اللي يبي رقم فودافون ب1000 بلاش يدخل

[ولد العديد]

اللي يبي رقم مميز بلاش الحين يطلع يروح يشتري جريدة العرب مع كل جريده رقم ب1000 للمره الثانيه تسويها العرب الحق ما تلحق عااااااااد :thumbup:

والرقم انت تختاره ا من النت سعرها الف :eek2:


واللي مب مصدق يتصل الجريده :no:

ابي لكم الخير

[Al-Enazi]

والله خوش تسويق

راحت فيها كيوتل خلها اللحين تروح توزع ارقام مع كراتين البيض:yu:

[بنت ابوها 19]

يالله زين انهم عادو الحركه ,,

[ولد العديد]

خوش عرض بالقووووووو والارقام مميزه وهاي ثاني مره ترا من يومين بعد حطو بالجرايد

الرقام جي تكون 300666xy وانت تختار من النت على كيف كيفك

[بوخالد911]

س : وليش باللذات العرب؟

هل لأن سووقهم دااق؟!؟

[ولد العديد]

ههههههههههههه


يمكن داق ليش لا بس حركه حلوه من الجريده وفودافون تحرك ارقامها ولا مميزه خخخخ

[Realistic]

كرتي الفودافون قاطه من زمان .. حد ياخذه مني وادفع له فلوس بعد ؟

شبكتهم تعبانه .. وارسالهم مثل ويه مديرهم البريطاني ..

الله يخلي كيوتل ..

[wadha-qa]

مادري ليش عندي تعصب لكيوتل مع ان كثيرين يمدحون اسعار فودافون !!

[عنابي وابيض]

مممممممممممممممممم

كيوتل

شكرا ع الموضوع

[Radnes]

ناااااار كيوتل الحارقة ولاجنة فودافون التعيسه

[almaf1a]

اول ماطلعت فودافون شريت كرت ورقم نفس رقمي (كيوتل) بالضبط بس بدايته 7 طبعا
الرقم ب 1500 ريال
اللحين مادري وين الكرت وهل هو شغال او لا

[الريم 21]

مابي ارقامهم
عندي كيوتل وهلا يازينه فالشهر اعبيه 100 ويزيد الرصيد

[بنت شيوخ]

انا بعد مع لنتوووووواصل

اقصد كيوتل ومافكر بفودفون حالياااا

يمكن بعد عشر سنين اذا الله عطانا طول عمر

وبادره حلوه من الجريده

[STAR]

شكرا عالخبر..آخ توني انتبه للإعلان

[الكونت]

خلووووووووووهم يتذابحون والعميل هو المستفيد

[الشقيان]

يعطيك العافيه اخوي

[رجل الجزيرة]

ما شاء الله تبارك الله أشوف البعض رجع لكيوتل.
:)

[رجل الجزيرة]

من إسبوعين طلعت لي رقم مجاني عن طريق موقعهم والرقم هو: ٧٧٦٧٦٦٧x
ودفعت عن طريق الفيزا مع موبايل البروباند ب 125 ريال وأعطيتهم بريدي اللإلكتروني وفعلا جاني الرد في خلال ثواني وإن الإستلام في خلال 48 ساعة وفعلا وبعد الموعد المحدد راجعت الأراماكس في الاندمارك \ووقعت على ورقة التسليم وإستلمت الرقم وكنت فرحان ورحت البيت وركبت الكرت إلا ما إشتغل فأخذت جوال ولدي ولا إشتغل وأخذت جوالين 2 من إخواني ولكن الكرت ما إشتغل فكلمت بدالتهم إلا قالوا لي روح لأقرب مركز في منطقتك وفعلا بعد صلاة التراويح رحت لوحدة تونسية وقلت لها وأخذت رقم الكرت وحطته في كمبيوترها إلا وقالت فعلا العطب في الكرت وحولتني إلى الهندي وإعتذر لي وقال لي لازم يرسل إي ميل للشركة أو إنه يعطيني أي رقم ملخبط ولكني رفضت فقال لي تعال الإسبوع الجاي وبعد 3 أيام راجعته وقام وتأسف لي وقال لي بعد الإفطار ما بين الساعة الساعة 7:00 و7:30 ولا كلمني ورديت لفرعهم ولا حصلته الهيس الأربد وحصلت بداله موظفة مصرية وقالت لها نفس الكلام وإلا وردت علي بأن ىالهندي لم يرسل رسالة للشركة فقالت لي خلاص أنا أوعدك إني أكلمك بعد يومين ولين الحين وأنا أنتظر هاه ويش رأيك في هذي القصة؟

سؤال: وين مكان الرئيسي لو سمحتوا؟


وجزاكم الله خير.

[Realistic]

سؤال: وين مكان الرئيسي لو سمحتوا؟


وجزاكم الله خير.

الله يعينك اخوي ..
انا اول ماخذت الكرت واجهتني مشاكل.. ومن اهمها ان موظفين الكول سنتر مايتكلمون الا فصحى مكسره :s

عالعموم مكانهم الرئيسي في واحة العلوم والتكنلوجيا التابعه لمؤسسة قطر

بس اهنا ما راح يفيدونك .. وراخ يحولونك لأحد مراكز خدمة العملاء :)

[بوحارب]

مانبي فودافون كيوتل وبس والباقي خس :(

[رجل الجزيرة]

الله يعينك اخوي ..
انا اول ماخذت الكرت واجهتني مشاكل.. ومن اهمها ان موظفين الكول سنتر مايتكلمون الا فصحى مكسره :s

عالعموم مكانهم الرئيسي في واحة العلوم والتكنلوجيا التابعه لمؤسسة قطر

بس اهنا ما راح يفيدونك .. وراخ يحولونك لأحد مراكز خدمة العملاء :)

يا أخوي والله مت من الروحة والجية، وين الأمانة والصدق؟

[الجوكر90]

يا أخوي والله مت من الروحة والجية، وين الأمانة والصدق؟

ع الاقل اعتذروا لك
لو تموت كيوتل مايعتذرون لك
ويقولون لك وشو نسوي لك
روح اي فرع يمكن يخدمونك


شوف من الاخر اذا محد يقدر يسوي شي حق كيوتل لان راعي الشركه شيخ
وفودا فون لو تشتكي عليهم راح يخلصون لك السالفه ع طول لان ماوراهم حد

[صوت الضمير]

بتكلم بأمانه صار لي شهر شريت كرت فودافون ب 45 ريال مع رصيد 20

والله العظيم ... صار لي أسبوعين معبيه 100 وللحين فيه رصيد .. وأكلم السعوديه مو بس قطر

الصراحه حسيت بفرق كبير .. كيوتل ماكلني كرت الهلا..

من قال مافيه ارسال... الارسال فل عندنا .. وكل مااطلع اشوف الارسال اوكيه

فديت فودافون ونبي أكثر

[@فارس@]

بتكلم بأمانه صار لي شهر شريت كرت فودافون ب 45 ريال مع رصيد 20

والله العظيم ... صار لي أسبوعين معبيه 100 وللحين فيه رصيد .. وأكلم السعوديه مو بس قطر

الصراحه حسيت بفرق كبير .. كيوتل ماكلني كرت الهلا..

من قال مافيه ارسال... الارسال فل عندنا .. وكل مااطلع اشوف الارسال اوكيه

فديت فودافون ونبي أكثر

والله كلام عدل :thumbup:

وكيوتل يبيلها بوهامور:playball:

[Euro]

والله يالربع انا اشوف فودافووون وايد ارخص من كيووتل تحك التليفون حك وماتخلص الفلووس اللي فيه اما كيوتل باقات وحاااله وتجيك الفاتوره عجييبه مع انك ماتكلم فيه

عيب فودافون الارساال وهذا الشى لازم يستوي لان الشركه جديده ويبيلها وقت لين يتعدل ارساالها وذيك الساعه سلم على كيوتل مثل ما زين قالت باي باي للوطنيه اللي تملكها كيوتل في الكويت