( لجنة ) تشتغل أكثر من ( وزارة ) و ( هيئة) !!

[سيف العشق]

صبحكم الله بالخير اخواني واخواتي

لايخفى عليكم الدور الكبير الذي قامت وتقوم به لجنة فك الاختناقات المروريه

ففي ضرف مده بسيطة لاتتجاوز السنتين استطاعت ان تفك اختناقات اكثر الدوارات

والاشارات المروريه فقلما تجد دوارآ او تقاطعآ الا ووجدت لهم عليه بصمه وبصمه فاعله

بينما (( اشغال )) تنفق المليارات على مشاريع كبيره واخطاءها اكبر من ايجابياتها

فلجنة الاختناقات المروريه تعمل على توسعة التقاطعات بينما اشغال تعمل على تضييق

الشوارع بدلآ من توسعتها وكأنها لاتستشرف المستقبل بل تنظر تحت قدميها

اتمنى ان تستفيد اشغال من اعضاء اللجنه ويكفي انهم من اهل قطر ابرك من مهندسين

دافعين لهم ملايين الدولارات على الفاضي

[moonبنتnight]

المهم ارواح ناس 00 اذا بدى مشروع ما يخلص واكثر حوادث من لفات وتحويلات مفاجأ وكل هذا وخطأ على سائق 00 وشاحنات اكثر خطر على ارواح ناس 00 ماقصرت اللجنة بصراحة مجهود نشكرهم عليه وتنظيم سير مع تقلبات جو 00 الله يعطيك العافية على موضوع 00

[برزان]

أين بعد النظر والنظره المستقبليه للطرق

احياء ومناطق سكنيه فيها الاف من البشر يربطها شارع واحد مايسع الا سيارتين رايح وجاي لين الدوحة .
هذا حال مناطق الجديده .... لين متى هالنظره القصيرة المدى .....حتى في الطرق البديلة اعوذ بلله
تقول الي متخذ القرارات في الطرق البديلة عمّال مهب ناس متعلمين .

والادهي والامر ان معظم المسؤولين المهندسين و متخذي القرارات في هاذي الامور كل يوم شايل شنطته بزنس ترب الي ارقى دول العالم رايح جاي ...ويرى بعينه كيف الامور تشمي بسيرها الصحيح ولاكن عندنا ...
مازلنا انكسر اطراف الدواوير بس عشان انسوي تحويله ممر يمين عشان الي ماله شغل بالدوار مايحتاي ينتظر السيد لين يمشي ...

كاااااااااااااك ...ضحكت قهر .

الله المستعان بس

وعلى فكره دولة قطر من اكثر دول الخليج تخلفا في الطرق لاكن هذا الواقع .

[سيف العشق]

أين بعد النظر والنظره المستقبليه للطرق

احياء ومناطق سكنيه فيها الاف من البشر يربطها شارع واحد مايسع الا سيارتين رايح وجاي لين الدوحة .
هذا حال مناطق الجديده .... لين متى هالنظره القصيرة المدى .....حتى في الطرق البديلة اعوذ بلله
تقول الي متخذ القرارات في الطرق البديلة عمّال مهب ناس متعلمين .

والادهي والامر ان معظم المسؤولين المهندسين و متخذي القرارات في هاذي الامور كل يوم شايل شنطته بزنس ترب الي ارقى دول العالم رايح جاي ...ويرى بعينه كيف الامور تشمي بسيرها الصحيح ولاكن عندنا ...
مازلنا انكسر اطراف الدواوير بس عشان انسوي تحويله ممر يمين عشان الي ماله شغل بالدوار مايحتاي ينتظر السيد لين يمشي ...

كاااااااااااااك ...ضحكت قهر .

الله المستعان بس

وعلى فكره دولة قطر من اكثر دول الخليج تخلفا في الطرق لاكن هذا الواقع .

اخوي برزان

بخصوص تكسير اللفات اللي عند الدورات هذا تقوم فيه اللجنه لحين طرح مشاريع جديده

من قبل هيئة اشغال ولو اللجنه ماسوت اللي سوته صدقني ان تشوفنا ندور على بعض

كأنهم حابسينا في قوطي صلصل ولاندري وين نروح

[مضارب جديد]

انا اسمي هذة اللجنة ( اللجنة المباركة )

لأن من يوم انشائها ارتحنا من الزحمة و بحلول ذكية

مع اني ما اعرف أي أحد فيها و لكن اسأل الله ان يجعل عملهم في ميزان حسناتهم

[**هـتــــــان**]

الله يعطيهم العافيه مايقصرون هاللجنه ..يستاهلون الخير .

[فرقة الصقور]

امحق لجنه
اذا ماقدرت ت،افق علر كل شوارع اشغال قبل التنفيذ

[سيف العشق]

انا اسمي هذة اللجنة ( اللجنة المباركة )

لأن من يوم انشائها ارتحنا من الزحمة و بحلول ذكية

مع اني ما اعرف أي أحد فيها و لكن اسأل الله ان يجعل عملهم في ميزان حسناتهم

بصراحه فعلآ انها اللجنه المباركه

[سيف العشق]

امحق لجنه
اذا ماقدرت ت،افق علر كل شوارع اشغال قبل التنفيذ

اخوي فرقة الصقور الظاهر انتي تصلي شرق والناس قبله

اتق الله ولاتظلم اللجنه والقائمين عليها

[محمد لشيب]

توضيح بسيط: لجنة الاختناقات المرورية تابعة لهيئة الأشغال العامة "أشغال" وتضم ممثلي عن إدارات التخطيط العمراني والمرور ولخويا ...

[ANONYMOUS]

اختار 4 اعضاء من المنتدى عشوائيا.. وعطهم الصلاحيات..

وشوف شلون بيفكون لك اي ازمه في اي بلد سواء كانت ازمة طرق او بنيان او حماية مستهلك او تعليم او صحه

ما اقلل من اعضاء اللجنه جزاهم الله خير