استفسار...

[نونه الحلوه]

شباب انا سيارتي مورانو موديل 2005

من 3 شهور تقريبا اختربت وقامت تبند علي بالشارع وداها الكراج قاله الهندي ان القير خربان فتحها بالكامل ومدري وشركب ورجع ركبها وقال نفس الشئ الظاهر مو من القير منقهره عليه ودي اعطيه كف على ويهه :anger3:

وتمت عنده حول اكثر من شهر ولا عرف علتها خذناها كراج ثاني متخصص في قير الاتموماتك وبتكمل عنده شهر بعد واخر شئ يقول ماعرفت لها ومحد عارف علتها شنو ممكن تكون

ياريت تدلوني على كراج شاطر في هالنوعيه من السيارات لاني بديت اكره السياره والله دشينا فالشهر الرابع وللحينها من كراج لين كراج محد عارف علتها اشدعوى يعني لو اوديها الخباز بيعرف علتها

منقهره ساعدوــــي:anger3:

[راعي 2006]

اختي وديها الوكاله يشيكون عليها بالكمبيوتر ..

عالاقل تعرفين وش علتها وبعدين شوفي اذا سعر الوكاله مناسب صلحي عندهم احسن واضمن

يمكن يطلع شي بسيط والعالم الي برع بيزيدون لج الطين بله ..

واذا السعر مب مناسب عالاقل تكونين عرفتي وش العله وتودينها كراج وتقولين له الموضوع احس من مايتفنن ويتفلسف ..

وهذا رايي والله يوفقج يارب

[أبو بكر سالم]

اختي في كراج في الصناعيه اسمة التركي الالماني والله شغلهم نظيف واسعارهم زينه يعني ويطلعون لج العلة في يوم او في نفس الوقت كل الى يشتغلون من تركيا وعندهم صراحة مخ مب نفس الهنود وبالنقال شارع 16 ثاني كراج على يسارج في شارع الكراجات وبالتحديد تلاقين الكراج على اليسار ومسجد ساره على طول يمينه
او مثل ماقال اخوي راعيى 2006 بس المشكلة الوكالة عادي يقعدون وقت لين يجي دور السيارة في الفحص
عادي اسبوعين صارت لي تجربة عندهم بهل الموضوع تنقعت سيارتي اسبوعين على بال ماجاء دورها في الفحص... والله يعينج على هل البلوة (الصناعيه)= بلوة

[نونه الحلوه]

(الصناعيه)= بلوة


لا والله منو يقولك ان الصناعيه بلوه انا اقول مصيبــــــــه..

المشكله ان الميزانيه ماتسمح حق الوكاله شركتها حاليا

تسلم اخوي على اسم الكراج بوديها له اخر محاوله

[الحزين4800]

الدوحه متروسه كراجات

والله يعينج

[نونه الحلوه]

ههههههههههه

ادري ان الدوحه متروسه كراجات

المشكله وديناها كذا كراج يشيك ويقول ماعرف شنو علتها

[QATAR2010]

بيعها وريحى راسج

[نونه الحلوه]

ببيعها خربانه مابتجيب شئ اخوي انا ابي اصلحها عشان ابيعها

[مستثمر 999]

مضخة البترول ( فيول بومب ) طبعا مع تغيير فلتر البترول وتنظيف البخاخات

حدث العاقل بما يليق

صج نصابين .. ايش جاب لجاب

[ali8.1]

اله يعينج على الكراجات والنصابين اللي فيها

[abdulla4u]

كلام اخوي مستثمر 999 اخوي صحيح لن سيارت واحد من الربع تمت تف تف فتره وتوقف عليه كل شوي وبعد معانها مع الكراجات طلع مثل مااقال بس الفرق ان السياره تويوتا ...
في كراج صوب شركه عبدالغني واسمه الخليج العربي فيه واحد فنان وقبل كل شوي قولي له عله السياره عقب يفحصهااااااااااااا ويتصل لج يقولج شنو فيها وكم تكلف ... واذا عجبج صلحي ماعجبج وشفتي انه غالي في واحد ثاني بعد بس عباله وصف كراجه ...

[بوحارب]

بلا كراج وبلا خربطة اكثر ما يعرفون شي ونصابين

وديها الشركة خالتي وريحي راسج بس الله يعينج على الخساير

[حواي الفريج]

مقيوله

مال البخيل مايبوقه إلا العيار

[لاجئ عاطفي]

انا عندي مرسدس ونفس الشي طفى علي في الشارع فجأة وعرفت ان السبب مضخة البترول مع فلاتر وهالامور واعتقد ان سيارتج نفس السبب لان ماشوف رابط بين ان السياره اتبند وبين الجير .. عموما وديها الوكالة وحاولي ماتخلين السياره اتصفر بترول عشان لاتخرب عندج مضخة البترول

[N!GHTWOLF]

اختي وديها الوكاله يشيكون عليها بالكمبيوتر ..

عالاقل تعرفين وش علتها وبعدين شوفي اذا سعر الوكاله مناسب صلحي عندهم احسن واضمن

يمكن يطلع شي بسيط والعالم الي برع بيزيدون لج الطين بله ..

واذا السعر مب مناسب عالاقل تكونين عرفتي وش العله وتودينها كراج وتقولين له الموضوع احس من مايتفنن ويتفلسف ..

وهذا رايي والله يوفقج يارب

:thumbup:

[ملك البضائع]

الله يعينج ويفكج منها أنشالله ,,,, بل كل هاذي وللحين محد عرف علتها ,, الله يكون بعون أختي

[بندر؟]

نصيحتي اذا السياره تمشي شوي روحي فحص السيارات بالكمبيوتر عند الطاير طريق سلوى فلبيني شاطر احسن من الحراميه اللي قريب منه من غير ذكر اسم ..المهم وقولي له افحص لي مشكلة التبنيده ..اذا مب من الفيول بمب اللي هو مضخة البترول ...بيكون سنسر بخاخ في مشكله يتغير وتنتهي المشكله ..بس الله يعينج الهنود تعبثوا في سيارتج وايد كلن يتعلم عليها وانشالله تطلع المشكله بسيطه
في كهربائي شاطر بعد باشوف لج اسمه صارت المشكله في سيارة واحد من الربع وبعد كم واحد قال له القير ..فحص السياره كمبيوتر وطلع سنسر خاص بالقير منكت عليه ماي

[نونه الحلوه]

يعطيكم العافيه
اخوي بندر مشكور على النصيحه