استفسار عن افضل دكتور لعلاج الاكزيما

[الملا]

الاخوة الاعضاء

مبارك عليكم الايام الباقية من الشهر الفضيل

استفساري هو افضل دكتور يعالج الاكزيما في الدوحة

جزاكم الله خيرا

[مدير]

مرحبا اخوي

انا جربت في الدوحه فهد الباكر و حمده الانصاري (اذا مب غلطان في الاسم) و احمد غازي و حسن العبدالله .. هذا غير دكاترة مستشفى حمد

من بين كل الي ذكرتهم .. اكثر دكتور كانت ادويته جيده هو احمد غازي .. بس عموما الاكزيما صعب انها تروح .. وتعتمد اكثر شي على ابتعادك عن الامور المسببة و المهيجة للحساسية .. وهالشي خلاني ما اروح للدكتور الا نادرا

و الله يشفيك و يعافيك

[تاجر]

الاكزيما فيك انت والا في حد من اليهال (لاقدر الله)
لان بنتي يوم كانت صغيره فيها اكزيما والحين الحمد لله شفت منه تمام وكنت اتابع مع الدكتور فهد عبد الله او كما يطلق عليه الناس فهد الباكر .. وقالي الطفل مع الكبر راح يختفي ان شاء الله .. عموما انا كنت مريض اكزيما ولكن الحمد لله شفيت منه يوم صار عمري 16 سنة بدون ادويه الحمد لله ..

[الملا]

الاكزيما فيك انت والا في حد من اليهال (لاقدر الله)
لان بنتي يوم كانت صغيره فيها اكزيما والحين الحمد لله شفت منه تمام وكنت اتابع مع الدكتور فهد عبد الله او كما يطلق عليه الناس فهد الباكر .. وقالي الطفل مع الكبر راح يختفي ان شاء الله .. عموما انا كنت مريض اكزيما ولكن الحمد لله شفيت منه يوم صار عمري 16 سنة بدون ادويه الحمد لله ..

في خالي ، حاولنا وجربنا ادوية لكن ماجابت نتائج وسوينا مراجعة للمركز الصحي بدون يعطونا نفس المرهم وخذنا مرهم من الصيدلية هم مافي فايده

[heart]

واللي فيه اكزيميا من 18 سنة وليومكم ماشفيت منها وماخليت دكتور مارحت له سواء في الدوحة او خارجها ولا شفيت منها،،،،مثل ماتفضل الاخ مدير ابتعد عن الامور المسببة و المهيجة للحساسية واللي ودي اعرفها عشان اعرف امتنع عن ايش ولا ايش

[الوان]

بسم الله الرحمن الرحيم

الاكزيما تزيد و تنقص على حسب الحاله النفسيه

اكثروا من قراءة القرآن .. شافي كل الامراض النفسيه و العضويه

و جربوا السدر.. سمعت ان في من جربه و نفع مع الاكزيما

و عسى ربي يشفي جميع المسلمين

[£عبدالعزيز£]

اخوي عندك وايد دكاترة جيدين

الدكتور محمد محيي الدين بمستشفى حمد

الدكتور خالد البياري

الدكتور فهد الباكر

..

واخوي ما عليك من اللي يقولون العلاج صعب ومادري شنو

ترى الاكزيما انواع .. واغلبها تروح بسهولة

[الملا]

مرحبا اخوي

انا جربت في الدوحه فهد الباكر و حمده الانصاري (اذا مب غلطان في الاسم) و احمد غازي و حسن العبدالله .. هذا غير دكاترة مستشفى حمد

من بين كل الي ذكرتهم .. اكثر دكتور كانت ادويته جيده هو احمد غازي .. بس عموما الاكزيما صعب انها تروح .. وتعتمد اكثر شي على ابتعادك عن الامور المسببة و المهيجة للحساسية .. وهالشي خلاني ما اروح للدكتور الا نادرا

و الله يشفيك و يعافيك




ممكن تعطيني ارقامهم واسماء عيادتهم اذا تتفضل

وومكن اعرف شنهي الامور المسببه واللي نصحك الدكتور بالابتعاد عنها

[Toomy]

دكتور أحمد أنس غازي ممتاز و عيادته في فريج كليب عند مطابخ الدوحة الشعبية

[الملا]

بسم الله الرحمن الرحيم

الاكزيما تزيد و تنقص على حسب الحاله النفسيه

اكثروا من قراءة القرآن .. شافي كل الامراض النفسيه و العضويه

و جربوا السدر.. سمعت ان في من جربه و نفع مع الاكزيما

و عسى ربي يشفي جميع المسلمين

جزاك الله خيرا

في دكتور قالي انه الاكزيما عادة يكون من الحسد

[الملا]

اخوي عندك وايد دكاترة جيدين

الدكتور محمد محيي الدين بمستشفى حمد

الدكتور خالد البياري

الدكتور فهد الباكر

..

واخوي ما عليك من اللي يقولون العلاج صعب ومادري شنو

ترى الاكزيما انواع .. واغلبها تروح بسهولة

مشكور يالغالي على كلامك

[qatari 111]

انا عندي ولدي من يوم ما انولد وهو فيه الاكزيما ولحد الان وهو عمره 3 سنوات وما زال فيه

وهو عنده حساسيه من السمك والموز والمنجا والبيض بس العلاج مستمر من صابون خاص للاكزيما ومراهم وفازيين ومرطبات يوميا وكل 4 ساعات علاج

بس قالولي الدكاتره ان شاءالله لين يكون عمره 5 او 6 سنيين راح يخف منه

والله انه كسر خاطري جسمه كله التهابات الحمدلله بس خف عن قبل

[حقيقه]

الدكتور عادل كمال

مستشفى العمادي

[هتـان قطر]

افضل دكتور لعلاج الاكزيميا هو الدكتور ابراهيم الكلداري في دبي واقولها عن تجربة

تقدر تروح له في نفس اليوم وترجع بدون حجز بس تأكد اذا هو موجود او مسافر

[صاحبة إمتياز]

فهد الباكر
والإكزيما انواع
والله يشفيك إن شاء الله

[الوان]

اللي يعاني من الاكزيما لازم يبتعد عن اي شي يحتوي على فيتامين c

[faisalqatar]

اول شي ما يشوف شر خالك وان شاء الله امر الاكزيما هين و بيطيب بإذن الله

انا فيني نوع من انواع الاكزيما تجيني وقت الرطوبه والحر يعني نفس هالوقت و كانت فيني من اسبوعين والحمدلله تعالجت وراحت

انا جربت وايد دكاتره تبي الصج و افضل واحد نفعني اهو الدكتور خالد البياري جزاه الله الف خير

بعطيك رقم عيادته وكلمهم وبيدلونك المكان وان شاء الله خير

هذا رقمهم : 44322978
مكانهم قريب جسر مدماك في نفس عمارة الدكتور اسامة البكري

[wadha-qa]

امي جربت دكتوره سناء اللي في عياده حسن عبدالله قالت لها هذي اكزيما عصبيه و حطت لها جل ومررت عليه جهاز و خف الحمد لله

[سـ ع ـود]

اه يالملا طحت على عوقي

واللي يقولكم ان فيه اكزيميا من 15 سنه :(
ذقت الويل منها وقسم بالله ايام تمر علي مايعلم فيها الا الله اصير كأني مدمن مخدرات - عافانا الله - من كثر
مااحك جسمي بسبة هالاكزيميا
بس تكفون اللي عنده خبره في هالموضوع انا فيني الاكزيميا متركزه تكرمون في كف الرجل من فوق
حد عنده حل حق تكرمون النعل شالحل مع الجلد :(
لحد يقولي اللبس جوتي مستحيل صعبه طول السنه ماقدر :(
واي شي عن الاكزيميا لحد يبخل علينا ترى محتاج ولو معلومه بسيطه راح تهمني
على فكره سمعت عن دكتور في رميله يسوي مثل عملية الليزر في مكان الاكزيميا يقولون يحرق الخلايا الحسيه مادري ايش ويخلي الواحد يفقد الاحساس في منطقة الاكزيميا حد يعرف شي عن هالموضوع؟

[بنت ابوها 19]

ااالاكزيما مرض عادي ياخوي دامك تتجنب المسببات من صابون الغسيل والاكل
وانك تنتظم على الاكريم الي يصرفه لك الدكتور

وترا الاكزيما تصاحب الطفل لين سنتين وعقب تختفي بتاتاً
انا عندي اختي الاصغيره كان فيها بشكل فضيع كل اجزاء جسمها
كانت تعالج عند دكتوره عراقيه بالطب العائلي وماااشاالله والله لين ماكملت سنتين بالضبط كل شي اختفي

لكن ترا ياخوي انا ارجعتلي تقريبا من سنه
وهلكتني بشكل مب طبيعي
يعني تجنب البيض والدجاج والباذنجان والكيوي والصابون
استخدم صابون الاطفال جانسون للجسم والاثياب
صرت من اكل شي على طووول ترجع لي الاكزيما
اتعالج حالين بالعمادي عند دكتور اسمه عادل كمال
بس مانصحك بالعياده كلشششششش


ربي يشفي مريضكم ياخوي

[ام رويشد]

ماتشوفوون شر كلكم

انا بنتي فيها اكزيما ..وجربت كل هالدكاتره اللي ذكرتوهم ووديتها البحرين الدكتوره كان علاجها زين عالاقل طول على مارجعت لها الاكزيما من عقب انقطاع العلاج..وبعد دكتورة في الحسا بعد زينة

بس المشكلة في الاكزيما ان اول من نوقف الكريمات (الكرتيزون)
تررررجع

[مدير]

ممكن تعطيني ارقامهم واسماء عيادتهم اذا تتفضل

وومكن اعرف شنهي الامور المسببه واللي نصحك الدكتور بالابتعاد عنها

انا انصحك بالدكتور احمد غازي و عيادة ورا المطابخ الشعبية في فريج كليب (راح ادز لك رقم موبايله على الخاص)

و بالنسبة لمسببات الحساسية .. هي كثيرة .. جانب منها نفسي (الضغوط و المشاكل الخ ) و جانب عضوي

و انا انصحك لما يروح مريضكم للدكتور خله يسوي اختبار لمسببات الحساسية (patch test) انا سويته من قبل في الرميلة و بيحددون اسباب الحساسية .. و مثل ما قالوا الاخوان غالبا راح يطلبون من المريض الابتعاد عن المانجا و الفروالة و البيض و مرات القباب و الروبيان .. و انا دايما يقولون لي انه حساسيتي سببها مادة النيكل (Nickle) و كل دكتور اروح له يطلب مني ما البس نعال الا اذا كانت بطانتها من داخل جلد طبيعي و بدون اصباغ صناعية .. و بعد يطلبون مني ابعد عن الصابونات المعطره

مريضكم بعد ما يروح للعيادة راح يوضحون له كل شي .. و ترى الحياة مع الاكزيما تصير سهله باذن الله متى ما عرفت مسبباتها

و الله يشفي مريضكم و كل مرضى المسلمين

[بنت ابوها 19]

ماتشوفوون شر كلكم

انا بنتي فيها اكزيما ..وجربت كل هالدكاتره اللي ذكرتوهم ووديتها البحرين الدكتوره كان علاجها زين عالاقل طول على مارجعت لها الاكزيما من عقب انقطاع العلاج..وبعد دكتورة في الحسا بعد زينة

بس المشكلة في الاكزيما ان اول من نوقف الكريمات (الكرتيزون)
تررررجع

ترجع لانه مايصير الاعتماد الكلي على الكريمات وبس

لازم توقف عن بعض المسببات الي هي :

الدجاج و البيض و الكيوي والمانجا والموز والسمك والربيان والبذنجان

وصابون الغسيل للملابس وصابون الجسم لازم يكون خالي بتااااتاً عن المعطرات
حتى العطور تسبب اكزيما ,,

[ديرة العز]

انا فيني اكزيما بالراس عبارة عن حبوب تطلع مثل حب الشباب وتسبب حكه بشكل مب طبيعي

وعقب تصير جروح وماخليت دكتور داخل قطر وبرا حتى اوروبا وامريكا ويعطوني بس مراهم

يقولك حطه على موقع الحبه او الجرح وعلى ذا الحال بس تخبرون الواحد يتملل كله راسه

كريمات خصوصا وضعنا بلبس الغتره لاكن ادعوء لنا الله يجزاكم خير طبعا انا صارلي 10

سنين على ذا الوضع واذا حد يقدر يفيدنا بشي يقووول وبصراحه ماعرف شنوا الي يهيجها

تخف وتزيد

[عذب الكلام 1]

الصبار زين انا مجربه على ولدى الحمدلله مع كل مسحه تخف الاكزيما بس راجع فهد الباكر جيد

[طموحة]

انا جاتني الاكزيما من 10 سنوات ولين الحين وانا بالعشرين من عمري

صعب نترك كل هالاكل ..

تطلع لي من الجفاف ارطب من اقعد ساعة ينشف جلدي

رحت للبياري والعبد الله والعمادي واحمد غازي اخيرا

والحين اداوم على الكورتزون يارب القى شي يشفيها

هي وراثية مع اني الوحيدة الي من اسرتي فيني اكزيما >_<

الله يشفينا جميعاً

[" روح قطر "]

تجربتة خالتي مع مرض الأكزيما عفنا الله منة ومن جميع الامراض

خالتي تشتكي من الأكزيما الشديده ماخلت دكتور ماراحت له وماخلت دواء ماستخدمتة بس للأسف كان يخف ويرجع مثل ماكان

قالت لها وحده من أمهاتنا الكبار عليج بالبحر كل ليله

وكانت خالتي بعد المغرب تروح للبحر وخصوصا الأماكن النظيفة سيف سيلين وسيف دخان

وأقسم بالله انها بدت تتحسن ووصتها العيوز أنها تروح أوقات الغروب لانه أفضل وقت لعلاج العين والحسد


ولاحضنا أن الأكزيما خفت بنسبة 70% وبدت تتحسن حالتها ومازالت خالتي متواصلة مع البحر

وحاليا ماتستخدم أى أدوية بس تنقع نفسها في البحر لمده ساعه أو أقل كل ليلة

وأنا انصحك وأنصح كل مبتلي أنة يروح للبحر وصدقني اذا نفعك ولا ماضرك بأذن الله

والله يشافيك ويشافي كل مسلم

[مـــــنــاف]

الــــشافــي رب الــعالـــمين ســـبحانـــه , والأكــزيــما مُــتعددة الأنــــواع , فالــبعض تــستمـر هــذه الـــمشكـله مــــعه ســـنين قـــد تــــمتد إلـــى (عـــشرين ســـنه وأكــثر) والــبعض الآخــر لـــفتــرة قــــصيره وتــــنتهــي .

الــعلاج لــــيس الأهــــم ولــــكن الأهـــم كــيفـيه الإبــتعاد عــن مـــسببـاّت هـــيجـانـــه وهــي مُـــتعـّددة وذكــرها الأخـوان والأخـــوات بارك اللــه فــــيهــم .

نصـــيحــتي (لا تـــــغضــب , لا تـــــزعــل , لا تـــنفـــعل , لا تـــحرق دمـــّك وأعـــصابـــك) لأن كُــل ذلــك ســـوف يـــؤدّي إلــى تــــدفــّق الــدم فــي الــشرايـــين وإتـــسّاعــها مـــمّا يـــؤّدي إلــــى هـــيجان وتــــفاعــل الأكـــزيـــما .

لاتـــزعـــلون .. ووســــعوا الـــصدر


واللـــه يـــعافــيكم ويـــشفــيكم