حصريا lexus lx 570 2011

[عيون قطر]

السلام عليكم

التغييرات : تغيير اللون الداخلي بالكامل + نظام جديد للفرامل + 420 حصان :fight:
بس الصراحة اللون ماعجبني من داخل بس يبقى لكزس والكلام لج ياجاره :strong2:

[المجروح81]

ماظن 420 حصان مره وحده

اخوي مكينة الخليجي 361 ومكينه الامريكي 381
اما 420 معناتها ميكنه جديده

[ابن مانع]

نوع من التغير شكله سبورت

[القطري554]

٤٢٠ حصان من وين الخبر

[عيون قطر]

هلا اخوي هاي اللي وصلني على البلاك بيري تدري البلاك بيري كله اشاعات قلت بانقلها لكم على الاقل تشوفون الصور اما عن المعلومات انا حاط عليها علامات ؟؟؟؟؟ مب اكيده كلها اسبوع ولا اسبوعين بتعرف اذا كانت 420 حصان ولا نفس قبل

[My Trip2]

420 احصان مشالله

[السموك]

روووووووووووعة من الداخل

تسلم اخوي

[سـهـيـل]

يمكن سوبر شارج من الوكاله

[قطري123]

ماتغيير شي منه الا السيتات وكلام قوي المكينة مغيرنها

[حمد بن خالد]

الصراحة من داخل زبااالة ( تكرمون )

يلوع الجبد

رصاصي وبرتقالي ؟؟؟!!!!

ياحي البيج

[ثاني]

هذي الظاهر أنه طلبية خاصة .. مب ال 2011 .. وبعدين واضح أنه من الإمارات ..

وفوق هاي .. وين الخط اللي على جنب البيبان؟

أنا سئلت الوكالة وأكثر من شخص هناك .. قالوا هو هو .. اللكسز 2011 ما تغير شي ..

وحسب ما قريت أن بس ضافوا نظام للبريك الأوفررايد .. وهاي الميزة يمكن ما تستخدمها أصلاً والله الحافظ ..

[البيرق]

اخوي صاحب الموضوع
لم يتغير شي قي موديل 2011 عدا اضافة بسيطة على البريك والوان اضافية اخرى حسب علمي

[عيون قطر]

هلا اخوي البيرق والله تعرف انا نقلت الموضوع من البلاك بيري مثل منت عارف كله اشاعات ويمكن احتمال 1% يكون صحيح وانا واحد ماعندي لكزس بس مشروعي اهو لكزس 570 موديل 2011 وانا ماشوف شي متغير يمكن شغلات بسيطة مثل رنقات او اصطابات او انظمه جديده للموتر شكلي باخذ 2010 ابرك لي