ادارة المرور وتصريح السفر

[دفرنت]

السلام عليكم ورحمة الله وبركاته

بسم الله والصلاة والسلام على رسول الله

الى متى يا ادارة المرور

الناس تتطور واحنا نرد ورا

امس اخوي راح المرور عشان يطلع لي تصريح اني اسافر بسيارته

وراح بعد التراويح

ولا امة محمد هناك

ويوم راح ياخذ رقم الانتظار الموظف قاله وقفنا الارقام

عشان الزحمة الي انت شايفها ومايندرى هذول بيخلصون اليوم ولا لا

انا الي ابي اعرفه

وين التطوير الي يتكلمون عنه

قلتو تصاريح لاسباب امنية

ماختلفنا

بس الي يصيده ظرف طاريء ويبي يسافر شيسوي

ليش مايزيدون الموظفين

معقولة يعني الواحد ياجل سفرته عشان هالسبب

واسمحولي عالاطالة بس مب مني من الحرة الي فيني

[ســـهم]

الله يلوم اللي يلومك

الحل بسيط هو فتح مكتب خاص بالمرور للحوادث ولتصاريح السفر في منفذ ابو سمــره .

[القيادي]

اخوي اعتقد ان الامر سهل ومافي داعي انك اتروح للمرور فقط ماعليك الا تعطي بطاقتك الشخصية لخوك وبهالطريقة يقدر يسافر بأي وقت وبدون طابور ولا مرور ، المهم انكك تستغني عن البطاقة الشخصية

[halcrow]

من يومين كنت اهناك ولا شفت زحمه

واذا مثل ماقلت ان في زحمة وماحصلت رقم الله لايهينك كلم الملازم المسؤل ومابيقصر معك ولا الموظفين

انا معك في كثرة الموظفين وتوسع المكان وتخصيص اماكن للقطرين والاجانب خبرك الحين في تغيير لوح ارقام المركبات وشوف كم موتر في قطر والزحمه اللي بتصير في المرور .

[معيذر جنوب]

اخوي القيادي ممنوع تسافر بالسيارة ليست ملكك ببطاقة صاحبها لازم يطلع تصريح وامس السبت والزحام
طبيعي لأن المداومين بس جهة تركيب اللوحات وصار عليهم ضغط امس كنت هناك وشفت الزحام.

تصريح السفر ل 6 شهور ب 50 ريال .

هالقرار طبق من شهرين اعتقد

[أبو لجـيـــن]

واللي بسافر بالموتر وهو باسم زوجته لكن زوجته مسافره معاه بالموتر هذا لازم ياخذ تصريح بعد؟

[ابن مانع]

القانون يشترط حضور صاحب السياره للادارة يعني حتى لو افتحوا فرع في منفذ ابوسمره بعد العنوه صعبة ولا هب حل
لاكن اذا كان كونتر خاص لهم يكون افضل او يسون نفس الجوازات في استخراج تصاريح السفر
يفتحون في المطار مكتب او مثله بس مايكون مع معاملات الاداره كلها يكون خاص بتصاريح السفر بس

[معيذر جنوب]

واللي بسافر بالموتر وهو باسم زوجته لكن زوجته مسافره معاه بالموتر هذا لازم ياخذ تصريح بعد؟


لا مايحتاج اذا صاحب السيارة موجود بس تعطيهم البطاقة عند شباك الجمرك

[حسن]

عادي يسافر لين الحين القرار ماتطبق بس البطاقه الشخصيه تكون موجوده لملك السياره

[Arab!an]

حلو الفكرة اللي هي فتح كونتر خاص للتصاريح ..

بس لو فكرنا فيها .. بنشوف كل شغلة يبيلها كونتر لحالها خصوصا في قسم الارقام المميزة

نسبة المراجعين اللي عندهم معاملة تصريح او خروجية لا تبلغ 5% من المراجعين .. والموظفين يادوب 2 او 3 وعندهم معاملات كبيرة مثل الارقام المميزة ونقل الملكية والتصدير والسيارات الجديدة وتركيب اللوحات .. إلخ

مدام صار القرار ان التصريح يكون عن طريق مكاتب التسجيل .. فما في الا حل واحد

هو انك اول ماتدخل تروح الموظف على طول بدون رقم وقوله انا عندي تصريح سفر .. وصدقني محد فيهم بيقصر معاك لأن معاملتك خفيفة وماراح اتأثر

يمكن يخلصها وهو عنده معامله ثانيه عادي

[بورصجي_جديد]

السلام عليكم

كنت يوم الخميس بسافر السعوديه بموتر اخوي وتذكرت ان في ابو سمره حاطين على الدرايش ان لازم تصريح للخروج
رحت مرور المطار قالو لي روح مرور مدينة خليفه رحت تفاجأت بالزحمه كان رقمي 340 والدور حوالي 280 وانا كنت مستعجل عدد الموظفات كان قليل نوعا ما بنسبة لضغط الجمهور بس يعلم الله ان في ظابط واقف في الكونتر كان جدا متعاون مع الجمهور والشكر مووصول للباقي وقواهم الله


اقتراح لادارة المرور:- السماح بأصدار التصاريح في جميع الادارات التابعه لها في جميع مناطق الدوله
او تخصيص كونتر خاص لتصاريح السفر كما ذكر الاخوان

تقبلو تحياتي

[ســـهم]

القانون يشترط حضور صاحب السياره للادارة يعني حتى لو افتحوا فرع في منفذ ابوسمره بعد العنوه صعبة ولا هب حل
لاكن اذا كان كونتر خاص لهم يكون افضل او يسون نفس الجوازات في استخراج تصاريح السفر
يفتحون في المطار مكتب او مثله بس مايكون مع معاملات الاداره كلها يكون خاص بتصاريح السفر بس

اها

فهمت خطأ انا قلت يمكن يكتفون بالبطاقه فقــط

طيب ليش ماتكون عن طريق النت ؟!

[Arab!an]

بورصجي ترى كل ادارة فيها قسم التسجيل يكون فيها اولردي تصاريح سفر
لأنه موجود في السستم ..

يعني اذا مرور المطار فيه قسم تسجيل معناته عندهم تصاريح ويقدرون يطلعون

[بورصجي_جديد]

بورصجي ترى كل ادارة فيها قسم التسجيل يكون فيها اولردي تصاريح سفر
لأنه موجود في السستم ..

يعني اذا مرور المطار فيه قسم تسجيل معناته عندهم تصاريح ويقدرون يطلعون

والله مادري ياخوك يااربيان

انا رحت مرور المطار ودشيت لقيت موظف سالته قالي في مرور مدينة خليفه ياانه صرفني ياانه مايعرف شي

تحياتي لك

[محمد11]

قلناها من قبل

تخبط تخبط

انزين في حالة سفر اخوي الى دولة اخرى !!

وانا ابي اسافر بسيارته !!!!


شلون !!!!!!!!

يطرش بطاقتة ب dhl مثلا !!!

[متسلف وفي الاخير]

يجماعه الخير لو تروحون الامارات تلقون في بعض الجمعيات مكتب خاص بالمرور او مكينه خاصه لدفع المخالفات واتخليص المعاملات مثل التصاريح و24 ساعه
اتمنى دولتنا الحبيبه تحذو حذو هذه الطرق الجميله والمختصره والتي تساهم في اختصار وقت وجهد المواطن

واود ان اذكر ادارة المرور نحن في عام 2010 وليس عام 1990 ليتم وضع فقط شخصين في الكاونتر

لماذا لا يخصص مكتب في المطار ومكتب ابو سمرا ومكتب في الشمال ومكتب في الخور ومكتب في الوكرة

ام ان المرور يحب سياسه التاخير وتعطيل مصالح المواطنين واهدار وقتهم على الطوابير اليوميه وعلى

الانتظار لفترات طويله في بعض الدول الخليجيه في كل مكان لهم كاونتر يسمى كاونتر المواطنين فقط

[أبو لجـيـــن]

لا مايحتاج اذا صاحب السيارة موجود بس تعطيهم البطاقة عند شباك الجمرك


جزاك الله خير يالغالي

[غونان]

جزاك الله خير يالغالي

لا حبيبي لازم تصريح من المرور قبل اسبوع رحت المراكز سلوى الجمارك طبعا بسيارة اخوي ومعي بطاقتة قالي الموظف الله يعينك ممنوع ارجع الدوحة وطلع تصريح من المرور حنا الجمارك وقفنا اصدار التراخيص السفر :anger3:

[واحد ثقة]

قرارات متسرعة ظاهرها مصلحة المواطن ولكنها في الواقع جباية وتخبط في تخبط ،،

[بوحمد1]

الله المستعان

[Godfather]

والله مشكله عويصه الله يعين
في حلول كثيره لو المسؤولين فكروا فيها بشكل جدي
يعني ليه مايستفيدون من موقع حكومي او موقع وزارة الداخليه على الانترنت
يعني يخلون التصريح الكتروني ويكون لكل واحد رقم سري لمعاملاته بحيث ماحد يسوي تصريح بدون علمه
يعني في الف طريقه وطريقه والمفروض يستفيدون من التكنولوجي الموجوده
على سبيل المثال مشكلة تصاريح السفر حق المقيمين
من اول تلقى زحمه لان معظم الشركات عندها مندوبين ويصفون طوابير طويله
لحد مافكروا في طريقة ان تصاريح السفر تكون عن طريق الانترنت ولا ياخذ تصريح مباشره الا الافراد او الشركات الصغيره
يعني لو يفكرون بشكل جدي يقدرون يطلعون حلول
اتمنى ان المسؤلين يتابعون همومنا ومشاكلنا في المنتدى
او خلنا نقول المكان اللي ممكن نتكلم فيه بحريه بدون اي خوف او اي قيود

[ولد قطــــــر]

غريبه ؟؟؟؟ انا يوم الجمعه مسافر في سياره اخوووي ولا حد قالي تصريح ولا شي ؟؟؟ عطيتهم بطاقته الشخصية ودفعوني 5 ريال والسلاااام عليييييييييكم .. يعني عالنظام القديم للحين شسالفه؟؟؟؟؟؟!!!!!

[Rayane]

هــــم ما قالوا بيكنسلونه خلاص....

اعوذ بالله ناس همج يشوفوننا فلوس تمشي. وودهم يحطونا ويسكرون علينا.

[القمه]

الله يلوم اللي يلومك

الحل بسيط هو فتح مكتب خاص بالمرور للحوادث ولتصاريح السفر في منفذ ابو سمــره .

أتفق معاك في هاذا الامر ويستحسن كل منا مخاطبتهم عبر الاميل

[وحيد-الشوق]

من تخبط الى تخبط

ماشفت ادارة تعبانة مثل المرور

[كلاسيك قطر]

يالغالي عادي وانا كل ماسافر في سيارته اخوي اخذ بطاقته الشخصيه وبس ولين اروح مركز ابو سمره اعطيهم 5 ريال

[التيما]

هاي الحركه تبط جبدي .. سالفه عشان اسافر بسياره حد من اخواني او خواتي .. يطلعون لنا اوراق عن طريق الانترنت نعبيها ونفتك ..

[أبو لجـيـــن]

لا حبيبي لازم تصريح من المرور قبل اسبوع رحت المراكز سلوى الجمارك طبعا بسيارة اخوي ومعي بطاقتة قالي الموظف الله يعينك ممنوع ارجع الدوحة وطلع تصريح من المرور حنا الجمارك وقفنا اصدار التراخيص السفر :anger3:

أخوي الموتر باسم زوجتي وهي وعيالي بسافرون معاي في نفس الموتر... ما اعتقد يبيلها تصريح طالما الشخص صاحب الموتر موجود؟:confused::confused::confused:

[a7med0_0]

يا جماعه الخير حنا ما عندنا الا منفذ حدودي واحد وهو ( بوسمرا)
الله لا يهينهم يحطون مكتب لهم في هالمركز حق تصاريح السفر للسيارات
ومافيه داعي تراجع المرور وامكن زحمه وامكن مسكرين وممكن يصادف اي حد منا حاله اضطرايه والجماعه مسكرين
وتقبلوا مروري