ممكن تفهموني وش الفرق بين ؟؟؟؟

[نورالهدى]

السلام عليكم ورحمة الله تعالى وبركاته

الله يعافيكم ممكن اعرف الفرق بين نيوترشن اللي في المعمورة والثاني اللي قريب الدفنه
وأيهما أفضل

اللي يعرف يقولي
الله يجزاه خير

[نورالهدى]

الحين ماحد يعرف من افضل
أنا ابغي انزل من وزني وايد
ومحتاجه اني اتجه الاتجاه الصحيح
ما ابغي اروح للمكان الغلط وازيد الطين بله
وخصوصا اني سويت من قبل عملية ربط وفشلت في انقاص وزني لا وزاد بعد
والحين قررت اني اتبع حميه على يد ناس متخصصه
وسمنتي مرضيه
يعني وزني وزن ديناصورات
وشكرا لكم

[الأصيلة]

الحين ماحد يعرف من افضل
أنا ابغي انزل من وزني وايد
ومحتاجه اني اتجه الاتجاه الصحيح
ما ابغي اروح للمكان الغلط وازيد الطين بله
وخصوصا اني سويت من قبل عملية ربط وفشلت في انقاص وزني لا وزاد بعد
والحين قررت اني اتبع حميه على يد ناس متخصصه
وسمنتي مرضيه
يعني وزني وزن ديناصورات
وشكرا لكم

أنصحك بمستشفى حمد
الأخصائيين هناك لديهم حميه صحية لا ضرر فيها
واستفاد منها الكثيرين ..كما لاحظت..
حيث أن أوزانها لاتعود بعد ذلك..
الأمر يحتاج عزم وصبر...
نيوتريشن الوزن بعد الرجيم يعود بسرعة..
لأن التجويع هو سبب السمنة...
برنامج جمال الملا قد يفيدك
دكتور كويتي تستطيعين الإطلاع على طريقته من الأنترنت أو التواصل معه...

[فارس بلا جواد]

السلام عليكم وصباح الخير

تقبل الله طاعتكم

انا انصحج اختي روحي حق الدكتور عادل في نيوتريشن الي في المرخيه

البرنامج وايد مفيد وهو اخصائي تغذيه

البرنامج الي راح يعطيج اياه في البدايه راح يكون قاسي عليج

بس لازم تستمرين معاه اذا بغيتي تنزلين من وزنج انا واحد استفدت

منه وايد والحين وزني وحتى اكلي صار اوكيه وتركت بعض العادات

الغذائية السيئه ولله الحمد ... الموضوع ومافيه اختي انج لازم تمشين

معاه خطوه بخطوه ولا تستسلمين وشوفي حد من صديقاتج او اي حد من

الاهل يشجعج على دخول مثل هذه المراكز وعسا الله يوفقج يارب وتصيرين

مثل سندريلا اللهم امين ... ولا تثقلين من الهريس والثريد علفطور

اخوج الصغير

فارس بلا جواد

[بوهلال]

اساس الموضوع الاراده

لان اللي في قلبه الصلاه ما تفوته

[الأصيلة]

تجويع الجسد هو سبب تراكم الدهون...
لأن الجسد بعد انتهاء مدة الحمية يبدأ بالدفاع عن نفسه بتخزين الدهون في مناطق معينه للإستفادة منه مرة أخرى
حتى لايتعرض مرة أخرى للتعذيب بالتجويع
فلذك نجد أن الشخص بعد أن يبدأ يأكل بعد الحميه
يزيد وزنه أكثر زيادة يصعب عليها خسران الوزن مرة أخرى...
الطريقة الصحيحة تقليل الأكل وزيادة عدد الوجبات بدون الوصول للشبع
والتقليل من الدهون والسكريات وشرب الماء الكثير...
المهم تغير عادات الطعام..

[نورالهدى]

جزاكم الله خيرا

[بنت شيوخ]

دكتور حسام بالمعموره

وانا ماشوف البرنامج به تجويع بالعكس اللي مشتركين ياكلون لين يشبعون

مافي اي تجويع بس الهدف منه ان تنظيم الوجبات مهم والامتناع عن الاشياء الضاره والعادات الغذائيه الخاطئه


بس

الله يوفقج

[Realistic]

الصراحه ماعرف الفرق بينهم ..

لكن واحد من الربع سجل في نيوترشن .. وشفت الجدول الي يمشي عليه .. الصراحه احس ان الجدول فيه وايد اشيا غلط

انا مب خبير تغذيه .. لكن بحكم اني قاعد اغير من عاداتي الغذائية والصحيه .. صارت عندي خبره بسيطه في هالمجال

جدولهم يعتمد على الحرمان من وايد اشيا .. وهذا غلط !!
الجسم لازم ماينحرم من اشيا أساسيه .. ولازم ما يجوع وايد ..

لان ترى اجسامنا ذكيه .. وتقدر تكييف نفسها وتخزن دهون وتحرق سعرات حراريه اقل اذا تم حرمانها

الحل انه يكون غذاءنا صحنا ومنوع ( يشتمل على بروتين ونشويات وسكريات طبيعيه بكميات قليلة وطبعا الأهم ان يكون معاه ألياف)


وايد من الشباب دخلوا دايت سنتر.. و سليم اند لايت
وكان جدولهم حلو ومنوع وما انحرموا من شي .. ومع ذلك اوزانهم نزلت

طبعا نظام غذائي بدون رياضه ( حتى لو مشي لمدة 40 دقيقه .. 5 مرات في الاسبوع) ماينفع ..
الرياضه شي مهم
لانها تساعد في اسراع عملية الهدم والبناء .. وتساعد على شد الترهلات


همم على فكره .. انا ماجربت هالمراكز المتخصصه في التخسيس .. لكن حاليا وزني نزل من 130 لين 106 .. بتنظيم الاكل .. والرياضه .. وسندويشة صب واي :eek2:

[حقيقه]

الصراحه في ارمضان صعب الشخص يتحكم بوزنه:nono:

اخترب الرجيم من قلب:looking:

لكن الحمدلله انا راضيه عن وزني:thumbup:

واهم نقطه بالموضوع هو تخفيف الاكل ووجبة العشاء بالذات وتكون بدري احسن يعني على السبع او ست ونص

:thumbup:

[استغفرالله]

هم نفس الشي شوفي الاقرب وروحي

الدكتور عادل اللي في المرخية كان يشتغل في المركز اللي في المعمورة بعدين انفصل عنهم

وفتح له مركز في المرخية تحت اسم مشابه للي في المعمورة

[ع.م]

ياااارب تصيرين رشيقة.. أنا مادري ليش عندي احساس قوووي انج بتوصلين حق وزن حلو و يرضيج..




وخصوصا اني سويت من قبل عملية ربط وفشلت في انقاص وزني لا وزاد بعد



ممكن تتكلمين عن تجربتج بليز.. إذا حد يبي يسوي هالعملية شنهي الأخطاء اللي سويتيها وممكن يتفاداها؟

[Realistic]

الصراحه في ارمضان صعب الشخص يتحكم بوزنه:nono:

:thumbup:

بالعكس .. رمضان احسن فرصه لانقاص الوزن ..

بداية رمضان كان وزني 113 تقريبا .. واليوم وزني 106

يعني نزلت 7 كيلو ..

احس ان الوزن يتعدل في رمضان احسن من غيره من الشهور .. :)

[خطوة]

الواقع يقول ياخواني واخواتي ان الريجيم اشلوب حياه

يعني مو كم شهر وارجع انفس العادات الغذائيه

انا وولله الحمد ماشارك باي برنامج دايت بس سمعت بنات مشاركين

بنتروشن يمنع عنهم مزاوله الرياضه؟؟؟ ليه مدري

زبدة الهرج سدو حلوجكم تنحفون بلا نتروشن بلا بطيخ

[المرحب]

اتبعوا نصائح الدكاتره وابتعدوا عن المحلات والصيدليات

[نورالهدى]

ان شاء الله بكتب تجربتي مع ربط المعده
وشلون وصلت لوزن الديناصورات

[ع.م]

ان شاء الله بكتب تجربتي مع ربط المعده
وشلون وصلت لوزن الديناصورات

مشكورة يالغالية.. الله يحقق لج مرادج يارب.. وماتشوفين شر..

[BIG-VEGA]

مادري

بس زوجتي مشتركه مع الي في المعموره من مده 3 شهور تقريبا وهي مستانسه حدها من النتايج

[wadha-qa]

عادي نفس النظام و نفس المنتجات انا مع اللي في المعموره و صراحه نظامهم صعب و يضر الكلى بسبب كثره البروتينات و الاجبان بس الحل هو كثرة شرب الماء لمنع اي مضاعفات انا نزلت وياهم 9 كيلو و من بدا رمضان ما طبقت النظام كله اخربط في الاكل وزدت 2 كيلو :( بس بعد العيد بالتزم فيه

[أم علي 2010]

مافي فرق ..

نيوترشن اللي بالمعموره هو الاساس و الدكتور عادل كان اصلا هناك وعقب طلع وفتح له عيادة بروحه

عند دوار التلفزيون ..

عموما انا كنت اراجع عند دكتور حسام والنظام واحد .. بس يمكن على حسب الشخص الكميات تتغير لكن نوع الاكل هي هي ماتتغير

اول اسبوع صعب , لكن عقب تلقين الاكل يزيد :)

والاساس بيكون المشي عقب اول اسبوع على الاقل 40 دقيقة

و موفقة