:: خدمة افتح الباب بمؤسسة حمد الطبيـة ::

[شبح الصمت]

بسم الله الرحمن الرحيـم

اليوم الصبح الموافق 25/8/2010

كنت متوجه لمستشفى حمد عشان اوصل الأهــل وانا جاي صوب العيادات لاحظت مجموعة موظفين لابسين بيج واقفين قدام الباب وفي ناس على اليمين وناس على اليسار

أول ما توقف يجون يفتحون لك/ لج الباب ..

صراحة شكر شكر موجه لمؤسسة حمد الطبية

أولاً لأنه في ناس كبار في السن يوقفون عشان ينزلهم الدريول او الولد ويسبب عرقلة سيـر أو أمرأة كبيرة ..

وعلى فكره بعد عند المواقف شفتهم وأتوقع متوزعين في كل مكان في أنحاء مستشفى حمد الكبير أو يمكـن في جميع الأماكن التابعه لهم ...

بس مساكين هل راح يتمون واقفين طول هالمدة في الشمـس عشان يفتحون البيبان للعالم !!

[برزان]

بادرة طيبة من مؤسسة حمد ...وهذا المفترض من زمان وفعلا ناس كثير تحتاج هالخدمه .
واشكرك على طرح الموضوع عشان الناس الي تقرى مايقولون ان هالمكان بس كل انتقاد و تعذرب في الاولي والتالي ....

الشي الطيب و البادرة الي فيها خير لابد انقدم شكرنا للقائمين عليها ...

على الله بس ماتنقطع ويطلع فيها واحد ذكي ويحسب تكلفة اجرة الناس الي حاطينهم لها الخدمه ويقدم تقرير فيه توفير للمؤسسة ويشيلونهم :thumbup:

[الصريحه]

الحمد لله انشاءالله الفال تتعدل كل الاوضاع هناك
مب غريبه على الله

[نون]

خدمة العلاج الي اهم شي شلون التشخيص بمعدل 25 %
اما الاجهزه والخدامات 300%
في خاطري كلام وايد عتب على الاطباء
اجهزه حديثه وكل شي عندهم بس للاسف وللاسف وللاسف

[شبح الصمت]

بادرة طيبة من مؤسسة حمد ...وهذا المفترض من زمان وفعلا ناس كثير تحتاج هالخدمه .
واشكرك على طرح الموضوع عشان الناس الي تقرى مايقولون ان هالمكان بس كل انتقاد و تعذرب في الاولي والتالي ....

الشي الطيب و البادرة الي فيها خير لابد انقدم شكرنا للقائمين عليها ...

على الله بس ماتنقطع ويطلع فيها واحد ذكي ويحسب تكلفة اجرة الناس الي حاطينهم لها الخدمه ويقدم تقرير فيه توفير للمؤسسة ويشيلونهم :thumbup:

اسعدني مروروك اخوي وارحم الله والديك


الحمد لله انشاءالله الفال تتعدل كل الاوضاع هناك
مب غريبه على الله


اللهم آميـن آمين صدقتي في ناس مظلومين واجد بس ربج عالم فيهم
الله يفرج عليهم



خدمة العلاج الي اهم شي شلون التشخيص بمعدل 25 %
اما الاجهزه والخدامات 300%
في خاطري كلام وايد عتب على الاطباء
اجهزه حديثه وكل شي عندهم بس للاسف وللاسف وللاسف

أختـي يمكن كلامج فيه من الصح وفيه من العتب واجد شوفي الأطباء انا حاليا اروح لاستشاري والحمد لله عارف شلي فيني أما في ناس سبحان الله ما تعرف وجودها مثل عدمها (الله المستعان) بس اختي الحمد لله الخدمة موجودة بس يبيلها صبر من المراجعين ..
ارحم الله والديج

[إينشتاين]

اعتقد هالموظفين يشتغلون في خدمة ايقاف السيارات (valet parking)

لكن مادري هل الخدمة هذي مجانا أم برسوم

[بوخالد911]

بوورررك فيهم وبصاحب المووضووع وفييكم كلكم

:)

[نون]

بس اش الفايده انا من سنه فقدت اعز انسانه في حياتي
وسبب اخطاء الاطباء موسسة حمد
لاتذكرني

[رجل الجزيرة]

مؤسسة حمد عندها قسم جديد إسمه قسم الضيافة، مثل ما تقول إتي كيت، لبيه ومن عيوني وحاظرين وآمروا وتدللوا وهكذا يعني مثل الفنادق درجة أولى.

[نون]

مؤسسة حمد عندها قسم جديد إسمه قسم الضيافة، مثل ما تقول إتي كيت، لبيه ومن عيوني وحاظرين وآمروا وتدللوا وهكذا يعني مثل الفنادق درجة أولى.




هاي عادي اهم شي العلاج:nono:

[بوجاسم 999]

المشكله الي يفتحون الباب اذا حد عطاهم فلوس اكراميه بيتعودون وعقب اذا محد عطاهم بيمدون البوز هههههههههههههههه

[وحيد-الشوق]

بس اش الفايده انا من سنه فقدت اعز انسانه في حياتي
وسبب اخطاء الاطباء موسسة حمد
لاتذكرني


:( الحال من بعضه اختي يا ما ناس فقدوا غاليين لهم في مقصب حمد حسبي الله على هالمستشفى أنا شخصيا فقدت اختي الله يرحمها بسبب اهمالهم وحتى الوالده ما اسلمت منهم ولين يومج هذا تعاني بسبب اخطائهم

الواحد يبي العلاج والتشخيص الصحيح اما هذي الكماليات السخيفه ما نبيها

الله يرحم اختي ويرحم موتى المسلمين

[aabdulla1]

لو ركبوا بيبان إلكترونية ما كان أحسن؟؟؟ وأرخص ؟؟؟
الحمد لله على كل حال

[Mishari]

جزاام الله ألف خير مااا يبوون موظفين طورائ اسعاف

[مـحـمـد]

ثلث ميزانية الدولة للتعليم والصحة ...
وهذا اللي طلع من مستشفى حمد !!

ما نبي حد يفتح الباب لشيبانـا .. لان 60% من الشيبان اللي يدخلون المستشفى ما يطلعون منها ..
خلهم يركزون على الصحه والدكاتره والأدوية والأدوات .. ويخلون عنهم الاستهبال !!

[روح الاطلس]

اش فايدة هالخدمه؟؟

الفلوس اللي تندفع في هذيلا لو يوفرونها ويزيدون عدد الاطباء كان افضل

مو كل طبيب ينكسر ظهره من كثر المرضى فوق 40 مريض بيوم واحد ( فترة وحده وليس فترتين)

[الـقـاسـي]

التطوير حلو ومطلوب لكن في الاشياء الضروريه في العلاج في الفحص في التشخيص مش في الامور الجانبيه الظاهر ربعنا ماوصلهم اختراع الابواب الاتوماتيك يله بكره يكتشفونها وكالعاده اول دوله تستخدم الابواب الكهربائيه في المستشفى ..

[روح الاطلس]

لو ركبوا بيبان إلكترونية ما كان أحسن؟؟؟ وأرخص ؟؟؟
الحمد لله على كل حال

هههههههه والله صادق

بس تدري بعد ردك هذا اكتشفت حجم الغباء عند العرب

يحطون هنود ويوقفونهم عند الباب ويدفعون لهم رواتب ولا فكروا يشلون البيبان التعبانه ويحطون باب الكتروني يفتح تلقائي

اوفر وارقى !!

[صاحبة إمتياز]

لاتعليق :secret: