( بلاك بيـري ) يطلق زوجـين >>> سؤال من المخطئ فيهم؟؟

[بـــــــنت النوخـّــــذه]

http://www.7kawina.com/up/upfiles/pk328896.jpg

بعيدا" عن المواضيع السياسيه و المواضيع العنصريه و0000الخ :playball:
تناولنا كثيرا" في هذا القسم موضوع البلاك بيري ولكن لفتت انتباهي هذه القصه الحقيقيه :nono::


(البلاك بيري )


قرر زوجان خليجيان (بدون ذكر الدوله ) أخيرا الانفصال عن بعضهما


بعد ارتباط دام تسعة أشهر، إثر خلاف نشب بينهما حين


رفضت الزوجة امتلاك زوجها جهاز «بلاك بيري». وتقدمت


الزوجة بطلب الطلاق إلى المحكمة، عندما فشلت محاولاتها في


إقناع زوجها بالتخلص من «البلاك بيري»

مبينة أنها حاولت منع الزوج غير مرة كي يتخلص من الجهاز،


«أصبح يأخذ كثيرا من وقته ويظل طيلة الوقت يتواصل مع


الأصدقاء ....

الذين لم يسمح لي بمعرفتهم، الأمر الذي أدى إلى أن أضع له


خيارين إما «البلاك بيري» أو أنا، لكن رفضه المستمر للتنازل


دفعني لطلب الطلاق».
من جهة أخرى، بذلت عائلتا الزوجين محاولات جادة لتقريب


وجهات النظر، بيد أن كل طرف تمسك برأيه، ما أدى إلى إنهاء


العلاقة الزوجية وحصول الزوجة على صك الطلاق !!!

انتهت القصه :looking:

السؤال الي خلاني بحيره الان من المخطئ الزوج ام الزوجه ام الشركة التي صنعت جهاز البلاك بيري ؟؟؟

هل البلاك بيري ألغى مسؤوليات وواجبات الزوج اتجاه اسرته ؟؟؟؟؟

صراحه ما اصدق انهم راحو المحكمه وتطلقو وقالو للقاضي السبب بلاك بيري ؟؟؟؟الطلاق سهل لهذه الدرجه



والسؤال الاخير لو تفضلتو :

لو انت زوج وقالت لك زوجتك يا أنا او البلاك بيري فمن ستختار ؟؟؟ والسؤال للزوجه كذلك من ستختارين ؟؟

[&بوشهد&]

السبب مش من البلاك بيري ولكن : العقول الصغيرة من الطرفين
ولو زوجتي قالت لي يا انا يا البلاك بيري اكيد زوجتي ولا شك في ذلك

[**هـتــــــان**]

والله يابنت النوخذة ..اجوف معاها حق ...مفروض يخل شوي وقت حق البلاك بيري مب طول اليوم على البلاك بيري ...يعني اهي تزوجت علشان تقابل وااحد طول وقته على البلاك بيري ..جان ماتزوجت ابرك .



مرااااااااااااااااات الطلااااااااااااق يكون اريح الحلول وعسى ان تكرهو شيا وهو خير لكم :(

[باسورد]

الحمدلله ماعندي بلاك بيري ولا اعرف استعماله

[بـــــــنت النوخـّــــذه]

السبب مش من البلاك بيري ولكن : العقول الصغيرة من الطرفين
ولو زوجتي قالت لي يا انا يا البلاك بيري اكيد زوجتي ولا شك في ذلك

صحيح عقول صغيره واحد متمسك بشيئ تافه ووحده متمسكه برأي اتفه00بس الصراحه دام تنازل بهذي السهوله ما اعتقد جدير بتحمل مسؤوليه 0وبالنسبه لاختيارك احسنت وهذا عين العقل

[بـــــــنت النوخـّــــذه]

والله يابنت النوخذة ..اجوف معاها حق ...مفروض يخل شوي وقت حق البلاك بيري مب طول اليوم على البلاك بيري ...يعني اهي تزوجت علشان تقابل وااحد طول وقته على البلاك بيري ..جان ماتزوجت ابرك .



مرااااااااااااااااات الطلااااااااااااق يكون اريح الحلول وعسى ان تكرهو شيا وهو خير لكم :(



انا اشوف معاها حق في حاله وحده ان هذا الموقف اثبت لها انه غير جدير بتحمل المسؤوليه على اتفه الاسباب طلق 00:looking:0

المشكله اعتقد في الاثنين وثالثهم البلاك بيري 000

سعيده بمداخلتج اختي هتان نورتي الموضوع^_^

[بـــــــنت النوخـّــــذه]

الحمدلله ماعندي بلاك بيري ولا اعرف استعماله

ابرك لك من عوار الراس

[وطن]

وليش نروح لدولة خليجيه
صارت حادثه مشابهه عندنا بالبلاد
وصاحبة البلاك بيري هي الزوجة !!

البلا مو في البلاك بيري او غيره من الاجهزه

المشكلة لين صار اهمال للطرف الاخر بسبب احد هالاجهزة ...

[STAR]

بصراحة زوج غير ناضج نهائيا...‏!!‏

يفضل جهاز الكتروني ع زوجته وشريكة حياته؟!!‏


تدرين انا استغرب من بعض الرجال اللي يشترطون
على الزوجة بعدم امتلاك جهاز بلاك بيري وبالمقابل هو يمتلكه عادي...‏!!‏


لا تعليق

[بـــــــنت النوخـّــــذه]

وليش نروح لدولة خليجيه
صارت حادثه مشابهه عندنا بالبلاد
وصاحبة البلاك بيري هي الزوجة !!

البلا مو في البلاك بيري او غيره من الاجهزه

المشكلة لين صار اهمال للطرف الاخر بسبب احد هالاجهزة ...

مرحبتين اختي وطن 0000بالنسبه لاخفاء اسم الدوله هذي سياسه اتبعها عشان عوار الراس لحد يقول اتشوهون سمعه اهل قطر ولا حد يترك الموضوع ويركز على اسم الدوله 000عموما" بالنسبه لردج معقوله صار العكس يعني الزوجه اطلبت الطلاق مقابل حريتها مع البلاك بيري :looking: والله جد عقول مادري شاقول 000

بس هذي القصه تبين لنا عده اشياء ان في ناس مهب قد المسؤوليه والزواج ولاقد استخدام التقنيات الحديثه للاسف 00
سعيده بمداخلتج اختي وطن ^_^

[بـــــــنت النوخـّــــذه]

بصراحة زوج غير ناضج نهائيا...‏!!‏

يفضل جهاز الكتروني ع زوجته وشريكة حياته؟!!‏


تدرين انا استغرب من بعض الرجال اللي يشترطون
على الزوجة بعدم امتلاك جهاز بلاك بيري وبالمقابل هو يمتلكه عادي...‏!!‏


لا تعليق

عاد هذي طامه كبرى لي تشرط على شي حلال عليه وحرام على زوجته 0000

الطلاق سهل بلسان بعض الرجال من اجل متعتهم 000

انا استغرب اذا حدث الطلاق بسبب موقف تافه ويزيد استغرابي ان هذا الفعل طلع من رجل او المفترض يكون رجل !!!!!!!!!!!!


سعيده بمداخلتج اختي ستار ^_^

[القمه]

مشكلة البشريه لاتوجد ثقه في ازوجات اشريفات العفيفات

[بـــــــنت النوخـّــــذه]

مشكلة البشريه لاتوجد ثقه في ازوجات اشريفات العفيفات

انعدام الثقه+ انعدام الاحساس بالمسؤوليه = فشل في الحياه

سعيده بمشاركتج اختي القمه

[شاهيناز]

اشكرك اختي بنت النوخذه على الموضوع افتقدنا المواضيع الاجتماعية

انا ضد الشروط بين الزوجيين

لانه يدخل في نطاق العناد ماعرف متى الشركاء اذا جاز لنا نطلق عليهم شركاء يتعلمون ان الشروط يا انا يا امك ياانا ايا عملك ياانا يااختك يانا ياسفر
ولو بحثنا بنجد ان كثير من حالات الانفصال كان العناد السبب والشروط التفاهه

انا اقدر موقف الرجل
لان المرأة ليس من حقها ان تدخل في شؤون زوجهاالامور تاخذ بالتفاهم
واذا شاكه في زوجها المفروض ماتستمر معاه
لكن تتشرط
وتحط راسها في راس بلاك بيري

موقف الرجل عحبي هكذا الرجال والا فلا

[غزلان]

وجهة نظري وايد تسرعوا من اولها طلاق علشان جهاز عيل وشبيسون في المشاكل الى بتواجههم في السنوات القادمه ما اايد النظره الضيقه للأمور عند الطرفين وبعدين المرأه صارت وايد تدقق ليش يسافر ليش يسهر ليش يقعد بالمجلس وليش ؟؟..العناد والأصرار على المساواه في كل شي مع الرجل هم اكبر مشكله تواجه المرأه

[السيف5]

لاأعتقد ان السبب الحقيقي البلاك بيري فهو شماعة لاخفاء حقيقة العناد بين الطرفين

فقد يكون أي شئ آخر خصوصا في الفترة الاولى من الزواج تحدث الاختلافات بين

الزوجين----فالعناد وعدم التنازل بين الاثنين لعدم معرفة حقيقة الزواج

[المرحب]

بنت النوخذه

يعطيك العافيه على المواضيع الجميله

الله يهدي الجميع

ومن وجهة نظري المتواضعه إن الزوج غلطان وكان من المفروض أن يتنازل

عن العله (( البي بي )) ويقنع زوجته فيما بعد عن مدى حاجته له !!!

وأبشرك

ما أحبوووووه :nono:

[STAR]

هههههه ليش أغلب الردود نسائية‏!‏‏!‏

اعتقد يا بنت النوخذة تعرفين السبب

[القمه]

هههههه ليش أغلب الردود نسائية‏!‏‏!‏

اعتقد يا بنت النوخذة تعرفين السبب

star{{اتقي لله وترك عنك وسحب كلامك
وووووووووووووووووووووووووووووووووووعتذرررررررررررر رر

[النادرة]

فعلا السبب العقووول الصغيره مو من البلاك البيري

[شاهيناز]

هههههه ليش أغلب الردود نسائية‏!‏‏!‏

اعتقد يا بنت النوخذة تعرفين السبب

انا من الفاميل الي ردود على الموضوع ولا اجد مبرر لردك

ماحب التلميحات اذا عندك شي قوليه ومافي داعي لها الاسلوب
الردود النسائيه الي ردت لان المراة بطبيعتها تحب القضايا الاجتماعيه وتحب تشارك في ها النوع من المواضيع الا اذا لك راي ثاني وتلميح اخر..!!

[سداوي&مدريدي]

السؤال الي خلاني بحيره الان من المخطئ الزوج ام الزوجه ام الشركة التي صنعت جهاز البلاك بيري ؟؟؟

الأثنين معا :anger3:

هل البلاك بيري ألغى مسؤوليات وواجبات الزوج اتجاه اسرته ؟؟؟؟؟

أكيد نعم :playball:

صراحه ما اصدق انهم راحو المحكمه وتطلقو وقالو للقاضي السبب بلاك بيري ؟؟؟؟الطلاق سهل لهذه الدرجه

يا ما ناس تطلقو على اسباب بايخه ومثل ماقالت أختي غزلان في مشاكل بتواجهم أكبر من مشكلة البلاك بيري والمفروض اتكون في تضحه بين الطرفين لأستمرار العلاقه ونجاحها

[بـن عدوان]

ماتنلام الزوجة اذا طلبت الطلاق ..

طبعا بلا شكـ، اكيد طلبت الطلاق لانه الحالة زادت عن حدها، والغريب في الزوج انه مايبي يترك أو يخفف الاستخدام ..

الغلط أكيد على الزوج ...

[**هـتــــــان**]

طبعا ماااااراح يكون البلاك بيري هو الملام الوحيد للطلاق اكيد فيه خلافااااات ماضيه بس مثلما يقولون القشه التي قصمت ظهر البعير ...اما اذا الخلاف فقط فقط على البلاك بيري وراحوا المحكمه وتطلقوا بس علشانه ...اهني يكونوا الاثنين ماعندهم سالفه .


بس ترى فيه ناس في الطلاق يحطون سبب تافيه تغطيه لاسباب حقيقه بس مايبون نشر غسيل ...فيحطون اي عذر تافه ..علشان الناس يفكونهم من كثر الاسئله والحنه والتدخلات ...:)

[سداوي&مدريدي]

طبعا ماااااراح يكون البلاك بيري هو الملام الوحيد للطلاق اكيد فيه خلافااااات ماضيه بس مثلما يقولون القشه التي قصمت ظهر البعير ...اما اذا الخلاف فقط فقط على البلاك بيري وراحوا المحكمه وتطلقوا بس علشانه ...اهني يكونوا الاثنين ماعندهم سالفه .


بس ترى فيه ناس في الطلاق يحطون سبب تافيه تغطيه لاسباب حقيقه بس مايبون نشر غسيل ...فيحطون اي عذر تافه ..علشان الناس يفكونهم من كثر الاسئله والحنه والتدخلات ...:)

ومالقو سبب غير البلاك بيري :eek2:

حق السوالف omen

[ANONYMOUS]

http://www.7kawina.com/up/upfiles/pk328896.jpg




[


والسؤال الاخير لو تفضلتو :

لو انت زوج وقالت لك زوجتك يا أنا او البلاك بيري فمن ستختار ؟؟؟ والسؤال للزوجه كذلك من ستختارين ؟؟


[/B][/U][/COLOR][/COLOR][/SIZE]





خياران .. أحلاهما (مُر) !! :p

[toomi9]

امممم الغلطه غلطة الرياال وبالقوو بعد
الحمدالله والشكرر يفضل هالفون على مرته ؟؟
ولا ما يبس راسه الا لانه يسوي شي غلط ومستانس عليه وعمى عينه عن مرته وشريكة حياته
لو كان فيه خير والي يسويه شي صح وواثق من نفسه كان خلها تشوف شيسوي وشمايسوي
وصج انا بعد يبططون جبدي الي مايخلون حريمهم ياخذون البلاك بيري وهم خامرين عليه
حلال عليهم وحرام على حريمهم
اللهم لك الحمد والشكر صج ناس ترفع ضغطي عقولهم مريضه

[Rayane]

يقولون زادوا راتب المطلقات في دوله ( من دون ذكر الاسم ).

يمكنها مواطنه هناك.

[STAR]

star{{اتقي لله وترك عنك وسحب كلامك
وووووووووووووووووووووووووووووووووووعتذرررررررررررر رر

سلامتك..‏!!‏

ماقلت شي غلط..ولن اسحب كلامي...

واذا انت مفسر الكلام ع كيفك فشي راجع لك...

والكلام موجهه لبنت النوخذة...

[STAR]

انا من الفاميل الي ردود على الموضوع ولا اجد مبرر لردك

ماحب التلميحات اذا عندك شي قوليه ومافي داعي لها الاسلوب
الردود النسائيه الي ردت لان المراة بطبيعتها تحب القضايا الاجتماعيه وتحب تشارك في ها النوع من المواضيع الا اذا لك راي ثاني وتلميح اخر..!!

الله يهديج بس..‏!!‏


توقعت بتفهمين ردي..‏!!‏


يكفي بنت النوخذة فاهمتني ‏‏(‏‏=‏

[**هـتــــــان**]

ومالقو سبب غير البلاك بيري :eek2:

حق السوالف omen

سداوي مدريدي خله على هالسبب ولا شي ثاني هههههههههه :thumbup:

[آلصآحب آلجديد]

بصراحة زوج غير ناضج نهائيا...‏!!‏

يفضل جهاز الكتروني ع زوجته وشريكة حياته؟!!‏


تدرين انا استغرب من بعض الرجال اللي يشترطون
على الزوجة بعدم امتلاك جهاز بلاك بيري وبالمقابل هو يمتلكه عادي...‏!!‏


لا تعليق

اهو يضيف اي حد في القائمه عادي بس الزوجه :nono:

[إينشتاين]

يالحريم امركم عجيب !!!!

يعني هي تطلب الطلاق ويوم يطلق هو الغلطان :con2:

والحرمة يوم تطلب انها تشوف من الي معاه في الجهاز معاها حق ويوم الرجل يطلب هالشي من زوجته يطلع شكاك ومايثق في زوجته crazy


وجهة نظري/ هي الي طلبت الطلاق عشان موضوع تافه وتستاهل ماجاها

[التيما]

صج لين قالوا اهل العقول في راحة .. اكره شي ان واحد منهم يقول لا من غير سبب او يا انا يا ... !! بس في هالحالة العقل يفرض ان الانسان يختار الزوجه مب الجهاز .. وهاي دليل على قلة العقل ونقص العقل عند الاثنين .. الزوج لانه طلع تافه وفضل ربع و و و .. والزوجة لانه حطت راسها براس البي بي ..

[ضوى]

سبب تافه جدا للطلاق وصدقت التيما اهل العقول في راحة

[مدير]

ما اعتقد انه البلاك بيري هو السبب الرئيسي .. و اتوقع انه مجرد ترسبات لامور كثيرة و مشاكل بين الطرفين

و المفروض الزوج ما يخش جهازه عن زوجته .. الا اذا مسوي شي

[بـــــــنت النوخـّــــذه]

اشكرك اختي بنت النوخذه على الموضوع افتقدنا المواضيع الاجتماعية

انا ضد الشروط بين الزوجيين

لانه يدخل في نطاق العناد ماعرف متى الشركاء اذا جاز لنا نطلق عليهم شركاء يتعلمون ان الشروط يا انا يا امك ياانا ايا عملك ياانا يااختك يانا ياسفر
ولو بحثنا بنجد ان كثير من حالات الانفصال كان العناد السبب والشروط التفاهه

انا اقدر موقف الرجل
لان المرأة ليس من حقها ان تدخل في شؤون زوجهاالامور تاخذ بالتفاهم
واذا شاكه في زوجها المفروض ماتستمر معاه
لكن تتشرط
وتحط راسها في راس بلاك بيري

موقف الرجل عحبي هكذا الرجال والا فلا

اولا شاكره مشاركتج القيمه يالريانيه :playball:000وانتي تطرقتي لموضوع مهم وهو الشرط بين الزوجين 00لان كثره الشروط تدخل الزوجين في دوامه كبيره نهايتها الانفصال 00صحيح الزوجه اخطأت ولكن الخطأ الاكبر على الزوج كونه (رجل) المفروض يحكم عقله ولا يختار جهاز على زوجه لان لو فكر فيها فهناك الف طريقه لحل المشكله اولها انه يقول سأستغنى عنه مؤقتا" على الاقل مؤقت وليس التمسك برأيه كأن لاقيمه للمرأه التي امامه00 ولو دققتي السالفه مهب سالفه شك كثر ماهي سالفه مسؤوليه ومهامه كزوج

سعيده جدا بمداخلتج التي اثرت الموضوع^_^

[بـــــــنت النوخـّــــذه]

وجهة نظري وايد تسرعوا من اولها طلاق علشان جهاز عيل وشبيسون في المشاكل الى بتواجههم في السنوات القادمه ما اايد النظره الضيقه للأمور عند الطرفين وبعدين المرأه صارت وايد تدقق ليش يسافر ليش يسهر ليش يقعد بالمجلس وليش ؟؟..العناد والأصرار على المساواه في كل شي مع الرجل هم اكبر مشكله تواجه المرأه

هلا بغزلان شخبارج :playball:

صحيح كلامج تسرعو كثيرا" في الطلاق على اتفه الاسباب ولاحظي الطلاق هذا بين معدن كل واحد فيهم 00رجل يتنازل عن زوجته بسهوله لجل بلاك بيري وزوجه تطلب الطلاق من اجل زوج تزوج البلاك بيري 000

ولكن انا اختلف معك في نقطه التدقيق في الرجل انا مع المرأه الي تسئل وين رايح ووين جاي وشبتسوي وشنهو مهام عملك اليوم بس باسلوب لبق ومحترم لايدعو للشك والريبه الحياه شراكه اذا اهي ماعرفت وين رايح وجاي عيل ليش سموها حياه شراكه اسريه من حق الزوجه معرفه تحركات زوجها ومن حق الزوج معرفه تحركات زوجته حتى ينفتح باب الصدق والصراحه فيما بينهم00 وصدقيني الزوجين اذا صارحو بعض بكل شي حياتهم بتكون سعيده00

وانا سعيده بمشاركتج القيمه غزلان ديري بالج ترى الريايل ماينهدون :playball:

[بو خليفه 123]

هي المسأله بسيطه ..

المثل يقول : لا تبوق , لا تخاف ..

اذا كان الغرض من استخدام البلاك بيري سليم ولا يتعدى على الحياه الزوجيه اذاً لا ارى اين تكمن مشكلة البلاك بيري .

لكن اللي مشاهد البلاك بيري 24 ساعه و لا هو بمعبر زوجته هذا رجل يحتاج الى اعادة تأهيل ..

[الصريحه]

من قله المسؤوليه والثقه ومعرفه الحقوق والواجبات ادت الى طلاقهم وطلاق الكثيرين
ومنها البلاك لان الاخ حاس انه لين الحين عزوبي وللضيفه الجديده مالها حق بوقته؟؟؟؟؟؟؟؟؟؟

[هدوء الصباح]

الامور لا تؤخذ بهذا الشكل..
هي الغلطانة طبعا لانها هدمت حياتها بطريقتها هذي..كان يمكن لها ان تتحايل على الموضوع..
الرجال ما يجون بهذي الطريقة ابد..

[نسيم الروح]

بصراحه اختار زوجتي
بس فعلا انا مع الزوجه او الزوج الذي لا يرغب للطرف الاخر باقتناء البلاك بيري لانه سوف يقضي الوقت مع البلاك بيري وليس مع الزوج او الزوجة ( كانك ماخد ضره) وانا اشوف الي عندهم البلاك بيري 24 ساعة جالسين على الجهاز
وجهاز البلاك بيري لا يحترم الخصوصيه

[بـــــــنت النوخـّــــذه]

لاأعتقد ان السبب الحقيقي البلاك بيري فهو شماعة لاخفاء حقيقة العناد بين الطرفين

فقد يكون أي شئ آخر خصوصا في الفترة الاولى من الزواج تحدث الاختلافات بين

الزوجين----فالعناد وعدم التنازل بين الاثنين لعدم معرفة حقيقة الزواج

ممكن كلامك صح العناد 000 ولكن هل ممكن يعاند الزوج على بلاك بيري مقابل الزوجه

سعيده بمداخلتك اخوي 00


بنت النوخذه

يعطيك العافيه على المواضيع الجميله

الله يهدي الجميع

ومن وجهة نظري المتواضعه إن الزوج غلطان وكان من المفروض أن يتنازل

عن العله (( البي بي )) ويقنع زوجته فيما بعد عن مدى حاجته له !!!

وأبشرك

ما أحبوووووه :nono:

اهم شي ماتحبوووووه 000 ترى للعلم الحريم ينقص عليهم بسرعه ومثل ماقلت كان قال لها ولايهمج وبعدين راضاها و شرالها واحد وقال لها ضيفيني00سعيده بمداخلتك اخوي المرحب :playball:

[بـــــــنت النوخـّــــذه]

هههههه ليش أغلب الردود نسائية‏!‏‏!‏

اعتقد يا بنت النوخذة تعرفين السبب

لان البلاك بيري يعتبر الشريكه الثانيه للمرأه ^__^<<اتغشمر
والله مادري يمج :looking:


star{{اتقي لله وترك عنك وسحب كلامك
وووووووووووووووووووووووووووووووووووعتذرررررررررررر رر

اختي القمه ستار غرضها بريئ من ورى هالسؤال ^_^ طولو بالكم

فعلا السبب العقووول الصغيره مو من البلاك البيري

صحيح العقول الصغيره وتأثير البلاك بيري على هالعقول الي مهب قد الزواج00سعيده بمداخلتج اختي ^_^

[بـــــــنت النوخـّــــذه]

انا من الفاميل الي ردود على الموضوع ولا اجد مبرر لردك

ماحب التلميحات اذا عندك شي قوليه ومافي داعي لها الاسلوب
الردود النسائيه الي ردت لان المراة بطبيعتها تحب القضايا الاجتماعيه وتحب تشارك في ها النوع من المواضيع الا اذا لك راي ثاني وتلميح اخر..!!

كح كح ترى star بنوته كتكوته مهب ريال:playball:

[Al-Enazi]

الله يعين صار الطلاق هين .....هذي مشكله البزران لازوجوهم الله يعين بس

[بـــــــنت النوخـّــــذه]

السؤال الي خلاني بحيره الان من المخطئ الزوج ام الزوجه ام الشركة التي صنعت جهاز البلاك بيري ؟؟؟

الأثنين معا :anger3:

هل البلاك بيري ألغى مسؤوليات وواجبات الزوج اتجاه اسرته ؟؟؟؟؟

أكيد نعم :playball:

صراحه ما اصدق انهم راحو المحكمه وتطلقو وقالو للقاضي السبب بلاك بيري ؟؟؟؟الطلاق سهل لهذه الدرجه

يا ما ناس تطلقو على اسباب بايخه ومثل ماقالت أختي غزلان في مشاكل بتواجهم أكبر من مشكلة البلاك بيري والمفروض اتكون في تضحه بين الطرفين لأستمرار العلاقه ونجاحها



احييك على اعترافك ان البلاك بيري الغى مسؤوليات الزوج 000000لاصراحه يبيلك صفقه :app: اعتراف صريح من رجل

وسعيده بمداخلتك اخوي

[بـــــــنت النوخـّــــذه]

ماتنلام الزوجة اذا طلبت الطلاق ..

طبعا بلا شكـ، اكيد طلبت الطلاق لانه الحالة زادت عن حدها، والغريب في الزوج انه مايبي يترك أو يخفف الاستخدام ..

الغلط أكيد على الزوج ...

احسنت وملاحظتك عقلانيه ودقيقه 00بعض الرجال لايتقنون فن التعامل مع المرأه والله المرأه ينقص عليها بكلمتين كان قال لها ولا يهمج ونطر لين يهدى الوضع اما في حاله العصبيه الشيطان يكون حاضر 000
سعيده بمداخلتك القيمه


طبعا ماااااراح يكون البلاك بيري هو الملام الوحيد للطلاق اكيد فيه خلافااااات ماضيه بس مثلما يقولون القشه التي قصمت ظهر البعير ...اما اذا الخلاف فقط فقط على البلاك بيري وراحوا المحكمه وتطلقوا بس علشانه ...اهني يكونوا الاثنين ماعندهم سالفه .


بس ترى فيه ناس في الطلاق يحطون سبب تافيه تغطيه لاسباب حقيقه بس مايبون نشر غسيل ...فيحطون اي عذر تافه ..علشان الناس يفكونهم من كثر الاسئله والحنه والتدخلات ...:)


بس صدقيني المرأه مهب بالسهوله تتنازل عن مملكتها اكيد حاولت مرات عده ولا فيه فايده وابو العيال عيونه مبققه بالبلاك بيري 24/24 00 واهي احتمال حبت تاخذ موقف واتحطه بمقارنه والظاهر صدمها يوم اختار البلاك بيري عليها 000تبين الصج هالموقف يبين لها ان ممكن يتخلى عنها لاتفه الاسباب 00

سعيده بمداخلتج الي اثرت الموضوع هتان
:yes:

خياران .. أحلاهما (مُر) !! :p


واي واحد المرّ فيهم :playball:


امممم الغلطه غلطة الرياال وبالقوو بعد
الحمدالله والشكرر يفضل هالفون على مرته ؟؟
ولا ما يبس راسه الا لانه يسوي شي غلط ومستانس عليه وعمى عينه عن مرته وشريكة حياته
لو كان فيه خير والي يسويه شي صح وواثق من نفسه كان خلها تشوف شيسوي وشمايسوي
وصج انا بعد يبططون جبدي الي مايخلون حريمهم ياخذون البلاك بيري وهم خامرين عليه:eek2::eek2: حلال عليهم وحرام على حريمهم
اللهم لك الحمد والشكر صج ناس ترفع ضغطي عقولهم مريضه

قالوها لي بغيت اتعرف أصل الرّجال ومعدنه شوفه حزة العصبيه وبالمواقف ^_^
سعيده بمداخلتج اختي :yes:


يقولون زادوا راتب المطلقات في دوله ( من دون ذكر الاسم ).

يمكنها مواطنه هناك.

مافهمت :no: للاسف صعب افهم الالغاز :looking:

[بـــــــنت النوخـّــــذه]

سلامتك..‏!!‏

ماقلت شي غلط..ولن اسحب كلامي...

واذا انت مفسر الكلام ع كيفك فشي راجع لك...

والكلام موجهه لبنت النوخذة...


الله يهديج بس..‏!!‏


توقعت بتفهمين ردي..‏!!‏


يكفي بنت النوخذة فاهمتني ‏‏(‏‏=‏

ستار والريانيه شاهي عندكم بلاك بيري <<<اتهدي الوضع:playball:

[بـــــــنت النوخـّــــذه]

اهو يضيف اي حد في القائمه عادي بس الزوجه :nono:


ليش؟؟:playball:؟؟


يالحريم امركم عجيب !!!!

يعني هي تطلب الطلاق ويوم يطلق هو الغلطان :con2:

والحرمة يوم تطلب انها تشوف من الي معاه في الجهاز معاها حق ويوم الرجل يطلب هالشي من زوجته يطلع شكاك ومايثق في زوجته crazy


وجهة نظري/ هي الي طلبت الطلاق عشان موضوع تافه وتستاهل ماجاها


لا يا عالمنا الفاضل إينشتاين انت يمكن لو كنت متزوج بتعرف الزوجه عدل مستحيل تتخلى عن مملكتها بسهوله وكلمه طلقني صدقني ماتقولها الزوجه واهي مقتنعه بل اتقولها لجل اتشوف موقف وغلات زوجها يعني سميه دلع حزه الهواش لكن الطامه الكبرى لما يجيك زوج ناقص عقل ويقول لها طالق بالثلاث ويجلطها 00:looking:اتصدق زميله لي مره صار خلاف بينها وبين زوجها قالت له لو (انت رجال طلقني) شوف امسكته من كلمه توجع الرجال 00ولا طلقها قال لها لين عقلج يرد لمخج بطلقج :eek2:ولما سئلتها هل انتي صادقه قالت لا بس جذيه تبيني اموت ابغي اشوف اشلون بيتمسك فيني 00:playball:


صج لين قالوا اهل العقول في راحة .. اكره شي ان واحد منهم يقول لا من غير سبب او يا انا يا ... !! بس في هالحالة العقل يفرض ان الانسان يختار الزوجه مب الجهاز .. وهاي دليل على قلة العقل ونقص العقل عند الاثنين .. الزوج لانه طلع تافه وفضل ربع و و و .. والزوجة لانه حطت راسها براس البي بي ..

احسنت صدقتي اهنيه نجي لدور تحمل المسؤوليه 000وتحكيم العقل وهو الاهم في السالفه:thumbup:


سبب تافه جدا للطلاق وصدقت التيما اهل العقول في راحة

صحيح كلامها وكلامج :thumbup:


ما اعتقد انه البلاك بيري هو السبب الرئيسي .. و اتوقع انه مجرد ترسبات لامور كثيرة و مشاكل بين الطرفين

و المفروض الزوج ما يخش جهازه عن زوجته .. الا اذا مسوي شي

اهي ترسبات لموقف الزوج المصر ّ عليه اتجاه البلاك بيري 9 شهور متزوجين ومجابل البلاك بيري عيل بعد 5 سنوات بيجابل من ؟؟؟؟؟

[بـــــــنت النوخـّــــذه]

هي المسأله بسيطه ..

المثل يقول : لا تبوق , لا تخاف ..

اذا كان الغرض من استخدام البلاك بيري سليم ولا يتعدى على الحياه الزوجيه اذاً لا ارى اين تكمن مشكلة البلاك بيري .

لكن اللي مشاهد البلاك بيري 24 ساعه و لا هو بمعبر زوجته هذا رجل يحتاج الى اعادة تأهيل ..

ارحم الله والديك هذا الكلام العدل :yes:


من قله المسؤوليه والثقه ومعرفه الحقوق والواجبات ادت الى طلاقهم وطلاق الكثيرين
ومنها البلاك لان الاخ حاس انه لين الحين عزوبي وللضيفه الجديده مالها حق بوقته؟؟؟؟؟؟؟؟؟؟


اي صحيح هذه المشكله الشباب يحنون على اهلهم يبغون يتزوجون ولي تزوجو ما قدرو قيمه الحياه الزوجيه وتحمل امسؤليه واتخاذ الموقف المناسب 00للاسف هالزمن زمن من اسرع يطلق 000 مشكله لاتوجد ثقافه زوجيه فاكرين الحياه العزوبيه نفس الحياه بعد الزواج00اثرتي نقطه مهمه جدا وسعيده بمداخلتج:yes:


الامور لا تؤخذ بهذا الشكل..
هي الغلطانة طبعا لانها هدمت حياتها بطريقتها هذي..كان يمكن لها ان تتحايل على الموضوع..
الرجال ما يجون بهذي الطريقة ابد..


طيب واذا المرأه تحكمها العاطفه الرجل وشهو يحكمه اعتقد العقل طيب وين عقله 00؟؟


بصراحه اختار زوجتي
بس فعلا انا مع الزوجه او الزوج الذي لا يرغب للطرف الاخر باقتناء البلاك بيري لانه سوف يقضي الوقت مع البلاك بيري وليس مع الزوج او الزوجة ( كانك ماخد ضره) وانا اشوف الي عندهم البلاك بيري 24 ساعة جالسين على الجهاز
وجهاز البلاك بيري لا يحترم الخصوصيه


صح لايحترم الخصوصيه واصلا البلاك بيري وجد لتسهيل التواصل بأقل تكلفه لمهمات معينه مهب لصاحبي الي بالمجلس الفلاني بعد ساعه بروح اجلس معه 00مشكله عالمنا العربي لايتقنون استخدام التكنولوجيا في وقتها الصح:yes:

الله يعين صار الطلاق هين .....هذي مشكله البزران لازوجوهم الله يعين بس
اي نعم هذي مشكله البزران لي اطلبو الزواج من وهل000

[لابس بشت]

المخطئ الزوج طبعا
وانا لو منه
اقولها استحمليني اسبوع بس
واخذ لها بلاك بيري بتنشغل عني وماراح تدقق وايد
ويمكن تنشغل فالبلاك بيري اكثر مني
وياحب الحريم للسوالف :)

[بوخالد911]

طبعا سأختار الزوجة

لا هنتي للموضوع الجيد

[bo_hamad]

الجهاز هاي مرض انا اشوفه اي مكان اروح اشوف الكل مشغول ببلاك بيري او ايفون وحتى هو يالس مع ربعه مطنش لهم وهو يتمشى وراسه في الارض انا ما ادري عن وشو يسولفون ههههههههههه

[بـــــــنت النوخـّــــذه]

المخطئ الزوج طبعا
وانا لو منه
اقولها استحمليني اسبوع بس
واخذ لها بلاك بيري بتنشغل عني وماراح تدقق وايد
ويمكن تنشغل فالبلاك بيري اكثر مني
وياحب الحريم للسوالف :)

تبغي اتكحلها عميتها الاب والام مهتمين بالبلاك بيري واليهال عند الخدامه اكملت :eek2:


طبعا سأختار الزوجة

لا هنتي للموضوع الجيد

بوخالد عاقل والله

الجهاز هاي مرض انا اشوفه اي مكان اروح اشوف الكل مشغول ببلاك بيري او ايفون وحتى هو يالس مع ربعه مطنش لهم وهو يتمشى وراسه في الارض انا ما ادري عن وشو يسولفون ههههههههههه


هذه اهي المشكله ان عالمنا العربي لايتقن (فن) استخدام الوسائل التكنولوجيه 00 خصوصا لما هذي التكنولوجيا صنعت خصيصا" لتسهيل الاتصال (بأقل تكلفه) للاشخاص البعيدين عن بعضهم مسافات كبيره مهب بنفس المجلس واتواصل معه بالبي بي :looking: على سخافات

شاكره لك مداخلتك القيمه

[النائب]

http://www.7kawina.com/up/upfiles/pk328896.jpg

بعيدا" عن المواضيع السياسيه و المواضيع العنصريه و0000الخ :playball:
تناولنا كثيرا" في هذا القسم موضوع البلاك بيري ولكن لفتت انتباهي هذه القصه الحقيقيه :nono::


(البلاك بيري )


قرر زوجان خليجيان (بدون ذكر الدوله ) أخيرا الانفصال عن بعضهما


بعد ارتباط دام تسعة أشهر، إثر خلاف نشب بينهما حين


رفضت الزوجة امتلاك زوجها جهاز «بلاك بيري». وتقدمت


الزوجة بطلب الطلاق إلى المحكمة، عندما فشلت محاولاتها في


إقناع زوجها بالتخلص من «البلاك بيري»

مبينة أنها حاولت منع الزوج غير مرة كي يتخلص من الجهاز،


«أصبح يأخذ كثيرا من وقته ويظل طيلة الوقت يتواصل مع


الأصدقاء ....

الذين لم يسمح لي بمعرفتهم، الأمر الذي أدى إلى أن أضع له


خيارين إما «البلاك بيري» أو أنا، لكن رفضه المستمر للتنازل


دفعني لطلب الطلاق».
من جهة أخرى، بذلت عائلتا الزوجين محاولات جادة لتقريب


وجهات النظر، بيد أن كل طرف تمسك برأيه، ما أدى إلى إنهاء


العلاقة الزوجية وحصول الزوجة على صك الطلاق !!!

انتهت القصه :looking:

السؤال الي خلاني بحيره الان من المخطئ الزوج ام الزوجه ام الشركة التي صنعت جهاز البلاك بيري ؟؟؟

هل البلاك بيري ألغى مسؤوليات وواجبات الزوج اتجاه اسرته ؟؟؟؟؟

صراحه ما اصدق انهم راحو المحكمه وتطلقو وقالو للقاضي السبب بلاك بيري ؟؟؟؟الطلاق سهل لهذه الدرجه



والسؤال الاخير لو تفضلتو :

لو انت زوج وقالت لك زوجتك يا أنا او البلاك بيري فمن ستختار ؟؟؟ والسؤال للزوجه كذلك من ستختارين ؟؟




يعتمد على البلاك بيري هل هو جديد او مستعمل لو جديد ممكن أختار البلاك بيري لكن لو مستعمل فأعتقد إن الزوجة افضل من بلاك بيري مستعمل .

[بـــــــنت النوخـّــــذه]

يعتمد على البلاك بيري هل هو جديد او مستعمل لو جديد ممكن أختار البلاك بيري لكن لو مستعمل فأعتقد إن الزوجة افضل من بلاك بيري مستعمل .

شدت انتباهي الكلمات الي بتوقيعك :
من عادة الناس ما تركض على الفاضي:playball:
حتى ولو كان ما يزعلك يزْعلها
من وين عدل القضاء وخصمنا القاضي
لا والله الا غدينا يا هل البلها
ماني بما قلت يا قاضي(تُهَا) راضي
وان كان في خاطرك كلمة خفا قلها

[الأصيلة]

هذي الزوجه متسببه والا فيه طرق ثانية أنفع من الطلاق وهدم الحياة الأسرية...
القضية قضية عناد من الزوج اللي يضحي بحياته الزوجية ولا ينزل عند رغبة زوجته وتمشي كلامها عليه
وهذا طبع الرجل الشرقي...
أنا أبدا ما أأيد خطوتها الغريبة لإنهاء العلاقة من أجل جهاز لاراح ولا جا...

[آآآه ياقطــر]

لا حول ولا قوة الا بالله

[غزلان]

هلا بغزلان شخبارج :playball:

صحيح كلامج تسرعو كثيرا" في الطلاق على اتفه الاسباب ولاحظي الطلاق هذا بين معدن كل واحد فيهم 00رجل يتنازل عن زوجته بسهوله لجل بلاك بيري وزوجه تطلب الطلاق من اجل زوج تزوج البلاك بيري 000

ولكن انا اختلف معك في نقطه التدقيق في الرجل انا مع المرأه الي تسئل وين رايح ووين جاي وشبتسوي وشنهو مهام عملك اليوم بس باسلوب لبق ومحترم لايدعو للشك والريبه الحياه شراكه اذا اهي ماعرفت وين رايح وجاي عيل ليش سموها حياه شراكه اسريه من حق الزوجه معرفه تحركات زوجها ومن حق الزوج معرفه تحركات زوجته حتى ينفتح باب الصدق والصراحه فيما بينهم00 وصدقيني الزوجين اذا صارحو بعض بكل شي حياتهم بتكون سعيده00

وانا سعيده بمشاركتج القيمه غزلان ديري بالج ترى الريايل ماينهدون :playball:


00

انا معاج حلو ومن باب الأهتمام ان تسأل الزوجه زوجها وحتى تعرف مكانه لو احتاجت لشي ضروري ..لكن الى قصدته ان بعض النساء سفر الزوج او سهره تجعلهم يطلبون الطلاق..
يعني اقصده ان حتى سفره وسهره من الأسباب الى تطلب بعض النساء الطلاق ماقصدت مثل مافهمتي ان المرأه لازم ماتدقق في طلعات زوجها


ان شاء الله وصل لج الى اعنيه

[ابو محمد7]

الخطأ في غياب القدرة على الحوار والتفاهم والرغبة في التغيير وسهولة الطلاق عند الطرفين

نحتاج الكثير من التفاصيل حتى نستطيع الحكم بشكل ادق

[Abu Abdullah]

الله يسلمك هذيل مثل سالفة اللي طلق زوجته بسبة مهند
واللي قالت لزوجها ابيك تصير مثل مهند ولا طلقني ههههههههههههههه

( مجانين رسمياً )

الله يعين والله

اصبحنا نحن العرب والخليجين مثل الامواج نتأثر بالرياح لانكسر الا الصخور !!
يالله بستر الحال , والله يهدي الجميع

[تحداني]

هالبلاك بيري في كل مكان طاريه
عند الفرح موجود بقوه .. وعند الحزن موجود بقوه




الله يغربله إن شاء الله
أشغل الفكر والمنتديات والصحف والإذاعات العربيه
أضعاف الأجنبيه



إيش هالمقارنه العجيبه
يا أما ست الحسن والدلال
يأما البلاك بيري



ما أحب المقارنات أبدا:)

جملكم الله برضى الرحمن

[بوحارب]

الصراحة الزوجة غبية يعني تقارن نفسها بتلفون

ليش ما عندها ثقه في زوجها !!


لو انت زوج وقالت لك زوجتك يا أنا او البلاك بيري فمن ستختار ؟؟؟

والله يمكن اختار البي بي نحاسة لها بس عشان تعرف تتكلم عدل :)

[بـــــــنت النوخـّــــذه]

هذي الزوجه متسببه والا فيه طرق ثانية أنفع من الطلاق وهدم الحياة الأسرية...
القضية قضية عناد من الزوج اللي يضحي بحياته الزوجية ولا ينزل عند رغبة زوجته وتمشي كلامها عليه
وهذا طبع الرجل الشرقي...
أنا أبدا ما أأيد خطوتها الغريبة لإنهاء العلاقة من أجل جهاز لاراح ولا جا...

الاثنين مينن 000شاكره لج مداخلتج القيمه ^_^

لا حول ولا قوة الا بالله

والنعم بالله


00

انا معاج حلو ومن باب الأهتمام ان تسأل الزوجه زوجها وحتى تعرف مكانه لو احتاجت لشي ضروري ..لكن الى قصدته ان بعض النساء سفر الزوج او سهره تجعلهم يطلبون الطلاق..
يعني اقصده ان حتى سفره وسهره من الأسباب الى تطلب بعض النساء الطلاق ماقصدت مثل مافهمتي ان المرأه لازم ماتدقق في طلعات زوجها


ان شاء الله وصل لج الى اعنيه


الحين فيه معلوم :looking:

[بـــــــنت النوخـّــــذه]

الخطأ في غياب القدرة على الحوار والتفاهم والرغبة في التغيير وسهولة الطلاق عند الطرفين

نحتاج الكثير من التفاصيل حتى نستطيع الحكم بشكل ادق

المشكله عدم وعي الزوجين باهميه العلاقه الزوجيه 00شاكره لك مداخلتك القيمه

الله يسلمك هذيل مثل سالفة اللي طلق زوجته بسبة مهند
واللي قالت لزوجها ابيك تصير مثل مهند ولا طلقني ههههههههههههههه

( مجانين رسمياً )

الله يعين والله

اصبحنا نحن العرب والخليجين مثل الامواج نتأثر بالرياح لانكسر الا الصخور !!
يالله بستر الحال , والله يهدي الجميع

ومثل سالفه ذاك الي صارت بالدوحه قال لها ابغيج تنقلبين نانسي عجرم:eek2: سوت عمليات تجميل وغامرت بحياتها ومستشفيات وعمليات واقلبوها تشبها اشوي:thumbup: الا قال لها لالا مابي جذيه ردي شكلج قبل ماضبطو العمليه لج وكان بيطلقها:looking:

عقول سطحيه خساره يتزوجون ويحملون اسم اب او ام





هالبلاك بيري في كل مكان طاريه
عند الفرح موجود بقوه .. وعند الحزن موجود بقوه




الله يغربله إن شاء الله
أشغل الفكر والمنتديات والصحف والإذاعات العربيه
أضعاف الأجنبيه



إيش هالمقارنه العجيبه
يا أما ست الحسن والدلال
يأما البلاك بيري



ما أحب المقارنات أبدا:)

جملكم الله برضى الرحمن

يابنت الحلال قلنا انغير جو عن المواضيع السياسيه عورو روسنا قلت انقل لكم اخر قصص البلاك بيري ^_^ الاتعالي عندج ولا لا؟؟؟

الصراحة الزوجة غبية يعني تقارن نفسها بتلفون

ليش ما عندها ثقه في زوجها !!

بوحارب اشدخل الثقه الريال مبقق عينه 24/24 على البي بي وتوه ماكمل تسع شهور

بوحارب الجوال الجديد لما تشتريه يكون بعلبه صح انا لو منها بعد الطلاق احطه داخل العلبه واغلفه وادزه بيت هله:eek2:

والله يمكن اختار البي بي نحاسة لها بس عشان تعرف تتكلم عدل :)

اشدخل بالعكس اختار الحكمه والعقل بتجلس اتعاند مثل الحريم عمرك ماراح ترتاح :looking:

[بصمة قطرية]

المشكلة مش في البلاك بيري المشكلة في العقول المتخلفة اللي استخدمته خطأ ..
الزوج هو المخطأ الأول والأخير ..
خل البلاك بيري ينفعه ..

اللهم لا شماته ..
الحمد لله لا انا ولابو العيال ولا العيال عندنا بلاك بيري .

[ابوعلـي]

البلاك بيري اصبحت سلبياته اكثر من اجابياته وسبب مشااااااااااااكل لا لها اول من اخر بدايه من حوادث مرورية إلا قضايا شرف مرورا بالمشاكل والخيانات الزوجية <<<<<<<<< للأسف واقع مرير نعيشة


شخصيا :مقاطع البي بي كما يحبون تسميته اخوانا الزكرتيه

[بـــــــنت النوخـّــــذه]

المشكلة مش في البلاك بيري المشكلة في العقول المتخلفة اللي استخدمته خطأ ..
الزوج هو المخطأ الأول والأخير ..
خل البلاك بيري ينفعه ..

اللهم لا شماته ..
الحمد لله لا انا ولابو العيال ولا العيال عندنا بلاك بيري .

صحيح كلامج العقوله المتخلفه هي السبب 000

والله يستر عليج وعلى العيال وابوهم ويوفقكم دنيا وآخره

[بـــــــنت النوخـّــــذه]

البلاك بيري اصبحت سلبياته اكثر من اجابياته وسبب مشااااااااااااكل لا لها اول من اخر بدايه من حوادث مرورية إلا قضايا شرف مرورا بالمشاكل والخيانات الزوجية <<<<<<<<< للأسف واقع مرير نعيشة


شخصيا :مقاطع البي بي كما يحبون تسميته اخوانا الزكرتيه

اعجبتني كلمه مقاطعه البلاك بيري 0000جيه في بالي سؤال هل بيجي يوم نشن حمله مقاطعه للبلاك بيري؟؟؟؟

ومثل ماتفضلت السلبيات اكثرت ياترى ماهو السبب!!!!!!!!!!!

[hamad1990]

الشرهه عالبنت اللي تخير الريال بينها وبين جهاز قيمته 1500 ريال !!!

والشرهه عالريال ان مضيع وقته ووقت عائلته على شي تافه

في ناس يتمنون يحصلون الوقت يقعدون مع اهاليهم لكن للاسف

عقول صغيره ... والله لا يبلانا

[ابوعلـي]

قاطعته بعد شفت كل ما اكلم وااحد اشوفه مفهي ويطالع في البلاك بيري بصراحه ما اشوف منه فايده كبيرة يعني إلا فقط لرجال الاعمال اما الاستخدامات الاخرى فلا تعليق

مثال قبل كم يوم السب والشتم اللي وصل بين شباب الدوحه والكويت شنو سببه ؟؟؟؟
للأسف وصلت إلا كره وشتات بين الشعوب

السبب؟؟؟ لأن هالتقنيه جديده في البدايه تكون استعمالاتها سلبيه مع الايام انشالله بتتلاشى مثال اول ما طلع البلوتوث


وشاكرلج اختي


ابو علـي

[بـــــــنت النوخـّــــذه]

الشرهه عالبنت اللي تخير الريال بينها وبين جهاز قيمته 1500 ريال !!!

والشرهه عالريال ان مضيع وقته ووقت عائلته على شي تافه

في ناس يتمنون يحصلون الوقت يقعدون مع اهاليهم لكن للاسف

عقول صغيره ... والله لا يبلانا

احسنت ورحم الله والديك كلامك عين العقل
قاطعته بعد شفت كل ما اكلم وااحد اشوفه مفهي ويطالع في البلاك بيري بصراحه ما اشوف منه فايده كبيرة يعني إلا فقط لرجال الاعمال اما الاستخدامات الاخرى فلا تعليق

مثال قبل كم يوم السب والشتم اللي وصل بين شباب الدوحه والكويت شنو سببه ؟؟؟؟
للأسف وصلت إلا كره وشتات بين الشعوب

السبب؟؟؟ لأن هالتقنيه جديده في البدايه تكون استعمالاتها سلبيه مع الايام انشالله بتتلاشى مثال اول ما طلع البلوتوث


وشاكرلج اختي


ابو علـي

لااله الا الله وصل فيهم للسب والشتم والله الدنيا ماتسوى 000انا قلت البلاك بيري تقنيه صنعت للتواصل بطريقه ايجابيه بأقل تكلفه مهب للمهيته والسب والشتم

[باراكودا]

البلاك بيري طبعا ...... أبرك لي من عوار الراس ........ وسندارة الحريم .

[بـــــــنت النوخـّــــذه]

البلاك بيري طبعا ...... أبرك لي من عوار الراس ........ وسندارة الحريم .

كفو والله 000 البلاك بيري باجر بتجيب منه عيال وبيحملون اسمك اشتبي بسنداره الحريم ماوراهم فايده

[طــمــوحــة]

اذا طلب الزوج من زوجته انها تترك البلاك بيري فمن الاولى انها تطيعه

لكن التناقض ان اهوه يكون عنده جهازويحرمه على زوجته لاسباب مالها قيمه

هذا تناقض والانسان المتناقض ما يستحق حد يعيش معاه بغض النظر عن مدى اهميه الموضوع الي عليه الخلاف

[مستجدة]

الرجل اذا تخلى عن مسوؤليات بيته وزوجته وعياله
شنو تبي فيه الحرمة تطالع في وجهه وهو يسولف ويضحك وعيونه معلقه في البلاك بيري
ولا يمكن جالس يسولف مع حريم عيني عينك
فيه ناس استغفر الله انقلبوا مراهقين على اخر عمرهم بسبب هالبلاك بيري بعضهم كبر جدي
فمابالكم بالشباب الصغار لاروح مسوؤليه ولا يحسون على دمهم من التقصير في واجباتهم اتجاه زوجاتهم
وبيوتهم وعيالهم

مانقول الا الله لاتبلانا شنو اخر هالتطور وهالتكنلوجيا اللي مايجي من وارها الا خراب البيوت

[بـــــــنت النوخـّــــذه]

اذا طلب الزوج من زوجته انها تترك البلاك بيري فمن الاولى انها تطيعه

لكن التناقض ان اهوه يكون عنده جهازويحرمه على زوجته لاسباب مالها قيمه

هذا تناقض والانسان المتناقض ما يستحق حد يعيش معاه بغض النظر عن مدى اهميه الموضوع الي عليه الخلاف

بل قمه التناقض ان الشخص يسعى للزواج ويدفع مهر وتكاليف عرس واخرتها يطلق بنت الناس لجل اختياره للبلاك بيري تكلفته 3000 ريال بديل عنها 000

شاكره لج المداخله اختي لعزيزه ^_^

[بـــــــنت النوخـّــــذه]

الرجل اذا تخلى عن مسوؤليات بيته وزوجته وعياله
شنو تبي فيه الحرمة تطالع في وجهه وهو يسولف ويضحك وعيونه معلقه في البلاك بيري
ولا يمكن جالس يسولف مع حريم عيني عينك
فيه ناس استغفر الله انقلبوا مراهقين على اخر عمرهم بسبب هالبلاك بيري بعضهم كبر جدي
فمابالكم بالشباب الصغار لاروح مسوؤليه ولا يحسون على دمهم من التقصير في واجباتهم اتجاه زوجاتهم
وبيوتهم وعيالهم

مانقول الا الله لاتبلانا شنو اخر هالتطور وهالتكنلوجيا اللي مايجي من وارها الا خراب البيوت

اي والله يابنت الحلال الله لايبلانا 000مشكله الشخص الي يجهل استخدام التقنيه وارد واكرر البلاك بيري صنع لجل التواصل بأقل تكلفه لامور مهمه وعقلانيه 00مهب للهذره وتبادل الاشاعات والصور والمسجات والنكت ^_^

سعيده بمداخلتج القيمه 000

[مسفر2]

انا بــتنازل عن الاثنين
لابلاك بيري ولا زوجة

[بـــــــنت النوخـّــــذه]

انا بــتنازل عن الاثنين
لابلاك بيري ولا زوجة

ابرك لك من عوار الراس 0


ذكرتني بالمثل الي يقول 0قال طلقها واخذ اختها .. قال الله يلعنها ويلعن اختها :eek2:0:looking:

والسموحه على اللعن بالمثل ماقدرت اغيره ولا بيصير تحريف بنقل المثل :playball:

[Noora.]

أنا قريت هالشي فالجريده مره و السالفه كانت فالسعوديه ,

لكن هم الثنين مخطئين لأنه اولا الزوج ما يعطيها حقها من وقته و ما سمح لها تعرف من يكلم و هذا فتح باب الشك عندها ..

و هي غلطانه لأنها صغرت عقلها و خيرته بينها و بين الجهاز ,
و قبلت رفضه لها و وافقت على الطلاق..

البلاكبيري وسيلة تواصل حاله حال اللابتوب و المسانجر ..
المفروض ما ينقعد قدامه فتره طويله و إعتماد كلي على العلاقات فيه ولا راح يصير له إنعزال إجتماعي و بصير نفس الأخ الكريم يفضل الجهاز على انسان حي.

مشكورة اختي بنت النوخذه على طرح الموضوع

[موظف بالبورصه]

هذا شكله 24 ساعه مشاهد الجوال وبرود كاست ..

ناس يستخدمونه بالعقل وناس الله يهديهم يهملون كل حاجه .. وخاصه البنات الي يسوقون وتكتب فالبلاك بيري

كم مره كنت باسوي حادث وياهم ..

وهالثنين عقولهم صغيره يا انا يالبلاك بيري وذاك اختار البلاك بيري شكله مغتث من مرته وبغاها من الله :)

[بـــــــنت النوخـّــــذه]

أنا قريت هالشي فالجريده مره و السالفه كانت فالسعوديه ,

لكن هم الثنين مخطئين لأنه اولا الزوج ما يعطيها حقها من وقته و ما سمح لها تعرف من يكلم و هذا فتح باب الشك عندها ..

و هي غلطانه لأنها صغرت عقلها و خيرته بينها و بين الجهاز ,
و قبلت رفضه لها و وافقت على الطلاق..

البلاكبيري وسيلة تواصل حاله حال اللابتوب و المسانجر ..
المفروض ما ينقعد قدامه فتره طويله و إعتماد كلي على العلاقات فيه ولا راح يصير له إنعزال إجتماعي و بصير نفس الأخ الكريم يفضل الجهاز على انسان حي.

مشكورة اختي بنت النوخذه على طرح الموضوع

شاكره لج المداخله ومثل ماقلتي نقص عقل وحكمه غي اتخاذ القرار

هذا شكله 24 ساعه مشاهد الجوال وبرود كاست ..

ناس يستخدمونه بالعقل وناس الله يهديهم يهملون كل حاجه .. وخاصه البنات الي يسوقون وتكتب فالبلاك بيري

كم مره كنت باسوي حادث وياهم ..

وهالثنين عقولهم صغيره يا انا يالبلاك بيري وذاك اختار البلاك بيري شكله مغتث من مرته وبغاها من الله :)

اول ماطلع البلاك بيري قريت مقال عن الشركه المصنعه له ولفت نظري تعليق مديرهم قال شركتنا صنعت البلاك بيري لتسهيل التواصل بأقل تكلفه ولاداء المهام باسرع وقت

عاد لو نظرنا لكلامه وتطبيقه في مجتمعاتنا الخليجيه بنجد جهل كبير في الاستخدام تخيل الي صاير انك جالس بنفس المجلس وتتواصل مع الي مشاهدك بالبلاك بيري:looking: هذا التصرف يضحكني وايد 00مانقول غير الله يهديهم ويعرفون قيمه التقنيه وطريقه استخدامها 0ومتى0وشاكره لك هالمداخله

[تحداني]

بنت النوخذه :no: والحمد لله
انا والتكنلوجيا مو ربع

[بـــــــنت النوخـّــــذه]

بنت النوخذه :no: والحمد لله
انا والتكنلوجيا مو ربع

تقدصين البلاك بيري !!!
اذا تقصدينه معناته انا وانتي في الهوى سوى ^______^

بس مشكله اذا الاشخاص الي حولج ربع مع التكنولوجيا بيملون منج :looking:

[Darco]

مالها حق تطلب من زوجها هالشيء. الزوجة تدخلت في شيء مايخصها وتجاوزت هالشيء واعتبرته قضيّة مصيرية وعناد ويا أنا يالبلاك بيري, والرجال خذها مبدأ أن ما يمشي كلامها. الزوجة مخطئة 95% والزوج 5% .. لأنه كان المفروض يتجاهلها فترة ويشوف شلون..

[بـــــــنت النوخـّــــذه]

مالها حق تطلب من زوجها هالشيء. الزوجة تدخلت في شيء مايخصها وتجاوزت هالشيء واعتبرته قضيّة مصيرية وعناد ويا أنا يالبلاك بيري, والرجال خذها مبدأ أن ما يمشي كلامها. الزوجة مخطئة 95% والزوج 5% .. لأنه كان المفروض يتجاهلها فترة ويشوف شلون..

يقولون الحياه الزوجيه مافي شي اسمه شي مايخصك يازوجي وشي مايخصك يازوجتي 000:playball:

وعمر المبدأ ماكان بتمشيه الكلام على الحق والباطل (بدون تأني وحكمه ) الرجوله مواقف وحكمه 00اذا المرأه عقلها صغير وتحكمها العاطفه مايكون الرجال مينون ويتسرع بالقرارت خصوصا" ان الموضوع مايسوى 000بس وايد عطيت نسبه كبيره للزوجه هل تعتقد تفضيل جهاز على الزوجه تصرف منطقي ورمي ابغض الحلال الطلاق عليها 00

عموما رأيك ونحترمه ^_______^

[نظرة شجاع]

صراحه الزوج معه حق ... زين انه اختار البلاك بيري .. والسبب ان الزوجه دام هذا تفكيرها وتوزن وتقيس نفسها والحياه الزوجيه والموده والارتباط بجهاز بلاك بيري فهي تستاهل ماجاها .

لو كانت الزوجه عاقله وذكيه وفعلا تريد الاستقرار كان حصلت الف طريقه ان يتخلص زوجها من البلاك بيري بدون الاختيار بينها وبين الجهاز


لكن هذه زوجه غبيه وتستاهل الطلاق (الزوجه بيري) :)

[Darco]

يقولون الحياه الزوجيه مافي شي اسمه شي مايخصك يازوجي وشي مايخصك يازوجتي 000:playball:






صحيح .. هذا اسمه "شفافيّة" وهو غير الحق والواجب من الطرفين .. يوم أقول "مايخصها" أقصد مهب من حقوقها.. مهب من حقوق الزوجة تطلب من زوجها يستعمل السيارة الفلانية, الثوب الفلاني, الطلعة الفلانية .. ألخ. خاصة إذا كانت على شكل قضيّة مصيرية يستفهم منها الزوج رخصه في عينها, يوم أنها تعتبر التوافه هذي شيء مصيري يا أهو ولا الطلاق.



وعمر المبدأ ماكان بتمشيه الكلام على الحق والباطل (بدون تأني وحكمه ) الرجوله مواقف وحكمه 00اذا المرأه عقلها صغير وتحكمها العاطفه مايكون الرجال مينون ويتسرع بالقرارت خصوصا" ان الموضوع مايسوى 000بس وايد عطيت نسبه كبيره للزوجه هل تعتقد تفضيل جهاز على الزوجه تصرف منطقي ورمي ابغض الحلال الطلاق عليها 00

عموما رأيك ونحترمه ^_______^




ممممم .. خل نفترض أننا في مدرسة.. ويجي الضابط ويقول حق أحد الطلاب "يا تجي المدرسة لابس جنز, ولا بطردك من المدرسة" !

عرفاً وعقلاً .. مهب من حقوق الضابط أنه يطرد الطلاب بناءاً على أمور غير وجيهة! امتثال الطالب مهب الزامي حق قانون يفرضه الضابط عليه بدون لا يستند الضابط على قانون من الوزارة .. المفروض في هالحالة الطالب مايكون اندفاعي ويقول "مالت على مدرستك!" ويطلع مع ملفه, ولا أنه يتقبّل فرض أمور مزاجية طفولية غير منطقية عليه قد تتسع في المستقبل. في هالحالة التصرف الصحيح يظهر من المكتب بدون أي كلمة , يتواصل مع الوزارة , يحاول يشوف حل, يتأكد أن الضابط في وعيه ويهدّي اللعب وينتظر..

يعني في حالة الزوج هذا .. المفروض (وماندري يمكن هذا اللي صار!!) أنه يسكت ويظهر عنها, يعطيها فترة ويشوف هل لا زالت على فكرتها, ولو فكرتها للحين مقتنعة فيها .. يدخل أطراف تقريب وجهات نظر, والديه أو والديها .. ولو عاندت واصرَّت .. يكون مثل الطالب في المثال.. بإماكنه تحمّل "فكر" طفولي وتوابعه المستقبليّة (وهذا قرار صعب!) , وبإمكانه الظهور من المدرسة (وهذا قرار أصعب!) .. وفي كل الحالات يا عزتي له :) !

وأخيراً ملاحظة مهمّة.. الزوج ما فضَّل الجهاز على زوجته, لأن للموضوع تبعات وخلفيات .. ولو أخذناها بشكل أعمق بنلقى أن الزوجة هي اللي في الواقع اعتبرت حياتها مع زوجها من الرخص بحيث أنها تعادل تلفون.

[بوعلي2]

والسؤال الاخير لو تفضلتو :

لو انت زوج وقالت لك زوجتك يا أنا او البلاك بيري فمن ستختار ؟؟؟ والسؤال للزوجه كذلك من ستختارين ؟؟




هذا زوج غير ناضج

ج الزوجه وبكل تاكيد وبدون تفكير

[بـــــــنت النوخـّــــذه]

صحيح .. هذا اسمه "شفافيّة" وهو غير الحق والواجب من الطرفين .. يوم أقول "مايخصها" أقصد مهب من حقوقها.. مهب من حقوق الزوجة تطلب من زوجها يستعمل السيارة الفلانية, الثوب الفلاني, الطلعة الفلانية .. ألخ. خاصة إذا كانت على شكل قضيّة مصيرية يستفهم منها الزوج رخصه في عينها, يوم أنها تعتبر التوافه هذي شيء مصيري يا أهو ولا الطلاق.






ممممم .. خل نفترض أننا في مدرسة.. ويجي الضابط ويقول حق أحد الطلاب "يا تجي المدرسة لابس جنز, ولا بطردك من المدرسة" !

عرفاً وعقلاً .. مهب من حقوق الضابط أنه يطرد الطلاب بناءاً على أمور غير وجيهة! امتثال الطالب مهب الزامي حق قانون يفرضه الضابط عليه بدون لا يستند الضابط على قانون من الوزارة .. المفروض في هالحالة الطالب مايكون اندفاعي ويقول "مالت على مدرستك!" ويطلع مع ملفه, ولا أنه يتقبّل فرض أمور مزاجية طفولية غير منطقية عليه قد تتسع في المستقبل. في هالحالة التصرف الصحيح يظهر من المكتب بدون أي كلمة , يتواصل مع الوزارة , يحاول يشوف حل, يتأكد أن الضابط في وعيه ويهدّي اللعب وينتظر..

يعني في حالة الزوج هذا .. المفروض (وماندري يمكن هذا اللي صار!!) أنه يسكت ويظهر عنها, يعطيها فترة ويشوف هل لا زالت على فكرتها, ولو فكرتها للحين مقتنعة فيها .. يدخل أطراف تقريب وجهات نظر, والديه أو والديها .. ولو عاندت واصرَّت .. يكون مثل الطالب في المثال.. بإماكنه تحمّل "فكر" طفولي وتوابعه المستقبليّة (وهذا قرار صعب!) , وبإمكانه الظهور من المدرسة (وهذا قرار أصعب!) .. وفي كل الحالات يا عزتي له :) !

وأخيراً ملاحظة مهمّة.. الزوج ما فضَّل الجهاز على زوجته, لأن للموضوع تبعات وخلفيات .. ولو أخذناها بشكل أعمق بنلقى أن الزوجة هي اللي في الواقع اعتبرت حياتها مع زوجها من الرخص بحيث أنها تعادل تلفون.

صحح اخوي كلامك الزوجه مخطأه انها تقارن نفسها بشي ارخيص مثل الجهاز والخطأ الاكبر على الزوج الي اختار جهاز ماله اي قيمه عن زوجه 000كلاهما مخطئ000وسعيده بمداخلتك القيمه وتحليلك المنطقي للامور 000




هذا زوج غير ناضج

ج الزوجه وبكل تاكيد وبدون تفكير

شاكره لك مداخلتك القيمه وفي الاخير من له عقل وحكمه في القرار اهو الشخص الي على صواب 00ويستطيع السيطره على الوضع بدون خسائر 0