(جيوشيلد) صار لي معهم موقف مضحك [الأرشيف] - منتديات شبكة الأسهم القطرية

مشاهدة النسخة كاملة : (جيوشيلد) صار لي معهم موقف مضحك

QATAR4EVER

31-08-2010, 04:15 AM

مساء الخير على الجميع , ومبروك عليكم العشر الاواخر والله يتقبل طاعاتكم وعباداتكم, اليوم رايح ابي اركب عازل حراري وحماية للموتر الجديد, انا من قبل ركبت عند كريستال على ماعتقد وكان شغلهم مش بطال(حليو) وسعرهم مقبول نوعاً ما, المهم قلت بمر على جيوشيلد وبشوفهم, جيت لمسؤول المبيعات , السلام عليكم , عليكم السلام , لوسمحت كم تركبون حامي لوجه السياره, قال وش نوعها , قلت نيسان , أأأأأأأم تبي من الأخر وبعد الخصم 3000. قلت ليه انا ركبت عند محل اب نص القيمه تقريباً,

السالفه تبتدي من هنا: قال تعال ارويك وجاب لي قطعه من الصنف الموجود وقال اقطعها لو تقدر , وأذا قطعتها بسوي لك الموتر فرررري. انا بغيت اقوله خلاااااااااص ركب مايحتاج اجرب, بس قلت خلنا انشوووف, المهم خذيتها منه وتليتها تله يحبها قلبك , شوي وتنقص نصين, الحبيب بغت تطلع عيونه, قلت له هاه بتركب لي بنص القيمه مابيها اب بلاش, قال لا هذا اكيد صنف ثاني, شوي ويصارخ على الفلبينيين, جوووون كم هير, جيب الصنف حقنا هذا اكيد هذي عينة جايبها زبون معه, انا اهنا قلت الحبيب يبي يتفلسف علي, قمت ودشيت مكتب الاتتظار وكان فيه شيبان كبار في العمر , قلت لهم أشهدوا ياربع على الرجال عطاني كلمه وغير كلمته, وقلت لهم السالفه, قالوا للمسؤل جب الصنف الي تقول انه تبعكم وخله يحاول اذا قصه معناها ان معه الحق, الحبيب راح ركيض فوق وجاب لي عينه وقال يالله رونا قوتك, خذيتها وتليتها تله زعل وضيقه من الحبيب, ونقص بعد نفس اللي قبل, قام الرجال يتعذر بأعذار واهية, وضحكوا عليه الي كانوا موجودين. قلت الرجل تلزمة الكلمة, لكن للأسف أحرجت نفسك , وصدقوني لو انه قال يالله جب سيارتك بسويها فري كان بعطيه سعرها كامل . لكن للأسف أسلوب التسويق عند الحبيب اي كلام, وأنا كان خاطري اركب عندهم من السمعه الحلوه الي اكتسبها المحل, وكلام ربعي والمعلومات الي في النت تثني على تقنية النانو. أتمنى من صاحب المحل انه ينبه على المسؤول انه مايدخل في أحراجات مع الناس. وسلامت قلوبكم

هذلان

31-08-2010, 04:21 AM

ليكون هو الي يسوي دعايا في المنتدى عندنا ؟

ممنوع اللمس

31-08-2010, 04:48 AM

هههههههههههههههههههههههههههههههههههههه والله كفو

بور بلاك

31-08-2010, 04:49 AM

في دعايا في الموضوع :nono:

QATAR4EVER

31-08-2010, 05:23 AM

في دعايا في الموضوع :nono:

بور بلاك دعايه أل من!!!!:con2: تكفى ياخوك على يدك قولي لمن الدعاية عشان اطالبهم بنصيب من الأرباح الي بتجيهمomen

Bo 5alid

31-08-2010, 05:26 AM

هو يتفلسف تدرون شيقول !!!!!!!!!!!!!!!!!!!!!!!!
سمك العازل مالهم 3 ملي اقول له ياولد الحلال مافي امل 3 ملي ؟؟ حالف الا 3 ملي

السندان

31-08-2010, 06:45 AM

فرع الدمام خصم 45%

لاندكروزر -المخفي 1200
- الحمايه 1600

مادري ليش كلـه غالي عندنا

والعهده على الراوي في احدى المنتديات الخاصه بتيوتا

لاتزعل علينا ياصاحب المحل عزيز وغالي ولاكن الانتقاد يطول جميع تجارنا ومافيهم مستثنى

العضو الماسي

31-08-2010, 08:53 AM

غير جونسون مافيه . وزيبارت . اسم وجوده حقيقيه .

المبرمج صلاح

31-08-2010, 09:55 AM

http://www.brg8.org/upfiles/Fqg35860.gif

بالتوفيق للجميع ان شاء الله

الواصـل

31-08-2010, 10:25 AM

ههههههاإائ قال جرب قال

طلعت عليه إغلى من بيع السوق ...

رووووح لحمااايه وبس هو اللي ماعليه كلام

بس وش جيوشيلد أول مره اسمع فيه ولا وين مكانه

فقط قطر

31-08-2010, 12:33 PM

لا تعور راسك اخوي مع جيوشيلد وغيرهم....

عندك زيبارت.....

بو خليفه 123

31-08-2010, 12:33 PM

هاهاها اضحك الله سنك يا قطر 4 ايفر

يمكن أنت قوتك فّذه ما شاء الله ولا غيرك ماقدر يقصها نصين :strong2:

حلاة الروح

31-08-2010, 12:43 PM

aldeem

31-08-2010, 02:59 PM

والله ياخوان انا مالوم التاجر اذا رفع السعر لانه الاجارات ناررررررررررررررررررررررررر
خاصه محلات طريق سلوى

الجوكر90

31-08-2010, 03:22 PM

اخوي لو انا بدالك كنت بروح واجيب موتري بدون ماكلمه وادخل الموتر واقوله يلا اشتغل عليه بنص القيمه
واحرك عنه

QATAR4EVER

02-09-2010, 02:56 AM

اخوي لو انا بدالك كنت بروح واجيب موتري بدون ماكلمه وادخل الموتر واقوله يلا اشتغل عليه بنص القيمه
واحرك عنه

لو أن كلٍ ينال أمناه بذراعة### خذيت حقي من أقصاها لدانيها:strong

السد

02-09-2010, 03:04 AM

كنت المفروض تاخذ منه ورقة على شرط الضمان ان لا ينقطع العازل
ثم تقطع العازل
قمت اخوي اشك فيك
احتمال تكون انت
شمشون الجبار
ههههههههه

AL_MUTAEM

02-09-2010, 05:53 AM

بصراحه موقف مضحك وشكله متعود يتفلسف مع الزباين ومحد جرب هالنوع اللي طلع خرطي لووووووووووول

انا مركب على لكزس فورويل بالرياض من كم شهر بمحل بشارع التحليه العازل 30% بـ 1000 ريال والحمايه على وجيهة السياره والمناظر الجانبيه والجسور وحتى تحت البيبان والرجاج الامامي 1500 ريال مع ضمان خمس سنوات وتوني قبل اسبوع مريت عليهم وتعامل جدا راقي وشغل ممتاز ..

بس انا ما اقول الجميع يروحون الرياض او اي منطقه ثانيه بس للعلم بالشي والاخوان اللي يتعذرون بالايجار وانه مرتفع فيه محلات خارج قطر ايجار الباب 20 بالشهر واسعارهم اقل وتعاملهم راقي ..

صراحة اتمنى موقف حازم من ادارة المستهلك اللي مانشوف لهم اللا صور بالجرايد وتنزيل بسعر الطماط والبصل .

باسكن روبنز

02-09-2010, 08:27 AM

ليتك ناحسته زود ههههههه ،
كفووو عليك يا قطر فور سبيد ،:thumbup:

لا تعور راسك اخوي مع جيوشيلد وغيرهم....

عندك زيبارت.....

انشهد ،:yes:

الفارس2

02-09-2010, 07:45 PM

انا استغرب من الشباب لما يشوفون دعاية نانو والعازل بالخاصية الزرقاء والتكنلوجيا النانونية والعازل بدون الياف معدنية وسيراميك و مايحجب السيجنال مالت الجارمن وووو الصراحة انا مابي امدح محل ثري ام لانة محلي بس كل هالاشياء موجودة بعازل ثري ام من زمان الواحد يتعب نفسة شوي ويسال عن هالاسامي اللي بالدعاية يسال ربعة يدش النت يسال عن اسم الشركة يسال عن قوة العزل الحرارة والاشعة البنفسجية والاشعة تحت الحمراء لان العازل مايعزل الحرارة كاملة يعزل 30 الى 20 % من الحرارة الخارجية بس مهم عزل الاشعة الضارة ممكن الحريم يحسون اكثر ويبن على يد الحريم لون البشرة مايتغيير تحس بحرارة بس مو مضر عالبشرة ومشكلة الشباب يسالون عندك 10% ولا 30% مايسالون عن مواصفات العازل اللي بيركبونة ويتاكدون من الضمان ومن نوعية يشوفون الكرتون عالاقل انشاللة اكون افدتكم

باسكن روبنز

03-09-2010, 07:20 PM

الفارس تعجبني صراحتك وصدقني بتتوفق بتجارتك ان شالله دام اسلوبك واضح بالتعامل مع الناس
والله يوفقك في تجارتك وحلالك ياخووي ،

احسن من بعض الناس ألي يتخششون ويسون دعايات لمحلاتهم مالت العازل الحراري بطريقة المدح والدعايات بالمواضيع (بدون ذكر اسامي :looking:) ،