يالربع وين احصل محل يغير لون موتر بالزقة لون عادي او مطفي؟؟

[البوررصة]

السلام عليكم

انا سمعت في محل في قطر عندة لزقة لتغير لون السيارة ؟؟
مابي برع قطر ابغي داخل قطر .؟
وان شاء الله شغلهم عدل

[الكواري8]

ياخوي.. محل تيتانيم الي في طريق سلوى يقدر يركب لك جلاد على الموتر كامل.. واعتقد يعطيك ضمان...

بس الاسعار الله يعينك عليها... ان شاء الله اكون فدتك

[ممنوع اللمس]

اخوي خذ الكلام مني المطفي ممنوع جميع الالوان اتصلت عالمرور وكلمتهم وقالو ممنوع
فالكويت تركبه بـ 1800 ريال اللون اللي تبيه مع التركيب وعليه ضمان 5 سنوات
بس مع الاسف قالو ما نعطيك تصريح مطفي

[qatar.com]

اخوي النهدي بشارع سلوى يركب لك عندهم ابيض مطفي

[No.Limit]

استفسار يا جماعه

الالوان الثانيه ممنوعه بعد ولا بس المطفي ؟؟

[qatarma]

الي اعرفه بس مطفي ممنوع

[البوررصة]

اذا اسعار خيالية مانبغي ...
يعني لو مايتعدى ال 10 الا مب مشكلة واهم شي ضمان ,,
^^^^

[بذرة غلااا]

تغير لون السياره ولا تضيف لون جديد للسياره ممنوع وفيها حجز سياره ومخالفه
لازم قبل لاتغير اللون تروح المرور تاخذ ورقه وعقب تغيرها وبعدها توديها للفحص الفني يشوفون اللون ويحددون نوعه
وعقبها تاخذ ورقه من الفحص وتروح المرور

[mubarak2006]

ابي اشوف الابيض المطفي اذا احد عنده صوره

شكرا

[HEART_LION]

الكريستال بس الله يعينك ع السعر

[ولد سالم]

انا توني صابغ النيسان لونين
نفس ما قال اخونا بذره غلا اول شي الفحص الفني انا رحت الصناعيه
وجاف الموتر انه بدون حوادث طلعت ورقه من الكنترول ومافيها كلافه يمكن السالفه كلها فالمرور ما تكلف 200 ريال من البدايه لين تستلم الاستماره الجديده
بس تختار اللون اول ما تروح لحم

[HEART_LION]

ابي اشوف الابيض المطفي اذا احد عنده صوره

شكرا

هذا هو في المرفقات

[البوررصة]

يعني لازم اروح الفحص الفني والموتر 2010؟

[بطران وفقير]

السلام عليكم

يا شباب حبينا انعرف الحين المطفي صرحوه ولا لين الحين؟؟؟ هالايام أشوف وايد مواتر الوانها مطفيه

ممكن احد يفيدنا بهالشي ؟؟؟؟؟ اللي عنده كلام أكيد ممكن يفيدنا فيه

[البوررصة]

^^^^^^^^^^^^^^^^^^^^^^^^^^^^