تـــــــــــعالو نــــتــفاهم

[mubarak84]

السلام عليكم ورحمة الله وبركاته

سوال محيرني

وش الفايده من اخفاء السعر

ولا بعد فيه موضه جديده حتى المنطقه ما يقولك وين

ممكن الكل يشارك ويبدي رايه

[عنابي وابيض]

انا الصراحه جديد على الموقع وسالفة الخاص تعور الراس

ولما يوصل رد ع الخاص اروح ادور فلان والمواضيع اللي شاركة فيها عشان اعرف على شنو الرد

بس الواحد بعدين يتعود

وموقع صراحه حلو ماشاءالله

وشكرا

[Qatari2003]

اخوي اذا احد كاتب السعر على الخاص يعني ممكن ان سعره زيادة وخايف الناس يقولون ما يسوى
وفي نفس الوقت سبب انتشار هذي الظاهره ان اكثر من يشارك هدفة عدم الشراء التسليه فقط
يعني الموضوع كل اشوي يزيد والله يعين

للتفاصيل على الخاص :)

[umhend]

صاجه والله الخاص يملل الي واثق من نفسه وعارف شيبي يحط سعره عام
احس الي يقول السعر على الخاص هذا مزيد في السعر وخايف ينكشف

[مستانس]

انا بعد نفسكم يبطون كبدي على الخاص شنو يعني قاعد اشتري سيكل اذكر الموقع والسعر علشان لاتسندرنا وتسندر روحك

[قطرية فذة]

عجزنا واحنا نتكلم بهذا الموضوع - نسوي لهم اضراب ؟!

/

الافضل من اداره المنتدى تسوي التنظيم

[al7amadi]

سلام عليكم

اشكرك اخوي مبارك ع الموضوع لك كل التحية

اخوي افضل حاجه من وجهة نظري انك تترك التفاصيل كامله

وتريح راسك انا من الناس الي كنت ع الخاص والحين صرت مكشوف

تبي اخذ ماتبي لا تبخل علينا بالدعاء

اخوكم الحمادي

[PrivateHeart]

up
>>>>>

[ANONYMOUS]

اتوقع السبب هو اصطياد الغشمان..


وإذا اجابتي خطأ.. نرجوا من المعنيين توضيح السبب الحقيقي عالخاص :p

[لله الحمد]

والله صح سالفه الخاص .. مشكله ..

في بعض نطلب منهم على الخاص ما يطرشون بعد .. يعني ينقي الرد على كيفه :)

بعدين اذا ودي بشتري ما ودي لا تعبني على الخاص .. وانطر ردك

او لين حضرتك تدش تطرش خاص

المفروض الادارة تهتم للتفاصيل والسعر والمكان .. يكون اجباري

[adell]

اتمني بعد تناقشو موضوع الي يسالو ع الفاضي والمليان خصوصا الي بيسال من وقت فراغ فقد والا راح يشتري والا راح يبيع بس بيضيعو وقت الناس وبس

[أميرااالذوق]

السلام عليكم يامبارك..

ماشاء الله عليك دايما اتثير المواضيع المهمه والحساسه الله يعطيك العافيه!

بصراحه يااخوي انا وسيط

يعني مع وضد كلامك

والزين يخرب عالشين وانا اخوك ..

وفيه بعض الاخوان الله يهديهم يلفون من وراك عالمالك على طول مجرد يعرف المكان

اعتقد يااخوي مبارك لودشيت بهالمجال بتعرف الناس عدل والله

وهذي ارزاق والكل يسعى في رزقه طال عمرك

صحيح ان هالمجال دوشه وعوار راس بس يكفي ان انعرف ناس مثلك وشرواك

وربي يوفق الجميع ان شاء الله..