قطري متغرب في امريكا آتوقعــون شنو فطوره ؟ "صــور" [الأرشيف]

al-sadd

26-08-2010, 05:17 AM

بسم الله الرحمن الرحيم

شحالكم يا جماعه الخير ^^
اول شي احمدو ربكم ع النعمه الي انتو فيها هههه
لانكم حاليا راح تشوفون على مغامراتي ههههههههه :eek2:

حاليا انا في امريكا للدراسه :strong2:
وطبعا في البدايه قلت بفطر باقي رمضان لان
اتعرفون اول مره اروح امريكا وصيامهم طوييييييل
وتعب وحاله ^^ لاكن الحمدلله اول يوم وهو يوم السفره فطرت ولاكن من بعده ولله الحمد كله صايم omen

ع العموم امس كان فطوري Pizza Hut
وانا مب لي ذاك الزود مع البتزا فقررت ان اليوم بفطر من ايدي :thumbup:

آول شي سويته رحت السوبرماركت وشريت لحم مفروم وكاتشاب وروتي و...و..و.. إلخ !:deal:

ولاكن حضرتي نسيت اشتري بهارات ونسييييت ان اللحم المفروم بدون ابهارات

ولاكن علاشان تعرفون ان شباب قطر يدبرون نفسهم :strong2:
يوم تطلب من بيتزا هات يعطونك ابهارات تحطها على البيتزا
ههههههه فـــ استخدمتها =)

المهم نبتدي على بركه الله الاذان الساعه ٨ و دقيقتين
فـ بديت قبل بـ ١٠ دقايق
:thumbup:

اول شي جبت اللحم
وخليته شوي بره علاشان يلين

http://www.mediafire.com/imgbnc.php/14711692104a235bdec224c3588838c34g.jpg

وبعدها جبنا البيض وجهزناه ^^"

http://www.mediafire.com/imgbnc.php/9fce70cf08de0dfa1c0f66ea01a47c314g.jpg

وبدينا باللحم :eek2: امممممم شزينه وشحلاته
طبعا ملاحضين الابهارات ^^"

http://www.mediafire.com/imgbnc.php/afed2cf0caef5f3291b2c74adad5b3cd4g.jpg

صوره عامه لمطبخي المتواضع :yu:

http://www.mediafire.com/imgbnc.php/b608f4dd0e92b0d4b663d943e6d209ab4g.jpg

واخيييييرا خلص اللحم :eek2:

http://www.mediafire.com/imgbnc.php/bf2ab9a8d4db0a0d5b490fc165aeeb224g.jpg

والبيض خلص او بيخلص :looking:

http://www.mediafire.com/imgbnc.php/84f6a179e61e76c87b9b9019a585f4774g.jpg

الحين ننتجه للروتي علاشان نجهزه للوليمه هع :thumbup:

http://www.mediafire.com/imgbnc.php/fa69775b352c60e5c952e694b16936144g.jpg

شويه كاتشاب ومايونيز :eek2:

http://www.mediafire.com/imgbnc.php/72cddf885b9a096c140fb65753fe88d94g.jpg

ويوم خلصت طبعا هههههههههههههههههه تذكرت ان عندي شويه باستا
مالت امس هههههههه فقلت يلا نسخنها
وهاذي هي بجمب المحروووووس :thumbup:

http://www.mediafire.com/imgbnc.php/363629f2d27d7ac50e2d8bf960f980264g.jpg

واخيرا تم القضاء عليهم :pioneer:

http://www.mediafire.com/imgbnc.php/b56f63e66ae3ba6f1043937d3e384f7c4g.jpg

شرايكم بفطوري ^^
حلو صح هههههههه

فديت المندي والله
حلاته تمر اخوان الافغاني ع الساعه ١ وتهوووووس ع المندي
وتمرلك على كرك نعيمي واخذلك ذاك الكرك المضبووووط واتذكر بوحارب
مدمن الكرك هههههه :eek2:

اييييه والله لكم وحشه يا الدوحه
ولك وحشه يا ذيبي العزيز
لا لا ماقدر لاتدرون الماجع :no::no::no:

http://www.mediafire.com/imgbnc.php/1ebe78e5890622df84c3a092c050e8964g.jpg

واخيرا نستودعكم بالله بيوم اخر في حياتي ^^ ههههههههه
وابشرو بكم تقرير في الاقوات الجايه ان شاء الله =)
:yu:

JN000N

26-08-2010, 05:25 AM

وعليه كسرت خاطري :(

بس الصراحه فنان ههههههههه
ومطبخك تحفه

بس قول الصج
كلته والا تغصبت عليه؟ :p

عليك بالعافيه والله يوفقك ويسهل دربك ان شالله وييسر امورك
وترجع الدوحه بالسلامه بين هلك وربعك

تسلفني هالاليف اللي عندك:eek2:

al-sadd

26-08-2010, 05:29 AM

مرحبا اختي جنون ^^
الشي الوحيد الي متاكد منه ان الباسته كانت تماااااام
لاكن اي شي ثاني مش متاكد هههههه ^^
والله يوفق الجميع اختي منوره

شيط ويط

26-08-2010, 05:30 AM

تقبل الله صيامك وفيه العافيه .. والله يعينك على الغربه وبلاويها ... ويردك لاهلك سالم

aljaber1

26-08-2010, 05:33 AM

الاهم الله يوفقك ويحقق الاماني
وترجع بسلامة والله يسعدك

al-sadd

26-08-2010, 05:35 AM

مرحبا شيط ميط و الجابر ^^
والله يعين الجميع ان شاء الله
=) نورتونا

**هـتــــــان**

26-08-2010, 05:37 AM

فيه العافيه .

:)

روضه الجنة

26-08-2010, 05:52 AM

ويييييه حرااااام هههههههههههههه
الله يوفقك في دراستك

بوحارب

26-08-2010, 06:04 AM

هههههههههههههههههههههههههههههههههههههههههههههههههه ههههههههاااااااااااااااااااييييييييي

اما عليك تقرير ماله حل خخخخخخخخخخخخخخخخخ

الله يعينك اخوي ويوفقك في دراستك يارب :(

والله كسرة خاطري بس الله يعينك

على العموم شد حيلك في دراستك وحاسب على روحك في الغربة وأعلم ان الله يراك

بالنسبة للأكل والله ماوصف لك وش حلاة الأكل في الدوحة <<< بخليك تكرهني الحين :(

المعاصر تقولك اقرب
والعيوش بكل انوعها بعد تقول هل من مجيب
وووووو الأكلات اللي ما تطلع الا في رمضان تنادينا تعالوا كلوني :(

والحين بخليك مع كم من صورة يمكن تشبع بشوفتهم

شوف الصور بس ارجوك لاتسبني هههههههههههه

http://www.7mmlbs.com/img/Wbu18932.jpg (http://www.7mmlbs.com/)

:(

http://www.7mmlbs.com/img/BOP18933.jpg (http://www.7mmlbs.com/)

مال المطابخ الشعبية :(

http://www.7mmlbs.com/img/h1518934.jpg (http://www.7mmlbs.com/)

حتى كرك وقت الشاي حلو

http://www.7mmlbs.com/img/dQ318935.jpg (http://www.7mmlbs.com/)

لي رديت تعال كرك في خيمتي :(

http://www.7mmlbs.com/img/mjw18935.jpg (http://www.7mmlbs.com/)

كلاب مع شبس

http://www.7mmlbs.com/img/QjL18935.jpg (http://www.7mmlbs.com/)

ليكون نسيت هذا بعد :)

والسموحة على تقليب المواجع

][الجوكر][

26-08-2010, 06:13 AM

هههههههههههههههه الله يغربلك يا سعووود شمسووووي انت كاااااااااااككككك

والله يعينك على بوحارب بيقعد يملغ عليك هههههههههههه

شدعوه بوحارب قلتلي بعزمك على كرك وسحبت علي هههههههههه

al-sadd

26-08-2010, 06:15 AM

روضه الجنه وهتان منوريييين =)
تعال بوحارب بتفضالك الحين هههه
تصدق كرهتك :anger3:
هههههههههههه
ااااااخ فديت الاكل والله شزينه وشحلاته :no:
ياخي ماتقدر اطرشلي
واهم شي كرك من ايدك =)

al-sadd

26-08-2010, 06:18 AM

بووليد منووووووور =)
وان شاءالله بوحارب مب مقصر معاك ^^
بيعزمك

ناصح لكم

26-08-2010, 06:28 AM

If you have microwave oven you should buy a ready made kosher meal
Heat it and eat it

al-sadd

26-08-2010, 06:36 AM

ناصح للكل
nice idea but do u think i can eat 4 years like this food ^_*؟
any way now i'm searching for Indian food's near for my apartment
but any way i still need to make a food by my self =)
welcome and thx for the advice

toomi9

26-08-2010, 07:14 AM

هههههه وعلياااا علييك
الله يعيينك والله
اهم شي شلون الابهارات ضبطت معاك ؟؟؟

al-sadd

26-08-2010, 07:19 AM

مرحبا تومي
اي نعم اضبطت ^^
ماتوقعت تطلع حلوه جي ^^ هههههه
منوره =)

السيف5

26-08-2010, 07:33 AM

الله يعينك على الغربة وتكمل دراستك

واصبر مع الوقت بتصير احسن طباخ

اخر العنقود

26-08-2010, 08:34 AM

:omg:

:weeping::weeping::weeping:

عورت قلبي

الله يعينك ويوفقك في الدراسه

نون

26-08-2010, 08:52 AM

المندي سهل اخذ الطريقة من الموقع اكتب طريقة المندي

شويهينــه

26-08-2010, 09:04 AM

واعلييه

الله يردك سالم ان شاء الله

يعني بتعيد بروحك في امريكا؟؟:weeping:

al-sadd

26-08-2010, 10:16 AM

الله يعينك على الغربة وتكمل دراستك

واصبر مع الوقت بتصير احسن طباخ

لعيونك اصير شييف لو تبي هههههه
منور خيوو

:omg:

:weeping::weeping::weeping:

عورت قلبي

الله يعينك ويوفقك في الدراسه

الله يوفق الجميع ان شاء الله منوره ^^

المندي سهل اخذ الطريقة من الموقع اكتب طريقة المندي

هههههه اخر مره سويت عيش ابيض وليس مندي جبتلي وجبت للربع تسمم
والوصفه ماخذها من النت :eek2:
ع العموم مرحبا فيكــ/ــج اخويــ/ـــــتي

واعلييه

الله يردك سالم ان شاء الله

يعني بتعيد بروحك في امريكا؟؟:weeping:

اي والله الضاهر هالسنه والي بعدها والي بعدها والي بعدها مب
معيدين في الدوحه :no:
منوره اختي شويهينه

قلم حائر

26-08-2010, 01:20 PM

الدوحة 2010

26-08-2010, 01:25 PM

تقبل الله صيامك وفيه العافيه

سوق الحره

26-08-2010, 01:48 PM

الله يصبرك ويوفقك ويردك سالم

383 STROKER

26-08-2010, 03:10 PM

هههههههههههههههههههههه
والله العظيم ذكرتيني بنفسي يوم كنت ادرس بامريكا نفس الشي افطر على برجر بس احطه في صينيه داخل الفرن واروح اتسبح وارجع الا ومحترق خخخخخخخخخخخ والله ايام وراحت الله يوفقك وترجع سالم غانم :)

sara jsm

26-08-2010, 03:47 PM

^ ^ حركاااات ,,
عليك افكار حلووة والله ,,
اذا محتاج وصفات اشياء خفيفه قولنا واحنا في الخدمة ,, :)
وعليك بالعافية هالاكل ,,
وترجع بالسلامة يارب ,,

al-sadd

26-08-2010, 11:14 PM

الله اغربل ابليسك يا بوحارب غربلت الريال بالغربة :anger3:

اخوي الله اعينك عالغربة بس شد حيلك وربي اوفقك واستحمل عشان توصل واتحقق هدفك
جربت الغربة والله مب حلوة :nono:

ربي ارجعك بالسلامة لاهلك ولديرتك انشاالله

الله احفظك omen

شفتي شلون يقهرني :no:
الله يعين الجميع ^^
وحياج الله منوره =)

تقبل الله صيامك وفيه العافيه

الله يعافيك ماقصرت ^^
يا مرحب الساع نورت ^^

الله يصبرك ويوفقك ويردك سالم

الله يعافيك ويسلمك ماقصرت
ومنور اخوي =)

هههههههههههههههههههههه
والله العظيم ذكرتيني بنفسي يوم كنت ادرس بامريكا نفس الشي افطر على برجر بس احطه في صينيه داخل الفرن واروح اتسبح وارجع الا ومحترق خخخخخخخخخخخ والله ايام وراحت الله يوفقك وترجع سالم غانم :)

ههههههههههه
مردنا بنكبر وبنتذكر هالايام ونضحك علر نفسنا ههههههه
منور اخوي =)

^ ^ حركاااات ,,
عليك افكار حلووة والله ,,
اذا محتاج وصفات اشياء خفيفه قولنا واحنا في الخدمة ,, :)
وعليك بالعافية هالاكل ,,
وترجع بالسلامة يارب ,,

شفتي شلون الحاجه ام الاختراع ^^
غصب تطلع افكار
بوووه واذا ع الوصفات بمللكم معاي :looking:
والله يعافيج ويسلمج ومنوره ^^

غزلان

26-08-2010, 11:35 PM

بالعافيه اخوي

لو مسوي لك عيش شلاني وماكله مع روب كان اسهل واحلى

عيون Qatar

27-08-2010, 12:01 AM

هههههه شد حيلك اخوي السد

والله يسـهل علـيك غربتـك ويوفقـك في دراستـك ,,

شاهيناز

27-08-2010, 01:42 AM

الله يردك لهلك ان شاءالله

بس اللحمه شوي تبي اضافات حتى تصير افضل

شكلها يكسر الخاطر:no:

http://www.mediafire.com/imgbnc.php/bf2ab9a8d4db0a0d5b490fc165aeeb224g.jpg

وصحتيين خيو

الحره

27-08-2010, 02:07 AM

يحليك والله تعرف حق بطنك خخخخخخ

ايه ترى الدببه ما ينخاف عليهم بالغربه ^_^

بالعافيه عليك ياخوي والله يوفقك ان شاءالله

al-sadd

27-08-2010, 03:02 AM

بالعافيه اخوي

لو مسوي لك عيش شلاني وماكله مع روب كان اسهل واحلى

علاشان يجيني احلى تسمم هههههههه
:looking:

منور اخوي =) يامرحبا فيك

هههههه شد حيلك اخوي السد

والله يسـهل علـيك غربتـك ويوفقـك في دراستـك ,,

لاتوصين :thumbup:
والله يسهل ويسر ع الجميع ان شاء الله

الله يردك لهلك ان شاءالله

بس اللحمه شوي تبي اضافات حتى تصير افضل

شكلها يكسر الخاطر:no:

http://www.mediafire.com/imgbnc.php/bf2ab9a8d4db0a0d5b490fc165aeeb224g.jpg

وصحتيين خيو

ههههههههههه
اي والله تكسر الخاطر لاكن عادي الجوع ظالم ههه
منوره شاهيناز =)

يحليك والله تعرف حق بطنك خخخخخخ

ايه ترى الدببه ما ينخاف عليهم بالغربه ^_^

بالعافيه عليك ياخوي والله يوفقك ان شاءالله

حاضرين اندبر نفسنا وقت العازه :eek2:
الله يعافيج ومنوره =)

قطرية بعيون

27-08-2010, 03:32 AM

وي كسرت خاطري امبيه الله يعينك

حليتان*

27-08-2010, 03:34 AM

ههههه بالعااافيه

بس ماشفت الصور ... النت عندي مادري شبلاه مخرف العاده <<< الخلل من عندي

الله يردك بالسلامه

al-sadd

27-08-2010, 05:49 AM

وي كسرت خاطري امبيه الله يعينك

الله يعين الجميع ان شاءالله
ومرحبا فيج اختي ^^

ههههه بالعااافيه

بس ماشفت الصور ... النت عندي مادري شبلاه مخرف العاده <<< الخلل من عندي

الله يردك بالسلامه

لا لا لا لا مالي شغل لازم اتطلع الصور :anger3:

اعقل مرجوجه

27-08-2010, 01:48 PM

بوخالد911

27-08-2010, 03:29 PM

حلووو

الله يسهل علييك

عذوبـة قلم

27-08-2010, 03:43 PM

للغربـة ذكريات لاتنسـى .. بتمر عليكـ آيام من التعب تاكل فالطابي اللي تطبخ فيــه هههه
واذا عندكـ دجاجـه .. بتروح نصها وانت تغسلها ماتعرف وين ..!!

الله يكون في عونكـ ويهون عليكـ غربتـكـ .. وترجع لهلكـ حامل الشهادة بفخر ..
وترجع تصير هالأمور كلها مجرد ذكريتـات ..

والله ولـي التوفيـٌق ..

بولينجر

27-08-2010, 07:43 PM

والله كسرت خاطري اخوي السد.... صج الغربة صعبة.... الله يعينك وتجيب الشهادة اللي تفتخر فيها.... وترجع لهلك وبلادك......

w4rr10r

27-08-2010, 08:00 PM

الله يعينك اخوي السد وان شاء الله بعد كل هاي التعب والغربه تحقق كل الي تبيه ..

وتقبل الله صيامك , موفق ..

al-sadd

27-08-2010, 10:53 PM

مايندرى عن اللحم حلال والا بلاش هههههه الله يعينك صج والله فقر خخخ ذكرتني يوم كنت مسافره هالصيف جربت الجوع والاكل اللي ماله طعم وعرفت قيمة بلادي تاج فوق الراس الله يديم النعمه ... اقول كان ودي في الذيب بعد رمضان عشان يأكل الجنانوه ويقطعهم لي اذا كانو مندعسين في البيت سمعت انهم يخافون من الذيابه هههههه

والله بخصوص اللحم انما الاعمال بالنيات ههههه الي شاري من عنده اللهم
كان عربي - فلسطيني عاد مايندرى ههههههه :looking:
من صوبك الذيب الشيخ =) هههه
ومنورنا بمرورك =)

حلووو

الله يسهل علييك

ع الجميع ان شاء الله اخوي =)
نورتنا بردك :thumbup:

للغربـة ذكريات لاتنسـى .. بتمر عليكـ آيام من التعب تاكل فالطابي اللي تطبخ فيــه هههه
واذا عندكـ دجاجـه .. بتروح نصها وانت تغسلها ماتعرف وين ..!!

الله يكون في عونكـ ويهون عليكـ غربتـكـ .. وترجع لهلكـ حامل الشهادة بفخر ..
وترجع تصير هالأمور كلها مجرد ذكريتـات ..

والله ولـي التوفيـٌق ..

اي والله اختي الحين بنتعب لاكن ان شاءالله اذا كبرنا بنقول ااااخ على ذيك
الايام ^^
والله يوفقج اختي ويفقنا اجمعين ان شاءالله omen

والله كسرت خاطري اخوي السد.... صج الغربة صعبة.... الله يعينك وتجيب الشهادة اللي تفتخر فيها.... وترجع لهلك وبلادك......

امين الله يسمع منك :no:
ومرحبا فيك اخوي

الله يعينك اخوي السد وان شاء الله بعد كل هاي التعب والغربه تحقق كل الي تبيه ..

وتقبل الله صيامك , موفق ..

امين omen
منور اخوي عبدالرحمن =)
والله يوفقك ان شاءالله

sweet_lemon

28-08-2010, 03:04 AM

والله كسرت خاطري :(

ربي يوفقك في دراستك ويعينك على الغربه

يبي لك كورس في الطبخ .. اشياء خفيفه وبسيطه بتمشي الحال لحد ماتسوي المجبوس ان شاء الله :nice:

al-sadd

28-08-2010, 04:38 AM

والله كسرت خاطري :(

ربي يوفقك في دراستك ويعينك على الغربه

يبي لك كورس في الطبخ .. اشياء خفيفه وبسيطه بتمشي الحال لحد ماتسوي المجبوس ان شاء الله :nice:

مرحبا والله كورس مايكفي قولي ٤-٥ كوسات ههههه
ومرحبا فيج اختي منوره

QATAR2010

28-08-2010, 04:44 AM

اخوى الله يعينك على الغربه وترجع لاهلك سالم غانم

انت اى ولايه اخوى

al-sadd

28-08-2010, 05:56 AM

اخوى الله يعينك على الغربه وترجع لاهلك سالم غانم

انت اى ولايه اخوى

الله يعين الجميع ان شاءالله =)
وياطويل العمر انا فـ ولايه مينيسوتا بالتحديد في مينابولس
ونورت الموضوع اخوي

بوحارب

28-08-2010, 06:08 AM

[الجوكر][;6271842']هههههههههههههههه الله يغربلك يا سعووود شمسووووي انت كاااااااااااككككك

والله يعينك على بوحارب بيقعد يملغ عليك هههههههههههه

شدعوه بوحارب قلتلي بعزمك على كرك وسحبت علي هههههههههه
ههههههههههههههههههه انت شفت رفيجك وشسوى في الهمبرجا

قلبها ستيك بالمقلوب خخخخخخخخخخ

كل يوم تقريبا امر صوب الكرك وماشوفك انت وين تروح ووين تجي :pioneer:

خلاص ولا يهمك اليوم العصر الكرك علي :eek2:

روضه الجنه وهتان منوريييين =)
تعال بوحارب بتفضالك الحين هههه
تصدق كرهتك :anger3:
هههههههههههه
ااااااخ فديت الاكل والله شزينه وشحلاته :no:
ياخي ماتقدر اطرشلي
واهم شي كرك من ايدك =)

هههههههههههههههههههاااااااايييي

والله لو يصير كان طرشت لك الأكل كله

بس انت وين وانه وين !:(

أن شاء الله لما ترجع بالسلامة بنروح انكرك انه وانت والجوكر وعلى حساب الجوكر بعد :thumbup:

al-sadd

28-08-2010, 06:58 AM

ههههههههههههههههههه انت شفت رفيجك وشسوى في الهمبرجا

قلبها ستيك بالمقلوب خخخخخخخخخخ

كل يوم تقريبا امر صوب الكرك وماشوفك انت وين تروح ووين تجي :pioneer:

خلاص ولا يهمك اليوم العصر الكرك علي :eek2:

هههههههههههههههههههاااااااايييي

والله لو يصير كان طرشت لك الأكل كله

بس انت وين وانه وين !:(

أن شاء الله لما ترجع بالسلامة بنروح انكرك انه وانت والجوكر وعلى حساب الجوكر بعد :thumbup:

الهمبرقر الي تكلم عنها هاذي ضحت بنفسها علاشاني :eek2:
هههههههههه :funny:

لا خلاص ذليتني ع الكرك ماتبي تطرشه :no:
بسويلي كركتشينو ! :thumbup:
هههههههه
يازين طلتك يابوحارب توسع الصدر :app2:
وبعدين الكرك الي بيجي من الجوكر مابيه :nono:
يقولونلك يوصي الهندي يحط لنا شويه عشرج في الكرك مايخلينا نتهنى فيه
هاي سوالفه اسئلني عنه اعرفه ههههه:yes:

نورتنا والله يا بوحارب =)
وعساها دوم هالفرحه والله
=)

findi

28-08-2010, 07:13 AM

براافو والله

حلو لما يكون اكلك من سوا يدك ابرك من اكل هالمطاعم

الله يكون بعونك اخوي والله يووفقك ويرجعك لهلك بالسلامه

sendarala

28-08-2010, 10:37 AM

الله يعينك يا اخوي ويصبرك على هذا الفطور
بالعاااافية يا رب

biz-qtr

28-08-2010, 05:42 PM

بااااااال الله يعينك والله

... مالك الا انت تطلع منه اكلات خفيفه ...

...وشوي شوي بتصير شيف :) ...

بوحارب

28-08-2010, 05:45 PM

صدقني اني احبك والدليل بحط لك هالصور :(:(

http://www.7mmlbs.com/img/HPf33003.jpg (http://www.7mmlbs.com/)

http://www.7mmlbs.com/img/kv133003.jpg (http://www.7mmlbs.com/)

http://www.7mmlbs.com/img/WDO33003.jpg (http://www.7mmlbs.com/)

http://www.7mmlbs.com/img/ymw33003.jpg (http://www.7mmlbs.com/)

اتحداك اذا في حد من المنتدى يحبك كثري

يلا شوف الصور واشبع :(: هههههههههههه

وخلاص مانبي كرك من عند الجوكر هههههههههههههههههه

بنروح انه وانت بروحنا بس على حسابك :(:( هههههههههه

**هـتــــــان**

28-08-2010, 07:44 PM

مستر بن

28-08-2010, 07:47 PM

تقبل الله صيامك

al-sadd

28-08-2010, 10:46 PM

الله يعينك يا اخوي ويصبرك على هذا الفطور
بالعاااافية يا رب

الله يعين الجميع ان شاءالله
=)
منوره خيتووو ^^

بااااااال الله يعينك والله

... مالك الا انت تطلع منه اكلات خفيفه ...

...وشوي شوي بتصير شيف :) ...

هههههه وهاي الضاهر ^^ :thumbup:
شكلي برد الدوحه بشهاده شيف مب شهاده جامعيه ههههههه
منور اخوي =)

صدقني اني احبك والدليل بحط لك هالصور :(:(

اتحداك اذا في حد من المنتدى يحبك كثري

يلا شوف الصور واشبع :(: هههههههههههه

وخلاص مانبي كرك من عند الجوكر هههههههههههههههههه

بنروح انه وانت بروحنا بس على حسابك :(:( هههههههههه

اصبر انت لك رد خاص !!!١ :anger3:
عاد الله يعينك الحين :eek2:

بو حارب صج صج طلعت شرير شمسوي بالرجال ...مستغل نقطه ضعفه وهو برع..ياعزتي له منك :yes:

:no::no::no::no::no::no:
وآسفتاه وآسفتاه
شفتي شلون
لاكن معليه !! نحاسه له بروح اقرب مطعم هندي بقردنه يوسيلي مندي
مابعده مندي :thumbup:
نحاسه لبوحارب هههههههه

تقبل الله صيامك

و تقبل الله منا ومنكم صيامنا وقيامنا
منوره اختي مستر بن =)

al-sadd

28-08-2010, 10:52 PM

بوحارب شكلك ناوي اتدخلني بمراحل من التعذيب
وانا احلى شي عندي الاكل وخاصه هالسوالف :no:
ياخي ارحمو من في الارض يرحمكم من في السماء :cry2:
بس نحاسه لك !!!
ههههه بدبرها من تحت طأطيئ الارض <<< اتحداك تقولها ١٠ مرات :tomato:
صدقني الي مايروح يشتري عيش وبهارات ويسويله مندي في البيت
ولعيونك اتسمم ماعندي مشكله بس نحاسه وابرد عن خاطري :no:
ههههههههههه
"طبعا توقعو تسمعون خبر وفاه طالب في امريكا بسبب تسمم"
لاكن بأكون بذمتك :no:

بنت ذياب

28-08-2010, 11:32 PM

ههههههههههه

فيه العافيه اخوي

ذكرتني بواحد من الاهل متغرب عشان الدراسه

وهاي افطوره ..

http://up.arab-x.com/Aug10/PDV27189.jpg (http://up.arab-x.com/)

http://up.arab-x.com/Aug10/lsP27189.jpg (http://up.arab-x.com/)

http://up.arab-x.com/Aug10/gzh27189.jpg (http://up.arab-x.com/)

:tooth: ههههههههههههههههههههههه

al-sadd

29-08-2010, 12:09 AM

مرحبا بنت الذيب منورتنا والله =)
ياخوج الضاهر انه يعرف يطبخ مب نفس حالنا -،-
الله يعين ان شاءالله

بوحارب

29-08-2010, 02:05 AM

بو حارب صج صج طلعت شرير شمسوي بالرجال ...مستغل نقطه ضعفه وهو برع..ياعزتي له منك :yes:
اشفيج انتي انا مب قصدي احره ولا شي

بس كنت ابيه يشوف الأكل عشان ما يحس باليوع زيادة :(:(

بوحارب شكلك ناوي اتدخلني بمراحل من التعذيب
وانا احلى شي عندي الاكل وخاصه هالسوالف :no:
ياخي ارحمو من في الارض يرحمكم من في السماء :cry2:
بس نحاسه لك !!!
ههههه بدبرها من تحت طأطيئ الارض <<< اتحداك تقولها ١٠ مرات :tomato:
صدقني الي مايروح يشتري عيش وبهارات ويسويله مندي في البيت
ولعيونك اتسمم ماعندي مشكله بس نحاسه وابرد عن خاطري :no:
ههههههههههه
"طبعا توقعو تسمعون خبر وفاه طالب في امريكا بسبب تسمم"
لاكن بأكون بذمتك :no:

طقط الارض طقطط الأرض طلافط الألاض <<< مافيه مجال اقولها :shy:

لا لا يبه لا تتهور وتسوي طبخة ماتدري اذا هي ناضجة او لا :(

خلاص مب حاط لك صور اكل ولا شي

بس برويك سحوري حق اليوم عشان ماكون خنتك وتقول بوحارب ياكل ولا يقولي :funny:

طبعا هذا دليل ثاني اني احبك واهتم فيك :(

http://www.7mmlbs.com/img/bAt63909.jpg (http://www.7mmlbs.com/)

برياني من نجمة الهند http://www.7mmlbs.com/img/fdA63911.gif (http://www.7mmlbs.com/)

غونان

29-08-2010, 03:29 AM

هههههههههههههههههههههههههههههههههههههههههههاي بوحارب انت قمة في التفجييير

بوحارب

29-08-2010, 03:56 AM

غونان خخخخخخخخخخخخخخ والله ماسويت شي :(

خالي عشان تتأكد اني مقدر شعورك شوف هالصورة وحاول تتذكر معاي شوي

http://www.7mmlbs.com/img/96070014.jpg (http://www.7mmlbs.com/)

تخبر هالايسكريم بو نص ريال

كليته وانه اطالع الفلم

وعلى فكرة عندي الفليزر في الغرفة متروس منه :( بس مب ماعطك ههههههههههههههههههههههههه

الله يوفقك في دراستك يارب وتتخرج بنجااااااح

ونتعشا عشى التخرج عيش ولحممممممم هههههههههه

][الجوكر][

29-08-2010, 04:16 AM

ههههههههههههههههههه انت شفت رفيجك وشسوى في الهمبرجا

قلبها ستيك بالمقلوب خخخخخخخخخخ

كل يوم تقريبا امر صوب الكرك وماشوفك انت وين تروح ووين تجي :pioneer:

خلاص ولا يهمك اليوم العصر الكرك علي :eek2:

هههههههههههههههههههاااااااايييي

والله لو يصير كان طرشت لك الأكل كله

بس انت وين وانه وين !:(

أن شاء الله لما ترجع بالسلامة بنروح انكرك انه وانت والجوكر وعلى حساب الجوكر بعد :thumbup:

بوحارب ترى كلها مره وحده وبالغلط شفتك يوم كنت تكبسلي عند الكرك

لانك انت الحين خونت وقمت تروح وقت الشاي

انا ما اروح اهناك الا علشان السوفليه

يلا افا عليك انت روح هناك واشرب وخله على الحساب

ترى عندي احساب هناك صج صج ما اقص عليك

الهاجري 2

29-08-2010, 05:41 AM

هههههههههههاااااي لحد يخرب عليه ويخليه يرد خلوه يكمل على راحته

الله يوفقك ويعيينك على صيامك

al-sadd

29-08-2010, 08:16 AM

اشفيج انتي انا مب قصدي احره ولا شي

بس كنت ابيه يشوف الأكل عشان ما يحس باليوع زيادة :(:(

طقط الارض طقطط الأرض طلافط الألاض <<< مافيه مجال اقولها :shy:

لا لا يبه لا تتهور وتسوي طبخة ماتدري اذا هي ناضجة او لا :(

خلاص مب حاط لك صور اكل ولا شي

بس برويك سحوري حق اليوم عشان ماكون خنتك وتقول بوحارب ياكل ولا يقولي :funny:

طبعا هذا دليل ثاني اني احبك واهتم فيك :(

http://www.7mmlbs.com/img/bAt63909.jpg (http://www.7mmlbs.com/)

برياني من نجمة الهند http://www.7mmlbs.com/img/fdA63911.gif (http://www.7mmlbs.com/)

:no::no::no::no:
بالعافيه
:no::no::no::no:

"زقوووووم ان شاءالله :anger3:"

هههههههههههههههههههههههههههههههههههههههههههاي بوحارب انت قمة في التفجييير

الضاهر بيجي من يفجره قرررريب :anger3:
منوره خيتووو =)

غونان خخخخخخخخخخخخخخ والله ماسويت شي :(

خالي عشان تتأكد اني مقدر شعورك شوف هالصورة وحاول تتذكر معاي شوي

http://www.7mmlbs.com/img/96070014.jpg (http://www.7mmlbs.com/)

تخبر هالايسكريم بو نص ريال

كليته وانه اطالع الفلم

وعلى فكرة عندي الفليزر في الغرفة متروس منه :( بس مب ماعطك ههههههههههههههههههههههههه

الله يوفقك في دراستك يارب وتتخرج بنجااااااح

ونتعشا عشى التخرج عيش ولحممممممم هههههههههه

سبحان الله ياخي واضح الحب ينقط عسل من ردودك
:no:

والله يسمع منك ان شاءالله ونتخرج ونفتك <<< توه بادي ويبي يفتك اي هيين

[الجوكر][;6282975']بوحارب ترى كلها مره وحده وبالغلط شفتك يوم كنت تكبسلي عند الكرك

لانك انت الحين خونت وقمت تروح وقت الشاي

انا ما اروح اهناك الا علشان السوفليه

يلا افا عليك انت روح هناك واشرب وخله على الحساب

ترى عندي احساب هناك صج صج ما اقص عليك

لا لا يا بوليد ماعليك منه يتهرب تلقاه يخش موتره ورا علاشان ماتصيده
هاي سوالفه :eek2:
وبعدين يا الخاين من متى كان عندك حساب فـ وقت الشاي ولا تقولي :nono:
كل هاي علاشان ماطلب باحسابك :anger3:

هههههههههههاااااي لحد يخرب عليه ويخليه يرد خلوه يكمل على راحته

الله يوفقك ويعيينك على صيامك

الله يوفقنا اجمعين ان شاءالله
وعلى فكره ترى هو بيكون السبب الاول والاخير :no:
ومن بكره برد باكل من اخوان الافغاني وبرجع اهني
قويه شوي صح؟ ههههه
منور اخوي ^^

همسه لبوحارب :
:strong3::strong3: انتظر البرياني جاي قررريب لعيونك برياني ربيان
بسويه يعني بسويه بخليك تكحل عيونك فيه :strong3::strong3:

][الجوكر][

29-08-2010, 08:44 AM

لالا يا بوعزووز اانا قلت انه عندي احساب لا حشا علي

هاي بوحارب الي عنده حساب

ييقول لك بوحارب يفتح له مطعم يبيع كرك وماي وشغل يده وهديه صيغ 3ونص مجاني والي يطلب 2 كرك له بروحه له صيغ وسبرنق ومكثف

امس شفت اعلانه في الوسيط اليوم انا محظر عنده بطلب لي عشرين قلاص وبحذفهم انا ابي الدعايه بس خخخخ

لكن مب قايل لك مكان مطعم بوحارب تايم علشان ما تخلصون عني الاصياخ والاسبرنقات

al-sadd

29-08-2010, 09:37 AM

[الجوكر][;6283689']لالا يا بوعزووز اانا قلت انه عندي احساب لا حشا علي

هاي بوحارب الي عنده حساب

ييقول لك بوحارب يفتح له مطعم يبيع كرك وماي وشغل يده وهديه صيغ 3ونص مجاني والي يطلب 2 كرك له بروحه له صيغ وسبرنق ومكثف

امس شفت اعلانه في الوسيط اليوم انا محظر عنده بطلب لي عشرين قلاص وبحذفهم انا ابي الدعايه بس خخخخ

لكن مب قايل لك مكان مطعم بوحارب تايم علشان ما تخلصون عني الاصياخ والاسبرنقات

هههههه لاتنسانا وانا اخوك ^^
<<< يتمصلح يدري انه مايقدر يروح ههههههه
ايييييييه والله زمن يابوحارب
بوحارب تايم :thumbup:
ماتحس ان تي تايم مقلدك يابوحارب؟
:strong2:

ههههههههه
بس غريبه ماعزم حد في المنتدى الضاهر يا بوليد حتى الكرك صار بس للربع والاهل :no:
ولا احنا برى الحسبه