ابيع الارض ولا انتظر

[qatar_moon]

السلام عليكم

ياجماعه انا عندي قطعه ارض صغيره على قدي :cool: وانا اصلا شريت هالارض الصغيره علشان كانت جايتني فلوس ومبلغ بسيط قلت احطها بالارض حق سفرة الصيفيه بدال مالعب

فيها ( حشا قلت قصة حياتي ) :D

المهم اشرايكم ابيعها علشان الاسهم ولا لا يعني خلاص مالي امل ادخل والربح فاتني

ابي مشكورتكم بليز :confused:

[qatar_moon]

اي صح علشان ماتقولون ليش حطيتي الموضوع في هالقسم

تراه نقاش اقتصادي

وابي راي الاعضاء

[sulai6i]

اذا قررتي تبيعين

مري صوبنا في قسم ارض وعقار وعطينا خبر :)

[qatar_moon]

ليش اخوي تبي تشتري بس يمكن المنطقه ماتعجبك

ماتبيها اليوم وتفكني من همها وتخليني ادخل مع الجماعه في الاسهم :D

[سهم أب]

السلام عليكم ورحمة الله وبركاته.....

أختي، تبين الراي..... احتفظي بالأرض........ شئ جيد انج توزعين اللي عندج بين أراضي وأسهم...... لا تدخلين كل اللي عندج في مجال واحد احتياط للزمن....... وهذا رأيي الخاص.....

والله يوفقج ان شاء الله....

[qatar_moon]

مشكور اخوي سهم آب بس انا والحمدلله منوعه يعني عندي كذا شي غير هالارض :p

بس خاطري مادري بس لو بعتها في وقت ادخل في الاسهم ولا خلاص مالي امل :(

[هداف]

وين مكانها ها الارض وكم مساحتها وشنهي مواصفاتها سكنيه ولا استراحه ولا تجاريه !!!

[سهم أب]

السلام عليكم ورحمة الله وبركاته......

طبعاً أختي تشوفين انتي هنا بعض الأخوان يقولون (اشتر اشتر ولا تبيع)..... أما أنا رأيي الخاص ان محد يقدر يتنبأ بالجاي في الأيام القادمة...... وأشد الناس تفاؤلاً ما تخيل كم الارتفاع الهائل هذا.......

نصيحة أختي، حتى في الاستشارة استشيري أهل الثقة....... فالبعض يعطي النصيحة على مصلحته الخاصة، وتلقين انه يطلع اشاعات ويأكد ان المصدر موثوق 100% والمصدر لا هو موثوق ولا له أساس من الصحة....... والغرض هو منفعته الشخصية....... فحتى في شراء وبيع الأسهم والأراضي اسألي من يهمه مصلحتج ولا تنقادين أو تلتفتين كثير للي تسمعينه........

ويبقى في الأخير الحكم من خلال النتائج المالية وأداء الشركة....... أما الارتفاعات اللي نشهدها اليوم فهي شئ صعب التنبؤ بمستقبلها........

وبالتوفيق ان شاء الله....

[قطري]

سهم أب عجبني والله ردك فعلاً كلامك صحيح 100%
وتأكيد لكلامك طلوع السوق المخيف في فترة
مافي حد يتوقع بل العكس معظم الناس باعوا اسهمهم
من شهر 6 ضناً منهم ان السوق بينخفس
اخت قطر مون لازم الواحد ينوع في استثماره
ولا يحط كل البيض في سلة واحدة
والقصد من العبارة مش انه ينوع في الاسهم
ولكن ينوع في استثمارة يعني شوي اسهم
شوي عقار ....الخ
يعني لو خسرتي في شي لاقدر الله يكون عنك مشروع ثاني يشيلك
ممكن الاسهم انها تطلع وطلوع كبير بعد بس في يضمن لك بكره شبيصير
ولا تنسين ان ماراح تاخذين الا نصيبك
والتوفيق من الله

[المخلب]

اختي ويين الارض يمكن نشتري وكم فوتش ! وكم مساحت الارض ؟؟

[qatar_moon]

اخوي هداف الارض سكنيه وفي الوكره

بس كم مساحتها ماذكر بس صغيره

***********************


اخوي سهم آب مشكور على نصيحتك

بس ان شاء الله بصلي صلاة استخاره افضل

لاني مثل ماقلت لك هالارض صغيره

***************
اخوي قطري مشكور على نصيحتك

بس انا الحمدلله منوعه وبالعكس ماعندي مبلغ زين حق الاسهم كل الي عندي بالاسهم شي بسيط

بس القهر اذا الاراضي ولعت بعد مابيع ههههههههههه

**************

اخوي المخلب

الارض في الوكره بس الفوت ماعرف انت كم تعطيني فيها :confused:

[mE mYself & i]

أختي قمر قطر
الفلاح مايشيل البيض في سله وحده
عشان اذا طاحت بينكسر كله
:p