أرجو المساعدة( مشكلة في القير ) جي اكس 2003

[ثاني]

السلام عليكم ورحمة الله وبركاته
كيف الحال يالربع عساكم طيبين ان شاء الله
والله بس عندي استفسار انا موتري جي اكس قير تماتيك

لما يبدل القير من ال 2 إلى ال 3 يعطي حنه معه يعني يبدل عادي بس يزيد من ضغط المكينة وتصير حنه

وش المشكلة اتمنى المساعدة ؟ اخاف ان القير فيه شي مع اني مب راعي استعراض ولاشي

وحتى لما احط القير 2 وابدل الى ال d تطلع لي الحنه بس من 2 لين d


طبعا ياخوان ان المشكلة احياناً تصير واحياناً مفيه شي يبدل عادي بدون حنه
حبيت اوضح بخصوص الحنة كانك تبدل القير من 2 إلى d كانك وانت تبدلة تحطة ف الn وتكمل يعني كذا الصوت حنه

وجزاكم الله خير

[qatarma]

المشكلة مية ف المية من الكلتشات ولازم يتبدلون كلهم وسعرهم غالي شوي الله يعينك وانت ذكرت ان احيانآ ماتطلع الحنه

اذا توك مشغل الموتر ومشيت عليه شوي ماتطلع الحنه بس بعد مايسخن الكلتش يحن عدل؟

[Alpinestars]

السلام عليكم

والله ياخوي اعتقد تحتاج تبديل فلتر وايل للقير والله اعلم

[ثاني]

المشكلة مية ف المية من الكلتشات ولازم يتبدلون كلهم وسعرهم غالي شوي الله يعينك وانت ذكرت ان احيانآ ماتطلع الحنه

اذا توك مشغل الموتر ومشيت عليه شوي ماتطلع الحنه بس بعد مايسخن الكلتش يحن عدل؟

ولله احياناً....
بس مساعة ياخي كنت ادور ف الدوحة وعادي ماتطلع الحنه بس شوي تجي وساعات ماتجي
راسي مفتر ولله

الكلجات هل لازم يبطل القير ؟؟
وشكرا

[خسران من قلب]

نصيحه مجرب بدل الجير لن في كل الاحوال سعرها قريب سعر جير مستعمل لن الكلشات مشكلتها مشكله

[محمد11]

والله ياخوي انا صارت لي هالمشكله بس بسياره ثانيه صالون مب تويوتا

وديتها الوكاله

غيروا لي ( بلكات القير شي جي ..

بعدها تعدل الموتر ..

لو انت اخوي الكلجات غاليه

انا ف العيد بروح الامارات واذا تبيني اسالك مايصير خاطرك الا طيب

[ثاني]

ياخوان وش اسباب تعطل الكلشات علماً الموتر يعني مهب استعراض وما العب ف القير اردة l و 2 كلة ع الd
يعني محافظ عليه ؟
يعني هل فيه احتمال انه مب من الكلشات ؟ وشكرا

[HAMAD2008]

اخوي بس كم سؤال:

1 . الموتر كم ماشي
2 . هل تحس ان الموتر يبدل من 1 الى 3 بدون مايروح 2 ..
3 . الموتر لما تضغط له كامل وانت تمشي تقريبا 60 يرجع نمره ولا لا

شكرا

[المناعي1]

مرحبا ثاني أنشالله الخراب بسيط و أبدء في اتصليح اسهل مثلآ و أنت واقف و المكينه شغاله حط الجير في الريوس طبعآ خل واحد يساعدك و شيك على إيا الجير يمكن ناقص أو صارله فتره ما بدلته و الله المستعان..

[المناعي1]

مرحبا ثاني أنشالله الخراب بسيط و أبدء في اتصليح اسهل مثلآ و أنت واقف و المكينه شغاله حط الجير في الريوس طبعآ خل واحد يساعدك و شيك على إيا الجير يمكن ناقص أو صارله فتره ما بدلته و الله المستعان..

[جلمود]

الكلجات بدلهم ياخوي وان شاء الله خير

[HAMAD2008]

شوف اخوي فيه اربع سنسرات حق هالشغله...اثنين داخل المكينه اسمهم ثروتل سنسر...وفيه سنسرين من جنب التاير الامامي من صوب السايق( لازم تفك التاير وتشوفهم الميكانيكي يعرف هالشي) اسمهم knock sensors ...القير مافيه شي موترك ماشي شوي..لو قلت لي موتري ماشي فوق 300 الف كان الكلام غير

شكرا

[halcrow]

اخوي قد مره غيرت أيل القير مع الفلتر ؟

او ودها للطاير الفحص اللي على طريق سلوى وقوله عن المشكلة بس يفحص لك القير
وان شاء الله بيقولك وش المشكلة ووضح له اذا انك غيرت ايل وفلتر القير ممكن تروح هالحنه ولا لا .

[ثاني]

جزاكم الله خير جميعاً

HAMAD2008
جزاك الله خير يالغالي والله ريحتني بكلامك...
تهقى الفواز له في هالشغلات؟

halcrow
ولله هذا الي بسويه بكرة بوديه الطاير وبشرح له وبقولة بالمره جيك على الموتر كلة

جزاكم الله خير والي يقدر يفيدني بعد جزاه الله خير وانا ف الانتظار

[HAMAD2008]

بدل السنسرات اخوي اذا تقدر الاربعه بيكلفونك 1500 ريال..وصدقني المشكله بتروح لان المشكله اللي عندك فيها حاجه فالبترول والهواء مال المكينه لا اكثر

شكرا

[ثاني]

بدل السنسرات اخوي اذا تقدر الاربعه بيكلفونك 1500 ريال..وصدقني المشكله بتروح لان المشكله اللي عندك فيها حاجه فالبترول والهواء مال المكينه لا اكثر

شكرا

مب مشكلة اذا على السنسرات بسيطة جداً .... تهقى وين ابدلهم وهل يطول الموتر ولا اتم عندة يعني يتبدل الشي خلال ساعتين إلى 3
وفي وين يتبدل الفواز الي ف طريق سلوى له ف هالأشياء؟
وشكرا
والله يرحم والديك يالغالي

[ثاني]

بخصوص السنسر الي ف المكينة يعني لازم تتبطل المكينة صحيح ؟

[qatarma]

بخصوص السنسر الي ف المكينة يعني لازم تتبطل المكينة صحيح ؟

ياحبيبي هذي مب شغلة سنسر هذي مشكلة الكلتش بس قبل ماتبدله بدل الايل والفلتر مع اني متاكد انه من الكلتش روح حق الكراج احسن لانه يقدر يسوق الموتر ويعرف الي فيه عن قرب


وقولنا بعدين شنو صار معاك

والله يسهل عليك

تحياتي

[الرفاع الشرقي]

السلام عليكم روح كراج تراي ستار الى في الصناعيه جنب الفحص الفني خل الفحص الفني على يسارك وبتحصل الكراج على يمينك ذي احسن كراج فحص قيور جميع السيارات اخوي بس نصيحه اذا طلع القير خربان لاتسويه جوفلك قير ثاني لانه تصليحه بكلفك وايد تقريبن 8000 الف ريال يعني اذا حصلت قير مستعمل احسن لك من تصلح ذي القير الله يوفقك يا ثاني

[fsl_qa]

هالمشكله موجوده بالجيات 2007 وتحت
كلتش
ود موترك كاراج عدل وخله يشيك لك على الجير

[fsl_qa]

وكاراج تراي ستار شغله ممتاز شغل وكاله بس اللهم شوي سعره

[ثاني]

انزين ياخوان لو اوديه فحص الطائر اول شي شرايكم ؟
وبغيت اسئلكم اعتقد البلكات عندي ماتغيرت من فترة ؟ هل يمكن المشكلة منها ؟

[qatari 111]

اخوي انت من متى ما بدلت فلتر الجيير؟؟

[QatarProv]

فلتر القير ^^ جرب وان شاءالله امورك بتكون طيبة

[ثاني]

ولله يمكن من 3 الى 4 شهور
لكن اعتقد ماتغير فلتر القير فقط الايل.
اليوم بشيك على فلتر القير والبلكات

[الخارجية]

أخوي اسمع كلام أخوك الخبرة بدل ايل وفلتر بيرجع موترك طبيعي 100% عندي واحد من الربع نفس المشكلة

[ثاني]

هلا الخارجية
قصدك ابدل ايل القير وفلتر القير ؟
ولا قصدك ايل وفلتر المكينة وشكرا

[qatarma]

هلا الخارجية
قصدك ابدل ايل القير وفلتر القير ؟
ولا قصدك ايل وفلتر المكينة وشكرا

يقصد القير^_^

وكل التوفيق لك

[ثاني]

مبدل ايل القير والمكينة من فترة بسيطة يمكن 3 شهور...
وتوني جاي من الطائر يقولي احتمال الكلشات أو الكنترول قير ...
لان الحنه مب دايمن تجي احياناً. ..

[Bu-Khalid]

وده كراج المالكي في الوكره وهو خبير بيشوف لك علته ..

بدال ماتروح الصناعيه وتتعنه انه مصلح عنده كذا سياره ..

اسمه راجو يفتح الصبخ من 7 -12 وبالليل من 3 - 9

هذا رقمه 55825370 مكانه وانت جاي من الدوحه لين دوار

الصدفه تاخذه يسار وادخل في السرفس رود بتلاقيه

[الكواري 1972]

اذا قالو لك قير روح الشارقه وركب لك جير وفك نفسك

والله يعينك

[ثاني]

ولله ياخوان متكدر مدري من وش المشكلة . مع ان ايل القير جديد والفلتر بعد

[واحد في حاله]

ولله ياخوان متكدر مدري من وش المشكلة . مع ان ايل القير جديد والفلتر بعد

دام انك محافظ على السياره ماعتقد الكلجات مره وحده

فيه اشياء كثيره تقدر تشيك عليها
منها السنسرات وهذي يبيلها كراج عنده كمبيوتر يعطيك الخبر الاكيد
واعتقد دكار في الصناعيه شارع 10 عنده
وواحد ثاني صوب الدوار المايل ماعرف شسمه

وعندك شي ثاني شيك عليه القير له اهواز تبريد تجيه من الراديتر يمكن احد الاهواز منسد او شي لان القير اذا ارتفعت حرارته تغييراته تصير مب اوك

ومثل ماقالو الاخوان بدل ايل القير مع الفلتر لانه مهم

وتحديد المشكله هو نص الحل

والله يعينك

[بذرة غلااا]

اخوي انت مكبر السالفه ومعرضها

شوف عندك كذا قراج بالصناعيه

دكار ودكا شارع 10

الانصاري 18

المعموريه بعد التضامن بسلوى

هذول تخصص هاي الامور

[ثاني]

دام انك محافظ على السياره ماعتقد الكلجات مره وحده

فيه اشياء كثيره تقدر تشيك عليها
منها السنسرات وهذي يبيلها كراج عنده كمبيوتر يعطيك الخبر الاكيد
واعتقد دكار في الصناعيه شارع 10 عنده
وواحد ثاني صوب الدوار المايل ماعرف شسمه

وعندك شي ثاني شيك عليه القير له اهواز تبريد تجيه من الراديتر يمكن احد الاهواز منسد او شي لان القير اذا ارتفعت حرارته تغييراته تصير مب اوك

ومثل ماقالو الاخوان بدل ايل القير مع الفلتر لانه مهم

وتحديد المشكله هو نص الحل

والله يعينك

هلا الشيخ .. ولله شكلي هذا الي بسويه ابشوف دكار
مثل كلام الأخ حمد قالي إحتمال السنسرات
واحتمال الكنترول قير ..
لان ياخي الفلبيني الي ف الطاير قالي يمكن كنترول قير ويمكن كلتش
والفلبيني الي ساق موتري يقولي كنترول قير
فرو راسي ولله
والموتر الصراحة مبدلين له الايل قير والفلتر يعني الحمدالله
وشكرا لك وبشوف اهواز القير


بذرة غلااا
هلا اخوي وين المعمورية اي صوب ؟ بعد التضامن جمب محلات التواير سيام ولا شلون


وبغيت اسئلكم ياخوان التيسير عندهم خدمة تصليح او تشيك على القير او هالأشياء ؟ وشكرا

[الزجاجي]

الشيخ من متى صارت معاك هذه المشكله ؟
من بعد ما بدلت ايل وفلتر الجير؟

تاكد ان الزيت جيد واصلي من التويوتا لانه الايل انواع (اعتقد الكروزر مالك ياخذ 7 لتر زيت)

عموما .. يفضل انك توديه كراج متخصص وهو يشيك على كل شي في الجير

[ثاني]

الشيخ من متى صارت معاك هذه المشكله ؟
من بعد ما بدلت ايل وفلتر الجير؟

تاكد ان الزيت جيد واصلي من التويوتا لانه الايل انواع (اعتقد الكروزر مالك ياخذ 7 لتر زيت)

عموما .. يفضل انك توديه كراج متخصص وهو يشيك على كل شي في الجير

هلا اخوي .. ولله مبدلة من 3 الى 4 شهور
وكل شي اصلي...

وماطلعت المشكلة الا قبل كم من اسبوع
والحنة ماتطلع واجد ساعات تطلع وساعات لا . واكثر الأوقات ماتطلع ...
يعني انا بدلت ايل وفتلر القير وسقت وكان عادي مفيه الحنه
لكنها توها طلعت .

[qatari 111]

اخوي في حد خذ سيارتك ويمكن لعب فالجير لا سمح الله

تأكد من كهربة الجير وده عند كراج دكاار شارع 10 وانت معدي من دوار وكالة النيسان بمسافة 100 متر على ايدك اليسار عنده جهاز فحص الجير وواحد من ربعي وداه عنده طلع عنده كهربة الجير ما كلفه 400 ريال

الله يسهل امورك ويعيينك

[المبرمج صلاح]

هلا اخوي كل عام وانت بخير

المشكلة نفسها عندي سيارة جالانت 2005 من يومين صارت تعمل نفس مشكلتك ولاحظت القير بيسخن
فقمت بتغيير الزيت القير وفلتر القير و زيت المكينة وفلتر مكينة ونفس المشكلة وكل مااروح كراج يقولي ما بعرف توهقت والله شكلي بدخلها الوكاله وشوف اخرتها مع القير خاصة اني كل يوم بسوق كتييير وبسرعات عالية

بس اول مرة اسمع عن السنسرات في الماكينة وبشوف بشيك عليهم بكره في الصناعية وبجرب دكار عالكمبيوتر وبخبرك ان شاء الله

[bus3od]

اخوي انا موتري جي اكس 2006 و اعاني من هالمشكله بعد من سنه وشوي
وديته العالميه وفحصته قال لي بدلت السنسرات بس مابدلتها و لين اليوم انا ماشي على الموتر و الحمد لله كل اموري تمام
بس انا لاحظت شي يوم بدلت فلتر المكينه المشكله اختفت و الموتر صار مافي احلى منه وبعد فتره طويله ردت المشكله نفسها يمكن المشكله من الفلتر في بيب مسدود والا شي انا مب متاكد
وأنا مثل ماقلت لك ماشي فالموتر من سنه و شوي و الحمد لله كل شي تمام بس السالفه مب كلشات لأني شيكت و طلعت الكلشات مافيها شي

وانت افحصه و ان شاء الله امورك تمام

[bus3od]

اخوي في حد خذ سيارتك ويمكن لعب فالجير لا سمح الله

تأكد من كهربة الجير وده عند كراج دكاار شارع 10 وانت معدي من دوار وكالة النيسان بمسافة 100 متر على ايدك اليسار عنده جهاز فحص الجير وواحد من ربعي وداه عنده طلع عنده كهربة الجير ما كلفه 400 ريال

الله يسهل امورك ويعيينك

:thumbup: و نسيت اقول لك اني كلمت دكار و قال لي يمكن المشكله في كهرباء القير

[..عاشق قطر..]

حتى انا عندي نفس مشكله الاخ

جي اكس 2007 وكل يوم حنه

قالوالي كلتشات مع اني مبدل اي قير وفلتر

وللين الحين ماعدلته ..

[ثاني]

اخوي في حد خذ سيارتك ويمكن لعب فالجير لا سمح الله

تأكد من كهربة الجير وده عند كراج دكاار شارع 10 وانت معدي من دوار وكالة النيسان بمسافة 100 متر على ايدك اليسار عنده جهاز فحص الجير وواحد من ربعي وداه عنده طلع عنده كهربة الجير ما كلفه 400 ريال

الله يسهل امورك ويعيينك

ولله شكلي بالأول ببدل السنسرات ثم اذا رجعت المشكلة بروح دكار


هلا اخوي كل عام وانت بخير

المشكلة نفسها عندي سيارة جالانت 2005 من يومين صارت تعمل نفس مشكلتك ولاحظت القير بيسخن
فقمت بتغيير الزيت القير وفلتر القير و زيت المكينة وفلتر مكينة ونفس المشكلة وكل مااروح كراج يقولي ما بعرف توهقت والله شكلي بدخلها الوكاله وشوف اخرتها مع القير خاصة اني كل يوم بسوق كتييير وبسرعات عالية

بس اول مرة اسمع عن السنسرات في الماكينة وبشوف بشيك عليهم بكره في الصناعية وبجرب دكار عالكمبيوتر وبخبرك ان شاء الله

ولله في انتظار ردك يالغالي واتمنى انك تقولي وش صار معك



اخوي انا موتري جي اكس 2006 و اعاني من هالمشكله بعد من سنه وشوي
وديته العالميه وفحصته قال لي بدلت السنسرات بس مابدلتها و لين اليوم انا ماشي على الموتر و الحمد لله كل اموري تمام
بس انا لاحظت شي يوم بدلت فلتر المكينه المشكله اختفت و الموتر صار مافي احلى منه وبعد فتره طويله ردت المشكله نفسها يمكن المشكله من الفلتر في بيب مسدود والا شي انا مب متاكد
وأنا مثل ماقلت لك ماشي فالموتر من سنه و شوي و الحمد لله كل شي تمام بس السالفه مب كلشات لأني شيكت و طلعت الكلشات مافيها شي

وانت افحصه و ان شاء الله امورك تمام


ولله يخوي وديته الطاير الفلبيني الي يسوق يقولي كنترول مال الجير . يعني فهمت من كلامة ان السنسرات . والثاني يقولي كلتشات
اخوي وش هي السنسرات الي بدلتها بالظبط ؟ هل هي الأربع سنسرات الي قال عليها اخونا حمد الي هي ثنتين صوب التاير وثنتين ف المكينة ؟ وياريتك تساعدني تقولي وش السنسنرات حتى ابدلهم وجزاك الله خير

[ثاني]

:thumbup: و نسيت اقول لك اني كلمت دكار و قال لي يمكن المشكله في كهرباء القير

جعل والديك ف الجنة يالغالي ..
تهقى شلون احل مشكلة كهربا القير وشكرا لك .

[ثاني]

جزاكم الله خير.

[][ iMedia ][]

ايــش صار معاكم يـا شباب ؟
نفس المشكله عندي بماجنا في ار اكس . .

تبــاً :(