ســــــــــــــــــــوء الظــــــــــن :..

[Qatar4all]

السلام عليكم :..

شلونكم ان شاء الله طيبين :..

المهم ندخل في موضوعنا المتواضع وهو سوء الظن :.. طبعا الكل يرفض هالشي وما أتوقع في حد يأيد هالشي :..

خلنا شوي اوبن مايند على قولتهم وخل نشوف الجانب الايجابي من سوء الظن :..

لو الواحد أساء الظن في نفسه ايش راح تكون النتيجة ؟؟



أتوقع بنوصل الى الجانب الايجابي لهذا المفهوم السلبي وهو ســـــــــــوء الظن :..

نضرب كمن مثـــــــــال علشان الصورة توضح أكثر :..

مثـــــــــــــال 1 :..

لو قلنا إني أسيء الظن بنفسي من حيث قصوري في حق ربعي ومن يعز علي :..


مثـــــــــــــال 2 :..

لو قلنا إني أسيء الظن بتصرفاتي تجاه راعي البقالة مثلاً وليش اول ما جاني ما سلمت عليه مو أحسن من اني أطلب منه الطلب سيده بدون سلام :..





أتمنى وصلت الفكرة واللي أبي اوصله لكم وهو تغير الفكرة السلبية لمفهوم سوء الظن :.. ونقدرنحور معناها ان جاز لنا الى مفهوم يحسن ( شدة ع السين هههه ) من تصرفاتنا :.. وشوي يشغلنا عن الناس وسوء الظن فيهم :..








تحيـــــــــاتي :..

بنات أفكاري + كيبوردي

[JN000N]

اول شي عوووودا حمييييدا قطر فور اول

ولي عووده لموضوعك ان شاء الله

[Qatar4all]

اول شي عوووودا حمييييدا قطر فور اول

ولي عووده لموضوعك ان شاء الله



الله يسلمج أختي jn000n :..

وفي إنتظارج :..

[فيزيائية]

هو مب سوء ظن بالنفس كثر ماهو (محاسبة) لها
تهذيب وتأديب لأخلاقيات الانسان وتعاملاته معاهم
من أجل حياة أفضل مع الكل....

[Qatar4all]

هو مب سوء ظن بالنفس كثر ماهو (محاسبة) لها
تهذيب وتأديب لأخلاقيات الانسان وتعاملاته معاهم
من أجل حياة أفضل مع الكل....

فعلا عين العقل كلامج أختي :..

بس انا حاولت أحور المفهوم السلبي لـــ سوء الظن :..

[sweet_lemon]

اول شي يعطيك العافيه اخوي على الموضوع والطرح الراقي

ثانياً الحين المخ مقفل ومب قادره اعبر وان شاء الله لي رجعه لموضوعك اخوي :shy:

[غزلان]

اولا الحمد لله على السلامه اخونا Qatar4all

يعطيك العافيه على الطرح

وان شاء الله لي تعليق على الموضوع

[Qatar4all]

اول شي يعطيك العافيه اخوي على الموضوع والطرح الراقي

ثانياً الحين المخ مقفل ومب قادره اعبر وان شاء الله لي رجعه لموضوعك اخوي :shy:

الله يعافيج أختي ومن ذوقج والله :..

وفي إنتظارج أختي sweet_lemon :..

[Qatar4all]

اولا الحمد لله على السلامه اخونا qatar4all

يعطيك العافيه على الطرح

وان شاء الله لي تعليق على الموضوع

الله يسلمج أختي غزلان :..

الله يعافيج وفي إنتظارج :..

[sweet_lemon]

احس ان الفكره جاتني .. وليت طلع عند مخي :nice:


الواحد لازم يحاسب نفسه في كل تصرافته وتعاملاته مع الناس

ولازم يفكر قبل لايسوي اي شي .. ويعامل الناس مثل مايحب يعاملونه

يعني مثلاً خلنا نمسك مثالك الثاني عن راعي الدكان .. هو مثال بسيط جداً بس واقعي .. وللأسف وايد ناس يروحون الدكان او يهرنون حق راعي الدكان .. ويقولون له هات وهات وهات .. من غير سلام او حتى كلمة لو سمحت .. او كلمة شكراً .. هالكلمات البسيطه اللي نقولها لها تأثير ايجابي ولها وقع وايد حلو في قلوب الناس ..

هالشي ينطبق على كل واحد يشوفهم بنظره انهم اقل منه .. الشغاله الدريول .. وغيرهم من الناس ..

كلهم اوادم والواحد لازم يحترم وجودهم ويحترم ويقدر اللي هم يسوونه .. يعني الواحد يسئ الظن بنفسه لما يشوف الناس اللي اقل منه بنظرة كبر وغرور ونظره دونيه

كلمة اسف او اسفه .. الواحد لازم يسئ الظن بنفسه لما يكنسل كلمة اسف من قاموسه .. في ناس يكابرون انهم يقولونها .. مع انهم يكونون غلطانين .. بس مايقولونها .. كلمه بسيطه وتخلي الحياه حلوه .. وتطيح الحطب ..

اسئ الظن بنفسي .. لما اقول مب سائله عن اللي مايسأل .. مب شرط ان من سأل عني اسأل عنه واللي مايسأل ماسأل .. لازم الواحد يوصل ويسأل ..

من وجهة نظري الواحد لازم يسئ الظن بنفسه عشان يقدر يكون انسان مانقدر نقول كامل لان ماكامل الا ويه الله سبحانه .. بس انسان يحبه ويحترمه ويقدره الناس ..


سامحني على الاطاله

وهذا اللي طلع معاي الحين .. واذا في اضافه ان شاء الله بحطها

[شويهينــه]

اهلا بقطر4اوول وسهلا لبنات افكارك

اعتقد ان الفكره اللي تبي توصلها لنا هي ان الشخص يسئ الظن بنفسه انه مقصر مع اللي حوله صح

اذا كانت جي انا اسميها مثل ما قالت ام نونيه وقفه مع الذات ومحاسبه النفس

ويعطيك العافيه عالموضوع

[غزلان]

الله يسلمج أختي غزلان :..

الله يعافيج وفي إنتظارج :..



00

صح مثل ماقالت اختنا ام نونيه

انا اعتبره لوم للنفس اكثر من سوء ظن(قال تعالى.. ولا اقسم بالنفس اللوامه)

الحل هو جلسات المحاسبه لنفوسنا مب للسلوك بس حتى للكلام


يسلموا

[بوعلي2]

هلا بالغالي صديقي عاش من شافك وعودا حميدا واهلا وسهلا بك بمكانك :shy: :shy:


موضوع جميل يالغالي بس انا هالحزه مب جميل ماثبت شي عطشان بس حبيت اسلم عليك ولي

عوده ان شاء الله :shy: