مساعده يا شباب بخصوص.........

[abu m7md]

السلام عليكم ورحمة الله وبركاته
اخواني
موتري رسب بافي الفحص الفني بسبت اليت الامامي من داخل كله تراب
ابي مكان ينظف لي الليت
كلموني عن مكان في الوكره بس بعيد عني احذى ميشلان اسمه بوش
مادري شغله اوكيه ولا لا
وابي اماكن ثانيه الي صارت معاه المشكله من قبل
بنتظاركم لاتبخلون علي

[لوردغاليري]

ماعرف حبيت ارفع

بالتوفيق

[abu m7md]

ماعرف حبيت ارفع

بالتوفيق

الجميع
وشاكر لك مرورك

[المناعي1]

مرحبا شنهو نوع السيارة و بعدين أليت الكبير ولا الاصطاب

[abu m7md]

مرحبا شنهو نوع السيارة و بعدين أليت الكبير ولا الاصطاب

vxr 2007
اليت بكبره فيه تراب من داخل مابي من برى
من برى مافيه شي بس من داخل متروس تراب

[القلم الصريح]

محل حمايه في شارع السد ينظف لك الليت من الداخل يرجعه وكاله

[نايم سهران]

بقولك اسهل حركه صراحه انا صارت لي ووديته محل زينه خليته يبطل الليت كامل ويرشه من داخل ماااااااي وخليته لين نشف وركبته مره ثانيه وبكره نجح وسلام عليكم هههههه

[بوغزلان28]

موفق اخوي واعتقد اخوي القلم الصريح افادك

[بوحارب]

بطل الليت في البيت ورش داخله ماي وخل الشمس تضربه وعقب رد ركبة

وبس:)

[XXX]

اخوي بوش يعدل مواتر او وظيفته يساعدك حق الفحص

بس ماعتقد ينظف الليت

اتوقع ف المسيله في محل ينظف

[ذأأ ؤؤلف]

اخوي انا من اهل الوكره وماعليك من بوش شغل يده اغلى من قطع الغيار والشغل مب مرتب اقرب محل زينه اذا قالك بخمسين عطه 100 وشوف شلون بيضبظلك الليت ليت التيوتا اعرف شباب يبطلونه في البيت

[المناعي1]

أقرب مغسلة سيارات الله لا يهينك بعد ما اتبطله في البيت و موضوعك خالص و بتوفيق أنشالله.

[HEART_LION]

محل الحمايه يبطل الليت ويرجعه وكاله وانا مجربه

[abu m7md]

الله لا يهينكم يا شباب
ماقصرتوا كلكم
والله يرحم والديكم ويجعلكم شفعاء في اهلكم.
اول شي بمر حماية الي في السد وبعدها بشوف محلات الزينه

لاهنتو
اخوكم
ابو محمد

[HEART_LION]

الله لا يهينكم يا شباب
ماقصرتوا كلكم
والله يرحم والديكم ويجعلكم شفعاء في اهلكم.
اول شي بمر حماية الي في السد وبعدها بشوف محلات الزينه

لاهنتو
اخوكم
ابو محمد

لاتعب نفسك اذا ماتعرف محل لاتروح تدور محلات الزينه مايسوولك شي بيقولوك تبدل الليت تجاري انا مار عليهم مالقيت مكان ينظفه من داخل ورحت الحمايه سويت الليتين 600 ريال فكسار نفس موترك