ادارة العمل

[منــار]

مرحبا ..

ابي حد يساعدني في استخراج فيز نيبالية للموسسة (تجارة ومقاولات ) ..

يرجى ابتعاد اصحاب مكاتب تخليص المعاملات .. بصريح العبارة انا محتاج واااسطة ..



يعطيكم العافية

[البدع]

هل العمالة النيبالية تم اغلاق تاشيراتها ؟؟؟

والله يوفقك ان شاء الله

[منــار]

لا ما تم اغلاقها بس حق ناس وناس يتم اغلاقها ..

[فتى الجود]

السلام عليكم
أعتقد هالفترة مافي مجال لان النيبال كثرت مشاكلهم مع

ولاتتغتر فيهم

لجنة فض المنازعات - بـأدارة علاقات العمل - بوازرة العمل
ومن مشاكل هالجنسية :
01 - الأظراب .
02 - عدم طاعة ورفض العمل .
03 - عمل تنظيمات في اماكن سكن العمال .
04 - الهروب والعمل لدى الغير .
05 - طبعاً غير المشاكل مع الأجهزة الأمنية كالشرطة ( سكر - سرقة - دخول ملك الغير )

فلذلك لجنة الأستقدام يحاولون يخفون من دخولهم البلاد
وهذا الشي صار قبل مع المصريين والسوريين والبنجلاديشيون

[jassimqtr]

انا بعطيج حل
قدمي على فيز بنقال وباكستان
بيرفضون المعامل عقب قدمي على مقابلة اللجنه وشرحيلهم انج تبين بنقال وباكستان
اذا قالوا ممنوع قوليلهم عطوني نيبال بيوافقون لج

[منــار]

مرحبا اخواني ..


مشكورين ع اقتراحاتكم الطيبة .. انا في السوق صار لي 7 سنوات .. وكل الامور اللى قلتوها انا ما شيه فيها

من اول ما دخلت السوق يعني من 7 سنوات .. المطلوب واسطه فقط وليس اقتراحات ..

اما المشاكل اللي يسببونها العمال انا عندي 7 جنسيات مختلفة والكل سبب لي مشكله بطريقته .. والمشاكل ما تقتصر ع جنسية معينه .

لكن طريقة في ادارة الشركة اهي الشي الوحيد اللى اتخلى الكل ينظبط ع قوانين البلاد والشركة ثانيا ..

[jassimqtr]

اختي انصحج تبتعدين عن الجنسية السرلانكيه لانهم عصابات على قولت الباكستانيين علي بابا
عندج الجنسية النيباليه والهنديه
وطبعا الاداره لها دورمهم وثاني شغله لاتتساهلين معهم وتعاملي دائما بالخصم واهم شي عندج عقد العمل رتبيه بحيث يكون لصالحج ولصالح العمل ويكون مايضر بالعمال
اهنيه بتسوين كنترول للعمال ونصيحه لاتاخذين وتعطين معهم وايد ولا تروينهم الوجه الطيب
هذا من راي

[منــار]

هلا اخواني واخواتي ...

اتمنى اللى يرد ع الموضوع يقرا الموضوع قبل ليرد .. مابي الموضوع يتوسع ..




يعطيكم العافية

[باسورد]

منار تبي واسطه في اداره العمل لاستخراج فيز عماله نيباليه اللي عنده واسطه يساعدها

[الكواري 1972]

عجيبه

مع اني لا املك الواسطه غير ربي عزه وجل وعطوني لله الحمد3 من النيبال

والله يعينك

[ابو علاوي]

اذا تبين سرلانكيين انا بعطيج اللي عندي
لكنهم مايسوون شي
اجيبه حتى يشتغل في الحجر يقولي انا جاي اشتغل بشركة تنظيفات
واصلا هو مش نافع لابهاي ولا بهاي
اما النيباليين منهم الزين ومنهم الشين
نصيب

[منــار]

اخواني مشكورين ع الردورد والنصايح ,,

اتمني قراءة الموضوع عدل قبل الرد .. لو سمحتو ..

[jassimqtr]

اختي منار المووضووووووووع جدا عادي ومايبيله واسطه
انا من كم يوم مقدم على فيز نيباليه وعطوني بدون واسطه ولا شي
قلت لج الطريقه
1 قدمي على طلب عماله مصريين وهنديين ونيباليين
2 المعامله بيرفضونها بالتاكيد
3 لما تاخذين اورقت المعامله المرفوضه اطلبي منهم مقابلة اللجنه
4 اخذي الاورقه وروحي الدور الثاني عشان تجدمين تاريخ المقابله
5 لما تقابلين اللجنه قوليلهم انج تبين مصريين وهنديين ونيبالين لانج محتاجه عماله وماعرف شنو المهم بيقولون مانقدر وماعرف شنو قوليلهم انزين عطوني نيباليين بيقولون لج كم تبين قولي 15 عامل وبس ونشالله بيوافقون على المعامله
لاني جيه اسوي

[منــار]

لا .. معلية اخوي اسمحلى اللجنه دخلت عليها 9مرات بالضبط .. وما خليت شي ما قلته ..

ورزيت وجهي ولا في فايده والله يجزيه خير واحد وبالواسطه جاب لى 10 عمال .. وماقصر

ولو هو في الدوحة جان بعد ما قصر .. بس لحاجتي للعمال حاليا هذا اللى خلاني اطلب الواسطة

ولا ادخل على اللجنة للمره العاشرة ..

[بدوي]

انا ماطلبتهم وحطوا لي ٦ نيبال
٥ سيريلانكا
١ فلبيني

الفلبيني انا طالبه 

[jassimqtr]

اختي منار النيباليين مب كل شي اذا ما عطوج قدمي على جنسيات غيرهم
كل الجنسيات منهم الزين ومنهم الشين
اهم شي ادارة المشروع والسيطره عليه وعلى الايدي العامل