ليش ما فيه تحويلة حق ام صلال علي ؟

[ALHAJAJI]

والله العظيم حرام اللي قاعد يصير ,

يعني مو معقوله عشان اوصل ام صلال علي لازم ادخل الخريطيات وعقبها ام صلال محمد , ما ادري ليش اشغال صكروا تحويلة ام صلال علي اللي تدخلك على طول للمنطقه :anger3:

الحين المدارس علي الابواب واذا دخلنا من صوب الخريطيات قسم بالله ابشروا بالزحمة صوب الدوار اللي حذا بيت الكعبي . والف مطب قدامك لين توصل ام صلال .

والمصيبة اذا كملت على خط الشمال لازم تروح لين جسر ام العمد عشان ترد وتدخل من ام عبيرية .

طيب فيه سؤال ثاني : ليش جسر ام صلال علي اللي قدام مركز الشرطة لين الحين محلك سر ؟ يبي لهم على الاقل سته او ثمانية شهور عشان يخلصونة , والشركة تقول ان المفروض يخلصون من خط الشمال في شهر سبعة 2011.


حسبي الله عليكم يااشغال ولا حول ولا قوة الا بالله العلي العظيم .

[حقيقه]

انا ساعات اكمل لين الجسر وارد

مللونا متى يخلصون هالشارع :anger3:

[الكاسر007]

القصد من هذا الترتيب انهم يبداون جسر جسر
في البداية جسر الخور لانه جسر مهم وخاصة للشركات
وبعدين جسرالخريطيات و ازغوى
وبعدين الخيسة
وببداون بام صلال قريب

يعني الشغل حسب الاهمية وتراهم بدو فية بالنسبة للطبقة الترابية

ترا شركة tekfen من افضل الشركات العالمية وهي تركية وهي اللي ماسكة خط الشمال بالكامل والكل يمدح تعاونها وشغلها احمد ربك

طريق سلوى طاف الخمس سنيين

وجمعة مباركة على الجميع

[ALHAJAJI]

انا ساعات اكمل لين الجسر وارد

مللونا متى يخلصون هالشارع :anger3:


يوم تحج البقر على قرونها , ذيك الساعة تشوفين الشارع مخلص

[ALHAJAJI]

القصد من هذا الترتيب انهم يبداون جسر جسر
في البداية جسر الخور لانه جسر مهم وخاصة للشركات
وبعدين جسرالخريطيات و ازغوى
وبعدين الخيسة
وببداون بام صلال قريب

يعني الشغل حسب الاهمية وتراهم بدو فية بالنسبة للطبقة الترابية

ترا شركة tekfen من افضل الشركات العالمية وهي تركية وهي اللي ماسكة خط الشمال بالكامل والكل يمدح تعاونها وشغلها احمد ربك

طريق سلوى طاف الخمس سنيين

وجمعة مباركة على الجميع

واضح ان الشركة من افضل الشركات العاملة في الدولة , والدليل التحويلاحت والصبيات مالتهم اللي قاعدة تسبب الكثير من الحوادث حتى يومنا هذا , اخاف راح نتعدى قناة السويس في عدد ضحايا الانشاء .

اما الجسور اللي افتحوها اللي اهي اولا جسر ازغوى ومسلم والحين جسر الخريطيات والخيسة , انطر عليهم بداية المدارس وبتشوف الزحمة على اصولها بسبة الدوارات اللي مسوينها عند نزولك من الجسر.


بخصوص جسر ام صلال علي ما ادري ليش اشك ان هالجسر في عيب شرعي , اذا كنت مار من صوب ام صلال محمد بجانب المركز الصحي اللي هدوه شوف ناحية الجسر ما ادري ليش احس ان فيه ميل بأتجاه الشمال .