سؤال عن دكتور الاذن

[فراشة ناعمة]

السلام عليكم ورحمة الله وبركاته

أتمنى من الجميع مساعدتي

انا محتاجة اروح عند دكتور أذن وحنجرة

اذني تعبااااانة وااايد..

وسويت سيرج بالنت وحصلت اكثر اثنين يمدحونهم من الدكاترة

دكتور عبدالعزيز الجفيري
دكتور ناجي كمال ناجي

ودريت ان دكتور عبدالعزيز بمجمع النخبة الطبي..اتصلت كم مرة يطلع لي طووووط ماادري ليش؟

ياليت بس تخبروني وين عيادته بالضبط؟

واللي عنده رقمهم ياليت مايبخل علي..

انتظركم ولاتأخرون علي..لأني تعبانة ومحتاجة اروح العيادة

[فيزيائية]

الجفيري فتح عيادة خاصة صوب المعمورة
وعندج المغربي زين بعد

[مبارك سعد]

الدكتور توماس في السد جنب مطعم المجلس تراه دكتور ممتاز ومجربينه ........

[" روح قطر "]

أنا سمعت عن الدكتور عبد العزيز الجفيري أنه زين

وخاطري أودى بنتي عنده لانها سوت عملية لوز وأهي صغيرة وتأثرت الاذن عندها

وسارت دوم تشتكي منها ....شكلي بروح له بكرة أن الله راد

وبرد لج خبر أكيد عن مكانة وين يقولون نقل للمعمورة

وأذا تأكدتي من مكانة ياليت تبلغيني ولج دعوه مباركة في هالشهر الفضيل

[qatari_xp]

وفيه الدكتور جنشن هندي بمستشفى حمد ممتاز

وبيداوم بعد اسبوع ....وسلامات ان شاء الله

[زهرة قطر]

دكتور حندوسة ممتاز على ما أظن في المستشفى الأهلي

[clouds]

عياده النخبه انتقلت الى السد شفتي العماره الخضرا اللي بالسد هي مقابلها
يعني لما تجين من الوعب بتكون العياده على يسارج قبل اشارات السد انا رايحه من اسبوع وبعد العيد بينتقل الدكتور صوب محطه بوهامور..

[حرقطر]

الجفيري فتح عيادة خاصة صوب المعمورة
وعندج المغربي زين بعد



اي اي المغربي والله مافي غيره

والجفيري انا رحت له والله واقصر معاي وفهمني علتي

[durra]

سلامتج إختي وما تشوفين شر

أنصحج أختي بالدكتورة بريتي في مركز المستقبل الطبي مقابل اسباير
وايد شاطرة واسلوبها راقي مع المرضى

[روضه الجنة]

سلامات ما تشوفين شر

[المرحب]

سلامات وأجر وعافية وما تشوفون شر


المغربي


:nice:

[ابو محمد7]

الدكتور توماس في السد جنب مطعم المجلس تراه دكتور ممتاز ومجربينه ........

الدكتور توماس نروح له من يوم احنا صغار وصراحة ممتاز

[حسن]

انصحك بالدكتور الجفيري ولا ناجي وبس

[سهم طايش]

الدكتور عبدالعزيز الجفيري عيادته في منطقة ابوهامور جنب تقاطع اشارات ابوهامور اللي جنب محطة البترول 0

اذا كنت جاي من اتجاة دوار قطر للديكور باتجاة اشارات ابوهامور اللي جنب المحطة اول ما توصل الاشارات تلف يمين تمشي تقريبا 300متر بتشوف العيادة على يدك اليمين اسمها عيادة النخبة 0

[فراشة ناعمة]

مشكورين على الردود وماقصرتوا


الدكتور عبدالعزيز الجفيري عيادته في منطقة ابوهامور جنب تقاطع اشارات ابوهامور اللي جنب محطة البترول 0

اذا كنت جاي من اتجاة دوار قطر للديكور باتجاة اشارات ابوهامور اللي جنب المحطة اول ما توصل الاشارات تلف يمين تمشي تقريبا 300متر بتشوف العيادة على يدك اليمين اسمها عيادة النخبة 0


مشكور اخوي،،

عندك رقم العيادة؟

لأني حصلت رقمهم وكل مااتصل يطلع لي طوووط ماادري ليش


وحد منكم عنده فكرة إذا لازم اتصل آخذ موعد ولا عادي اروح اي حزة؟

[صاحبة إمتياز]

الله يشفيج إن شاء الله
أنا امدحولي توماس يقولون شاطر وناوية بإذن الله أزورة الليله
ونفسج من كثر الالام احلم بإذني ...الأذن هي إلي تحافظ على توازن الجسم
سبحان الله

[الشقيان]

سلامتك اخوي وماشوف شر يارب

[Right]

أختي أنصحج بالدكتور ناجي كمال ناجي بالسد مقابل مفروشات تيفولي

كانت أذني تعورني صج كان ألم فضيع

في البداية رحت للدكتور توماس هندي بس ما فادني بشي

بفضل من الله أولاً وبفضل علاج الدكتور ناجي كان علاجه فعال وزين وايد

حتى أخلاقه جداً راقية ومحترم جداَ

[ابو علاوي]

انتي للحين مارحتي؟؟؟
مالج الا الدكتور توماس في السد مقابل مطعم مرمرة اسطنبول
ياخذ 400 ريال
دكتور طيب انا مرتين رحتله وتقدرين تدخلين له بكل وقت بدون موعد مسبق