يا جماعة الخير حد يعرفهم ويطمني عليهم، ما ادري شصار عليهم

[همس1]

السلام عليكم ورحمة الله وبركاته



يا جماعة الخير أمس الفير (الأحد)

زوجي شاف حادث قوي على طريق سيلين

سيارة دعمت ناقة ، السيارة أعتقد كانت تويوتا هيلكس

كان فيها ثلاث شباب.. حد يعرفهم ؟؟؟

يطمنا عليهم .. هم بخير؟؟ شصار عليهم ؟؟


وربي يجزاكم خير والله يتقبل صيامكم وصالح اعمالكم

[إينشتاين]

ناقة في سيلين ؟؟؟؟!!!!

إن شاء الله يكون في الحديد وبس والشباب يكونون بخير

[القحطاني505]

نسأل الله لهم السلامة ..

[ميمي 88]

ان شاء الله يكونون بخير وسلااااااااااااامه

[نتفـه]

لا حول ولا قوة الا بالله ,,
ان شاء الله يكونون بخير ,,

[JN000N]

ناقه!!!

عيل
انا لله وانا اليه راجعون:(

وكلي امل ما يكون صار عليهم شي

[راية الفخر]

الله يلطف بهم ويشافيهم ..

ياشباااب ارجوكم ارحموا والديكم لاتحرقون قلوبهم بتهوركم هم ماقصروا معاكم
فلا تعذبونهم وتطفون بسمتهم وتوجعون قلوبهم عليكم ..

[همس1]

هذا اللي متعجبين منه ، ما يندرى من وين ياية

بس نبي نعرف شصار على الشباب

ان شاء الله حد يطمنا

[نورالهدى]

يارب يكونوا بخير

[ولد الشحانية]

اختي ادعي لهم ....؟بس

[مستجدة]

نعم على طريق مسيعيد انا سمعت انه فيه واحد توفى ومدري عن البقيه الله يستر على عيالنا
ذبحتهم هالسياير كل يوم حادث اظن يشتغلون في البترول
وهالصوب طريق النقيان ( بر مسيعيد ) في الجنوب وهناك عزب وحلال واكيد هالناقه شارده من هالعزب

لكل نفس اجلها سبحان الله الله يرحم اللي توفى والله يشفي المصابين

[الصريحه]

الله يرحمهم برحمته

[كازانوفا]

للاسف اصحاب الحلال ما عندهم اي اهتمام طل هالبر ما وسعهم تاركين حلالهم بالشوارع تتمشى والله حرام عليهم

[JN000N]

نعم على طريق مسيعيد انا سمعت انه فيه واحد توفى ومدري عن البقيه الله يستر على عيالنا
ذبحتهم هالسياير كل يوم حادث اظن يشتغلون في البترول
وهالصوب طريق النقيان ( بر مسيعيد ) في الجنوب وهناك عزب وحلال واكيد هالناقه شارده من هالعزب

لكل نفس اجلها سبحان الله الله يرحم اللي توفى والله يشفي المصابين



اي،، ناقة هذي مب قطو

الله يرحم اللي مات ويصبر اهله
المفروض اصحاب العزب واللي عندهم رجاب شوي يشدون عليهم

لان لو مات واحد بيقولونلهم دفعو ديه.. والديه عندهم ثمن ساق ناقه
لو يعورونهم بشي اقوا افضل

[Al-Enazi]

هذا مشكلة اهمال الحلال والحوادث اللي تحدث من ورا هالهمال.....؟؟؟

الصراحه لاتعليق ....الله يرحم اللي توفى ويغمد روحه الجنه ويسلم الباقي

لاحول ولا قوة الا بالله

[مستثمر 999]

لا حول ولا قوة الا بالله

ان شاء الله يكونون بخير

[بوخالد911]

الله يستررر

[سلطان911]

السلام عليكم ورحمة الله وبركاته
الله يصبحكم بالخير
كان رسول الله صلى الله عليه وسلم اذا دخلت العشر الاواخر
شد المئزر وايقض اهله
وذلك كنايه عن اهمية العشر الاواخر وما فيها من خير
فلنفرغ اوقاتنا في الايام المهمه
بلغنا الله واياكم ليلة القدر

[الأصيلة]

نعم على طريق مسيعيد انا سمعت انه فيه واحد توفى ومدري عن البقيه الله يستر على عيالنا
ذبحتهم هالسياير كل يوم حادث اظن يشتغلون في البترول
وهالصوب طريق النقيان ( بر مسيعيد ) في الجنوب وهناك عزب وحلال واكيد هالناقه شارده من هالعزب

لكل نفس اجلها سبحان الله الله يرحم اللي توفى والله يشفي المصابين

الله يصبر أهلهم ويغفر لمن توفى ويشفي المصاب..
السيارات أخذت أعمار الشباب
يقول أحد الدعاة أن القروض الربوية التي تشترى بها السيارة
هي التي تمحق البركة من العمر ومن السيارة
فـ الله الله في الحلال معاشر الشباب فإنه يزيد ويبارك في المال والأجال ...عكس الحرام...

[qatari77]

انا شفت الحادث وقفت عندهم واللي ورى قاعد واقف معانا

اما اللي قدام كانو تعابه شوي بس صاحيين كلهم وعقب خذوهم فالأسعاف

وما دريت عنهم .

[بنت شيوخ]

لاحول ولاقوه الا بالله

الله يحفظ المسلمين

ويرحم موتانا وموتى المسلمين

[وحيد بغربتي]

إن لله وإن إليه راجعون

ولا حول ولاقوة إلا بالله العلي العظيم

[همس1]

نعم على طريق مسيعيد انا سمعت انه فيه واحد توفى ومدري عن البقيه الله يستر على عيالنا
ذبحتهم هالسياير كل يوم حادث اظن يشتغلون في البترول
وهالصوب طريق النقيان ( بر مسيعيد ) في الجنوب وهناك عزب وحلال واكيد هالناقه شارده من هالعزب

لكل نفس اجلها سبحان الله الله يرحم اللي توفى والله يشفي المصابين



إنا لله وإنا إليه راجعون

الله يرحمه ويغفر له ويجعل الجنة مثواه ومثوى جميع المسلمين

وربي يصبر قلب أهله

والله يشافي المصابين

[ولد الشحانية]

إنا لله وإنا إليه راجعون

الله يرحمه ويغفر له ويجعل الجنة مثواه ومثوى جميع المسلمين

وربي يصبر قلب أهله

والله يشافي المصابين

محد منهم توفى اصابات بليغة الله يشفيهم يارب

[وافق شنن طبقة]

من الي قال مات ولا احد

مات دعمو ناقه وكلهم عيال عم او يقربون لبعض

والناقه كانت في سيلين ..والحمدلله طيبين وبخير

كسور ورضوض وماحد مات


الحمدلله

[بوجاسم 999]

اي صح محد مات ....المشكله الناس تحب الحجي ههههههههههه

[نتفـه]

الله يرضى عليكم ياليت لو تتاكدون من الاخبار ولا تقولون سمعت و سمعت ,,
الله يشافيهم ويعافيهم ان شاء الله ويخليهم لاهاليهم ..
ويستاهلون سلامتهم ,,

[مستجدة]

زين الحمدلله على سلامتهم انا قالوا انهم مجموعه ومات واحد فيهم
مايشفون شر ان شاءالله وربي يشفيهم ويقومهم بالسلامة
كل يوم ميت كم واحد وكلهم شباب صغار لحول ولاقوة الا بالله

[كازانوفا]

ربي يشفيهم ان شالله
بل على طول موتو لكم واحد هو ببلاش والا ايش الموت :(