبتمبر 2010.
سيكون لك الحق بمطالبة كيوتل برقم مميز جديد إن كنت قد قمت بشراء رقمك المميز الحالي من كيوتل بعد تاريخ 28 يوليو 2009 وقبل 28 يوليو 2010.
ستقترح كيوتل رقمين مميزين بديلين من نفس فئة رقمك المميز الأصلي وسترسلهما إلى عنوان بريدك الإلكتروني مع تنبيه عبر رسالة نصية قصيرة.
تستطيع اختيار أحد هذين الرقمين كبديل رسمي لرقمك. لكن يرجى العلم بأنه سيكون لديك خمسة أيام فقط تبدأ من تاريخ استلامك للرقمين لاختيار أحدهما. فإذا لم نسمع منك خلال هذه الفترة فسنقوم بسحب هذا العرض، ولن تتاح لك فرصة أخرى لتقديم الطلب.
إذا قمت باختيار أحد الرقمين، فلن يكون بمقدورك استخدام رقمك القديم مرة أخرى.
ستقوم كيوتل ولفترة 90 يوما بتوفير خدمة مجانية لتمرير المكالمات الواردة إلى الرقم المميز القديم وتحويلها إلى الجديد. يرجى ملاحظة أنه لن يتم تمرير الرسائل النصية القصيرة حسب هذا النظام.
ستقوم كيوتل بالاتصال بك من خلال البريد الإلكتروني والرسائل القصيرة لاعلامك بموعد تفعيل الرقم البديل.
سنتخذ جميع الترتيبات اللازمة لتحويل الرصيد أو الأجور المترتبة على حساب الرقم المميز القديم إلى الرقم الجديد ابتداءً من وقت تفعيله.


الله يعطيهم العافيه ،،

والله يعطيك العافيه لاهنت ..

[qtr9]

لاعادي اخوي حتى لو من قبل بس يكون قيمته الفين ريال

يعافيك ربك بحفظ الرحمن

[بـــ ح ـــر]

رقمي صار له اكثر من سنتيين وشاريه ب32000 الف

بيعوضوني فيه ولا اطلب الله


يا ليت حد يفيدني

[المنكوب]

والله انا اشوف فودافون احسن منهم بمليون مره

كيوتل اصلا مب شي كله يبون يشفطووووووون بس شفط شفط

بس فودافون الصراحه واوو عليهاا

تعوضك بفلووس

وذا ماتبي تعوضك برقم انت تختاره بمزااااااااااااااجك بنفس السعر

ركزو وياي هاااااا

بمزااااااااااااااجككككككككككك

مايخيرونك بأرقام بكيفهم

بس لازم الرقم حده من خذته 4 سنين

الله يعينكم مادري شتحبون فكيوتل

حق الخساير بس


الحراميه اللي في فودافون ماشفنا مثلهم في كيوتل

وكيوتل تاج على راس فودافون

[عبدالرحمن بن محمد]

الحراميه اللي في فودافون ماشفنا مثلهم في كيوتل

وكيوتل تاج على فودافون

حراميه في شنو جاوبني ؟؟

عشان شريت ارقام محد خذاهم اخوي؟؟

وله عشان رقمك كان حلو بس الزياده خربت ؟؟

كل شي له سبب وانا ابي اعرف سببك : )

الحين صارو كيوتل بريئيين وفودافون حراميه ؟

سبحان الله الخالق والله

كيوتل اتصل شوي الفاتوره تنقز فووووق

اتصل برع تنقز فووووق

فودافون اتصل لندن واليابان وامريكا

ويروح من الرصيد شوي

وفوق هاي كله تتصل فودافون من فودافون في دقايق مجانيه وفوقه ياخذون فلوس اقل غير الدقايق المجانيه

وكيوتل تبي تقلدهم بس تقليدهم غلط في غلط

كيوتل تحسب لك تشتري رصيد ويتم لك 15 ريال حق يوم واحد وعقب ينتهي

بس فودافون غير اخوي عالم ثاني

انت لاتشوف اللي يقول وتمشي ورى كلامه

انت شوف الاشياء الايجابيه يالغالي

على الاقل فودافون عرضت ارقامهم فالموقع سواء كان غالي وله رخيص

واللي يعجبه ياخذه

بس كيوتل شنو شفنا منهم جاوبني ؟؟

كل واحد يوزع الارقام على ربعه

وكلنا نعرف هالشي

ونادر كنا نشوف اربع ارقام مكرره وره بعض

واللي عنده هاي شخص فنان وهيبه

بس لين طلعت فودافون يالغالي كل شي تغير

لاتظلم وانت ماجربت

انا كنت مثلك قبل اشوف كيوتل احسن

بس انا جربت الاثنين لفتره طويله بعدين قارنت

وبينت عندي النتيجه .. : )

[طاش]

الله يعين

[أبو بكر سالم]

اي والله عبدالرحمن كلامك صحيح فودافون والله زينه بس شوي يعدلون ارسالهم حزات يقطع اما بخصوص الرصيد والله انا استغرب اقول اشفية مايخلص؟ كيوتل وربي كان عندي فاتورة قطعته وخليته هلا والحين اعبيه واستخدم فودافون اكثر شي لان كيوتل شفاط والله مكالمه راح الشحن يكفي انه ببلاش داخلي بينك وبين ارقام فودافون حتى لو تلفونك مافيه شحن . اما كيوتل وين تعطيك تتصل ببلاش لرقم ثاني هههههههههههه
كيوتل = ضرس

[م الكواري]

بخصوص الرقم الي عندي بيسحبونه ولا بيخلونه ويعطوني رقم ثاني