متــى آخــر مــره فرحــت ؟ (موضوع متجدد)

[برزان]

متــى آخــر مره فرحــت ؟

لاتقولي /لاتقولين لي يوم تخرجي ولا يوم عرسي وبس .
زين وبعدين ....كله نكــــد يعني :)


بس فعلا يا اخوان ...متى آخر مره فرح فيها الانسان .

مادفعني لهذا السؤال لان اجمل المواضيع الي تطرح ويشعر فيها الانسان قريب من الآخرين لما يشوف محيطة واخوانه واخواته بشعور متقارب و وبصراحه متفانيه .

طيب ماهدفي من طرح هالسؤال ؟

هو عملة تقدير وتحليل استنتاجي لما أنقضى من سنين العمر في الحياة كم مره شعرت بالفرح و بداخلك لو تسوي حسبة سريعة داخليه كم تعرضت فيها لمنغصات الحياة ؟

بلا شك الفرح قليل ولاكن الممتع فيها انها تخلي الواحد يفكر بنفسة شوي :)

[Radnes]

اكبر راحه للأنسان لما يضع في قبرة

[بوخالد911]

من يومين
لما شفت عيالي مستانسين بالقرنقعوووه وبملابسهم

[برزان]

اكبر راحه للأنسان لما يضع في قبرة

الله يرحم الحال
اكيد في ناس لهم راحة و يبشرون بروح وريحان ورب غير غضبان ..الله يجعلنا منهم قولو آمين .

وناس نسئل الله لنا ولهم العافيه .

[برزان]

من يومين
لما شفت عيالي مستانسين بالقرنقعوووه وبملابسهم

الله يطرح فيهم البركه ويتربون فعزك ان شاء الله :)

[almaf1a]

للامانه من بعد فرحة زواجي ما اذكر اني فرحت
هل فرحة الزواج كانت بداية للاحزان
واللحين بنبلش في البنيان يعني انسى شئ اسمه فرح ووناسه

[الخفي]

(( اخر مره اول يوم في رمضان وان شاء الله دوم للجميع ))

[Just Smile]

اخر مرة فرحت يوم شفت عيالي امس طايرين من الفرحه بألعابهم الجديده

الحمدلله والشكر لك يارب

والله يرزق كل محروم

[بـــــــنت النوخـّــــذه]

امس فرحت يوم طلعت نتيجه شغالتنا ايجابيه ومافيها شي كانت تتشكى من بطنها :strong2:
الله يعطيها الصحه والعافيه وهذي اخر فرحه واليوم مادري بشوف شنهو
والله يجعل ايامكم كلها افراح والله الواحد بس يرفع راسه للسما ويحمد ربه على نعمه الصحه والعافيه هذي اكبر فرحه ان تشوف جسمك سليم معافى000

عموما هل صحيحه هذي المقوله :

لولا الحزن ماعرفنا طعم السعاده ^_____^?:looking:

[رمــش الغلا]

آخر فرحة من شهرين عطوني ترقية :)

[FAUCHON]

فرحتي بحفل تخرجي من الجامعه

الحمدلله على كل حال

[Doha Sun]

الحمد لله الفرحة موجودة كل يوم وكل حزة ..
والله لا يغير علينا

[برزان]

للامانه من بعد فرحة زواجي ما اذكر اني فرحت
هل فرحة الزواج كانت بداية للاحزان
واللحين بنبلش في البنيان يعني انسى شئ اسمه فرح ووناسه

الله المستعان يارب :)
دامك انشغلت مع مشاغل متطلبات الحياة مسيرها تاخذ وقتها وعقبها الله بيفرجها علينا وعليك ... هاذي ضرايب الحياة :)

[برزان]

امس فرحت يوم طلعت نتيجه شغالتنا ايجابيه ومافيها شي كانت تتشكى من بطنها :strong2:
الله يعطيها الصحه والعافيه وهذي اخر فرحه واليوم مادري بشوف شنهو
والله يجعل ايامكم كلها افراح والله الواحد بس يرفع راسه للسما ويحمد ربه على نعمه الصحه والعافيه هذي اكبر فرحه ان تشوف جسمك سليم معافى000

عموما هل صحيحه هذي المقوله :

لولا الحزن ماعرفنا طعم السعاده ^_____^?:looking:


انا اشهد ان مافي نعمه مثل نعمة الصحة ...
الله ايتممها علينا وعليكم جميع


اماهالمقوله صحيحه ...
لان لولا التعب ماعرفت الراحة ولولا الظلام ماعرف النور ولولا الشدة ماعرف الفرجّ
مب كلهم نفس الشي ههههههههه

بس صحيحه ترى :)

[برزان]

(( اخر مره اول يوم في رمضان وان شاء الله دوم للجميع ))

الله يجزاك خير هذا ايدل انك كنت مشتاق للخير :)
عسى الله ايبلغنا اياه بعمر مديد يارب

[برزان]

اخر مرة فرحت يوم شفت عيالي امس طايرين من الفرحه بألعابهم الجديده

الحمدلله والشكر لك يارب

والله يرزق كل محروم

اللهم آمين
يتربون فعزك وجعل دومك فرحان ابهم وعسى الله ايبلغك فيهم يارب

[برزان]

فرحتي بحفل تخرجي من الجامعه

الحمدلله على كل حال

اما هاذي ماعقبها فرحه ..:)

[برزان]

آخر فرحة من شهرين عطوني ترقية :)

تستاهلين والف مبروك والفال لنا و للي قابضين الطابور لين الحين : )

[لاجئ عاطفي]

الحمدالله بفضل من الله كل ايامي فرح ولكن احلا فرحه من فتره بسيطه يوم الله رزقني بمولودي الاول خليفة .. والله يديم الفرح والسعاده ع الجميع

[ام ريان]

اخر مره اول امس لما رديت جزء من اعتباري من ناس غلطت في حقي

[بنت^البحرين1]

بداية رمضان لما أختي يابت اول مولودة لها بعد 8 سنوات كانت فرحة لاتوصف وبعد كم يوم سبحان الله تحول الفرح الى حزن طلعت تحمل مرض نادر وهو متلازمة إدوارد

والحمدلله الذي لا يحمد على مكروه سواه

ان شاءالله ايامكم كلها افراح

[برزان]

الحمدالله بفضل من الله كل ايامي فرح ولكن احلا فرحه من فتره بسيطه يوم الله رزقني بمولودي الاول خليفة .. والله يديم الفرح والسعاده ع الجميع

الله يطرح فيه البركه ويتربى فعزك يابوخليفه :)

[برزان]

بداية رمضان لما أختي يابت اول مولودة لها بعد 8 سنوات كانت فرحة لاتوصف وبعد كم يوم سبحان الله تحول الفرح الى حزن طلعت تحمل مرض نادر وهو متلازمة إدوارد

والحمدلله الذي لا يحمد على مكروه سواه

ان شاءالله ايامكم كلها افراح

لاحول ولا قوة الا بلله ...سبحان الله بلى شك الله سبحانه وتعالي له حكمة خير في هذا الامر .

نسئل الله ان يسعد قوبهم به .

[برزان]

اخر مره اول امس لما رديت جزء من اعتباري من ناس غلطت في حقي

أبعدي يام ريان وانتي كذا :thumbup:

[شمعة الدوحه]

آخر مره استانست وفرحت وايد لما سافرت دبي

مع انه يوم ونص بس نسيت شي اسمه شغل وهموم :looking:

وكان كل تفكيري الوناسه وبس :strong2:

[w4rr10r]

يوم تخرجت من المستقله بنسبه تبيض الوجه :)

[برزان]

آخر مره استانست وفرحت وايد لما سافرت دبي

مع انه يوم ونص بس نسيت شي اسمه شغل وهموم :looking:

وكان كل تفكيري الوناسه وبس :strong2:

انا اشهد انها وناسه :thumbup:

[برزان]

يوم تخرجت من المستقله بنسبه تبيض الوجه :)

omen
ماشاء الله عليك


:)

[Qt.1]

الحمدالله فرحت وايد والله ليجيب الحزن اللهم امين , لكن فرحتي كانت غير يوم صرت اب ’ وشفت اعيالي قدام عيني , عسى الله ايحفظهم يارب :)

[مشتاقة لقطر]

الله يديم افراحكم

اخر مرة فرحت ؟؟ مم ماعرف بس الحمدالله .. كل يوم يمر واحنا بصحة ونشوف امراض العالمين تنتشر ولا صابنا شي هذا اهم شي .. )ماشالله (


الامووور طيبة ومرتاحين ووامورنا هادية

امممم كانه يوم زوجي ترقى قبل اسبوعين وايد فرحت على النجمة الثالثة اللي بتتعلق.. ههه

الله يديم الفرحة عليك يارب

[muhanna]

I am always happy never been in my life sad laughing all the time

[اعقل مرجوجه]

يافرحة ماتمت

[برزان]

الحمدالله فرحت وايد والله ليجيب الحزن اللهم امين , لكن فرحتي كانت غير يوم صرت اب ’ وشفت اعيالي قدام عيني , عسى الله ايحفظهم يارب :)

اللهم آمين عسى الله ايبلغك فيهم يارب

[برزان]

الله يديم افراحكم

اخر مرة فرحت ؟؟ مم ماعرف بس الحمدالله .. كل يوم يمر واحنا بصحة ونشوف امراض العالمين تنتشر ولا صابنا شي هذا اهم شي .. )ماشالله (


الامووور طيبة ومرتاحين ووامورنا هادية

امممم كانه يوم زوجي ترقى قبل اسبوعين وايد فرحت على النجمة الثالثة اللي بتتعلق.. ههه

الله يديم الفرحة عليك يارب


بلى شك الصحة ماتعوض كل شي يتعوض الا الصحة والموت مالهم عوض .
الله يرحمنا برحمته يارب

ومبروك ومنها للاعلى ان شاء الله وعقبال ماتشوفين التاج معاهم بعد :)

تحياتي

[قطرية فذة]

الحمدالله بفضل من الله كل ايامي فرح ولكن احلا فرحه من فتره بسيطه يوم الله رزقني بمولودي الاول خليفة .. والله يديم الفرح والسعاده ع الجميع

الله يسعدك يارب والله اني فرحت

بارك الله لك في الموهوب وبلغ اشده وبلغت بره اللهم امين

//

صاحب الموضوع

مابقولك متى فرحت

لكن موضوعك بروحه يفرح

يسعد الله دنياك يارب

موفق

[برزان]

يافرحة ماتمت

الله المستعان والعوض على الله ....
وانا اتصفح تفسير القرءان باحط التفسير الي اقراه حاليا مع ردي للرساله

_________

تفسير قوله تعالى ( إِنَّ اللَّهَ لا يُحِبُّ الْفَرِحِينَ ) لفضيلة الشيخ ابن باز رحمه الله

بسم الله الرحمن الرحيم


[color="red"]السؤال :
ما تفسير قول الله سبحانه وتعالى: ((إِنَّ اللَّهَ لا يُحِبُّ الْفَرِحِينَ))[القصص:76]؟


الجواب :
هذه الآية في قصة قارون (إِذْ قَالَ لَهُ قَوْمُهُ لَا تَفْرَحْ إِنَّ اللَّهَ لَا يُحِبُّ الْفَرِحِينَ) والمراد بذلك الفرح الذي يصحبه الكبر والبغي على الناس والعدوان والبطر، هذا المنهي عنه، فرح البطر والكبر، أما الفرح بنصر الله وبرحمته ونعمه وإحسانه فهذا مشروع؛ كما قال الله عز وجل: قُلْ بِفَضْلِ اللّهِ وَبِرَحْمَتِهِ فَبِذَلِكَ فَلْيَفْرَحُواْ هُوَ خَيْرٌ مِّمَّا يَجْمَعُونَ (58) سورة يونس. فالمؤمن يفرح أن الله هداه إلى الإسلام، وأن الله أعانه على صلاة الجماعة، وأن الله أعانه على بر والديه وصلة أرحامه، وأعانه على فعل الخير هذا مشروع، ينبغي له أن يفرح بذلك، ويسر بذلك، بل يجب عليه أن يفرح بذلك ويغتبط بهذا، ويحمد الله على ذلك. أما الفرح المذموم فهو الفرح الذي يصحبه الكبر والتعاظم والبطر واحتقار الناس، هذا هو المذموم.


المصدر : موقع الشيخ رحمه الله

[بومحمد911]

فرحت يوم شفت الكعبة اول مرة في حياتي فرحة لاتوصف

الله يديم السعادة عليكم

[برزان]

الله يسعدك يارب والله اني فرحت

بارك الله لك في الموهوب وبلغ اشده وبلغت بره اللهم امين

//

صاحب الموضوع

مابقولك متى فرحت

لكن موضوعك بروحه يفرح

يسعد الله دنياك يارب

موفق

الله يجزاج خير ويبارك فيج ..مشكوره على تواجدج
تسلمين ...

[برزان]

فرحت يوم شفت الكعبة اول مرة في حياتي فرحة لاتوصف

الله يديم السعادة عليكم

الله واكبر يا بومحمد ... عز الله انها فرحة ...ونعم بها من الفرحه ...
وكفاية ان اول نظره للكعبة مع الدعاء مستجاب ولا يرد حتما باذن الله .

الله يجزاك خير ولاهنت

[بنت ابوها 19]

اول فرحه كانت من سنه

لكنها يافرحه ماتمت
يلتني اتخلص منها اليوم قبل بكررره


دعوووولي ولي يرحم والديكم اني افتك منها

[الشقيان]

من يومين
لما شفت عيالي مستانسين بالقرنقعوووه وبملابسهم

omenomenomen

[برزان]

اول فرحه كانت من سنه

لكنها يافرحه ماتمت
يلتني اتخلص منها اليوم قبل بكررره


دعوووولي ولي يرحم والديكم اني افتك منها

أسئل الله العظيم رب العرش الكريم ان يفرج عليج

[القمه]

عموما سعاده مهمه ومتى الهموم يأتي دورها من بعد زواج والانجاب لاطفال وضغط العمل اليومي

وهاكذا طبيعة الحياه ولو تنظر لها ليما يكن سن عمرك 70 سنه ربي يعطيكم بطولة العمر نشالله

لكن نصيحه للي يبي يتبعها للمزوجيين وصحاب الاعمال صغيره ،،3 ايام من بعد ظهر بعد نهاية دوام طبعا

يوم الخميس طيب روح وانت وام العيال 2 فقط وترك الزران في البيت او عند عيال أحد من الأهالي

بفندق كل سبوع للي مقتدر وصك هاتفك النقال موليه 3 ايام خذ راحتك وستانس نفس طريجتي

هاذا الامر انا مبني عليه من سنين وفي حالة تغيير ونا اخوكم الامارات بس مع بقية الاسره

وحيانن اقسمها حق المحاضرات دينيه وحيان حق الهوايات للي بالي بالبيت مثل رسومات

زخرفه اتعلم صنعه او ستنتج شي من مخيلة فكري ،،بس نصيحه وثم نصيحه ولاتقترض من البنك

لاتقرب حق الهم الاكبر ،،خاصه شباب للي مبتدي حياته يبي ويبي لكن نكبه بعدين تظهر محصولها

مب في البدايه ،،لكن بنهايه سعاده قليله بآخر المطاف.

[لاجئ عاطفي]

الله يطرح فيه البركه ويتربى فعزك يابوخليفه :)

الله يبارك فيك والفال لك ان شاء الله


الله يسعدك يارب والله اني فرحت
بارك الله لك في الموهوب وبلغ اشده وبلغت بره اللهم امين



الله يبارك فيج والفال لج ان شاء الله

[فرحة الكواري]

آخر مره من شوي

يوم خلصت المشاوير من شهر وأكثر وانا ابي اخلصها

الحمدالله والشكر لله

[بو خليفه 123]

الحمدالله رب العالمين

فرحتي هي فرحة عيالي و أسرتي و دعوة أمي لي و لأحفادها ..


جمعة الأسره كل يوم على مائدة الفطور من أروع مايمكن و تبث فيني الفرح والسرور ..

نادر ماتحصل هذي الأيام نظراً لاختلاف اوقات الدوام و الظروف ..



لا هنت على الموضوع الطيب و اسأل الله ان يجعل ايامك عامره بالافراح ان شاء الله ..

[غزلان]

اخره مره فرحت اخر مره افرحت امي:)

[برزان]

عموما سعاده مهمه ومتى الهموم يأتي دورها من بعد زواج والانجاب لاطفال وضغط العمل اليومي

وهاكذا طبيعة الحياه ولو تنظر لها ليما يكن سن عمرك 70 سنه ربي يعطيكم بطولة العمر نشالله

لكن نصيحه للي يبي يتبعها للمزوجيين وصحاب الاعمال صغيره ،،3 ايام من بعد ظهر بعد نهاية دوام طبعا

يوم الخميس طيب روح وانت وام العيال 2 فقط وترك الزران في البيت او عند عيال أحد من الأهالي

بفندق كل سبوع للي مقتدر وصك هاتفك النقال موليه 3 ايام خذ راحتك وستانس نفس طريجتي

هاذا الامر انا مبني عليه من سنين وفي حالة تغيير ونا اخوكم الامارات بس مع بقية الاسره

وحيانن اقسمها حق المحاضرات دينيه وحيان حق الهوايات للي بالي بالبيت مثل رسومات

زخرفه اتعلم صنعه او ستنتج شي من مخيلة فكري ،،بس نصيحه وثم نصيحه ولاتقترض من البنك

لاتقرب حق الهم الاكبر ،،خاصه شباب للي مبتدي حياته يبي ويبي لكن نكبه بعدين تظهر محصولها

مب في البدايه ،،لكن بنهايه سعاده قليله بآخر المطاف.


عز الله ان كلامك صحيح ..وترتيب سليم ....

وهذا ما يسمى بمساسية النفس وهذا المفترض ان انكون عليه حتى الواحد مايصير خلل في حياته .

بارك الله فيك ماتفضلت به وعسى الله ايحل عليكم من ابركتة يارب .

[برزان]

آخر مره من شوي

يوم خلصت المشاوير من شهر وأكثر وانا ابي اخلصها

الحمدالله والشكر لله

احيانا الواحد ايخلص مشاوريه يفرح ابها لاكن ايكون متنقص من الزحمة والغلفج :)

[برزان]

الحمدالله رب العالمين

فرحتي هي فرحة عيالي و أسرتي و دعوة أمي لي و لأحفادها ..


جمعة الأسره كل يوم على مائدة الفطور من أروع مايمكن و تبث فيني الفرح والسرور ..

نادر ماتحصل هذي الأيام نظراً لاختلاف اوقات الدوام و الظروف ..



لا هنت على الموضوع الطيب و اسأل الله ان يجعل ايامك عامره بالافراح ان شاء الله ..


أنا اشهد انه فيها فرحة وانا اخوك ... وصدق النبي صلى الله عليه وسلم في حديثه فيما معناه ان للمسلم فرحه عند فطره .

ومشاء الله واذا اقترنت بالجمعه والجلسه مع الاهل لاشك ان الجلسه فيها روح و امان وسعاده .
عسى الله يجمكم ولا يفرقكم ويتقبل منا ومنك الصيام والقيام وقراءة القرآن وصالح الاعمال .

[البدع]

تقريبا كل يوم افرح

والسبب برايي الاستغفار

وقد يكون دعاء

والله اعلم

والله يديمها من نعمة

خوفي تطير

[برزان]

اخره مره فرحت اخر مره افرحت امي:)

الله يجزاج خير اختي غزلان ونعم الفرحة والله .

عسى الله ايخليها لج يارب وماتبكيها عينج فيوم .

[برزان]

تقريبا كل يوم افرح

والسبب برايي الاستغفار

وقد يكون دعاء

والله اعلم

والله يديمها من نعمة

خوفي تطير


ونعم السبب والتحليل ... من لزم الاستغفار جعل الله له من كل ضيق مخرجا ومن كل هم فرجا ورزقه من حيث لايحتسب .

عسى الله ايديمها عليك وفوائد الاستغفارر جليله وعظيمه والكبار في السن الي داوم عليها في حياته شاف أثرها في حياته .

الله يرزقنا هالنعمه يارب .

جزاك الله خير يالبدع والله ايوفق لك ويثبتك يارب .

[برزان]

الله يبارك فيك والفال لك ان شاء الله


الله يبارك فيج والفال لج ان شاء الله

الله يجزاك خير ..لاهنت الشيخ

[× الجــوري ×]

الله يجعل ايامنا كلها افراح omen
اخر مره فرحت من 3 شهور تقريبا بمناسبه موضوع خاص :oops: وان شالله ماتبدل omen

[ام شوشي]

تقريبا بين فترة واخرى افرح

وربي يدووووم عليكم الافراح