بنك بروه..!! بليز ابي مساعدتكم ..

[غـيـد]

السلام عليكم

اخواني انا خريجه ثانويه العام 2009 ..
وبغيت اعرف اذا في امكانيه توظيف في بنك بروه ؟؟!

او انهم ماياخذون الا اصحاب "الشهادات العليا" :eek2: ؟؟

بليز اي شي اتعرفونه اسدحووه هني ولكم احلى دعوه مني في الشهر الكريم .. :yu:

والسموحه منكم ..

[nyzk]

عندج واسطه بياخذونج

ماعندج واسطه قدمي على ادارة العمل وهم بيعممون اسمج على الجهات اللي تبين تشتغلين فيها

[برزان]

كل الي اعرفه عنه انه للمستقبل بنك :)

[bo_besht]

نصيحة اخوية ابتعدي عن بنك بروة

[الدوحاتي]

ليش اخوي
كفايه بنك اسلامي

[العقل الحر]

نعم اختي تقدرين تشتغلين فيه

وخريج الثانوية يقدر يشتغل في كل مكان في البلد عادي

ولكن مب رايحه فوق واجد يا رئيس قسم بعد 10 سنوات او بدون اي شي وسينير بعد 8 سنوات

اما مدير ادارة او مدير عام مستحيل الى اذا جاء شي من فوق فوق ممكن

[روح الاطلس]

اشمعنى بنك بروة؟؟

ليه مو البنوك الثانية مثلا؟

اللي اعرفه ان هالبنك تعيس جدا ولين الحين ما اشتغل بالصورة الكاملة

[غـيـد]

اشمعنى بنك بروة؟؟

ليه مو البنوك الثانية مثلا؟

اللي اعرفه ان هالبنك تعيس جدا ولين الحين ما اشتغل بالصورة الكاملة


هالبنك ان شاءالله بيتطور وهو توه جديد صار له سنتين..
وكل البنوك في البدايه جذيه والموظفين ماكانو عندهم خبرات

انتو ليش تهبطون! الواحد يسالكم سؤال تكسرون مياديفه

[غـيـد]

نعم اختي تقدرين تشتغلين فيه

وخريج الثانوية يقدر يشتغل في كل مكان في البلد عادي

ولكن مب رايحه فوق واجد يا رئيس قسم بعد 10 سنوات او بدون اي شي وسينير بعد 8 سنوات

اما مدير ادارة او مدير عام مستحيل الى اذا جاء شي من فوق فوق ممكن


تكفون قولوا شي يرفع المعنويات .. وحمدلله ماعندي في قاموسي شي اسمه مستحيل :nono:
ويعطيك العافيه وماتقصر الشيخ

[غـيـد]

نصيحة اخوية ابتعدي عن بنك بروة



بدون ذكر السبب ؟؟ :omg:

[شمعة الدوحه]

مااعرف عنه شي انا بعد قدمت من شهرين وعندي خبره بنكيه سنتين ونص وللحين مافيه رد

بس جربي مع البنوك الثانيه ترى بالراحه بياخذونج خاصه اذا عندج لغه وموب شرط انه تكونين حمص
حتى لو نص ونص بتمشين حالج :thumbup:

[المرحب]

تكفون قولوا شي يرفع المعنويات .. وحمدلله ماعندي في قاموسي شي اسمه مستحيل :nono:
ويعطيك العافيه وماتقصر الشيخ


أبشري بالسعد وأنا أخوك ولا تهتمين من كلام الناس :nono:

قدمي عليهم وفالك طيب إن شاء الله وربي يوفقك

والمستقبل أمامك ويكفي رئيس مجلس ادارته غانم بن سعد الله يسعده

[غـيـد]

أبشري بالسعد وأنا أخوك ولا تهتمين من كلام الناس :nono:

قدمي عليهم وفالك طيب إن شاء الله وربي يوفقك

والمستقبل أمامك ويكفي رئيس مجلس ادارته غانم بن سعد الله يسعده


ايييييييه هاي الردوود السنعه :thumbup:

يعطيك الف عافيه وماتقصر الشيخ :yes:

[الشقيان]

الله يوفقج يارب

[غـيـد]

ويوفقك يارب ..
مشكور عالدعووه الحلوه

[باسورد]

تبين الزبده

اذا جنسيتج اوروبيه او امريكيه او فلبينيه بتوصلين

اذا قطريه رددي ياليل مطولك

قبلج حلمو وانصدمو بواقع مر

[حسن]

انتي قدمي طلب توظيف وانشالله خير والله بيوفقك

[بلوتنيوم]

الله يوفقج
ومافي شيء اسمه مستحيل
اذا الواحد بيعمل وبيجتهد بيوصل

[المرحب]

تبين الزبده

اذا جنسيتج اوروبيه او امريكيه او فلبينيه بتوصلين

اذا قطريه رددي ياليل مطولك

قبلج حلمو وانصدمو بواقع مر


الله يسامحه في هذا الشهر الفضيل الشخص اللي في بروه ولا يحب القطريين

وللأسف كان الجميع متأملين فيه خير للأسف !!!

وصار خيره لغير أهل قطر ...

[غـيـد]

تبين الزبده

اذا جنسيتج اوروبيه او امريكيه او فلبينيه بتوصلين

اذا قطريه رددي ياليل مطولك

قبلج حلمو وانصدمو بواقع مر


اذا هذي معتقداتك ف الله يعينك ف حياتك صراحه :))

[غـيـد]

الله يسامحه في هذا الشهر الفضيل الشخص اللي في بروه ولا يحب القطريين

وللأسف كان الجميع متأملين فيه خير للأسف !!!

وصار خيره لغير أهل قطر ...

اخوي من هذا الي تقصده !!
مافهمت ردك ؟؟ :looking:

[غـيـد]

:( توني متصله يقولون حاليا يبون ناس عندهم خبره مشتغلين من قبل :(
بس بعد بنقدم وبنشوووف :(
الله كريم 3>