ليتات الفنر....

[حياة]

السلام عليكم ورحمه الله وبركاته
وتقبل الله منكم الصيام والقيام ان شاء الله
بغيت اسئل اذا فيه حد يعرف وين تنباع الليتات القديمه(الفنر) اللي تتعلق في السقف واللي تتركب على الاجناب يعني على الطوفه من برا......
واللي بعد يعرف شي من المحلات في السعوديه اودبي او شي من المواقع ياليت ايدلني عليها
انا لقيت عند الصالحيه في شارع سلوى بس غاليه وماعنده الكميه اللي ابيها
وشكرا لكم وماقصرتواااا

[شمعة الدوحه]

خذتها من الجابري بس مااعرف بكم بالضبط بس اتوقع 75 او 80

لاني ماخذه كميات مع ثريات ولمبات

ومااتذكر سعرها بروحها

نوعيته الفنر اللي يتعلق بالبلكونات

اما اللي عالجوانب والسور هذي والله ماسمتها عندهم

بس لقيتها بشارع الكهربا الحبه بــ 18 حق السور والجوانب

محلات وايد وماشفت الاسماء

[حياة]

مشكوره اختي ..الجابري وين بالضبط؟

[شمعة الدوحه]

مشكوره اختي ..الجابري وين بالضبط؟

العفووو اخوي

انا رحت اللي في سلوى جنب بنك قطر الوطني

وعندك فرع ثاني في شارع الكهربا عند دوار السفينه بالضبط

وفيه محلات ثانيه بعد غير الجابري وايد رخيصه ترى

[حياة]

رحنا والقينا عنده وقال بعد 3 شهور بيجيب واحنا مستعجلين عليها

[الماليه]

بالتوفيق ان شاء الله

[شمعة الدوحه]

رحنا والقينا عنده وقال بعد 3 شهور بيجيب واحنا مستعجلين عليها

شدعوه 3 شهور
انزين عندك شارع الكهربا كله محلات بتحصل اكيد

[moni]

انا ماخذه منهم شفتي وانتي جايه من اشارات سوق واقف على دوار السفينه في دخله من الدوار يمين روحي سيده آخر محل على اليسار عنده اشكال منهم وممكن يجيب لك في اسرع وقت

[حياة]

مشكورين والله يعطيكم العافيه بشوفهم الليله باذن الله