طبيعة العمــــل بأثـــر رجعــــي ...وينهـــا..؟!!

[s o s o]

السلام عليكم ورحمة الله وبركاتة ..


من محيطي العائلي من الموظفين فيه اللي نزله طبيعة العمل وفيه اللي مانزلة ..ولكن الاثنين مانزلهم مبلغ طبيعة العمل بأثر رجعي ..

المطلوب طال عمركم ..

ليش ماانزلت طبيعة العمل لكل الموظفين القطريين ؟

وليش مانزل مبلغ طبيعة العمل المستحق من 1/4/2009 الى الان بأثر رجعي ؟!!

ياريت اللي انزلتلة طبيعة العمل يقولنا ..واللي مانزلتله كذلك ..

واللي نزلة المبلغ المستحق لطبيعة العمل بأثر رجعي يبلغنا والاما نزله كذلك ..

نبي نعرف سبب التأخير وسبب انزالها لموظفين في مؤسسات ومؤسسات اخرى لا ..

[بوخليفة3]

السلام عليكم

اختي بخصوص العلاوة المذكورة قالوا انها محسوبه من 1-8-2010 حسب مانشر فالجرايد الرسمية

وتقبلي مروري

[s o s o]

عندك اخوي شي من اللي انكتب في الجرايد بهالخصوص ..اذا تكرمت

[بوخليفة3]

عندك اخوي شي من اللي انكتب في الجرايد بهالخصوص ..اذا تكرمت

والله اختي حاليا لا لكن انا قريت بنفسي في جريدة الرايه

وبدور لج ان شاء الله وبيب لج الرابط..:)

[بوخليفة3]

وهذا الرابط

يوضح لج نسب الاستحقاق لفئات الموظفين وتاريخ العمل بهالقانون

اتفضلي

http://www.raya.com/site/topics/article.asp?cu_no=2&item_no=545259&version=1&template_id=20&parent_id=19

[قطر دزاين]

انا ما نزل لي شي للحين

[رحال]

أخذي زبدة الكلام :

سابعا .. يكون استحقاق بدل طبيعة العمل اعتبارا من 1-8-2010م ويوقف صرف أية بدلات أو علاوات لطبيعة العمل لخلاف هذا القرار.

[قطر دزاين]

طيب فيه ناس يقلون انزلت لهم وناس لا ليش

[s o s o]

وهذا الرابط

يوضح لج نسب الاستحقاق لفئات الموظفين وتاريخ العمل بهالقانون

اتفضلي

http://www.raya.com/site/topics/article.asp?cu_no=2&item_no=545259&version=1&template_id=20&parent_id=19


مشكور اخوي ..قريت المكتوب ..ولكن السؤال :

قانون الموارد البشريه واي قانون في الدنيا تطبيقة لايجزأ ..يعني مايصير يطبقون جزء من القانون في وقت معين مثل الزيادة اللي زادوها بعض الموظفين واخصم الراتب لبعض الموظفين تم تطبيقه في 1/4/2009 ...اشلون يعني طبيعة العمل تستحق من 1/8/2010 ..وكفى ,,,وين الاثر الرجعي لها ؟

هذا حق وبنص عليه القانون ...نبيه كامل ..

[s o s o]

أخذي زبدة الكلام :

سابعا .. يكون استحقاق بدل طبيعة العمل اعتبارا من 1-8-2010م ويوقف صرف أية بدلات أو علاوات لطبيعة العمل لخلاف هذا القرار.


اخوي هالكلام معناه انها تنزل في الراتب من تاريخ 1/8/2010
..واي واحد عنده طبيعة عمل تخالف المذكور يجب ان تعدل حسب المذكور ..يعني ممكن طبيعة عمله السابقة للقانون تنقص او تزيد ..

وهذا الكلام مافيه شي ينفي حقنا في اخذها بأثر جعي من تاريخ 1/4/ 2009 الى الان

[s o s o]

طيب فيه ناس يقلون انزلت لهم وناس لا ليش

ليش ؟

[sood mhamed]

ـ لازم يكون في اتحاد موظفين يطالب بحقوق الموظفين

[بنت قطريه]

أختي ... انا لاحظت شي مب بس في الهيئات لا حتى في الوزارات يعني في وزارات طبقت قانون الموارد البشريه وفي وزارات ما طبقت وكل ما سألتي يقولون لج على حسب الوزير ايش يقرر وهالشي الل يتستغربين منه ... في وزارة نزلت طبيعة العمل من شهر 8 ونزلت مع الرواتب بس الغريب ان في وزارات للحين ما طبقوا واختي في وزارة ما اقدر اذكرها لين هالشهر ما نزلت لهم العلاوة الدوريه اللي هي على حسب التقييم ويقولون لهم مافي قانون وقرار وطبيعه العمل اخروها لها وغير ذي اجتمعوا معاهم هالشهر وقالوا لهم انهم بيقطعون العمل الاضافي ... زين شلون وفي قرار من مجلس الوزراء بمنح الموظفين 40% وفي قرار ومذكرة موقعه من مجلس الوزراء بمنح الموظفين طبيعه عمل والمذكرة مفصله وواضحة وبنودها مفصله وشامله يعني مجلس الوزراء ما قصروا والله يجزاهم خير بس ليش الوزرات ما يطبقون ماادري ؟؟؟؟؟ واختي في وزارات طبقوا طبيعه العمل والترقيات بعد بس الترقيات في وزارات بتحسب بأثر رجعي من تاريخ أخر ترقيه حق كل موظف وبتنزل لهم ملحق راتب علشان الوزارة ماتتحمل الفروق ... وبس

[maruuma]

طبيعة العمل من 35% الى 15% على حسب نوع الوظيفة
وهي بتنزل من تاريخ 1-8-2010 بدون اثر رجعي
ويعتمد قرار نزولها على الوزارة او الهيئة اذا احصرت موظفينها وصنفتهم كلا بطبيعة عمله
بالنسبة لجامعة قطر انزلت طبيعة العمل من 1-8-2010

وبس

[الخفي]

(( الضاهر يبون يوفرون العلاوات بأثر رجعي حق ميزانيه كأس العالم 2022

مستخسرين ينزلون العلاوه بأثر رجعي مع العلم انها من حق الموظفين ))

[ثرية]

انا كل ما اتصلت الموارد البشريه الي تابعه حق وزارتنا الموقره قالوا ماعندنا خبر مانعرف احنا نرتب بنسوي برنامح والله حوسه والله لخطبه مجلس الوزراء يقررر ويحدد ويقول نزلوا ولين جا الموضوع عند وزاراتنا وقفوها وعفسوها انا ودي افهم هم بيدفعونها من مخابيهم

[إنتعاش]

الأثر الرجعي المقصود هو للحالة الآتية :

تخصص الحاسب الآلي موظف جديد كان متوظف على السابعه .. بالقانون الجديد اصبح سادسه .. فيتم تعديل وضعه بأثر رجعي . فقط هذا اللي بأثر رجعي من 1 ابريل 2009

[captin]

احنا انزلت لنا مع راتب هذا الشهر 8

وتاريخ سريان طبيعة العمل الجديدة هو 1/8/2010 فعلا حسب قرار وزير الدولة لشئون مجلس الوزراء

والسبب انها ما انزلت لبعض موظفي الوزارات والمؤسسات التي تطبق قانون الموارد البشرية

ان الموارد البشرية اللي في تلك الوزارات نايمين وما اشتغلوا يحسبون لموظفينهم
علاوة طبيعة العمل الجديدة

[العقل الحر]

استحق ومانزل لي شي


السبب غير معروف

[إينشتاين]

انتوا للحين ماعرفتوا السيستم الي ماشيه عليه الحكومة

فيه قرارات سريعة التنفيذ وقرارات بطيئة التنفيذ:

1- سريعة التنفيذ (التي يكون فيها خصم أو تخفيض من راتب المواطن)

أمثلة على ذلك: خصم بدل السكن من الموظفين الذين يصرف لهم اعلى من القانون الجديد وتم الخصم من تاريخ 1/4/2009 وبشكل سريع

2- بطيئة التنفيذ (التي يكون فيها زيادة لدخل المواطن)

أمثلة على ذلك: بدل طبيعة العمل للموظفين أخذ اكثر من سنة ونصف لصرفها وعدم صرفها بأثر رجعي.

إلا على الطاري متى بيتطبق القانون على الأجانب ؟؟

[qatari 111]

احنا وقفوا علينا العمل الاضافي من شهر 4 ولحد الان ما صرفوا لنا علاوة طبيعة العمل

الله المستعان

[الحريّه]

عيل المدارس المستقلة شتقول مسكينه ؟ اللي موظفين بنفس طبيعة العمل , لا , وبعد أللي في المستقلة ألا شغلهم زياده وذبحه , اللي في الوزاره نازله لهم العلاوات من شهر 4 2009 واللي في المستقله مكانك سر !! عيل هذيه مب قهر ؟؟؟؟؟!!!!!!!!!!!!!!!!

[الشقيان]

:playball::playball:

[مطيع الله]

مثال على اللهف الرسمي من حلال المواطن،
يعني تبون يصرفون لكم من عوائد النفط والغاز؟

لااااااا، النفط والغاز بس للمشاريع التحتية والاستثمار الخارجي،

انتو لكم من جيوبكم، يعني ناخذ من ظهروكم ونصرف لكم معاشات،
يعني ريالك اللي يجيك، تحصله داخل الميزانية كخصم او مخالفة أو علاوة لم تنزل لموظف آخر،

يا بخل حكومتنا، والله ما أعلم أبخل منها، وأحسد، وأسرق من جيب المواطن،
أعوذ بالله من عبادة المال.

[التيما]

فدييييييييييييت حكومتنا والله .. والله انهم ماقصروا .. والزيادات تجيكم من وقت للثاني والمفروض نقول الحمد لله بس الانسان طماع بطبعه ..

الحمد لله جاني مسج بطبيعه العمل شهر اغسطس ..

[maruuma]

انتوا للحين ماعرفتوا السيستم الي ماشيه عليه الحكومة

فيه قرارات سريعة التنفيذ وقرارات بطيئة التنفيذ:

1- سريعة التنفيذ (التي يكون فيها خصم أو تخفيض من راتب المواطن)

أمثلة على ذلك: خصم بدل السكن من الموظفين الذين يصرف لهم اعلى من القانون الجديد وتم الخصم من تاريخ 1/4/2009 وبشكل سريع

2- بطيئة التنفيذ (التي يكون فيها زيادة لدخل المواطن)

أمثلة على ذلك: بدل طبيعة العمل للموظفين أخذ اكثر من سنة ونصف لصرفها وعدم صرفها بأثر رجعي.

[/size]

إلا على الطاري متى بيتطبق القانون على الأجانب ؟؟

في المشمش

او بعد ما يشبعون الاجانب ويترسون بطونهم جدام عيوننا
الله المستعان

[umabdulla77]

بالنسبة لوزارتنا الحمدلله نزلولنا يدل طبيعة عمل عن شهر اغسطس
وبدل العمل الاضافي بعد نزل للمستحقين

[nagano]

فيه حد منكم في البلديه ونزلت له ؟

[s o s o]

الأثر الرجعي المقصود هو للحالة الآتية :

تخصص الحاسب الآلي موظف جديد كان متوظف على السابعه .. بالقانون الجديد اصبح سادسه .. فيتم تعديل وضعه بأثر رجعي . فقط هذا اللي بأثر رجعي من 1 ابريل 2009

اي فقرة في قانون الموارد البشرية نصت على هالكلام اللي تكرمت به ..؟

[بوخالد911]

للحييين ما في شي

الله كريم بس



بس يمكن بينزلوووونها للأجانب
:(
:(
:(

[عزتي سمو ذاتي]

على حسب الوزارة أو الهيئة اللي خلصت اوراق موظفيها وارفعتها نزلوا لهم طبيعة العمل هالشهر

واللي ماخلصت من الأوراق راح تنزل لهم الشهر الجاي أو اللي بعده متى ماارفعوا الأوراق وبتنزل بأثر رجعي من 1/8/2010

[moonبنتnight]

خليه على الله 00
داخلية منزلة حق موظفينها شهرين وادارتنا عزيزة ماكلة حسبة طبيعة عمل حق بعض موطفينها وباقي بزيادة 00 واذا طلبنا فية ما يصححون خطأ ابدا عيب في حقهم ما يهضمون حق موظف مب مشكلة عندهم 00