ابحث عن شاليه للبيع في قطر [الأرشيف] - منتديات شبكة الأسهم القطرية

مشاهدة النسخة كاملة : ابحث عن شاليه للبيع في قطر

كويتي تداول

23-03-2006, 08:04 AM

السلام عليكم

عندي سؤال هل في قطر شاليهات للبيع ... واذا فيه شنو اسامي المناطق اللي فيها شاليهات وشنو احسن المناطق اللي فيها شاليهات

انا ابي شاليه يكون بعيد عن العاصمه ... للحداق وتغير الجو ..... وكم اسعارهم
وشكرا

كويتي تداول

25-03-2006, 06:23 AM

شدعوه يا جماعه تراء ابي اشتري شاليه ما ابي سلف :D :nice:

Al-Jokar

25-03-2006, 08:24 AM

والله ياخوي انا ماعندي خلفيه عن الاسعار

لكن بنصحك بالمناطق انا افضل انك تشوف في الغاريه والمرونه لانه البحر هناك نظيف

وممكن في لفان بس بيكون الجو شوي متأثر بالغاز

واذا في مناطق على الساحل الغربي اتمنى يفيدونك الشباب لان المناطق هناك جديده

وقلبل الناس فيها

واتمنى اكون افدتك

كويتي تداول

25-03-2006, 10:04 AM

مشكور يا الجوكر .... المشكله محد رد علي فكره ابي الغاريه والمرونه في جنوب قطر ولا شمالها

Qatari 1980

25-03-2006, 12:22 PM

مشكور يا الجيكر .... المشكله محد رد علي فكره ابي الغاريه والمرونه في جنوب قطر ولا شمالها

شمالها :looking:

الناصر لدين لله التميمي

25-03-2006, 03:14 PM

تبغي نصيحتي يا الغالي

تعال الدوحة ثلاثة ايام و و تشوف الشاليهات

بنفسك و اللي يعجبك خذه , , ,

تحياتي

Smart

25-03-2006, 03:19 PM

قليل من الشاليهات فى قطر
واذا موجود تحصل السعر واايد غالى
انا ادور من زمان والى الحين ما حصلت شى
وان شاءالله احصل معاك عن طريق المنتدى

كويتي تداول

25-03-2006, 11:23 PM

قليل من الشاليهات فى قطر
واذا موجود تحصل السعر واايد غالى
انا ادور من زمان والى الحين ما حصلت شى
وان شاءالله احصل معاك عن طريق المنتدى

الله يعين اخوي اسمارت المشكله ...الشاليه يمكن يطلع له اسم ثاني في قطر :)

انا اشوف راي الاخ اللي يقول تعال الدوحه وشوف افضل
بس المشكله انا ادور علي شاليه حداق يعني يكووون مكان بعيد ومعزول يعني بعيد عن شاليهات المظاهر والكلام الفاضي ....اذا لقيت شي علمني تحياتي

JUST A MAN

26-03-2006, 12:10 PM

كويتي تداول

27-03-2006, 03:05 AM

انتو يا اخوانه الكويتيين لين بغيتو الشي لازم كل هالف والدوران عشان اتحصلونه يا أخي ما في شي أسمه شاليه بعيد عن شاليهات المضاهر يا اخي قول ابغي اشتري ارض على البحر وفكنه او اترك عنك سالفة حاداق ما حداق يعني تبي تقنعني انك تبي تيي من الكويت ليما قطر عشان اتقط خيط في البحر :funny:
ههههههههههههههههههههه الله يخذ عدوك

بنسبه لي فعلا ابي اقط خيط وريح راسي .....
جست ا مان ..تصدق وانا اقراء كلامك كاني اشوف مسرحية عنتر وابله ....تعرف الممثل الاسمر المتين كانه يكلمني هههههههههههههههه

تسلم والله خليتني اضحك الله يجزاك خير ...شفيك انتا ههههههههههههههههههه

زين يلا ابي ارض علي البحر ..عندك؟

JUST A MAN

27-03-2006, 02:07 PM

له له له له مساكين ما سوه خير فيكم الي في بالي صايرين حساسيين ازيادة عن الزوم المهم شكلك كنت عند تسريحة التواليت وانت تقره كلامي من كذيه شفت الممثل الأسمر المتين :app:

كويتي تداول

28-03-2006, 07:50 AM

ههههههههههههههههههه شايفني ساحر اعرف اللي في بالك
المهم اخوي عندك شاليه او ارض علي البحر هذا اهو الموضوع
ومشكور علي المرور

وسمي قطر

28-03-2006, 12:26 PM

معروض عندي شاليه في الحويله مساحته تقريبا 1300م2 وسعره غالي ومن له خاطر يشوف او يعاين

لايتردد , على البحر .

Smart

28-03-2006, 12:37 PM

كم السعر؟

وسمي قطر

28-03-2006, 12:49 PM

مطلوب فيه 9000000مليون ممكن اتفاصل في السعر بعد المعاينه اذا لك رغبه ياسمارت

Smart

28-03-2006, 12:53 PM

واايد غالى

خارج ميزانيتى

Smart

28-03-2006, 12:54 PM

وشكرا اخوى وسمي فطر

وسمي قطر

28-03-2006, 01:33 PM

الله يسلمك الغالي اي شي في خاطرك قوله ابد حاظرين يالغالي

HUSSAIN

30-03-2006, 08:11 PM

مشكور

الرميحي

30-03-2006, 09:15 PM

مطلوب فيه 9000000مليون ممكن اتفاصل في السعر بعد المعاينه اذا لك رغبه ياسمارت

:eek2: :eek2: :eek2:

بو فهد

31-03-2006, 04:54 AM

:eek2: :eek2: :eek2:

اخوى ليش مستغرب من السعر محطة بترول انا بايعها عن طريق مكتبنا

ستة ملاين ريال

راعيها عارضها للبيع

تتوقع بكم

^

^

^

^

^

^

^

^

^

^

^

^
يشهد الله راعيها عارضها اللحين بخمسين مليون ريال

وسلامتكم
وتقولون الاراضي بترخص
والفردان اللحين يبيع ارخص شقق للولو مليونين ر يال
ياناس اصحو
الى يقدر يشترى ارض لايفرط

كويتي تداول

02-04-2006, 12:45 PM

واايد غالى

خارج ميزانيتى

كلامك صحيح ولاكن ازيد عليه انه رقم فلكي وتاريخي

نتمناء من الاخوان شاليه عادي يعني مثل اللي ياخذونه اخواما القطريين

مانيبي شاليه جنب الشيراتون

مشكور ابو فهد والله يزيدك

وسمي قطر

04-04-2006, 12:39 PM

الرميحي لاتستعرب ولا اتعجب هذا شي عادي المالك يطلب السعر ولا الشراي دايما يفاصل في السعر بعد

المعاينة واللي عنده سعر يقوله وعلى المالك اذا اقتنع بالسعر يوافق ولا انا غلطان يالرميحي

وسمي قطر

04-04-2006, 12:42 PM

ياجماعه الشاليه قريب من شاليه الامير وهذا هو سبب غلاه ولكن من يقدر يفاصل بالسعر اذا كان شراي جاد

المخلب

04-04-2006, 09:03 PM

والله ياكويتي تداول .. مادري شقولك ..

المشكله ان اخوانا الكويتيه ماقصروا ..! بسبتهم الاراضي ارتفعت !! بقطر

يعني انا اقولك كيف ..!

اول ام غويلينه كانت ماتسوه حتى 25 ريال الفوت ! ماتوصل اصلا !!

جاوا الطيبين الكويتيه .. وشروا تقريبا نص المنطقه بالضبط !

باسامي قطريين طبعا ..!

وانتظروا عليها كم شهر .. لين ماطلع القانون السماح بتملك الخليجين ..!!

ويجون يبيعون كل ارض فوق المليون !! الغريبه ان الطيبين القطريين ..!! مومصدقين الي يصير ..!

بعدين نطوا الكويتيه .. وراحوا مناطق ثانيه .. المنصوره والمطار ..الخ

اي مكان مسموح فيه عماير يشترونه ! برخيص ويبيعونه بزياده 500% !

طبعا .. ماوقفوا عند هذا الحد .. فكروا بشئ كبير .. نطوا على المزارع ..!!

بالاول كان المزرع بقطر ..! بالموت ينباع .. اكبر مزرع تحصله على مليون !!

هذا اذا واحد شرى اصلا !!

فشسووا اخوانا الكويتيه ..قالوا للقطرين والمكاتب ! والله احنا خاطرنا نزرع نخيل ونبيع ارطب ! وله عنب ..وجح .. والكويت غاليه .. واحنا نبي مكان نزرع فيه علشان نبيع .. (( منها تجاره ..! ومنها نفيد البلد ! بالمنتوجات !! )) وشروا المزارع على مليون .. ومليون ونص ...وانت رايح ! وطبعا كلامهم للاسف اي كلام !! يعني كانت نيتهم انهم يشترون المزرع برخيص ويبيعونه بغالي !! ( لان بالعقل من الي فاضي يهد بلاده ويجي بلاد غيره علشان يزرع طماط وبطاط وخس وجح ! وارطب !! ) .

زين طبعا الحين اللفه الجديده على الشاليهات !! (( اراضي البحر ! ))

طبعا .. يمكن يالغالي انت عكسهم يمكن ! تبي تجي قطر علشان تصيد وتاخذ فتره نقاها !! مثل الانقليز الشياب لين خلاص ملوا من الحياه جاوا عندنا بالخليج ! هههههه .

بس اذا تبي موقع زوين عندك سميسه ..او الخور ..

وتحياتي لك .