مدرسة صلاح الدين الايوبي الابتدائيه بنين / اللي جدام الصناعه الثانويه [الأرشيف]

مشاهدة النسخة كاملة : مدرسة صلاح الدين الايوبي الابتدائيه بنين / اللي جدام الصناعه الثانويه

qtr.wolf

27-08-2010, 01:48 PM

ahmaaaddd

27-08-2010, 02:51 PM

الله يرحم ذيك الأيام
ما أنسى استاذ خير الدين والمدير هاشم السادة
واستاذ أحمد سمارة والأستاذ محمد عاشور والاستاذ يوسف ابو هاشم وغيرهم كثير

الأستاذ

27-08-2010, 02:55 PM

السلام عليكم ..

شباب ماعليكم امر بغيت اذكركم بايام الابتدائيه شلون كانت معاكم ذكرياتكم هل هي حلوه و لا تعيسه تذكرون مدرسة صلاح الدين اللي في الدوحه الجديده تقريبا كان ضابط المدرسه اسمه استاد / خير صوته وهو داخل المكتب تسمعه وانت في مدرسة الصناعه من قوة الصوت بغيت منكم ماعليكم امر نتذكر ايام صلاح الدين و شلون يتعاملون مع الطلبه و من اللي اوكي و طيب و من اللي عافس ويهه وشري معانا و احنا صغار ...

بغيت تفاعل منكم يالله ..

ياااااااه وين رجعت .. الأستاذ خير ..
أتذكر كلمته المشهورة .. هاتووووووه .. جيبوووووه ..
ياأخي كان جبار هالرجل .. بس صراحة ما كان يبي لنا إلا هالشكل ..
وأتذكر في مدرس شرعية قطري أسمه ..أحمد الملا (الله يرحمه ويغفر له ) كان يدرسنا شرعية وكانت الخيزران في يده مثل أصابعه ما تفارقه ..
وأنا كنت أحفظ في البيت عدل ومن أشوف الخيزران أنسى كل شئ ..
وتعال فهمّه أنك حافظ بس خايف ..ياني كلت ضرب منه ..
وأتذكر كان محمد غانم ـ رفيجك ـ يدرسنّا رياضه ومعاه محمد فرج ..أظن
وجدام المدرسة كان النادي الأهلي بيت صغير في داعوس ..
وإذا جت الفسحة كان عندنا أربع آنات ونروح عند اسور ..
طبعاً العم فرج (مع سيكله) يبيع زعتر حار وصفيحة .. والمقصف محد يروح له ..
وعندي بعض الذكريات إللي ما تنقال .. لا يعرفونها عيالي شيفكني منهم عقب ..
وبعدين طلعونا منها ودّونا مدرسة عثمان بن عفان توهم فاتحينها ..
الله يرحم أستاذ خير والاستاذ الملا .. وكل من علمنا وأدبنا ودرسنا ... ويغفر لهم ويبدل سيئاتهم حسنات ويجعلهم مع الشهداء والصالحين ... آمين

رجل الجزيرة

27-08-2010, 04:27 PM

ياااااااه وين رجعت .. الأستاذ خير ..
أتذكر كلمته المشهورة .. هاتووووووه .. جيبوووووه ..
ياأخي كان جبار هالرجل .. بس صراحة ما كان يبي لنا إلا هالشكل ..
وأتذكر في مدرس شرعية قطري أسمه ..أحمد الملا (الله يرحمه ويغفر له ) كان يدرسنا شرعية وكانت الخيزران في يده مثل أصابعه ما تفارقه ..
وأنا كنت أحفظ في البيت عدل ومن أشوف الخيزران أنسى كل شئ ..
وتعال فهمّه أنك حافظ بس خايف ..ياني كلت ضرب منه ..
وأتذكر كان محمد غانم ـ رفيجك ـ يدرسنّا رياضه ومعاه محمد فرج ..أظن
وجدام المدرسة كان النادي الأهلي بيت صغير في داعوس ..
وإذا جت الفسحة كان عندنا أربع آنات ونروح عند اسور ..
طبعاً العم فرج (مع سيكله) يبيع زعتر حار وصفيحة .. والمقصف محد يروح له ..
وعندي بعض الذكريات إللي ما تنقال .. لا يعرفونها عيالي شيفكني منهم عقب ..
وبعدين طلعونا منها ودّونا مدرسة عثمان بن عفان توهم فاتحينها ..
الله يرحم أستاذ خير والاستاذ الملا .. وكل من علمنا وأدبنا ودرسنا ... ويغفر لهم ويبدل سيئاتهم حسنات ويجعلهم مع الشهداء والصالحين ... آمين

ما شاء الله تبارك لا قوة إلا بالله عجل أنت من جيلي، أذكر كنت في مدرسة غرافة الريان وكنت أقدم إمتحان في الشهادية الإبتدائية في مدرسة صلاح الدين.
:)

a7medooo

27-08-2010, 04:32 PM

الله يرحمه هاشم الساده توفى من زمااااان

ما اذكر الا مدرس اسمه محمد غضبان فلسطيني كان خطير

qtr.wolf

27-08-2010, 05:27 PM

اسماء الوفيات اللي في صلاح الدين /

هاشم الساده مدير المدرسه
يوسف ابو هاشم مدرس حساب
سعدي اللوح مدرس رسم

اما اللي اتذكرهم هم / حسن زعرب مال العربي
حلمي شريح مدرس عربي
عبدالله اليوسف الله يرحمه مدرس حساب سوري الجنسيه اذا مقفل يجيب عصا طولها متر و يضرب بما اوتي من قوه
محمود شاكر مدرس رياضه استاد / مال الله وكيل المدرسه بو نظاره سوده ماتفارق عيونه
وراشد غلوم وفيصل العوضي واستاد مروان محسن اللي دايما عافس ويهه مدرس الاجتماعيات و اخوه محمد مدرس العلوم كله يبغي يرقد ولا مره شفته يشرح في الصف كل حصصه في المختبر مال العلوم يابختهم
استاد محمد ذيب كان يودينا المختبر كل شهر واستاد مؤمن مال الرسم و محمد نعمان /مال الشرعيه

واستاد وائل مال العربي .... على فكره استاد خير ضابط المدرسه حي يرزق وهو في بلاده اللي صار كله عشان يجمعون له فلوس والله اعلم او للتهرب من شئ ما ...

للعلم انا دخلت صلاح الدين من سنة 78 / 77 الى 86/87 تأخرت شوي في صف اول و ثاني وذلك لسفري خارج البلاد انذاك ..

اتمنى اللي يتذكر اسماء الشباب ربعه يذكرهم لنا هنيه

اتذكر دايما الشباب منهم / خالد جسيمان اخو ابراهيم و غانم بشير الغانم محمود علم مرهف هاني هيثم نبيل منصور موسى عيسى المهيزع سلمان سالم وائل محمد حسن علي حيدر خالد السليطي و اخوانه عبدالناصر و طارق وجاسم الرميحي ولد محمد غانم الرميحي واتمنى اتواصل معاه من 8 سنوات احاول اتواصل مع جاسم الرميحي و السموحه اذا نسيت حد يالربع القدامى .... ايام راحت و ماتمت الا الذكرى الطيبه

حقيقه

27-08-2010, 05:38 PM

ماشاءالله
كبار
الله يعطيكم الصحه والعافيه
وتلتقون بربعكم القدماء

qtr.wolf

27-08-2010, 05:44 PM

ماشاءالله
كبار
الله يعطيكم الصحه والعافيه
وتلتقون بربعكم القدماء

ان شاء الله و اتمنى نلتقي في المنتدى وكل واحد موجود يراسلني على الخاص او يكتب اسم اللي يعرفهم من ربعه .. انا اعرف واحد اسمه خاجيد ...

اللي يعرف عنه شي يقول لي خاجيد الله يرحمك اذا كنت ميت

Abu Deeb

27-08-2010, 06:29 PM

الوالد كان مدرس بصلاح الدين

ودرست فيها وكان لي فيها ايام حلوة

تسلم يالذيب على الموضوع

مساهم عادي

27-08-2010, 07:23 PM

فريقهم في دوري المدارس كان الأقوى

الرايــق

27-08-2010, 08:30 PM

قانوني

27-08-2010, 09:15 PM

الموضوع حلو جدا
وين رجعتنا يا شيخ ===== بداية السبعيتا ت أيام عمر الخطيب وأستاذ وليد وسعدين اللوح
بالصدفة شريت سيارة مستعملة موديل حديث وكان مالكها ولد الأستاذ سعدين اللوح كلته لا بفحص ولا بفاصلك على السعر وخذتها والله أنها كانت مبروكة علي
اه على الفلقة في الطايور الصباحي

كيت كات قطر

27-08-2010, 10:16 PM

استاذ خير الدين الضابط توفى من خمس سنوات تقريبا الله يرحمه

الخاتم

27-08-2010, 10:23 PM

استاذ خير الدين الضابط ,ولده المذيع محمد خير الدين وعندك الاستاذ مروان مال الاجتماعيات ووائل مال العربي اللي كله يعطي طراقات واستاذ محمد السيد مال الشرعيه وسعد مال الرسم وين الواحد يتذكر

الخاتم

27-08-2010, 10:25 PM

والوكيل مال الله راعي الجي الكحلي ومحمود شاكر كان يدرب كوره في نادي قطر

الكواري 1972

27-08-2010, 11:05 PM

ماشاءالله عليكم

سمعنا مره عن مدرستكم جو حراميه خوال وشعورهم يقولك مثل السحر وصادوهم

بس ابي اعرف من هم ابطال الرياضه عندكم

يعطيك العافيه

جـاد

27-08-2010, 11:06 PM

مدرس الشرعية الي كان عنده خيزران صغير هو عبدالرحمن الملا
اول مدير للمدرسة كان الشيخ عبدالله الانصاري وبعده اظن من الجابر والوكيل الاستاذ شعبان
ومن المدرسين مبارك بن سيف الناخي ومحمد بن علي المحمود عم الوزيرة شيخة المحمود وفايز الشرفا
وسعد اللوح كان في المرسم وعمر الخطيب مدرس رياضة مع الاستاذ خالد وعبارة استاذ خير هاتوه

ولـد الخليج

28-08-2010, 12:11 AM

اللي اعرفهم
الاستاذ : عبدالوهاب مدرس انجليزي ضربته مرة أتمنى اني اشوفة واقولة يسامحني
الأستاذ : صلاح الكبيسي مدرس الاجتماعيات صراحة وايد حبووب هالمدرس
الأستاذ : صبحي فلسطيني مدرس رياضيات ( كل يوم يضربني لأني موحافظ جدول الضرب )
والاستاذ : مؤمن مدرس الفنية ( رسم ) كنت اغسل الفناجيل عندة والغوري كان مدمن نسكافية
والاستاذ : وائل مدرس عربي
والضابط : علي جابر علي الجابر اخر مرة شفته في طريق سلوي قبل شهرين وشفته قبل 6 شهور في التخطيط مكان عملي
والشباب اللي اعرفهم
واحد يلقب بــ عمور :: وعبدالرحمن التميمي , و جاسم محمد جاسم ال ثاني , و عبدالرحمن ال ثاني , و محمد يوسف المهندي و جبران خليل و محمد نقي

qtr.wolf

28-08-2010, 12:31 AM

كان فريق المدرسه اللي اتذكره هو خالد غانم الرميحي اخو محمد غانم الرميحي وفي عام 1983 او 84 كان وقتها احسن لاعب في المدرسه و كرموه يجائزه تذكاريه ايام يا بوغانم الله يذكرك بالخير و يحفظك بغيت اسامي ربعكم اللي تذكرونهم يمكن نطلع نعرف بعض ولاز نرجع ذكريات التاريخ الحلوه ولا شرايكم

على فكره استاد خير حي يرزق مب متوفي وهذا كلام اكيد وهو في لبنان حاليا

حد يعرف احمد النعمه و جاسم بدر و علي عبدالرزاق و سعد الجوف و عبدالله الفياض و عبدالله جاسم ال ثاني و خالد محمد رفيع هالاسماء في 85 اذكرهم

qtr.wolf

28-08-2010, 12:35 AM

سؤال للطلبه القدامه .. هل كان مدير المدرسه او وكيل المدرسه سنة 80 او 82 اسمه يوسف الحرقان ولا انا غلطان

الرايــق

28-08-2010, 01:33 AM

اللي اعرفهم

الأستاذ : صلاح الكبيسي مدرس الاجتماعيات صراحة وايد حبووب هالمدرس

والضابط : علي جابر علي الجابر اخر مرة شفته في طريق سلوي قبل شهرين وشفته قبل 6 شهور في التخطيط مكان عملي

شكلك من جيلي :)
الاستاذ صلاح الكبيسي فعلا استاذ حبوب واتمنى فعلا اني اقابله مرة اخرى في يوم من الايام:thumbup:
الضابط علي الجابر أشوفه يصلي الجمعة في الهلال

الكواري 1972

28-08-2010, 01:36 AM

عرفت واحد عندكم طالب

اسمه عادل بورشيد

قانوني

28-08-2010, 05:02 PM

أنا من جيل السبعينات وأذكر مدرس الرياضيات أستاذ أيوبي كان شديد جدا بس كان يوصل المعلومة ويحبب الطلبة في المادة.
ومن الطلبة الي أذكرهم الشيخ محمد بن فالح رئيس نادي الفروسية وفهد الفردان والشيخ عبدالعزيز وأخوه سعود بن ناصر بن فالح
والأخوة عادل ونبيل علي بن علي

واحلى شئ تجي الصبح مبكر وتلعب كورة في ملعب اليد مع الأنصار والقطان وعيال كنار

qtr.wolf

28-08-2010, 05:20 PM

باااااااااااال ايام .. مع هااتووووه اقصد استاد خير الدين

للعلم حد يعرف عيال عمر السليطي مدير الصناعه سابقا .. لاني اعرف عياله ولا اقول لكم شكلم محد بيتكلم

ولـد الخليج

28-08-2010, 05:23 PM

أخوي الرايق
الأستاذ صلاح الكبيسي يشتغل في المجلس الاعلى للتعليم تقدر تشوفة

الأستاذ

29-08-2010, 04:56 AM

اوووه ايااااااااااااام
درست فيها من اكثر من 13 سنة ..الله يذكرهم بالخير الاساتذة
استاذ وائل ... محمود ديب استاذ يونس مدرس الرياضيات .. خالد جمال وخالد سالم والوكيل مال الله مثل ما ذكرتم
وهاشم السادة.. والضابط الجاااابر
وكان في مدرس شرعية اسمه خالد سالم يااااماااااااا عطاني طرااااق علشان ما كنت ادرس اول بأول هههههه
محموود شاكر مدرس رياضة وغيرهم كثيييييييييييير الله يوفقهم وين ما كانوا

وين رجعتنا يا صاحب الموضوع :no:

الرايق ..
يالظالم 13 سنة شتسوي في الابتدائية ..
من شذي صار تكدس الطلاب في الصفوف وصلنا 45 طالب من سبتك أنت واشكالك ..
ندشون الصف ما تبون تطلعون ..
بشر ..آربك خلصت الثانوية ...والا وين تخلص أظن للحين تدرس ..
يأخي أظن أعرفك ..
تذكر سالفة سنقيح ..
كان واحد قصير في الصف ويانا .. وكنّا نخاف منه ..
أذكرك بها ..
كان مدرس الحساب يمر علينا يشوف الواجب وهو كالعادة ما حله ..بس مآخذ دفتر واحد فلسطيني وقاعد ينقل منه في الصف .. ويوم وصل الاستاذ عند الفلسطيني قاله وين الواجب .. مسكين خاف ..
أن قال بيضربه سنقيح .. وان ما قال بيضربه الاستاذ ..
قام وقال للاستاذ بعد تردد ..أكوه الدفتر عند سنقيح ..ويلف الاستاذ صوب سنقيح ويقوله ليش مآخذ الدفتر ..قال له بكل جرأة ..ليش مأخذه يعني أنقل الواجب ..
قاله الاستاذ تعال ..وهو يهز العصا ناوي عليه .. قال له سنقيح تعال أنت .. ويعصب الاستاذ ويروح له والشرر يتطاير من عينه ..وكان سنقيح كرسيه ـحذى الدريشة اللي تطل على البرندة وما في لا شبك ولا حديد ..يوم قرب الاستاذ منه وينط من الدريشه وهو يقول حق الفلسطيني معليه بأرويك .. ومن يومها ما شفنا سنقيح ..ما ندري وين راح؟
حتى صدفة بالشارع ما شفناه كل هالسنين ..حد يدري أشصار فيه ؟ .
تذكر هالسالفة يالرايق .. والله أخاف أنت سنقيح ..هاهاها

Salim72

11-10-2010, 02:20 PM

:nice:موضوع رائع جدا جدا وكنت دائما أدور على طريقه أدور فيها على أصدقائي في دولتي الحبيبه قطر,, وتسلمون.
أنا من عمان ,واسمي سالم خميس الرئيسي ,, ولدت في قطر سنة 1965, والدي - الشايب خميس أحمد (الله يرحمه) كان شغال حارس في (المخازن الأدويه) التابع لوزارة الصحه اللي كان جنب مدرسة الصناعه وجنب مدرسة صلاح الدين الأيوبي,, بديت الدراسه في مدرسة صلاح الدين من 1972 الى 1978 وبعدين واصلت الاعداديه في مدرسة قطر الاعداديه من 1978 الى 1981 ومدرسة الاستقلال الثانويه من 1981 الى 1983.
كان تاريخ طويل بس مليئ بالصحبه الطيبه, ولي الشرف اني كنت طالب في هالمدارس العريقه وتربيت تربيه صالحه من أيدي مدرسين ومشرفين كانوا أكفاء وأوفياء في عملهم.
من مده وأنا أدور على أصحابي اللي رافقوني في الدراسه وأصدقائي من فريج عبد العزيز مثل (فاروق) والدوحه الجديده,, الله ذكريات رائعه:),,
أنا عاصرت كل الأساتذه الأفاضل اللي ذكرتوهم من الأستاذ خير وعمر الخطيب وأستاذ الرسم سعد اللوح الله يرحمهم جميعا. ومن الطلبه الصراحه ما أذكرهم,, بس يمكن جمال وأخوه محمد ,أذكر كان عندي صديق اسمه ابراهيم ولد طويل من الدوحه الجديده,, وأيضا زينل يوسف زينل والده كان يشتغل في وزارة الصحه اللي كان في جنب المدرسه,, وأيضا درست مع الحارس الأمين يونس أحمد,, وكان أيضا لي صاحب أتذكر اسمه دائما(الله يذكره بالخير) حسن عبد الملك الصراحه كان شاطر في الصف,, كنت من هواة جمع الطوابع ذاك الوقت.
آسف,, طولت عليكم,, بس الصراحه أحلى أيام.
وألحين أنا مهندس في شركة تنمية نفط عمان من 27 سنه
يا ريت اذا تعرف حد علي يراسلني على (salimraisi@gmail.com)

الخاتم

15-12-2010, 01:51 AM

استاذ وائل تذكرونه كله يعطي طراقات الله ياخذه يحسب الطلاب يهود

الخاتم

15-12-2010, 01:52 AM

باااااااااااال ايام .. مع هااتووووه اقصد استاد خير الدين

للعلم حد يعرف عيال عمر السليطي مدير الصناعه سابقا .. لاني اعرف عياله ولا اقول لكم شكلم محد بيتكلم

مالك حل اي اعرفهم يبيلك جلسه خاصه ياقطر وولف

alsubaiai

16-12-2010, 10:06 AM

السلام عليكم ورحمة الله وبركاتة
الصراحه ذكرتني بذيك الايام والله انها كانت حلوه.
طبعاً بيتنا كان في الدوحه الجديده ، وكنا انروح المدرسة مشي ، انا واخوي واعيال عمي ، انمر على مطعم
( الكيمه ) هييييييييييييييه وما ادراك مالكيمه ، و اكل لين نوصل المدرسة ، وامعلقين اشناط adidas وري ظهورنا ، الي يشوفنا من ورى يقول قوس قزح الوان على كيفك .
وفجأه درزن بعير ، الا الاستاذ خيري طالع لنا من ورى الطوفة اتقول تحريات ، مايخلينا انتهنا بالكيمة .
وهاذي حالتنا يومياً ، ومن الزود يفتش مخابينا والله انها كانت ايام حلوه ، درست فيها خمس سنين من 79 لــ84

blueZircon

16-12-2010, 10:35 AM

الله يذكر هالايام بالخيررر , انا ماانسى الصراحه سعيد العماني كان حارس المدرسه , كنت اعتبره مثل ابوي الصراحه وماانسى حرصه علينا , الله يذكره بالخير مادري اذا ليحين عايش ولا لا , كان يبيع عصير سانتوب على منجا وبرتقاااال اخر الدواام ,

ومن المدرسين اتذكر بوحكه مدرس الانجليزي الله يذكره بالخير , واستاد صبحي مال الرياضيات كان مسوي رعب في المدرسه كلها , كرهت الرياضيات والسبه هو

واستاد صلاح الكبيسي الله يذكره بالخير,

صحيح شبعنا طراقات في هالمدرسه , بس كانت احلى مرحله مريت فيها واحسن مدرسه درست فيها

كلشئ بصوب والدكان الايراني بصووب خخخ

لآإْيكثر

16-12-2010, 10:52 AM

ذكرتوني بـ موضوع الملكه آليزآبيث
آلله يطول بـ اعمآركم ويعطيكم الصحه والعآفيه

qtr.wolf

16-12-2010, 02:19 PM

استاد ابراهيم ثابت حد يعرفه مدرس العلوم احيانا و الاصل هو مدرس انجليزي يسمونه المارد ..