غانم السليطي تصانيف شكرا

[بنت الدوسري]

السلام عليكم ورحمة الله وبركاتة
اسمحوا لي ياخواني وخواتي اني اشكر الاب والاخ الفنان الكبير غانم السليطي والفنان عبدالعزيز جاسم على مسلسل تصانيف

هذا المسلسل اللي كنا ننطره بفارغ الصبر الصراحة تكلم عن مواضيع حلوة ومهمة جدا بالنسبة لنا كقطريين اشكركم من قلبي وهذي المسلسلات اللي نحتاجها اللي تعالج القضايا المجتمعية بدال هالمسلسلات اللي تضيع الوقت بلا معنى

مشكورين

[راشدس]

غانم السليطي يتكلم القضايا المجتمع ومن يسمع له مااااااااااااحد
يعني مافيه فاااااااايده

[البدع]

لم اتابع الا 3 حلقات فقط

والصراحة المسلسل هادف جدا

بعض حلقاته ليس بالمطلوب وضعيفة فنيا

ولكن لها اهداف

واتسائل عن صحة ان تصانيف كان يجب ان يذاع قبل سنتين ولكن الرقابة منعته

[qtr.wolf]

مساكين اهل قطر

الرجل تصيده مشكله يروح يشرب و يحشش و الموظفه اللي مع الرجل في الدوام تتصل له و تشوف شخباره وليش مسوي في نفسه كذا هذا اللي تبغون تشكرونهم عليه يطلعون فضايح قطر على العالم وين صارت موظفه تسال عن زميلها في الدوام عادي عند الغير قطريين من البنات

اختي الفاضله بنت الدوسري ارجو ان تتقبلي ردي بصدر رحب لو انكي تعملين في احدى الوزارات في الدوله ولاحظتي زميلك في العمل عنده مشاكل و تعبان نفسيا و مريض هل ستسألينه ماذا بك و تقومين بالاتصال به و السوال عنه في حالة غيابه من العمل ؟

ادري اجابتج بالنفي

اذاا على وشو تشكرينهم اللي في عمرهم ماعرفوا يسوون مسلسل عدل كل واحد يرجع بلاده الاصليه احسن

[بومحمد911]

في ناس ما يعجبهم العجب ولا الصيام في رجب

[خليفـة]

تابعت له حلقات معدوده
ولكن اعتقد انه مبالغ نوعا ما في توصيل الفكرة في بعض الحلقات الي سواها

بشكل عام
الفنان غانم السليطي انسان محترم جدا

وانا تواجهت معاه في احد المرات في طوارىء مستشفى حمد
وجاء لين عندي وانا ارقد على سرير المرض وسلم علي بكل رحابة صدر وبكل تواضع
وجلس يسولف معاي وكأنه يعرفني من سنوات
فعلا هو انسان خلوق وطيب ومتواضع لأبعد الحدود

قواك الله يا استاذ غانم وبالتوفيق ان شاء الله
:)

[QATAR 4 EVER]

السلام عليكم ورحمة الله وبركاتة
اسمحوا لي ياخواني وخواتي اني اشكر الاب والاخ الفنان الكبير غانم السليطي والفنان عبدالعزيز جاسم على مسلسل تصانيف

هذا المسلسل اللي كنا ننطره بفارغ الصبر الصراحة تكلم عن مواضيع حلوة ومهمة جدا بالنسبة لنا كقطريين اشكركم من قلبي وهذي المسلسلات اللي نحتاجها اللي تعالج القضايا المجتمعية بدال هالمسلسلات اللي تضيع الوقت بلا معنى

مشكورين



اسمحيلي اختي

المسلسل قممممممممه في السخافه والتصنع ماعدا حلقة اوحلقتين مستواها مقبول


وانا من وجهة نظري ان غانم السليطي كل مازاد في التصنع انقلب لمهرج للاسف الشديد

والناس واعيه وتعرف تقيم الاعمال الجيدة والرديئه

للاسف لايوجد ممثل متميز في بلدنا وقد يوكون عبدالعزيز جاسم افضلهم في الاعمال الدراميه فقط

[رجل الجزيرة]

تابعت له حلقات معدوده
ولكن اعتقد انه مبالغ نوعا ما في توصيل الفكرة في بعض الحلقات الي سواها

بشكل عام
الفنان غانم السليطي انسان محترم جدا

وانا تواجهت معاه في احد المرات في طوارىء مستشفى حمد
وجاء لين عندي وانا ارقد على سرير المرض وسلم علي بكل رحابة صدر وبكل تواضع
وجلس يسولف معاي وكأنه يعرفني من سنوات
فعلا هو انسان خلوق وطيب ومتواضع لأبعد الحدود

قواك الله يا استاذ غانم وبالتوفيق ان شاء الله
:)

بس هو ما يعجبني ولكن الله يهداه.

[ســـهم]

حلقته اليوم ناقشت البنيه التحتيه بطريقه ساخره وحلوه

يعطيه العافيه ان شاء الله .

[QATAR 4 EVER]

حلقة اليوم فاشلة

الاخراج وكتابة النص سيئة جدا

[استغفرالله]

مسلسل حلو وهادف يطرح المواضيع الساخنة بطريقة ساخرة وخفيفة ومناسبة

[cavok]

اخواني اليد الوحدة ما تصفق

[الشقيان]

غانم السليطي يتكلم القضايا المجتمع ومن يسمع له مااااااااااااحد
يعني مافيه فاااااااايده

:thumbup::thumbup:

[أبو مناير]

الأفكار جيدة , لكن اللي غير جيد هو المبالغة في التمثيل , وهذه المبالغة هي سبب الردود السلبية.

[راية الفخر]

ماقصر الصراحه بس مازلت انتظر حلقة معاناة المدرسات بعد تحويل المدارس للمستقله واتمنى تكون من بين الحلقات حلقه تتناول هالشي

[qtr.wolf]

ماقصر الصراحه بس مازلت انتظر حلقة معاناة المدرسات بعد تحويل المدارس للمستقله واتمنى تكون من بين الحلقات حلقه تتناول هالشي

اختي الفاضله اذا تنطرين حلقة عن المدارس المستقله براحتج بس حطي في بالج شي وهو يمكن من كثر الاحباط و الظلم للمدرسات تنحرف و تطلع مع شباب و جلسات شراب و حشيش و عربده و العالم قاعدين يشوفون اهل قطر كذيه اي واحد عنده مشكله لازم يشرب و بنات ليش مايطلع الواحد اذا صارت له مشكله يقوم يصلي و يتوجه الى الله بالدعاء والاستخاره وعمل الخير مب يروح مع اصدقاء السوء سكران ولا مع بنات المدرسات بدل تشرب خمر بتعرف على واحد تطلع معاه و يلعب عليها و يحط لها منوم في العصير و يسوي اللي في باله و يخليها تولي هذا اللي تبون تشوفونه

اللي يشوف كرشة غانم السليطي كلش الشخص مب مال شرااااااااب

[بنت الدوسري]

اختي الفاضله اذا تنطرين حلقة عن المدارس المستقله براحتج بس حطي في بالج شي وهو يمكن من كثر الاحباط و الظلم للمدرسات تنحرف و تطلع مع شباب و جلسات شراب و حشيش و عربده و العالم قاعدين يشوفون اهل قطر كذيه اي واحد عنده مشكله لازم يشرب و بنات ليش مايطلع الواحد اذا صارت له مشكله يقوم يصلي و يتوجه الى الله بالدعاء والاستخاره وعمل الخير مب يروح مع اصدقاء السوء سكران ولا مع بنات المدرسات بدل تشرب خمر بتعرف على واحد تطلع معاه و يلعب عليها و يحط لها منوم في العصير و يسوي اللي في باله و يخليها تولي هذا اللي تبون تشوفونه

اللي يشوف كرشة غانم السليطي كلش الشخص مب مال شرااااااااب

اخوي مساهم الف شكر لك على ردودك والصراجة يدل على حبك وغيرتك على بلدنا الغالي

بس ياخوي لازم المسلسل يصير فيه شوي مبالغات يعني لزوم التمثيل لازم يكون فيه اشياء مبالغ فيها اوكي ممكن يكون مبالغ فيه بس بعد اقولك لزوم التمثيل واخنا نتكلم عن الشخص اللي يناقش قضايا مجتمعنا وماعلينا منه اذا كان راعي شري\ب والا غيره اخوي مساهم احنا في شهر فضيل والله يستر علينا وماعلينا من حيات الفا\نان غانم السليطي الخاصه احنا نتكلم عن المسلسل كمسلسل وعن القضايا اللي انطرحت فيه


وشكرا لكل من ساهم ورد

[محمد11]

اللي يشوف كرشة غانم السليطي كلش الشخص مب مال شرااااااااب


الحمدالله والشكر

تتكلم عن المسلسل يطلع فضايح قطر !!!

وانت اول من فضح الرجال !!!


استغفر ربك ياخي

سبحان كلام جدا متناقض !!

ياخي عندك برنامج وطني الحبيب صباح الخير

تقدر تروح تتصل وتعارض البرنامج بعدم وجوده وذلك بسبب ( فضايح قطر )

كلمهم يمنعون البرنامج !!

تقدر تروح حق ( اكبر الباكر ) وتمنع الشرااااب ...

الواحد يبي يتكلم او يكتب شي يكتب بشكل عاااام

مب شكل ودي

واما من ناحية المسلسل واقسم بالله العظيم كل حلقة احلى من الثانيه

الرجال يتكلم بلسان اهل قطر بالصوره والصوت

خاصتا حلقة ( اللعيبه ) الاجانب المحترفين والقطرين وطريقة الصرف عليهم ...

وممكن تسال صاحب الصورة الي انت حاطها ( محمد غانم الرميحي )

وحلقة الحفريات ..
تعال حياك عندنا ف منطقتنا ممكن تحس بطعم الشقى
الرجال تكلم بكلمة حق
وجاب الكلمة مع الفكاهه

[سلامي عليكم]

ومن متصور والا يفتكر ان مشاكل وقضايا اهل قطر بتنحل على يد واحد سخيف ...
الله يهديكم ويهدينا ويهداه

[محمد11]

ومن متصور والا يفتكر ان مشاكل وقضايا اهل قطر بتنحل على يد واحد سخيف ...
الله يهديكم ويهدينا ويهداه



وان شاءا لله نحلها على يد

عادل امام

السخيف الي تتلكم عنه

هذا واحد قطري مثلك قطري
الامير حضر ( مسرحية حق هالسخيف الي تقول عنه ) اسمها امجاد يا عرب
والكل يشهد لها ..


عطني رايك من الي يقدر يوصل صوته بهالطريقة !!

مايعجبكم العجب انتوا الصراحه

لا الصراحه ولا شي

[ضوى]

ياربي لهالدرجة في ناس ماتخاف الله وتتكلم وتقذف في الناس ؟؟ ماتخافون في الايام العادية خافوا الله في رمضان اعوذ بالله اعوذ بالله

[عليان قطر]

الجميل في المسلسل انه راح يفتح عيون الحكومه بعض النقاط الجوهرية والتركيز عليها
حيث ان بعض الامور قد زادت حدها

[بوفهد 5555]

مسلسل بايخ وافكار قديمة

[بيانو]

اختي الفاضله اذا تنطرين حلقة عن المدارس المستقله براحتج بس حطي في بالج شي وهو يمكن من كثر الاحباط و الظلم للمدرسات تنحرف و تطلع مع شباب و جلسات شراب و حشيش و عربده و العالم قاعدين يشوفون اهل قطر كذيه اي واحد عنده مشكله لازم يشرب و بنات ليش مايطلع الواحد اذا صارت له مشكله يقوم يصلي و يتوجه الى الله بالدعاء والاستخاره وعمل الخير مب يروح مع اصدقاء السوء سكران ولا مع بنات المدرسات بدل تشرب خمر بتعرف على واحد تطلع معاه و يلعب عليها و يحط لها منوم في العصير و يسوي اللي في باله و يخليها تولي هذا اللي تبون تشوفونه

اللي يشوف كرشة غانم السليطي كلش الشخص مب مال شرااااااااب




اخى الكريم ليس كل من لديه كرش يبفى مال شرب وسكر - استغفر ربك

ثانياً اقدر غيرتك على صوره اهل بلدك ولكن دعنى اقولك شىء من الحقيقه ولا تزعل

من يتابع المسلسل ؟
اشخاص داخل قطر سواء من قطريين او مقيمين والإثنين عارفين هذا الشىء الذى يحاول ان يجسده ابوفيصل فهى اشياء واقعيه يعلمها الجميع .

من يتابع المسلسل ايضاً ؟
كل او بعض اهل الخليج ولا يوجد فضايح كما تقول ان المسلسل يوصل صوره سيئه ولا شىء لانه ليس عالمياً لهذه الدرجه - مع العلم انى معجب به ولولا انى داخل قطر ما كنت افكر اشوفه لان اكيد القناه مش هتكون موجوده عندى اساساً .

فلا تتحامل على الاخ غانم بأنه يسؤ سمعه البلد - هو بيقوم بدوره الفنى فقط لا غير ويحاول على قد مايقدر يوصل شىء فى صدور الناس من خلال رساله فنيه كوميديه
وكل عام وانت بخير

[ســـهم]

الأفكار جيدة , لكن اللي غير جيد هو المبالغة في التمثيل , وهذه المبالغة هي سبب الردود السلبية.

المبالغه مطلوبه في الكوميديا اما الدراما فليست مطلوبه

لوصول المعلومه الصحيحه للجمهور خاصة في الكوميديا لابد من المبالغه لكي تصلهم بسلاسه وبدون ملل علما ان هذا المسلسل له عدة موضوعات يناقشها بفكاهه او سخريه ..

[الـقـاسـي]

انا تابعت حلقات المسلسل فعلا تطرح قضايا مهمه من زمان ما شفنا مسلسل يناقش اوضاعنا ويعبر عن اصواتنا ..
حتى لو كان في ملاحظات على المسلسل فهو مقبول وعسل على قلوبنا على الاقل احسن من لاشيء ..
فيه حلقه من كم يوم بصراحة اثرت فيني يوم يتكلمون عن الاعب القطري اللي مايعطونه فلوس وفي الاخير يجمع الناس عشان يسفرهم يتجنسون اثرت فيني كلمته يوم قال صفوا بالدور ولا بخليكم تمون مواطنين وكانه صار عقاب شي يعور القلب والله ..

وبالنسبه للي يقولون تصوير الحلقه من سنتين مليون فالميه التصوير كان من سنتين او اكثر يمكن في حلقات جديده بس في حلقه انا شفتها كانوا يتكلمون عن مقاله في الجريده والمقاله نازله سنه 2008 فأكيد التصوير كان ذيك الايام ,, مجرد توقعات ..


الله يوفق العملاق غانم السليطي ويوفقه ويكثر من امثاله ..

[انتر ميلان]

ينتقدون المسلسل وحافظين الحلقات ماشاءالله عليهم
والسليطي ناقش قضايا المواطن والوطن وماااااقصر وبيض الله وجهه
واللي ينتقد المسلسل ويقول سخيف خله يتابع برامج شوجي واللعب فله

[بنت ابوها 19]

حلقت امس محد فهمها عدل

والكل اانتقدها

لكن والله لو فهمتوها راح تفهمون انها تتكلم عن حقيقه 100% عايشينها

الي هي انقراض اللغه العربيه وانقراض القطري والتراث القطري

صج حلقة امس ماكنت مفهومه ولا متعوب عليها

لكن المعنى والمغزه من الحلقه يكفي

وترا اكتشفت شي

انه هل قطر مايعجبهم شي

لو تمدحو بقطر قالو بال يبالغون وبسكم كذب على عقولنا ولو انتقدو قالو شنو طلعونا بصوره خايسه ؟؟


بس عاد شلي تبونه بالضبط لا تبون المديح ولا الانتقاد

عيل شتبون بالضبط .؟؟؟؟

[بوخالد الذيب]

الحمدالله والشكر

تتكلم عن المسلسل يطلع فضايح قطر !!!

وانت اول من فضح الرجال !!!


استغفر ربك ياخي

سبحان كلام جدا متناقض !!

ياخي عندك برنامج وطني الحبيب صباح الخير

تقدر تروح تتصل وتعارض البرنامج بعدم وجوده وذلك بسبب ( فضايح قطر )

كلمهم يمنعون البرنامج !!

تقدر تروح حق ( اكبر الباكر ) وتمنع الشرااااب ...

الواحد يبي يتكلم او يكتب شي يكتب بشكل عاااام

مب شكل ودي

واما من ناحية المسلسل واقسم بالله العظيم كل حلقة احلى من الثانيه

الرجال يتكلم بلسان اهل قطر بالصوره والصوت

خاصتا حلقة ( اللعيبه ) الاجانب المحترفين والقطرين وطريقة الصرف عليهم ...

وممكن تسال صاحب الصورة الي انت حاطها ( محمد غانم الرميحي )

وحلقة الحفريات ..
تعال حياك عندنا ف منطقتنا ممكن تحس بطعم الشقى
الرجال تكلم بكلمة حق
وجاب الكلمة مع الفكاهه

:nice::nice::app2::app2:

[طموحة]

استانست لما شفته صراحة

ومسلسلة هادف كل مااشوف قصة حلقة اقول صج صادق

[jassimqtr]

جزاه الله الف خير وماقصر

[بنت الدوسري]

بيض الله وجيهكم والله يوفق الاخ غانم السليطي هذا ولدنا وولد الديرة ومافي حد احسن منه يتكلم عن مشاكلنا
والصراجة تاثرت في حلقة اللاعب القطري وحلقة انقراض اللغة والعادات والتقاليد اتوقع ان هالشي بيصير قريب من اللي نشوفه من الاجانب واللي يسوونه فينا
تذكرت اول مااشتغلت واحد من المسؤوليين قاللي لاتحضرين الاجتماع اليوم قلت له ليش قالللي في اجانب واجد قلت له مافي مشكله انا انجليزيتي ممتازة قاللي وللاسف لا انتي لابسه عباية والاجانب يخافووون من اللي لابسه العباية ( وطبعا ماحضرت )

[bo-ibrahem]

جزاه الله الف خير

[برزان1]

كنت أتوقع أن يكون المسلسل أفضل من هذا

لو عملنا مقارنة بينه وبين مسلسل فايز التوش اللي أنتج في الثمانينات لوجدنا الفرق كبير بين العمل اللي مضى عليه أكثر من ربع قرن وبين هذا العمل الذي أنتج في 2010م


للأمانة المسلسل تافه لو لا أن وقت بثه بعد الفطور لما تابعته

[بوهلال]

يتكلم عن الواقع اللي الاغلبيه مب راضي يقتنع فيه

[بوحارب]

مع اني ماحب شي اسمه مسلسلات لكن هالمسلسل جذبني من قلب

مثل ما يجذبني الكرك عند الصباح :(

[بوهلال]

كلها يوم او اثنين ونشرب الكرك الصبح

[بوحارب]

الله يسمع منك :( ههههههههههههههههههههههههه ..

[احمد1]

بصراحه فرحت برجعة الفنانين غانم السليطي وعبدالعزيز جاسم وللعلم انه لحقت على تناتيف وفايز التوش والمسلسلات الناجحه والحمدلله الحين تصانيف واقول ان غانم السليطي فنان مميز رزين خفيف الظل واطروحاته جميله وهو يتلكم عن شريحه من المجتمع مب الكل وشكرا