عندي مشكلة في canon7d ياريت تساعدوني

[mimi84]

السلام عليكم ورحمة الله وبركاته

.
.


كيف حالكم اخواني ؟

عندي مشكله .. كانت عندي كاميرا canon50d وكان تصويرها ولا اروع

بس ناس امدحوا لي canon7d لان النويز فيها متطور والبكسل اكثر وفيها فيديو HD

المشكله ان الـ canon7d

ساعات تعطيني صور حلوه وساعات لا .. احس بعض الاوقات تعطيني الوان على كيفها

يعني مب نفس اضاءه المكان الي انا فيه

canon50d كانت الوانها حلوه وزاهيه .. والاشخاص تطلعهم حلوين

بس هاذي احس تخرب الصور وبعظهم مش واضحين وبعضهم تعطيهم اضاءه زياده

يعني على كيفها

ياترى ليش هالمشكله في الوايت بالانس ولاشنو ولافي اعدادات ثانيه تخليها نفس 50d

واذا مالها حل تنصحوني ارجع للـ 50D

[قطري كيووت]

انا الصراحه ماانصحج انج تردين لل 50 دي ..

انتي اكيد حاطتها على اوتو وايت بلنس صح ؟؟

ان كنتي حاطتها على الاوتو وايت بلنس يمكن يكون المشكله في الكام نفسه ..

لكن انا ماني عارف بالضبط شالمشكله ياليت تحطين لنا نماذج من الصور اللي تحسين ان فيها خلل والصور اللي تحسن انها ضابطه ..

وشوفي الكلفن اللي في الاعدادات حاولي تضبطينه ..

والا حاولي انج تسوين ريستور لاعدادات الكاميرا من اول وان بعد ماضبطت مالج الا السلام ..

يضبطونها لج وينظفونها ويسوون لها ابديت بــ 100 ريال وديها الصبح واستلميها في الليل ..

وان في اي استفسار ثاني انا حاضر وحتى ان ماعرفت بسأل لج الشباب اللي اخبر مني ان احتاج الامر ..

[قطري كيووت]

وتأكدي اختي بعد ان مايكون هناك اي فلتر راكب على العدسه ..

لان الفلاتر احيانا تخرب على الصوره وجودتها ..

[mimi84]

والله الـ 50 دي كانت تعطيني نتايج والوان حلوه

بس هاي احسها غير مب عارفه ايش السبب

الوايت بالنس ع الاوتو

والزر اخليه على الـ P بدون فلاش

..

ومثال على الصوره

http://www.qatarp.com/files/144/IMG_009mmm9ss.jpg


شوف شلون الاضاءه على خد البنت .. اضاءه بيضه من وين جايه مادري

الغرفه اضائتها حلوه واحسها شوي مش حاده (شارب) ع الويه

.. لما كنت اصور في 50 دي تعطيني اضاءه حلوه

.
.

وفي صور فيها هزه شوي

الي اعرفه انه حتى لو كان الي تصوره يتحرك .. تثبت حركته مش تعطيك هزه

ولاشالفايده اذا باستخدمها في الرحلات اصور اسكوترات وغيره او سيايير

مادري ليش الي اعرفه 7 دي مواصفاتها اقوى وامدحوها لي بس انصدمت من النتايج

هل لو شافوها السلام وسوو لها ابديت بيتعدل؟ هي جديده توها واصله من برع :(

[عبق العود]

السلام عليكم و تحياتي للجميع

[mimi84]

وعليكم السلام

[@north_star@]

اختي جربي صوري فيها بوضعية الاوتو يعني اللى يكون فيه كل الظبط عن طريق الكيمرا وشوفي شلون تطلع الصورة اذا طلعت اوكيه معناته يوم تغيرين لوضعيه ال p لازم تسوين ظبط للكاميرا جربي قارني صورتين بنفس المكان بالوضعيتين

[فراشه الاسهم]

للرفع

[abdulla4u]

اختى تأكدتي من اعدادت الايزوا خليه واعدادت الكميره نفسها جربي منول او اوتوا وشوفي شلون الناتج وعقب خليه ع البي .... تحياتي
واذا لج خاطر تبيعين الكاميرا في شراااي هالايام يدور ...

[mimi84]

جربت واحسن شي الـ p
بس بعد النتايج مش حلوه

وانا محتاره هل اتم عليها ولا ارجع للـ 50 دي

اخاف اتسرع ويكون الحل في الاعدادات وعقب اتحسف

يعني انا مادري ليش هي جي

يمكن اوديها السلام وان شاء الله خير

[قطري كيووت]

انا اشوف الصوره اللي حطيتيها كلش مافيها فوكس على شي ..

انتي الخلل عندج في الفوكس كبير

نقاط الفوكس لازم تتضبط في الاعدادات اللي في الكام عندج ؟؟

او انج حاطه الفوكس على المنوال في العدسه يعني على MF او ان مثل ماقلت لج في خلل في الاعدادات للفوكس ..

انتي عندج حلين قبل لاتودينها السلام ..

1_ جربي تغيرين العدسه وتتاكدين انها على AF الزر اللي في العدسه مو على الMF

2_ ادخلي المنيو وضبطي الفوكس (( نقاط الفوكس )) في الكام ..

3_ سوي ريسيت لاعدادات الكام عندج ..

وان بعد هذا كله ماضبط وديها السلام بــ 100 ريال وترد اوكى ان شاء الله غصبا عنها ^_* ..

ملاحظه :

مااظن ان في كام افضل من الــ 7 دي في تصوير الاسكوترات والرياضه من فئتها بشكل عام ..

خصوصا ان الشتر سبيد يصور 8 صور في الثانيه ومانزلوا كيمرا اسرع منها ليلحين في فئتها ..

عموما انتي لازم تصورين البورتريه على المنول افضل بكثير من الp والسكوترات وهالسوالف على tv

والتصوير الداخلي جربي على المنول او av

والشتر حاولي ماينزل اقل من 50 عشان الاهتزاز مايطلع عندج ابد ان شاء الله

او ان اطريتي حاولي تستخدمين الترايبود ان كان الشتر اقل من 50 ..

والايزو دووم على اقل قيمه ممكنه لان كل مازاد خرب لج الصوره اكثر وصار فيها تشويش ..

جربي كل هالسوالف قبل السلام وان شاء الله تضبط معاج ..

والسموحه كاني طولت وايد ^_*

[mimi84]

جزاك الله خير اخوي بشوف ان شاء الله وباخبركم بالنتيجه

[عكاس]

7d is professional camera where as 500D is an entry level so everything is done automatically ,
Also 7d has a different sensor than 500D
I have 500D and 5D and there is big difference in the quality and colors

[mimi84]

Thanks but I had 50D before not 500D

and I know that 7D is better but I don't know why I get these results


Thanks anyway I'll do what my brother told me before

and if it still not good I'll go to AlSalam

[عكاس]

Nothing is wrong with the cam it's just the sensor differences, try changing the setting for the light measurement, make it spot and try the shot again

[العذبي]

لا حرااام اختي

ترا الدي7 روعه
ولو تتعودين عليها بتعرفين مزاياها ...
وبالنسبه لصورة البنت فعلا شوي متحركه .. تاكدي من سرعة الشوت .. ومن البرايتنس
واذا تتعودين على المانوال ... هي اصعب وضعيه .. بس اروع تصوير وتتحكمين ف الاضاءه وكل الي تبينه

----
بس انا احب الدي 5 مارك تو ... خيااااااااليه .. والدي7 بعد روعه
وبالنسبه للدي 50 .. انا جاهز اشتريها منج لو مابغيتيها اختـــي ..

وبالتوفيق ..
ومثال ع بعض صور الدي 5 .. والدي 500 ^_^

http://www.flickr.com/photos/a_hrefhttps03flagcountercommoreq94img_srchttps03fl agcountercomcountq94bgfffffftxt000000borderccccccc olumns2maxflags12viewers0labels0_altfree_counters_ border0a/

[OREO]

سويتوها سالفه ..

اختي خذي هذه المعلومه و تذكريها .. الوايت بالنس WB ما يتعرف بالشكل الصحيح في ظرف وجود اضاءات التانجستون و النيون .. فلذالك في الحالتين هذول حاولي قدر الامكان تستخدمين المانول وايت بالنس ..

و بخصوص الصوره .. كل اللي عليج هو : تغير الوايت بالنس من الاوتو وايت بالنس الى التانجستون وايت بالنس ( اللي على شكل اللمبه الصفرا لان باين انج مستخمة تحت ظرف اضاءة التانجستون .. اللمبات الصفرا ) ..

اما بخصوص نوعية الكاميرا .. هي من فئة الكاميرات الممتازه بجودتها و بالاخص جودة السينسور ..

و لا تنسين اختي .. اذا حابه تتجنبين الاهتزاز في الصوره .. عليج بالاتي .. تكبير فتحة العدسه او استخدام الفلاش Fill Flash او الايزو في اوقات الضروره و السبب ان الايزو يعطي تأثير النويز على الصوره و هذا غير محبب عند المصورين ..

و لا تنسين استخدام الترايبود (استاند) في ظرف عدم وجود الاضاءة الكافيه ..
اتمنى اني افدتج ولو بالشي القليل ..

و بالتوفيق ..

[قطري كيووت]

للعلم السلام دوامهم من 9 الصبح لين 1 الظهر ..

ومن الساعه 8 بالليل لين 1 بعد منتصف الليل ..

هذا اذا لاقدر الله اضطريتي انج تودينها لهم ..

ترى في طريقه علمني عليها استاذ الاضاءه فهد الكعبي ..

وهي انج تحطين قدام العدسه اي قماش ابيض وتضبطين الوايت بلنس عليها وعقب بيصير لك شي زي الفل ..

ان شاء الله بحاول اكلمه اليوم اسأله عن الطريقه وبرد عليج ان شاء الله ..

[قطري كيووت]

تفضلي هذي الطريقه وبإذن الله بتضبط معاج ومايحتاي تودينها السلام ..

وعليكم السلام ورحمة الله وبركاته

الطريقة سهلة لكن فتح مخك وامشي معي خطوه بخطوه

أول شي شوف الزرار الى على يسار الشاشة مكتوب بجنبه W B علق عليه وبنفس الوقت حرك المتحكم الرئيسي ( الي يغير سرعة الشتر ) وبنفس الوقت شوف الشاشة العلوية راح تشوف الأوضاع تتغير , أنت اضبطه على اخر وضع الي هو PRE وبعدها فك الزرار

الخطوه الثاني

ترجع تعلق على الزرار نفسه مدة ثانيتين لما تشوف على الشاشة العلوية مكتوب PRE وتأشر بشكل مستمر

الخطوه الثالثه

حط ورقة بيضا قدام العدسة وعلى شرط انها تقفل كامل الفريم

إذا طلع لك Good يعني الوايت بلنس مضبوط وتوكل على ربك وصور

إذا طلع لك No GD معناها عندك خطاء يا الورقة ماقفلت كامل الفريم او الأضاءة مش مضبوطه لذلك الكام ماتقدر تحدد اللون بشكل صحيح

بالتوفيق ان شاء الله ..

[قطري كيووت]

وهذا شرح اوضح ان شاء الله ..

من الممكن وزن درجة حرارة الالوان يدويا وذلك بإستخدام ورقة بيضاء واليكم الطريقة:

طريقة وزنه سهلة جدا.انا هنا سوف اشرح ذلك في كاميرات الكانون واعتقد انها نفس الطريقة في الكاميرات الاخرى.
1- احضر ورقة بيضاء غير عاكسة.
2- اجعل الفوكس يدويا.
3- لا تشغل الفلاش.
4- الان صور الورقة البيضاء في المكان الذي تريد ان تصور فيه عملك. ( اي اذا كنت عازما ان تصور في البيت ,فصور الورقة في نفس المكان حتى توازن حرارة الالوان لهذا المكان . او اذا كنت تريد ان تصور في الخارج فصور الورقة البيضاء في نفس المكان.)
5- لا تهتم للفوكس لانك ومهما عملت لن تستطيع ان تضبط الفوكس لهذه الورقة. المهم تصويرها . حاول ان تظبط الاعدادت حتى تضهر الصورة ( الورقة البضاء) ذات تعريض مقبول .
6- اذهب الى الستنق واختار Custom WB واضغط عليه.
7- الان سوف يطاب منك اختيارصورة ما مخزنه في الذاكرة. اختار صورة الورقة البيضاء. بعدها اضغط set او اوكية.
8- اذهب الان الى WB Balance واختار منها Custom WB. سوف تكون على شكل ايقونه بصورة جسم له حدين.فحين اختيارة سوف يضهر اسمه Custom WB.
الان تم ظبط درجة حرارة الاللوان على محيط العمل الذي سوف تصور به . جرب وخذ صورة الان بهذ ه الاعدادات وارجع مرة ثانية واضبط الاعدادت على Auto WB وخذ نفس الصورة في نفس المكان . قارن الصور الان وشوف النتيجة . سوف ترى الوان مغايرة وخاصة اذا كنت تصور داخل المنزل وبالاخص اذا كنت تصور اشخاصا .سو ف ترى الفرق في لون الجلد ,سوف تراه طبيعيا جدا .

بالنسبة لي فانا دائما احمل ورقة بيضاء اينما ذهبت واول شي اقوم به قبل التصوير ان اوزن ال WB .

ارجو ان يكون الشرح وافيا.

تحياتي....

[OREO]

للعلم السلام دوامهم من 9 الصبح لين 1 الظهر ..

ومن الساعه 8 بالليل لين 1 بعد منتصف الليل ..

هذا اذا لاقدر الله اضطريتي انج تودينها لهم ..

ترى في طريقه علمني عليها استاذ الاضاءه فهد الكعبي ..

وهي انج تحطين قدام العدسه اي قماش ابيض وتضبطين الوايت بلنس عليها وعقب بيصير لك شي زي الفل ..

ان شاء الله بحاول اكلمه اليوم اسأله عن الطريقه وبرد عليج ان شاء الله ..


تفضلي هذي الطريقه وبإذن الله بتضبط معاج ومايحتاي تودينها السلام ..

وعليكم السلام ورحمة الله وبركاته

الطريقة سهلة لكن فتح مخك وامشي معي خطوه بخطوه

أول شي شوف الزرار الى على يسار الشاشة مكتوب بجنبه w b علق عليه وبنفس الوقت حرك المتحكم الرئيسي ( الي يغير سرعة الشتر ) وبنفس الوقت شوف الشاشة العلوية راح تشوف الأوضاع تتغير , أنت اضبطه على اخر وضع الي هو pre وبعدها فك الزرار

الخطوه الثاني

ترجع تعلق على الزرار نفسه مدة ثانيتين لما تشوف على الشاشة العلوية مكتوب pre وتأشر بشكل مستمر

الخطوه الثالثه

حط ورقة بيضا قدام العدسة وعلى شرط انها تقفل كامل الفريم

إذا طلع لك good يعني الوايت بلنس مضبوط وتوكل على ربك وصور

إذا طلع لك no gd معناها عندك خطاء يا الورقة ماقفلت كامل الفريم او الأضاءة مش مضبوطه لذلك الكام ماتقدر تحدد اللون بشكل صحيح

بالتوفيق ان شاء الله ..


وهذا شرح اوضح ان شاء الله ..

من الممكن وزن درجة حرارة الالوان يدويا وذلك بإستخدام ورقة بيضاء واليكم الطريقة:

طريقة وزنه سهلة جدا.انا هنا سوف اشرح ذلك في كاميرات الكانون واعتقد انها نفس الطريقة في الكاميرات الاخرى.
1- احضر ورقة بيضاء غير عاكسة.
2- اجعل الفوكس يدويا.
3- لا تشغل الفلاش.
4- الان صور الورقة البيضاء في المكان الذي تريد ان تصور فيه عملك. ( اي اذا كنت عازما ان تصور في البيت ,فصور الورقة في نفس المكان حتى توازن حرارة الالوان لهذا المكان . او اذا كنت تريد ان تصور في الخارج فصور الورقة البيضاء في نفس المكان.)
5- لا تهتم للفوكس لانك ومهما عملت لن تستطيع ان تضبط الفوكس لهذه الورقة. المهم تصويرها . حاول ان تظبط الاعدادت حتى تضهر الصورة ( الورقة البضاء) ذات تعريض مقبول .
6- اذهب الى الستنق واختار custom wb واضغط عليه.
7- الان سوف يطاب منك اختيارصورة ما مخزنه في الذاكرة. اختار صورة الورقة البيضاء. بعدها اضغط set او اوكية.
8- اذهب الان الى wb balance واختار منها custom wb. سوف تكون على شكل ايقونه بصورة جسم له حدين.فحين اختيارة سوف يضهر اسمه custom wb.
الان تم ظبط درجة حرارة الاللوان على محيط العمل الذي سوف تصور به . جرب وخذ صورة الان بهذ ه الاعدادات وارجع مرة ثانية واضبط الاعدادت على auto wb وخذ نفس الصورة في نفس المكان . قارن الصور الان وشوف النتيجة . سوف ترى الوان مغايرة وخاصة اذا كنت تصور داخل المنزل وبالاخص اذا كنت تصور اشخاصا .سو ف ترى الفرق في لون الجلد ,سوف تراه طبيعيا جدا .

بالنسبة لي فانا دائما احمل ورقة بيضاء اينما ذهبت واول شي اقوم به قبل التصوير ان اوزن ال wb .

ارجو ان يكون الشرح وافيا.

تحياتي....


عزيزي .. ممكن اعرف كيف استنتجت ان معيار الوايت بالنس غير موزون؟
و هل الطريقة اللي سردتها لنا صحيحه 100% ام طريقة مشي حالك !!!

لان من خبرتي المتواضعه في مجال التصوير .. الصوره تدل على عدم استخدام الوايت بالنس بالطريقه الصحيحه .. اما موازنتها ما نقدر نحكم من خلف شاشات الكمبيوتر .. لابد مننا اخذ كذا صورا و التأكد ثم نستطيع القول ان الوايت بالنس يبيلها موازنه و الخ ..

معلومه بسيطه و اتمنى تزيد من معلوماتك القيمه عزيزي ..
الطريقه الصحيحه لموازنة الوايت بالنس هي تركيب قطعه بيضاء على واجة العدسه و هي بمثابة ادخال الضوء بكمية 18% لكي يعطي الدرجة الرمادية و التي تقع في الدرجة الخامسه او بالاصح في المنطقه رقم خمسة من جدول أنسل آدم .. و هذه هي الطريقه الصحيحه ..
اما طريقتك يا عزيزي ما منها فايدة و تزيد الطينه بله و السبب بأن القطعه البيضه اللي تتكلم عنها هي عباره عن مرجعية لاعدادات الصوره في المرحلة الثانيه من التصوير وهي في الدجيتال دارك روم .. و لو افترضنا انك استخدمت الطريقه هذه ايش اللي راح يصير .. ؟؟
الله يسلمك يا عزيزي راح تتكون عندك اضاءتين لقراءة الوايت بالنس .. الاضاءة العاكسه من الورقه او القطعه البيضه و بالاضافه الى الاضاءة المباشر سواء اضاءة التنجاستون او اضاءة النيون .. في الحاله هذه الوايت بالنس ما راح تكون موزونه 100% ..

اتمنى شرحي كان واضح .. و اذا لك خاطر تتعلم زيادة .. حياك الجمعية القطريه للتصوير الضوئي بعد العيد .. لاني بطرح ثلاث ورشات و من ظمنهم ورشة كيفية التعامل مع الاضاءات المختلفه و في ظروف مختلفه ..

موفق اخوي دنيا و اخره ..

http://digital-photography-school.com/wp-content/uploads/2009/05/img_9870.jpg