المساعد الشخصي الرقمي

مشاهدة النسخة كاملة : مارأيكم؟ رفض تزويج بناته .. فلجأن للقضاء


maruuma
30-08-2010, 02:19 PM
تستعد ست سعوديات في المدينة المنورة لرفع قضية ضد والدهن بسبب رفضه تزويجهن، متحججاً بأن لا بنات عنده للزواج. وذكرت الفتيات الست في خطاب تلقاه رئيس لجنة المحاماة في المدينة سلطان بن زاحم، أن والدهن رفض العديد من الشباب المتقدمين لخطبتهن رغم تمتعهم بالدين والخلق. وطالبت الفتيات في خطابهن بمنحهن القدرة على تزويج أنفسهن، بعد حالة اليأس التي وصلن إليها.
من جهته أكد بن زاحم لصحيفة "عكاظ" الصادرة أمس الأحد أن بإمكان الفتيات" وهن في الثلاثينات من أعمارهن " التقدم بدعوى ضد وليهن، وسيستدعي القاضي الولي لسؤاله عن سبب رفض التزويج، فإن كان العيب واضحاً منع القاضي الزواج، وإن ثبت العكس فإن القاضي يتولى التزويج.
وكانت تقرير صحافيه سعودية ذكرت أن دائرة الأحوال الشخصية بمحكمة الاستئناف بمنطقة مكة في المملكة تسلمت لائحة اعتراضية إلحاقية للطعن في الحكم الصادر من محكمة المدينة المنورة والقاضي بصرف النظر عن الدعوى التي تقدمت بها الطبيبة الجراحية السعودية " ٤٤ سنة "" لعضل والدها لها عن الزواج. وجاء في لائحة الاستئناف إن الأب رفض الخاطب الذي تقبل به الطبيبة، بعد أن استبان الأب وجود علاقة فيما بينهما. وأكد أن الأب يستولي على راتب ابنته البالغ ٢٠ ألف ريال، ويمنحها ٣٠٠ ريال مصاريف شهرية.

والله المستعان
البدع
30-08-2010, 02:24 PM
هذه الظاهرة منتشرة في السعودية
بنت شيوخ
30-08-2010, 03:03 PM
لهم حق

الله يوفقهم
مناحي السادس عشر
30-08-2010, 03:19 PM
مسكين هالاب هذا
عاميته الدنيا والطمع عن ستر هالبنيات
لكن بالنهايه مالهم حق يرفعن قضيه على ابوهم
ترى بالنهايه اب
ويجي بالكلمه الطيبه والموعظه ليش نشر الغسيل
الله يهديهم ويرزقهم الازواج الصالحين
القمه
30-08-2010, 06:09 PM
هنا تضح شعاع نور صباح المشرق بعض اولياء الأمور

ينتهزون استغلال ابنائهم وبناتهم وكذالك نحن الأزواج يستغلون

رواتب زوجاتهم مقابل >>الحب والليالي الملاح << وفي نهاية المطاف

وياحسرتاه وبما يخص زواجهن يحق لها زواج عن طريق المحكمه

بختيارها المناسب ولايحق إلى أي أب بمنع هاذا الأمر شرعي
STAR
30-08-2010, 06:38 PM
خوووش أب...
ANONYMOUS
30-08-2010, 06:42 PM
جعنّي ابكيه
qatar.com
30-08-2010, 06:42 PM
يوووووووووة بالسعودية منتشرة والله بالقو
الموضوعي
30-08-2010, 06:44 PM
ان اقول يزوجون ابوهم وراح ينساهم
المتألم
30-08-2010, 07:35 PM
أب ما يستحي على ويهه ،، ولا يشعر بحاجات بناته ..
إنسان فقد جزء كبير من إنسانيته وشعوره الأبوي وإحساسه تجاه بناته ،، ماذا نتوقع منه ومن أمثاله ..
إنسان أعمته الأموال فله الخزي بالدنيا ..

المفروض القاضي يأمر بجلده على مرأ من الناس ..


امحق أب ..
VIVA
30-08-2010, 07:46 PM
أب ما يستحي على ويهه ،، ولا يشعر بحاجات بناته ..
إنسان فقد جزء كبير من إنسانيته وشعوره الأبوي وإحساسه تجاه بناته ،، ماذا نتوقع منه ومن أمثاله ..
إنسان أعمته الأموال فله الخزي بالدنيا ..

المفروض القاضي يأمر بجلده على مرأ من الناس ..


امحق أب ..

:nice::nice::nice:
toomi9
30-08-2010, 09:48 PM
اللهم لا شماته
انتشرت هـ العاده فالسعوديه
ومن حق البنات يشتكون
ام شوشي
30-08-2010, 10:05 PM
يا الله با الستر الواحد اذا عندة بنات ينطر ذاك اليوم اللي يكبرون ويشوفهم عرااايس


الله يهدي ابوهم
فلتة زمانها
30-08-2010, 11:02 PM
باااااااال يشتكون عليه عاااد قويه والله
الحين الابهات والاخوان يبون الفكه من بناتهم وخواتهم:tomato:
والاخ يبي يخلل نص درزن عنده هههههههه
الله يهديه بس
الكواري 1972
31-08-2010, 12:53 AM
الله يعينهم

الله يهديه ويصلح حاله
مـــــنــاف
31-08-2010, 01:08 AM
ويــــلٌ لـــهذا الأب مـــن (قاضـــي الــسماء) إن كــان (الــعضــل) دون ســـبب مُـــقنــع , إمــا طــمعاً بـالـراتــب أو إنــــتظارة لِــمن يــدفــع أكــثر مــن الآخــرين , عــلى حِـــساب أهــلُ الـــخيـــر الــمُـلـتـزمـــين .


مــاذا ســـوف يـــكــون جـــوابـــه عــند الـــوقـــوف أمــام (رب الـــعالــمين) ..؟؟



مُــلاحـظـه : عــــضل الــولـــي بـــمعــنى مــنعــها مــن الـــزواج .
JN000N
31-08-2010, 05:44 AM
اذا عرف السبب بطل العجب

خايف البيزات اللي ياخذها كل شهر تنقطع عنه

بس سؤال!!!

اذا بنته عمرها 44 هو جم يطلع عمره؟ وشيسوي فبيزاتهم هالشيبه؟
بنت^البحرين1
31-08-2010, 07:17 AM
الله يعينهم مساكين

أعرف ناس جذي هم 3 خوات .. اصغرهم الحين عمرها 50 والكبيرة تقريبا 68 سنة .. عايشين عند اخوهم ومرته واعياله .. عقب كل هالسنين طبعا الابو توفى .. سمعتها الصغيرة تقول الله لا يسامحه ولا يبري ذمته حرمنا جان الحين كل وحده عندها اعيالها حواليها واحنا بريحاتنا .. لما استفسرت من الوالدة الله يحفظها قالت انه تقدموا لهم ناس وااااااااايد وكان كله يرفض مرة ذيلن مب عرب ومرة مب من مواخيذنا وكل مرة عذر لحد ما حط العذر اللي حطمهم وقال ماعندي بنات حق سواد ويه !! استغفر الله العظيم مادري بناته شلون انخلقوا على هالدنيا ..

في آباء مايفكرون في بناتهم شنو بيصير لهم بعد ماهم يروحون عنهم ،


الله المستعان
المتألم
31-08-2010, 09:02 AM
اذا عرف السبب بطل العجب

خايف البيزات اللي ياخذها كل شهر تنقطع عنه

بس سؤال!!!

اذا بنته عمرها 44 هو جم يطلع عمره؟ وشيسوي فبيزاتهم هالشيبه؟


:deal:

يروح البحرين :eek2:
وإن بحبحها شوي وصل المغرب :tomato:


:strong3:
بنت^البحرين1
31-08-2010, 11:35 AM
:deal:

يروح البحرين :eek2:
وإن بحبحها شوي وصل المغرب :tomato:


:strong3:


عندي رد يناسب اللي كتبته بالضبط

بس بقول اللهم أني صائمة :)
ع.م
31-08-2010, 11:45 AM
يستاهل ..
Qatarianes
31-08-2010, 11:51 AM
ههههههههه هاتو الفلووووس الي عليكووووو
ولد قطر2
02-09-2010, 09:51 AM
الله لا يوفقه
بـــــــنت النوخـّــــذه
02-09-2010, 10:02 AM
. وأكد أن الأب يستولي على راتب ابنته البالغ ٢٠ ألف ريال، ويمنحها ٣٠٠ ريال مصاريف شهرية.

والله المستعان

:eek::eek::eek::eek::eek::eek::eek::eek:
سلمان_1
02-09-2010, 11:23 AM
حالات شاذة و لا تشكل ظاهرة ...

لكن اذا كانت هذي مقدمات لإلغاء الولاية في التزويج فهي مرفوضة :nono: و لا اعتقد المجتمعات الخليجية بترضى بذلك
nouar
02-09-2010, 12:59 PM
يعني اهو طمعان بس بالمال ما طمعان يكون عندهم احفاد بناته يعيش منشانه الله يعين صار اخر همهم الفلوس وين الاهم العيال وعيال العيال وين يروح من ربه....
القلب المؤمن
02-09-2010, 01:19 PM
حالات شاذة و لا تشكل ظاهرة ...
صباح الخير حالات شاذة :eek2: أنا شخصيا أعرف أكثر من 5 زميلات آبائهم نفس الشي بالدوحة :eek2: والبنات صابرين ومحتسبين مايبون الفضيحة !!

لكن اذا كانت هذي مقدمات لإلغاء الولاية في التزويج فهي مرفوضة :nono: و لا اعتقد المجتمعات الخليجية بترضى بذلك
المفروض يسوون لجنة تابعة لمكتب لجنة الاسرة اللي عندهم هالمشكلة ويتم اثباتها يلغون ولاية الاب ويعطونها للقاضي مباشرة :thumbup:
BoFahed
03-09-2010, 03:18 PM
حالات شاذة و لا تشكل ظاهرة ...

لكن اذا كانت هذي مقدمات لإلغاء الولاية في التزويج فهي مرفوضة :nono: و لا اعتقد المجتمعات الخليجية بترضى بذلك


ليش ما ترضى يعني يرضون لما يعنسون بناتهم و يرخصونهم بالمسيار وفي عرض البنات في المنتديات و مشترى الازواج الاجانب اللي يلعبون فيهم وغيره ووغيره:anger3:الله يستر على بنات المسلمين ) ولا يرضون تطبيق شرع الله في حديث رسوله عليه افضل الصلاة والتسليم (اذا جاءكم من ترضون دينه وخلقه فزوجوه ..فإن لم تفعلوا تكن فتنه في الارض)
عضل البنات جريمة كبيرة في حق المجتمع والكل يعرف عواقبه تاثير البطن الجائعه اهون مليون مره على المجتمع من النفس التي تغلب عليها الشهوة وتدفعها الى الخطيئة ويضيع الدين والعرض في زمن تنصب عليه الفتن الصب على الشباب والبنات 0

ولي الامر والقانون لازم يلغون ولايته وهذي مطبق في العديد من الدول وسلطنة عمان مثلا يجيبون البنت والخاطب والاب قدام القاضي واذا الشاف القاضي العذر مب شرعي يراجعه ويحذره لان البنت تبيه بالحلال اذا ما طاع يملج يزوجها القاضي غصبا عليه هذي المفروض يصير علشان الناس تتعبر

والله شي يغص في النفس المجتمع الخليجي فيه البنات عددهم اضغاف اضعاف الشباب كل بيت مليان بنات وللاسف ووايد بيوت لما يجي الواحد محترم ومتدين يخطب يطلعون فيه مليون عيب هذي امه مب قطريه هذي وظيفته عاديه هذي جد جده كان مدري شنو كأن بناتهم الحور العين استغفر الله منزلين من السما (شعب الله المختار ) ما يبون يخالطون دمهم الملكي النقي
ابو ضمير
03-09-2010, 04:11 PM
مسكين هالاب هذا
عاميته الدنيا والطمع عن ستر هالبنيات
لكن بالنهايه مالهم حق يرفعن قضيه على ابوهم
ترى بالنهايه اب
ويجي بالكلمه الطيبه والموعظه ليش نشر الغسيل
الله يهديهم ويرزقهم الازواج الصالحين

الله يهديك بس مثل هالاباء مريضين انت ما تعرف ايش معناته لما الاب يضيع احلى واجمل سنين البنت هذا المفروض يرفعون عليه قضيه ويتزوجون غصبا عنه ولو لزم الامر ينسجن :anger3:

الله يخلي قانون سلطنة عمان لما يخلون البنت تتزوج غصبا عن الاب هذا طبعا في حالة انه الاب رافض يزوج بناته