المساعد الشخصي الرقمي

مشاهدة النسخة كاملة : && عطنا رايك .. سوق الارقام بيطيح ولا ...؟؟؟ &&


الكواري8
31-08-2010, 05:36 AM
السلام عليكم...

كيف الحال ياشباب...

انا طرحت هالموضوع عشان الكل يستفيد.. وياريت الاعضاء وخصوصا الخبره في هالمجال يفيدونا...

ندش في صلب الموضوع>>>>>> كلنا شفنا الارقام الجديدة شلون بيصير شكلها... بتتغير .. منهم يقول للاسوء ومنهم يقول للاحسن.. وفي النهايه الناس اذواق...

بس الي نبي نعرفه ... سوق ارقام السيارت بيطيح ... ولا على حطته؟؟؟ يعني اسعار الارقام بتطيح مع التغيير الجديد.؟ ولا مافي فرق بيحصل.؟؟

ياريت ياخوان نشوف مشاركاتكم وارائكم بخصوص هالموضوع.. لان في وايد اعضاء مقبلين على شراء ارقام في هذه الفتره.. وقلنا نطرح الموضوع عشان الكل يستفيد ولا يندم احد بعد التغير...

وعلى قولتهم ... اذا فات الفوت... ماينفع الصوت...
الكواري8
31-08-2010, 05:43 AM
ابتدي بوجهة نظري... انا اتوقع السوق بيطيح.. وطيحة قوية وايد... لان بعض الارقام بتخترب.. يعني الي كان عنده.. ۸۷ في رقمه .. بيصر 87 .. فرق السما والارض... والرباعيه بتبين سخيفه.. لانها اول حتى لو كان الرقم رباعي بس سلطه مايجي اقل من 11 الاف.. والسبب ان الرقم يبين صغير..بس الحين مع الارقام الانجليزيه بيبين الفرق... يعني مثلا اول الي كان عنده ٥۰۸۷ ... بيصير 5087 ومن وجهة نظري.. ماشتريه حتى لو كان ب 5 الاف...

ننتظر تعليقاتكم... ووجهة نظركم...
بوجاسم 999
31-08-2010, 05:45 AM
انا اقول الارقام بتصير موضه قديمه والسبه تغير الارقام ومحد يبي يكشخ لان الارقام كلش مب شي
الكواري8
31-08-2010, 05:47 AM
يعطيك العافيه على المداخله الطيبه... وانا رايي من رايك
خريج اعلام
31-08-2010, 05:52 AM
رااااااااح يولع سعر الارقام

لان الناس كانو خااايفين يشترون الارقام وخاصه بمبالغ كبيرة
والخوف كان من تبديل الارقام الى احرف وارقام
مثل ماحصل في ابوظبي ودبي والكويت والسعوديه
اما الان مازال الرقم مثل ماهو بس صار بالانجليزي بسيييييطه
السليطي 2010
31-08-2010, 05:55 AM
انزين انتوا نسيتوا ان ممكن ينزل قرار يمنع نقل ملكية الرقم
الكواري8
31-08-2010, 05:58 AM
اشكر مروركم...

السليطي.. نقطه ممتازه ياخوك....

شنو موقف تاجر الارقام .. اذا نزل هالقرار..؟؟ منع نقل ملكية الرقم..؟!!!
بوجاسم 999
31-08-2010, 05:59 AM
انا ضد التجاره بالارقام
الكواري8
31-08-2010, 06:03 AM
يالربع .. بتصير ارقامنا نفس الامارات... بالانجليزي ومحد يهتم لها...

ومب غريبه اذا بعد كم سنه .. نزلت فئات نفس دبي... A<b<c
بوجاسم 999
31-08-2010, 06:07 AM
بالحروف بتصير اغلى كل واحد بيدور اسمه الي فهد والي حمد والي سحر هههههههههههههه
الكواري8
31-08-2010, 06:15 AM
اي والله.. مافتكينا من الارقام.. تجينا الاسامي....
السندان
31-08-2010, 06:24 AM
موضة الارقام في دمنا احنا بقطر
سيارات + هواتف + bb + بريد + رقم عضويه + رقم جواز ...... الخ

العاده باقيه وما اعتقد تتغير .. الا ان الاسعار راح تتغير على حسب شكل الرقم بالانجليزي

شكرا لك على الموضوع
راعي الاوله
31-08-2010, 06:45 AM
اسمحولي يا شباب في كلمتي هذي :


والله ما يشتري الرقم بأسعار غاليه إلا واحد فاضي وزايده عنده الفلوس ؟؟
لأنه في الاخير هو (( رقم على قطعة حديد لتعريف السيارات )) ..

يعني لو العاقل يفكر بعقله والله العظيم صدقوني انه ما يشتري رقم بسعر احياناً يكون اغلى من السيارة اللي عليها الرقم بضعف السعر !!!!!!



آسف اخواني إذا اخطيت على احد برأيي هذا ..

لكن دائماً العاقل خصيم نفسه ..


واعذرني يا صاحب الموضوع اني ما ألتزمت بسؤالك :)
بن رومي
31-08-2010, 06:54 AM
بتنزل

بس بنسبة بسيطة

والعلم عند الله


بن رومي
الكواري8
31-08-2010, 06:55 AM
جزاكم الله الف خير على المرور الطيب...
بوجاسم 999
31-08-2010, 06:57 AM
المشكله المثل يقول: كل ماتشتهي والبس مايشتهون الناس

وهاي الي منيييل العالم
الكواري8
31-08-2010, 07:02 AM
المشكلة ياخوان...
لو المرور ياخذون اجراءات ضد البيع والشرا .. بيكون الوضع وايد احسن.,..

يعني لو يمنعون نقل ملكية الرقم المميز.. الاسعاااار بطيح في الارض ... واصلا نظرة الناس بتتغير اتجاه الارقام...

يعني الزبو بيخف ... :)
الكواري8
31-08-2010, 05:31 PM
نبغي مشاركاتكم ....
عاشق ميونخ
31-08-2010, 06:15 PM
شوف اللة يسلمك
في البداية ومع نزول اللوحات الجديدة راح ينزل سوق الارقام لان الواحد مش متوعد على اللوحة الجديدة وخصوصا كتابة الرقم بالغة الانجليزية وهذا شي طبيعي لاكن بعد فترة راح يرجع السوق مثل ماكان او اضعف بشي بسيط:strong3:
@فارس@
31-08-2010, 06:40 PM
انا متوقع والله اعلم تطيح اسعار الارقام وايد

ويمكن هالشي يتم فترة لين تبتدي مرة ثانية تظهر الارقام المميزة بعد التغيير وساعتها بترجع مرة ثانية وتطلع

يعني فيه ارقام بيطيح سعرها وارقام بتطلع مرة ثانية فوق


والله يوفق الجميع
Gh2o
31-08-2010, 06:43 PM
ولا شي بتغير الارقام بتم على وضعها
الكواري8
31-08-2010, 07:05 PM
مستحيل اتم على وضعها .. لان الارقام اخترب شكلها... وصارت كبيره لان االارقام بالانجليزي تبين اكبر و اوضح.. يعني اول يبينون صغار.. تحس الرقم صغير حتى لو كان خماسي... بس جرب تكتب الرقم بالانجليزي بتحس ان الرقم صار كبير وفي فرق بينهم...