بصراحه يا عامر احسدك على خدامتك قصدي مرتك

[باسورد]

( كبير يا غانم السليطي )

حلقه اليوم ابرزت ظاهره خطيره في بيت الزوجيه

الخادمه صارت الكل بالكل , تكنس - تطبخ - تربي العيال

بمعزل عن الزوجه اللي همها الهذره بالتلفون وروحه الاعراس

والزياره اليوميه للاهل.

حلقه اليوم رساله قويه للحريم اما الانتباه للبيت والزوج والعيال

والا .............. فسروها بكيفكم

[بـن عدوان]

ان شاءالله الحريم يتعضون



ولكن في المقابل أتمنى تكون حلقه عكس حلقة اليوم :thumbup:

[العقل الحر]

الحلقه اليوم بتخلي النسوان عله على كبود ازواجهم خخخخخخ :thumbup:

[swedan_qatar]

الصراحه لا تعليق على حلقة اليوم رسالة قويه للحريم انتبهوا بارك الله فيكم

[هتـان قطر]

نعم وهذا شي واقعي ونشوفه بقوة خصوصا من الزوجات حديثات الزواج

اعرف امهات تحمل اسم أم .. بدون فعل

يعني لو تسألها متى آخر مرة غيرت لطفلها البامبرز الله يعزكم او متى آخر مرة

أكلته طعامة ومتى نومته..راح تتفاجأون انها يمكن مرة او مرتين بس..

امهات اليوم طبعا البعض وليس الكل ما يعيشون بدون خدامات..

عاد لي جينا للزوج .. اغلب الازواج راضين بهالعيشة ..:yes:

[سداوي&مدريدي]

حلقه اليوم كانت حلقة هادفة :thumbup:

[فلتة زمانها]

الحمدلله انا انسانه عصاميه ههههههه
رغم اني موظفه لكن الحمدلله مهتمه في بيتي وبنتي وريلي
ومرتبه اموري بدون خدامه هالشي راجع للتربيه الام تعود بنتها على تحمل المسؤوليه
بس المسلسل واقعي اصلا الحين البنت قبل ماتعرس تشرط تبي خدامتين شدعوه من اولها
وعقب ولا تدري عن اعيالها بس فالحات يراكضون ورا الماركات والموضه والتسمير
الله يهدي الجميع

[راية الفخر]

الصراحه غانم بدع في رسالته اليوم وفيها تنبيه للزوجات المهملات لبيوتهم وازواجهم وعيالهم واللي يهتمون بزياراتهم ومجاملاتهم الاجتماعيه على حساب بيوتهم وان شاءالله تكون حلقة اليوم فيها تنبيه لهم ويتسنعون ويهتمون في اسرهم وبيوتهم ..

[باسورد]

عاد لي جينا للزوج .. اغلب الازواج راضين بهالعيشة ..:yes:

اغلبهم عايش لانه مضبط اموره :telephone:

[باسورد]

الحلقه اليوم بتخلي النسوان عله على كبود ازواجهم خخخخخخ :thumbup:

:D:funny:

[بـــــــنت النوخـّــــذه]

حلقه اليوم مانقدر ننكر حقيقتها في مجتمعنا ولكن وانا اشاهد الحلقه قلت بل معقوله ريال نفسه دنيئه يطالع شغاله البيت عشان اكل 0000 انزين كان مسك مرته وروضها عدل 00

عموما" اهم تناسو نقطه مهمه جدا الا وهي :

البنت من رجالها والخيل من خيالها
اول مره اشوف ريال ينام ومرته بره البيت سهرانه ولا بعد ترن الجرس يطلع يفتح لها اخر الليل ويقول لها تأخرتي :playball:0000

عموما" حلقه اليوم صفعه على وجوه الزوجات المهملات ^________^

[latty]

والله اذا هو يبيها بالبيت خدامه ويبيها هيفاء وهبي ونانسي ينسى

لاراح للسوق صار يبقق عيونه بحريم خلق الله ولرد قال شوفي نفسك وما تسوين مثل الحريم حتى المقيم صار له خدامه كيف الا القطري ولله الحمد

لكن ان بعد المراه تبي تعيش وتلبس وتشارك بالمجتمع لكن تكمل واجباتها اولا

اما حلقه اليوم شئ يعيشه بعض الازواج فعلا

[Bu Rashid]

على الريوووق روووز
وعند الشووور روووز
وعند الغده رووووز
وهو رايح الشغل رووووز
وما تبوووونه يترك العيووووز
بس ما عليكم مرده لبيته الاصلي :yes:

[مسك روز]

ياريت اللي في بالي شاف الحلقه اليوم ( وحده من هلي )

كل ماسألها ريلها لازم تروحين العرس قالت : يعني شلون ماوجب الناس !!!

[الأصيلة]

ياليت تفتحون متصفح متجد اسمه تصانيف
يشتمل على تعليقات الأخوة الأعضاء على حلقات المسلسل اليومية...
يكون أفضل واختصار للصفحات,,,
وحتى بيكون أرتب وأشمل واحسن
من افراد موضوع لكل حلقة...
احنا فيها باقي 13 يوم...
ياليت لو المشرف يفتح المتصفح ويجمع المواضيع اللي تداولت الحلقات وناقشت مضمونها في هذا المتصفح...
عشان نعرف اش صار وايش ماصار في المسلسل
وخاصة للي مايتابعون الحلقة كاملة...

[الأصيلة]

اول مره اشوف ريال ينام ومرته بره البيت سهرانه ولا بعد ترن الجرس يطلع يفتح لها اخر الليل ويقول لها تأخرتي :playball:0000
عموما" حلقه اليوم صفعه على وجوه الزوجات [color="red"]المهملات ^________^

ياكثرهم اللي يرجعون البيت من الحفلات وأزواجهم نايمين...
هنا ما ألوم المرأة مادام لقت زوج مخلي سكانه بيد زوجته ونايم...
لاهي فيها خير ولا هو فيه خير تبون الصراحة...

[احساس الدوحة]

والسايق صار اليد اليمنى للزوجه في البيت

يوصلها ويجيبها

يجيب لها ثيابها وعباياتها من الخياط

ويطبخ لها ويكنس الحوش ويسقي الزرع

ولو راحت عرس معاه شم ريحتها وقالها انتي حلوه اليوم

ولو خلص رصيدها ركض شرالها بطاقه

ولو كان عيد ميلادها هناها وقالها كلمتين حلوين

يوووووه

الله يستر علينا بس من هالشر اللي لا بد منه

الخدم والطباخين والسواقين

تسلم عالموضوع

[الأصيلة]

حلقه اليوم كانت حلقة هادفة :thumbup:

ياليت تشوفها وحده
صراحة ما أعرفها لكن سمعت عنها من أقرب قرايبها..
يقولون من تجيب الطفل تحذفه على الخدامة وهي تشوف نفسها
وتسافر بالأيام والأسابيع وعيالها الصغار تخليهم عند الخدامة والسايق...

[باسورد]

حلقه اليوم مانقدر ننكر حقيقتها في مجتمعنا ولكن وانا اشاهد الحلقه قلت بل معقوله ريال نفسه دنيئه يطالع شغاله البيت عشان اكل 0000 انزين كان مسك مرته وروضها عدل 00

عموما" اهم تناسو نقطه مهمه جدا الا وهي :

البنت من رجالها والخيل من خيالها
اول مره اشوف ريال ينام ومرته بره البيت سهرانه ولا بعد ترن الجرس يطلع يفتح لها اخر الليل ويقول لها تأخرتي :playball:0000

عموما" حلقه اليوم صفعه على وجوه الزوجات المهملات ^________^

وانتي الصادقه على تربيه امها وابوها

اذا ابوها واخوانها اشناب بتحافظ على زوجها

[باسورد]

والله اذا هو يبيها بالبيت خدامه ويبيها هيفاء وهبي ونانسي ينسى



يعني لصارت تطبخ وتغسل صارت خدامه ؟

عجيب هذا المنطق

[باسورد]

ياريت اللي في بالي شاف الحلقه اليوم ( وحده من هلي )

كل ماسألها ريلها لازم تروحين العرس قالت : يعني شلون ماوجب الناس !!!

هذي ماراح تهتم الا اذا تزوج الخدامه

[Gh2o]

حلقه اليوم بس مصخوها يتمدحون مرته وايد والله لو بداله بلعن خيرهم مب شغلهم من الي طابخ ولا من الي مسوي ياكلون وهم ساكتين

[حسن]

شيسون بعض الازاوج قصب يتحمل

[باسورد]

ياكثرهم اللي يرجعون البيت من الحفلات وأزواجهم نايمين...
هنا ما ألوم المرأة مادام لقت زوج مخلي سكانه بيد زوجته ونايم...
...

ويمكن هو مرتاح عالوضع اللي هي خلته فيه وشاف غيرها , عشان كذا هو ما يسأل

[باسورد]

والسايق صار اليد اليمنى للزوجه في البيت

يوصلها ويجيبها

يجيب لها ثيابها وعباياتها من الخياط

ويطبخ لها ويكنس الحوش ويسقي الزرع

ولو راحت عرس معاه شم ريحتها وقالها انتي حلوه اليوم

ولو خلص رصيدها ركض شرالها بطاقه

ولو كان عيد ميلادها هناها وقالها كلمتين حلوين

يوووووه

الله يستر علينا بس من هالشر اللي لا بد منه

الخدم والطباخين والسواقين

تسلم عالموضوع

حلها بسيط يطلقها ويروح عند ابوها ويقص شنبه لانه ماعرف يربي بنته

[باسورد]

ياليت تشوفها وحده
صراحة ما أعرفها لكن سمعت عنها من أقرب قرايبها..
يقولون من تجيب الطفل تحذفه على الخدامة وهي تشوف نفسها
وتسافر بالأيام والأسابيع وعيالها الصغار تخليهم عند الخدامة والسايق...

انصحه يتزوج عليها

[باسورد]

شيسون بعض الازاوج قصب يتحمل

يا حيف عالرجال افا بس

[كــرت احمــر]

اقول المره من رجالها والخيل من ركاااابها

[الأصيلة]

انصحه يتزوج عليها

والعيال الضحية...
لم أسمع أن الزوج عنده اعتراض على مايحدث...
والله غريبة ..
الحمدلله الذي عافانا مما ابتلاهم فيه
وفضلنا على كثيرا ممن خلق تفضيل...

[captin]

طبعا هذا الشي واقعي وموجود في مجتمعنا ولو أنه أخذ طابع المبالغة في كثير من المشاهد
في المسلسل لكن كان القصد توضيح الرسالة للمشاهد

في حالات مثل هاذي يكون التقصير من الأثنين

لا الزوجة خافت ربها في زوجها وبيتها وعيالها وكان زوجها وعيالها ومصلحة بيتها هي الأولوية الأولى في حياتها وبعدين تأتي الأشياء الأخرى والمجاملات الإجتماعية


ولا الزوج وضع حد من البداية لمثل هاذي الزوجة المهملة ووقفها عند حدوث أول موقف وتفاهموا على طريقة مناسبة متوازنة لأداء الواجبات الاجتماعية والزيارات وحفلات زواج الأقارب والحد الأقصى للبقاء خارج المنزل في مثل تلك الأعراس الخ .

[wadha-qa]

مادري ما اصدق ان فيه حريم بهالطريقه عايشين؟
واللي يحر ان زوجها ساكت لها صراحه اذا هو راضي وساكت يستاهل اللي يجيه

[الشقيان]

للاسف هذا وااقع الي عندنا

وثاني شي (( سكان مرته )) البعض مب الكل

[الأصيلة]

مادري ما اصدق ان فيه حريم بهالطريقه عايشين؟
واللي يحر ان زوجها ساكت لها صراحه اذا هو راضي وساكت يستاهل اللي يجيه

ترى نوعيه ها الرجل اللي مايقدر يرد زوجته
كثيرين وخاصة مع تعدد وظائف المرأة والإختلاط اللي اكتسبت منه المرأة قوة الشخصية من خلال تعاملها اليومي مع نوعيات كثيرة من الرجال...
بالإضافة إلى تربية الطفل منذ الصغر على التهميش وكسر شخصيته
ووصفه بأوصاف تضعفها وخاصة المقارنه مع الآخرين أو عقابه أمام أصدقائه أو إخوانه
مما يؤثر على نفسيته ونشأة الشخصية الضعيفة المترددة ...

[MoneyMaker]

لا تشره عليهم (صلوخ)