احد جرب تبيض الاسنان

[سالي 123]

اليوم سويت تبيض الاسنان بالليزر بعد ماخلصت الدكتوره حسيت بالالم فى اسنانى لين الحين التبيض يسوى جى فى الاسنان الم وايد .

[البحار00]

اخبر من اسنين سويته

لكن مافي منه اي فايده لان الاسنان مردها ترجع للونها الاصلي

[حقيقه]

اليوم سويت تبيض الاسنان بالليزر بعد ماخلصت الدكتوره حسيت بالالم فى اسنانى لين الحين التبيض يسوى جى فى الاسنان الم وايد .


بتحسين بالالم يمكن يوم يومين بالكثير

خصوصا اذا تعرضتي للهواء البارد او شربتي شيء بارد او حارر زياده

تحملي هاليوم بس

لكن مصيرهم يرجعون الي اللون الطبيعي :thumbup:

[سالي 123]

ياريتني ماسويت تعذيب .

[الحريّه]

اللون اللي تكتسبه الأسنان مع الليزر والبورسلان لون غير طبيعي ! أقرب إلى الطبشوري ! وحده من الأخوات سوّت تبييض حق أسنانها , بس اللون إطلاقاً غير منطقي ويبيّن أنه مُبَيَّض في الأخير !
ما فيه أفضل ولا أحسن من المسواك ( السواك ) سبحان الله ! يخلّي الأسنان تلمع ويشيل أي إصفرار فيهم , وأفضل نوع هو الأخضر الرطب , اللي فيه حروره شوي !!! اللي بيروح عمره هاليومين إييب لي بليز !!!

[سالي 123]

شسوى الحين موعاجبنى التبيض والالم مزعج

[حرقطر]

شسوى الحين موعاجبنى التبيض والالم مزعج


ماعليج الا الصبر :playball:

انا دكتوره الاسنان اكره مادري ليش من اسمع المكينه omen

[تحداني]

.. انا سويته من بعد التقويم وكنت مجبره ..
لان الاصفرار كان زايد .. والسبب وجود الحدائد فالتنظيف ما كان يصل لكل الأسنان

راح تحسين بألم كمن يوم .. وخاصه مع الاشياء البارده
زالهوار البارد لكن راح يخف


ابي اقول لج شئ .. بس لا تتضايقين
تحسفت اني سويته .. لان كما اشار الاخوان والاخوات
اللون راح يرجع
وما منه اي فايده



لا اتحاتين راح يرد اللون طبيعي



جملك الله برضى الرحمن

[بوحارب]

سويت تنظيف من قبل وكان عادي مافية الم ولا شي

ما يندرى يمكن البنات غير عن الرجال وحساسات شوي :(

[Gh2o]

التبييض يعتمد على نسبه الكالسيوم بالجسم وله درجات والالم بروح بس المفروض مب وايد يعني مثل الوخزات بين فتره وفتره وبالعاده يروح خلال يوم
وين مسويه التبييض

[Gh2o]

سويت تنظيف من قبل وكان عادي مافية الم ولا شي

ما يندرى يمكن البنات غير عن الرجال وحساسات شوي :(

بوحارب تبييض ولا تنظيف لان التبييض يعور لانه ليزر بس التنظيف مايعور مثله ولا يسوي حساسيه

[حقيقه]

سويت تنظيف من قبل وكان عادي مافية الم ولا شي

ما يندرى يمكن البنات غير عن الرجال وحساسات شوي :(



بالعكس يعوور:looking:

والتنظيف غير عن التبييض

التبييض يعور اكثر اما التنظيف شيء بسيط يمكن اول ماتسويه اذا جا هوى بارد

[قطر دزاين]

انتبهو ترى بعظهم يشيل ماده عازله على الاسنان وبعدها تخترب لاسنان ولا ترقع

[<اضرب واشرد>]

يقولون أن البييض يضر الأسنان ويشيل المينا مدري شنو فتضعف مناعتها.

ثاني شي مامنه أي فايده يعني تبييض مؤقت ويرجع اللون الأول.

يعني خسارة مال وخسارة قوة الأسنان زائد الألم .. مقابل تبييض مؤقت = طلعنا خسرانين من المسألة ومالها داعي.

الله يعينكم

[ANONYMOUS]

بدلواسنانكم كامله.. احسن


http://www.muraddentalcenter.com/userdir/Cosmo1.jpg-49d2691faeb6a.jpg

[تحداني]

^
^
^

هذا حال المدخنين وعليه عليهم
ما ينفع معاهم لا ترقيع ولا تبيض ولا تنظيف

[the prince]

انا جربت اسوي تقريبا 4 جلسات واحس ان ماصار ولاشي وعلى فكره اللون مايصير ابيض على كيفي هو على حسب ترجة لون الاسنان وقدره تحملها لليزر
وهااي اللي اعرف واسمحولي :)

[نايم سهران]

والله زين نستفيد من التجارب والله يعينج اختي

انا افكر الي اسنانه عدله ومافيها تسوس والله احسن شي تداومين على المسواك والمعجون يوميا بروحها بتصير بيضه اما الليزر مثل ما قالوا الاعضاء مصيرها ترجع حق لونها الاولي

[حقيقه]

بدلواسنانكم كامله.. احسن


ANONYMOUS


:swoon:

[درب السعادة]

عندي فكرة أحسن من التبييض ... واهون من التلبيس .... ويسمونها العدسات اللاصقة للأسنان ( قشرة السن التجميلية ) لومنيرز (lumineers) أو عدسات الأسنان اللاصقة وهي طبقة رقيقة جدا تبلغ سماكتها 0.2 ملم أي بسماكة عدسات العيون اللاصقة.

وهي عبارة عن طبقة تغطي الأسنان من غير الحاجة لبرد أو تحضير أسطح الأسنان. وبذلك لايتم استخدام المخدر الموضعي. كما أنها تستخدم في تغطية التيجان والحشوات التي تغير لونها مع مرور الزمن دون الحاجة لإعادتها. فضلا عن انه العلاج التجميلي الوحيد اللذي من الممكن إزالته في حالة الرغبة للعودة إلى الشكل الأصلي للأسنان. وهذا النوع يستخدم في علاج الحالات البسيطة من تلون الأسنان أو الفراغات. ومن عيوبه أنه قد يؤدي إلى زيادة في سُمك الأسنان المغطاة.

هذا والعلم عند الله

[سالي 123]

للاسف كلت مسكن والالم ماراح بعد تحسسسسسسسسسفت والله الالم مزعج على فكره انه عندى نقص حاد فى الكالسيوم اكل فيتامين د كل اسبوع .

[كاتم الاحزان]

زين اللي قلتي لنا لاني كنت افكر اسويه لاكن عقب اللي سمعته منكم ما اعتقد

[درب السعادة]

الحل الوحيد في هذه الحالة وأذا كان الالم لا يحتمل انه ترجعين للعيادة او اقرب عيادة خاصة وتطلبين منهم عمل طبقة فلورايد فارنيش او مثل المناكير الشفاف هههه بس يشكل طبقه عازلة للسن لتخفيف الحساسية

ما يكلف شي اذا كثر خمسين ريال ......

وسلامتك

[روضه الجنة]

للاسف كلت مسكن والالم ماراح بعد تحسسسسسسسسسفت والله الالم مزعج على فكره انه عندى نقص حاد فى الكالسيوم اكل فيتامين د كل اسبوع .

حبيبتي رجعي للدكتوور نفسه وقولي له صارت لي مضاعفات
ربي يشفييج

[تحداني]

للاسف كلت مسكن والالم ماراح بعد تحسسسسسسسسسفت والله الالم مزعج على فكره انه عندى نقص حاد فى الكالسيوم اكل فيتامين د كل اسبوع .




في مسكن جدا رائع لهذا النوع من الالم
اسمه كاتفلوم .. والالم كله يومين وبس .. وان شاء الله ترجع الامور كما هي
لا غحاتين ولا تتحسفين .. انتي لو اتعرفين النتائج .. ما اعتقد راح إتغامرين



الله يشفيج يارب .. وينور طريقك

[ع.م]

الله يعينج..

ماأنصح حد يسويه.. لأنه يضر مينا السن.. الجزء اللي داااخل.. و عالمدا البعيد تتعب الأسنان وايد.. بالذات الأخوات اللي وراهم حمل.. تتأثر الأسنان..

[متسلف وفي الاخير]

سالي يقولج المثل يود مجنونك لا يجيك اجن منه وش حادك على المطرقه قال المسمار اكثر واحد حاس فيج

وفي الالم هو انا لاني اكثر انواع الالم الاسنان جربتها <<<<< بعطيج نصيحه في دوا اسمه بروفين اخذي

اقوى نوع وفي دوا ثاني اسمه ponstan forte واسئلي الصيدليه اذا في دوا نزل اقوى منهم وخطاج

الشر واشربي عصير ليمون نعناع زين يهدي الاعصاب ونصيحه لاتشربين شي بارد وايد ولا شي حار وايد

وياترى بتسوين ليزر مرة ثانيه ولا حرمتي ؟؟؟ والم الاسنان اقوى الم في يتعرض له الانسان لانه من عصب

الاسنان الى المخ على طول من غير ترانزيت لووول ماتشوفين شر

[bshayer]

انا بعد اقولج لاتسوين تبيض ..افضل تنظيف ..(العادي)..
والتبيض فترة وتستانسين تجميل فقط لكن بعدة فتره
ترجع المياة لمجاريها تصفر الاسنان ويضغف سمك الاسنان ..
. و..قبل التبيض ماكنت احس بالالام
..يعني باشياء البارده والحاره لكن بعدها اسنان لوو ..يزيد الالام...

[Qt.1]

انا مسوي من كم يوم تنظيف وتبييض , وعادي مافي اي الم !! غريبه بصراحه تبييض ايسبب الم !! شوفي اختي يمكن عندج مشكله في العصب والاا شي !!

[بنت^البحرين1]

بل الله يعينج ان شاءالله .. معليه اختي لاتتحسفين الحين ماينفع شي .. تصبري عالالم والاخوان والخوات ماشاءالله نصحوج بعدم التكرار .. والدنيا تجارب

الله يقومج بالسلامة ، واجر وعافية ان شاءالله

[الرويـس]

يابنت

مالج إلا الصبر
وش وداج له ؟!

:(

[سالي 123]

تووووووووووبه ماراح اعيدها بس الدكتوره قالتلى التبيض مايضر التبيض انه سويته لانه عندى سوسه بين اسانى وقالت لى الحشوه بيضه واسنانج موب بييضه بيطلع شكلها موب حلو من جى بيضتها عشان مايصير لونين الحمدلله خف الالم واليوم بروح لها بتعطينى قوالب التبيض المنزليه .

[ع.م]

الحمد لله على سلامتج :)

[Gh2o]

تووووووووووبه ماراح اعيدها بس الدكتوره قالتلى التبيض مايضر التبيض انه سويته لانه عندى سوسه بين اسانى وقالت لى الحشوه بيضه واسنانج موب بييضه بيطلع شكلها موب حلو من جى بيضتها عشان مايصير لونين الحمدلله خف الالم واليوم بروح لها بتعطينى قوالب التبيض المنزليه .

دكاتره الاسنان تجااااار كل شي تسوينه بمبلغ وقدره ولو عليها جلعت ضروسج وركبت لج غيرهم

[لولو80]

الله يعينك والله للاسف احنا ماعندنا خبرة في موضوع التبيض نطب على وجهنا

سويته 3 مرات ولا فيه فايده

مؤؤؤؤؤؤؤؤؤؤؤؤؤؤؤؤلم جدا بعد التبيض تحس بشوط يضرب باسنانك اول مرة خفيف ثاني جلسة اشد وثالث جلسة مت من الوجع كان الم الشوط تطول مدته ااااااااااااااح ولا فيه فايده تحسين شي بسيط مو مثل اللي بالتلفزيون

اللو منيرز سمعت عنه لكن وين هنا يضبطونه والله لاعبين في حسبتنا هالدكاترة يسوون شي ويخربون شي ثاني

الله يجيرك ويشفيك اجر وعافية

[dona]

الصراحه انا وايد سويت ولا في فايده الم على الفاضي

[bus3od]

انا مسوي من كم يوم تنظيف وتبييض , وعادي مافي اي الم !! غريبه بصراحه تبييض ايسبب الم !! شوفي اختي يمكن عندج مشكله في العصب والاا شي !!

انا استنتجت ان تجربتك احسن تجربه بين الاخوان

ممكن تقول لنا وين مسويه؟ وكم كلفك ؟

وماتشوفين شر يا راعية الموضوع omen