أستفسارعن تقارير العلاج في الخارج ( المانيا )

[فلة]

السلام عليم ورحمة الله وبركاتة
اسمحولي انا اول مرة أشارك في المنتدى عندي عدد من الأسئلة وياريت اتجاوبوني عليها ولااطنشوني ؟
:anger3:
حبيت أعرف ماهي أجراءات العلاج في المانيا اقصد هل أنا لطلع الفيزا واحجز التذاكر والسكن ولا المكتب الصحي متكفل بها . وأذا يصير يعطون مرافق لشخصين خصوصا ان المريض طفل وكم المبلغ اللي يصرفة المكتب الصحي للمرافقين ورقم المكتب الصحي في المانيا ومن احسن واحد بينفعنا هناك ياريت تعطوني اسمة هل الجو بارد في شهر سبتمبر واكتوبر.
ياريت تردون علي بأسرع وقت

[ضوى]

السلام عليم ورحمة الله وبركاتة
اسمحولي انا اول مرة أشارك في المنتدى عندي عدد من الأسئلة وياريت اتجاوبوني عليها ولااطنشوني ؟
:anger3:
حبيت أعرف ماهي أجراءات العلاج في المانيا اقصد هل أنا لطلع الفيزا واحجز التذاكر والسكن ولا المكتب الصحي متكفل بها . وأذا يصير يعطون مرافق لشخصين خصوصا ان المريض طفل وكم المبلغ اللي يصرفة المكتب الصحي للمرافقين ورقم المكتب الصحي في المانيا ومن احسن واحد بينفعنا هناك ياريت تعطوني اسمة هل الجو بارد في شهر سبتمبر واكتوبر.
ياريت تردون علي بأسرع وقت

زميلتي بالعمل سافرت مع بنتها علاج لالمانيا وعطوها مرافق لشخصين ، وبالنسبة للحجوزات والفيزا كل شئ هي سوته بعد ماعطوها ورقة لم يهمه الامر انها بتطلع علاج على حساب الدولة الفيزا والتذاكر كل شئ هي بروحها سوته ، وبالنسبة للمبلغ اعتقد والله العالم 1300 يوور كاني شفته جذي بالاوراق اللي عطتني اياها وطبعا 1300 في الاسبوع بس مو اقل من هالمبلغ
والجو بارد حاليا عندهم وفي اكتوبر يكون ابرد

والله يحفظكم ويشفي مريضكم اللهم امييييييييين

[La Bella]

أختي جاتج الموافقة ولا لسى
عطوج ورقة لمن يهمه الأمر للعلاج بالخارج ؟؟
وبالنسبة لعدد المرافقين هم يحددون اج أذا واحد ولا ثنين

وهذا أرقام المهمة

المكتب الطبي في المانيا

The Qatar Consulate
Ubierstrabe – 88
53175- BONN- Germany

تليفون :
0049 228 367850

فاكس :
0049 228 363 006

البريد الالكتروني :
mobonn@hotmail.com

[رضى]

اذا اطلعت الموافقة من المكتب الطبي,, راح يعطونكِ ورقة عشان تأخذين فيها تذاكر السفر من مكاتبهم اللي يخصصونها وبالنسبة للفيزا انتي اللي تطلعينها وعقب تعطين الفاتورة المكتب الطبي وراح يرجعون لكِ قيمة الفيزا,, وايجار السكن عليكِ من الراتب الاسبوعي المقدم من المكتب الطبي وبالنسبة للمرافقين الظاهر راح يوافقون على مرافقين ,, والمبلغ الاسبوعي بالنسبة لبريطانيا على الشخص في الاسبوع 850 باوند واذا المريض كان بالمستشفى يأخذ 20 باوند يومياً والمرافق لأنه برا يأخذ مثل ماقلت لكِ 850 باوند,, ورقم المكتب الصحي بالمانيا ماعرفة والله ,, والله يشفي مريضكم وبعافية

[المرحب]

نسأل الله الكريم أن يشفي جميع مرضى المسلمين في هذا الشهر الفضيل

[فلة]

ضوى وla bella وكرباج والمرحب مشكورين ,,,,,,
بالنسبة لسوال la bella لا وللة الين الحين ماعطونا الأوراق بين اللجنة والمستشفى ونشالله تطلع الموافقة لاني سويت العملية في حمد وفشلت وخصوصا انه طفل ولايتحمل العملية مرتين ( يعني لعبة في لعبة ) ........بس حبيت استفسر بعد عن التذاكر اي درجة وكم الراتب الاسبوعي للمرافقين وشلون نستلمه اهناك وش اسم المنطقة العلاجية في المانيا واحسن الشقق فيها وهل الجو بارد خصوصا ان معاي اعيالي ؟تكفوون اللى عندة خبرة يرد علي .....وارحم الله والديكم مقدما

[روح الاطلس]

الله يشفي طفلك يارب

[وحيد-الشوق]

مايشوف شر الولد

سؤال اختي الموافقة اطلعت من اللجنة ولا لين الحين ؟

بالنسبة للمصروف 188 يورو في اليوم يعني في الاسبوع 1316 يورو للمرافق والمريض اذا كان فوق ال18 او 16 سنة نفس الشيء

بالنسبة لوضعج المريض طفل يعني مصروفه اليومي 94 يورو واذا ترقد في المستشفى اعتقد ياخذ في اليوم 30 يورو او اقل يمكن

عدد المرافقين 2 لأنه طفل

الراتب تستلمونه من بنك في المدينة المقرر بها العلاج والتذاكر يعطون سياحية الا اذا المريض وضعه الصحي محتاج راحه او ماشابه يعطونكم ورقه ويعيبها الدكتور ويذكر فيها كذا وكذا ويعطونكم تذاكر بزنس << طبعا اصحاب الواسطات ماعندهم مشكلة :)

منطقة العلاج هم بيحددونها الا اذا في بالج دكتور معين ممكن تخبرينهم وياخذون لج موعد معاه

الجو طبعا بارد حاليا درجات الحرارة كلها مابين 15و9 درجات

[m7dmrta77]

انا موجود الحين في المانيا
كنت بوضحلك بس وحيد - الشوق
ما قصر كلامه وافي وصحيح والامور سهلات والله يشفي مريضك

[وافق شنن طبقة]

شيكي الخاص

[ALJokar]

اذا المريض كبير كم يكون مرافق له عادي يصير مرافقين او اكثر ؟وكم يصرفون عليهم؟
هل لازم المرافق يكون من الدرجه الاولى يعني صله القرابه
*

[B7r_QTR]

السلام عليكم ورحمة الله وبركاته

مايشوف شر ولدكم ان شاءالله
اخوي وحيد الشوق ماقصر والاخوان والاخوات اللي قبله
نقطة بسيطة بخصوص المكتب الطبي ماينفع لهم الا الحنه والرنه مب شرط واسطه
الوالدة قدمنا لها تقرير وتم رفضه وقدمنا لهم تقرير ثاني من دكتور ثاني صارت موافقة والفضل والمنه لله,, عطونا مرافق واحد والحين نحاول بمرافق ثاني, الدكتور وافق لنا على سياحية ورحنا للأستشاري وافق لنا على البيزنس مع مرافق وان شاءالله بعد العيد رايحين.وواسطتنا رب العالمين

القصد اختي انه لاتفقدون الامل من اول مرة خلوا املكم بالله قوي,, وعليكم بهم مرة ومرتين وثلاث.

وماتشوفون شر ان شاءالله

[فلة]

لكل من شارك وجاوب على أسألتي اقوله مشكور ,,,,,,,,,,,,,,,ويعطيكم العافية يشفي مرضانا ومرضاكم .
بالنسبة لسؤالك ياوحيد-الشوق اليوم رحت للأستشاري في اللجنة الفرعية اللى في ارميلة وتمت الموافقة من قبل اللجنه وهما عبارة عن أستشاريين وقالنا انة راح يذكر اسم دكتور ممتاز في التقرير اللى بينرفع للجنة التقارير وقالي أن الدكتور اللي في المانيا راح يكون في مدينة هايدلبيرغ . وهذي كل القصة :deal:
هل تتوقعون اللجنة الرئيسية راح ترفض بعد موافقة اللجنة الفرعية وموافقة اللأستشارين فيها ؟:strong3:
وللى عندة معلومات عن هالمنطقة ياريت يعطيني فكرة عن كل شي وخصوصاً الشقق الفندقية الموجودة فيها واسعارهم في الشهر .سويت بحث في المواقع والمعلومات كانت بسيطة وعامة ومكررة . ارجو منكم انكم تفيدوني .
وشكراً مقدماً

[فلة]

الله يجزاك خير ياخوي وافق شنن طبقة وانشالله تجهز امورنا وراح نتواصل بأذن الله

[وافق شنن طبقة]

ابشري بالخير انشالله ومتابع لموضوعكم

[مسفر2]

انا رحت على حسابي الخاص
بمسئلة هل يعطونك مرافق مادري والله

اذا بتروح على حسابك لااااازم تاخذ تقاريرك الطبيه
لاني يوم رحت نسيت التقارير ولعوزوني في مطار فرانكفورت الالماني .
لولا الله ثم المترجم الي استقبلني في المطار كان طارت بي طيور ابابيل
عندك مكتب ابن سينا في المانيا بيساعدونك من مترجم وسكن وسايق وهذا رقمهم 08954479488

اللهم اشفي مرضانا ومرضى المسلمين