مشاهدة النسخة كاملة : عاجل ....... ماليزيا يااهل الخبره
بورصجي_جديد
31-08-2010, 11:30 AM
السلام عليكم
اسعد الله أوقاتكم بكل خير
محتاج فزعة اهل ماليزيا
قرر اخوي الصغير انه يروح ماليزيا فقلت لنفسي ليش ماتوسع صدرك وتروح معاه:eek2:
قالي قدام وحجز التذاكر الاقلاع الخميس العوده الاحد:thumbup:
ابي نصيحتكم omen في الرحله القصيره هذي كيف استغل الوقت وروح احلى الاماكن في ماليزيا دلوني عليها واذا في حد يعرف سواق أمين في ماليزيا يفرفر فينا :looking:
تقبل الله صيامكم
وتقبلو تحياتي
Mohammed.a
31-08-2010, 11:44 AM
وعليكم السلام
هلا اخوي
بما ان عدد الايام ماتكفي لتزور جزر ماليزيا
فبتكون زيارتك بس في كولامبور
عندك توين تاور + عين ماليزيا + برج الاتصالات وحديقة الفرشات وغير المجمعات
ويبيلك نص نهار في مرتفاع جنتينج ملاهي عجيبة وسط الضباب
وافضل تستخدم التاكسي في تنقلاتك
Um Sultan
31-08-2010, 11:54 AM
اخوي انت يبيلك يوم واحد تروح ويوم واحد ترجع
يعني عندك بس يومين
والصراحه مايسوى المشوار اول يوم بتحس بتعب من الطياره والمطبات الطريق 8 ساعات
احنا جلسنا 18 يوم ومالحقنا نروح كل الاماكن في كوالمبور
يوم كامل يبيلك تروح جنتنغ من الصبح الساعه لين المغرب
يوم روح حديقة الطيور والفراشات والبرجين والمناره .. طبعا اذا بتطلع من الصبح لان كل شي الساعه 6 يصكر
بورصجي_جديد
31-08-2010, 11:58 AM
بارك الله فيكم وكل هالاماكن والملاحضات قاعد اسجلها عشان ارتب لي جدول منتضر نصائح المزيد من الاخوان
تقبلو تحياتي
البحار00
31-08-2010, 12:33 PM
بطرش لك رقم بوسعود (عبدالعزيز) ماليزي محترم ويعرف شوي عربي وانجليزي
وبيعجبك
نورهان88
31-08-2010, 01:09 PM
السلام عليكم ورحمة الله
أخوي أضغط على الرابط :.
http://vb.arabseyes.com/t101583.html
وأن شاءالله تستفيد منه ورحلة موفقة والله يحفظك وترجعون سالمين غانمين
ملحظة :ـ أنصحك أخوي بدل ثلاثة أيام خل الرحلة أسبوع حلوين مشان تأخذون راحتكم
:thumbup:
فــلان
04-09-2010, 04:04 PM
ولو إن الرد متأخر لكن لعموم الفائده و الله ياخوي من رايي تعب الرحله بيطغى على الوناسه
يعني أسافر 8 ساعات عشان أجلس يومين او ثلاث ؟ والله ما أسويها
لكن دام إنك الحين يمكن هناك فمالي غير أدعي لك بالتوفيق وفي هالحاله
المجمع اللي فالبيتروناس وشارع العرب و مجمع فندق التايمز سكوير
ممكن يمشون مع مدة الرحله لأن بتم ضرب خطوط بتكاسيهم لصغيره هاذي + خط رحله الطيران ؟
حشى صارت رحلة عذاب ولا دورة جزى مب إستجمام
بومحمد911
04-09-2010, 04:24 PM
انصحك اخوي لاتاخذ سائق يرتبط معاكم بيسلخكم في السعر
استعملوا التكاسي في التنقلات افضل وارخص
وتروحون وترجعون بالسلامة
اخوي لاتروح يمين ولا يسار روح على طول جزيرة لانكاوي افضل ما في ماليزيا نصيحة لوجه الله هالجزيرة حق المغامرات البحرية
ولد ازغوى
05-09-2010, 02:49 AM
دامكم شباب روح بيننغ ولا لنكاوي
و اذا قعدتوا يوم في كوالا روحوا جنتنغ
احس هالاشياء بتفيدكم اكثر كشباب
ماتبون لا سوق ولا شي .. خاصه بعد الايام قليله
ماليزيا عالاقل يبيلها 25 يوم تخلصها
Powered by vBulletin® Version 4.2.5 Copyright © 2025 vBulletin Solutions Inc. All rights reserved.