فتى الدوحة
26-08-2010, 01:26 PM
السلام عليكم ورحمة الله وبركاته
أخواني الأعزاء :
عندي شوية ملاحظات عن الميرة ( الجمعية ) ..
أولا : ( الإستكر ) لصقة التسعيرة على البضايع :
الحقيقة إن إدارة الميرة ما تحط لصقة التسعيرة على جميع البضايع علماً بأن النظام الأول يوم كانت جمعيات تعاونية تحصل كل شي عليه إستكر ( لصقة ) بقيمة هذا الشي ، وأنا والله تعبت وايد من هالشي كلمت مسؤول الفرع عن هذي النقطة في أكثر من فرع لها في عموم قطر والنتيجة يقولون شوف التسعير على الرف اللي فيه البضاعة ، قلنا أوكية مب مشكلة لكن مع الوقت لقيت البضايع تتغير من رف لرف آخر وبدون ما يغيرون التسعيرة وبالتالي كل شوي أنادي موظفين البيع وأسألهم عن قيمة البضايع اللي أبي أشتريها ، مرات يعرفون ومرات ما يعرفون ، والله حالة ، ياليت الإدارة تتبع سياسة وضع الأسعار على كل بضاعة مب على الرف اللي فيه أسوة بباقي المجمعات الإستهلاكية الأخرى .
ثانياًُ : قبل ليلة القرنقعوة بيوم رحت للميرة وشريت من عندهم كيس قرنقعوة سعة خمسة كيلو بخمسين ريال والله يا جماعة يوم جبناها وبطلناها شفنا الحلويات اللي فيها : والله يا جماعة مب حلويات هذي ،، يابسة تقول كنها حصى ( شكلها منتهية ) وين الإدارة عن هذا الشي وإلا صارت صحة وسلامة أطفالنا لعبة بين أيدينكم ؟؟؟؟؟؟ أتمنى تفعيل دور مفتشي الأغذية بالبلديات في الرقابة والتفتيش على المواد الغذائية .
ثالثاً : نحن الآن في شهر رمضان المبارك اللي أسأل الله سبحانه إن يتقبل منا ومنكم ،، أنتوا عارفين إن صلاة التراويح تخلص تقريباً الساعة تسعة ويوم تخلص تروح يما لبيتكم عن هلك تقعد معاهم شوي ولا تسّير على قريب أو صديق والوقت يمر بسرعة .. معقولة إن فروع الميرة تسكر الساعة 12 ليلاً !!! أشدعوة أنا أمشي في شوارع الدوحة وضواحيها والناس مثل النمل حت ساعات متأخرة من الليل ،، ليش الإدارة ما تمدد لو فقط في شهر رمضان الدوام لين الساعة 1 ليلاً على أقل تقدير ؟؟؟
البلد ماشاء الله السكان فيه وايد ويحتاج لتمديد فترات العمل في الأسواق عموماً وفي المجمعات الإستهلاكية خصوصاً ...
والسموحة على الإطالة مع خالص تحياتي للجميع ..
أخواني الأعزاء :
عندي شوية ملاحظات عن الميرة ( الجمعية ) ..
أولا : ( الإستكر ) لصقة التسعيرة على البضايع :
الحقيقة إن إدارة الميرة ما تحط لصقة التسعيرة على جميع البضايع علماً بأن النظام الأول يوم كانت جمعيات تعاونية تحصل كل شي عليه إستكر ( لصقة ) بقيمة هذا الشي ، وأنا والله تعبت وايد من هالشي كلمت مسؤول الفرع عن هذي النقطة في أكثر من فرع لها في عموم قطر والنتيجة يقولون شوف التسعير على الرف اللي فيه البضاعة ، قلنا أوكية مب مشكلة لكن مع الوقت لقيت البضايع تتغير من رف لرف آخر وبدون ما يغيرون التسعيرة وبالتالي كل شوي أنادي موظفين البيع وأسألهم عن قيمة البضايع اللي أبي أشتريها ، مرات يعرفون ومرات ما يعرفون ، والله حالة ، ياليت الإدارة تتبع سياسة وضع الأسعار على كل بضاعة مب على الرف اللي فيه أسوة بباقي المجمعات الإستهلاكية الأخرى .
ثانياًُ : قبل ليلة القرنقعوة بيوم رحت للميرة وشريت من عندهم كيس قرنقعوة سعة خمسة كيلو بخمسين ريال والله يا جماعة يوم جبناها وبطلناها شفنا الحلويات اللي فيها : والله يا جماعة مب حلويات هذي ،، يابسة تقول كنها حصى ( شكلها منتهية ) وين الإدارة عن هذا الشي وإلا صارت صحة وسلامة أطفالنا لعبة بين أيدينكم ؟؟؟؟؟؟ أتمنى تفعيل دور مفتشي الأغذية بالبلديات في الرقابة والتفتيش على المواد الغذائية .
ثالثاً : نحن الآن في شهر رمضان المبارك اللي أسأل الله سبحانه إن يتقبل منا ومنكم ،، أنتوا عارفين إن صلاة التراويح تخلص تقريباً الساعة تسعة ويوم تخلص تروح يما لبيتكم عن هلك تقعد معاهم شوي ولا تسّير على قريب أو صديق والوقت يمر بسرعة .. معقولة إن فروع الميرة تسكر الساعة 12 ليلاً !!! أشدعوة أنا أمشي في شوارع الدوحة وضواحيها والناس مثل النمل حت ساعات متأخرة من الليل ،، ليش الإدارة ما تمدد لو فقط في شهر رمضان الدوام لين الساعة 1 ليلاً على أقل تقدير ؟؟؟
البلد ماشاء الله السكان فيه وايد ويحتاج لتمديد فترات العمل في الأسواق عموماً وفي المجمعات الإستهلاكية خصوصاً ...
والسموحة على الإطالة مع خالص تحياتي للجميع ..