2010 - 2011 التعليم موازي لجميع المدارس منازل ومسائي

[طموحي مبدع]

2010 - 2011 التعليم موازي لجميع المدارس منازل ومسائي

http://www.education.gov.qa/content/announcements/detail/39612

بصراحه قريت الخبر فالجريده قبل شهر وطنشت ومادققت بالموضوع

بس اليوم انصدمت رحت استفسر عن المنهج فالمدارس الخاصه

قالو لي المنهج بيكوون مستقله :eek5:

وعلى طووول اتصلت بالمجلس الاعلى وتكلمني وحده من الموظفات وتقولي

ان التعليم بيكون موازي لجميع المدارس الخاصه والمنازل والمسائي :eek5:

قلت لها كيف بيكون موازي قالت نفس المنهج الي ياخذونه المستقله بياخذونه جميع المدارس

قلت لها انتي متأكده قالت لي اي وبيحطون نظام بصمه حق التعليم المسائي عشان محد يغيب :eek5:

الحين شالحل احنا عالتعليم القديم كنا نخاف من القسم العلمي وندش أدبي

الحين( كيمياء - فيزياء - احياء - رياضيات ) كلهم بالانجليزي :secret:

احنا انجليزي عالتعليم القديم وبعد طلعة الروح ننجح فيه

الحين ندرس مواااد علميه بالانجليزي

يعني المجلس الاعلى مايحس بالي يدرسون منازل ومسائي لولا الظروف ولا كنا مخلصين من زمااان

احنا بالتعليم القديم ومع الدز ننجح الحين منهج مستقله شلووون بننجح

اذا هالسنه الي بالمستقله اغلبيتهم راسبين شلون احنا يالي بالمنازل والمسائي


شالحل الحين :cry2:

[كــرت احمــر]

بصمه عشان الحضور شدعوه داشين بنك على غفله :eek2:


لا اختي حطي في بطنج بطيخ صيفي المنازل والمسائي ماراح يتغير شي فيهم والمنهج هو نفسه .:nono:

[عنابي وابيض]

اختي ماراح يتغير شي ان شاءالله

شكرا

وبالتوفيق

[برزان]

هاذه بوادر تذبذ لبعض العناد الي متأصل في التعليم العالي رغم التخبطات الكثيره الي سببوها للناس .
الان التعليم العالي في مراجعة كامله لجميع الامور وتدريجيا بدا يرجع الي الاسلوب القديم في التعليم
كتوحيد المناهج ...الخ وهذه ا من اهم الامور .
ولاكن مع الوقت بتلقى انظمة التعليم القديمه كله تطبق بس مع بمصة جديده من الافكار العشوائية
ولاكن بيتم طول عمره التعليم متخبط دامها متاثر بآراء ناس واشخاص رايح جاية .

الله المستعان بس .

[moonبنتnight]

هلا اختي انا سمعت انه سنة بكون منهج حكومي وسنة جاية بكون منهج مستقلة 00
والله يوفق جميع ان شاء الله 00

[طموحي مبدع]

انا واحد مب وحده

الخبر اكيييد

انا متصل بالمجلس الاعلى

والموظفه اكدت لي الموضوع حتى تمت تسولف وياي وتقولي زوجي توه مقدم على مسائي قالو له في بنحط لكم بصمه على حضور وانصراف والمنهج بيكووون موازي يعني مستقله

وانا ماجبت شي من عندي المصدر موجود في أعلى الصفحه

والخبر اكيد

[moonبنتnight]

وآسف على خطأ 00 هلا اخوي ..
لا تضايق مناهج مستقلة ولا منهج حكومي بتدرس 00
لازم تعليم يطور مناهجه صارلة عشرين سنة نفس مناهج 00 والانجليزي لكل مادة علمية مصتلحاتها 00 حتى لي عرف انجليزي لازم يحفظها 00 ومناهج المستقلة منهج مكرر بس. كل سنة ياخذونها بتوسع عن سنة لي قبلها 00 انت تحاتي الانجليزي حتى العربي ماخذين منهج كنا ندرسهافي الاعدادي معطينها حق الابتدائية 00 وان شاء الله تكتب لنا انك خلصت وتخرجت وصير هذا في ماضي والله وفقك ان شاء الله 0

[طموحي مبدع]

لو في شي يشجع في منهج المستقله كان ماتضايقت

بس بالعكس المنهج وايد صعب واكبر دليل مافي نسب هالسنه وكله رسووب