الفزعه ياشباب بحسب تجاربكم من احسن دكتور ؟؟؟؟؟؟؟؟؟؟؟؟؟؟؟؟؟

[nagano]

السلام عليكم ورحمة الله وبركاته

اخواني اعضاء المنتدى الكرام

تقبل الله صيامكم يارب العلمين

عندي واحد من الشباب متزوج من سنه ونص تقريبا لكن الله مارزقه بعيال الى الان

والحمدلله على كل حال .

لكن الرجال ماخلا دكتور ماراح له لكن للأسف وبدون أسماء كلهم ماديين

وماطلع بنتيجه

فاللي عنده تجربه او يعرف دكتور زين يفيدنا

وجزاكم الله خير

[qatar1111]

الله يشفيه ويرزقه بالعيال

[nagano]

الله يجزاك خير

[toomi9]

انزين خل يصبر
في بعد السنتين ونص ربي رزقهم
والله يرزقه ان شااء الله الذريه الصالحه

[nagano]

مشكور على النصيحه

وين اهل الخبره ؟

[مالك أمل]

الصبر والدُعاء ومابعد الصبر إلا الفرج

ناس مارزقوا الا بعد سنتين واكثر

[toomi9]

صح تذكرت
انا سمعت سالفه انقالت
ان في الي ربي مارزقهم وعجزوا من كثر مايحاولون مع الاطبه وماخلوا مكان ماراحوه
وبعد الاسغفار لمدة معينه ربي رزقهم

انصحه يستغفر ويكثر من الاستغفار لهذا الهدف
والله يرزقه

[الــوفـــــي]

صح تذكرت
انا سمعت سالفه انقالت
ان في الي ربي مارزقهم وعجزوا من كثر مايحاولون مع الاطبه وماخلوا مكان ماراحوه
وبعد الاسغفار لمدة معينه ربي رزقهم

انصحه يستغفر ويكثر من الاستغفار لهذا الهدف
والله يرزقه



صـــــــدقت والله واحد اعرفه تم اربع سنوات ونص

وبعدهااا تدين الرجال وصار ايصلي الليل والصلاه ماتفوته

والله العظيم ماخلى دكتور بس بعد ماتقرب من الله على طوول

انهدو عليه لعيااال والله يرزق كل مسلم بالذريه الصالحه

[nagano]

جزاكم الله خير

[المخفي]

خله يروح عند مطوع بس انه يتأكد انه ما فيه شئ

[نون]

هلا انا عندي علاج 1 التوبوله يكل تابولة
2 ياكل كفيار وارخص نوع
يحصله في كل مجمع يبع مواد غدائيه السعر 18 الي 25 ريال لونين احمر واسود كل علبه من زجاج الله يشفيه ويرزقه بالعيال

[nagano]

الف شكر نون

[رجل الجزيرة]

في قسم المسالك البولية في مؤسسة حمد الطبية فرع جديد خاص بالإنجاب للزوجين بس خله يعمل فحوصات وتحاليل ولعل الله سبحانه وتعالى يرزقه وبعدين تجي دور زوجته للفحص ومثل ما ذكروا الإخوان - جزاهم الله خير - خله يكثر من الإستغفار.

[الصريحه]

تروح زوجته لوحده تمرخ واحسن وحده في هذا المجال ام محمد الايرانيه اللي في المطار واذا تبي رقمها رد علي بالخاص؟؟؟؟؟؟
لان اكثر اسباب تاخير الحمل يكون تحرك بسيط للرحم من داخل بسبب حمل او رفع اشياء ثقيله او تحريكها من مكانها او بسبب كثره الطلوع والنزول من الدرج والله اعلم
فالممرخه بس بالمساد تعدله وانشاء الله تحمل اما عن افضل دكتوره هي رزفي في مستشفى الاهلي كانت سابقا في العياده الخارجيه
ولاتنسى الصدقه والاستغفار سبب كبير بعد الله عزوجل
والله يرزقه وتبشرنا انشاءالله

[رمــش الغلا]

الدكتور عمر بوزينب
كانت وحده من اهلنا امعالجه عنده بعد عقم 7 سنوات الحمدلله الله رزقها بتوأم الله يحفظهم ان شاء الله

انصحكم فيه... وربي يكتب لهم الخير

:)

[OMG]

التزام الاستغفار وقراءة سورة البقره

وبعون الله راح يرزقهم الله

ومستشفى حمد فيها دكاتره ممتازين مثل مريم سلمان .. :)

الله يرزقهم بالذريه الصالحه ان شاء الله

[بنت ابوها 19]

افضل دكتور عدنان
ومن بعد علاجه وبفظل رب العالمين
ثلاث ترباع البنات الي كانو يتعالجون عنده

رزقهم ربي بالذريه الصالحه الحمدالله


العيادة بقرب لند مارك ..

وخله يكثر بالاستغفار ,,,

[ام رويشد]

اخووي ماوضحت يعني هم فحصوا وطلع منه العيب؟؟؟
لان اذا علاج حق الرياييل ماعرف
بس اذا حق زوجته خل تروح حق دكتورة ايفا في مجمع المنصور ممتااازه هالدكتوره
اعرف كم وحده حملت من علاجها ((بأذن الله طبعا)
والله يرزقه بالذرية الصالحه ان شاء الله

[ممنوع اللمس]

اخوي في دكتور خلف اللاند مارك والله بحاول اجيب اسمه بس ذكرني برساله خاصه لو ماعليك امر
والله يرزقه بالذريه الصالحه والرجال توه سنه ونص الصبر زين الله يرزقك ويرزقه يارب

[qtr.wolf]

الله يرزقه الذريه الصالحه ان شاء الله

اللهم ارزقه الذريه الصالحه واجعلهم قرة عين لوالديهم يارب واجعلهم بارين بوالديهم

[بومحمد911]

الشيخ اهم شيء رفيجك ما عنده قرض ربوي
اذا عنده خله يتخلص منه وينقل على بنك اسلامي

وخله يستقل عشر الاواخر بالدعاء

والله يرزقه ان شاء الله بالذرية الصالحة

[راية الفخر]

مافيه احسن من دكتور شحاته في مستشفى الولاده وهو صار له اكثر من عشرين سنه ونص نساء قطر حملوا عقب الله وعلاجه .. خل زوجته تتوكل على الله وتروح المركز الصحي وتاخذ تحويل على الولاده وتسوي موعد في الولاده عنده وهو بيفحص الزوجين وبيقدم لهم العلاج المناسب وان شاءالله ماتدور السنه الا عندهم ياهل باذن الواحد الاحد ..

[**هـتــــــان**]

انه اعرف ناس بعد الاستغفار جوهم عيال ..:)

[nagano]

الله يجزاكم الف خير

ومايحرمني منكم