أمي تسلم عليك وتقول عندكم.........................طماط

[نورهان88]

http://www4.0zz0.com/2010/08/31/10/937323329.gif (http://www.0zz0.com)







,


حين طرق باب بيتنا ... ليقول لى ولد الجيران



امى تسلم عليكم وتقول عندكم .... طماط....!!


ابتسمت من قلب ....



وقلت له عندنا ... ولو ماعندنا زرعنا لكم بحوش بيتنا




هلا بالجار الصغير ....



منذ متى لم يطرق بابكم احد الجيران لطلب



طماط
او بصل او خبز ... !!!






ربما يقال اننا بخير ونعمه ولم يعد الطلب من الجيران



له ضروره ... ولكن لا اعتقد



فقدنا الطلبات الصغيره بين الجيران



فقدنا طعم الجيره ...



كان الجار يطلب من جاره بصل



وبعدها يرسل له قليل من الطبخه



عيش وملح



الان تعد الطلبات بين الجيران عيب وقله ذووق ... !!



وقد تستغرب ان يطرق جارك بيتك بدون موعد واذن مسبق واتصال



وقد يتهم الجار بالجنون حين يطلب طماط






زمان لم تكن الحاله الاقتصاديه مثل الان


اليوم فواتير وديون واقساط واسعار مواد غذائيه عاليه


وعيب نطلب وندق باب الجيران...


زمان حياه بسيطه وقلوب ابسط ,,, وصغار الجيران


وجمله .... امى تسلم عليكم وتقول عندكم بصل


جميله العباره


بجمال البساطه


وجمال المحبه


وجمال روح الجيران الوحده


كنا بيت واحد


وطبخه وحده





اخبرتنى جدتى


ان الاسر قديما تشعر بمدى حاجه جارها


وترسل له من غير طلب


واذا راعى البيت قضى لبيته ماينسى جيرانه ...


( واذا كان عنده عزيمه عشاء... يرسل للجيران(
غريفه
واليوم يزعل الجار من ارسال العشاء باعتبرها فضله....



ليست المساله بمجرد الطلب


وليست عباره امى تسلم عليكم وتقول عندكم طماط هى المحك


لا ....


ولكن العلاقه نفسها فقدت طعمها


فقدت دفئها


فقدت الجيره


لم تعد الحياه لها طعم بعد الاستغناء عن بصل وطمام وخبز الجيران


وحين نعطى الصغير طلبه ... نتنتظر عودته بطبق من عشاءهم ...



ليتها تعود تلك الايام ... رغم انى لم اعشها حقيقه


ولكن احيانا اتمنى عوده ايام ماضيه بزمن جميل


وجيران ترسل وتسال وتطلب


بدون قيود حياه ممله ورسميات قاتله




احضرت الطماط للولد الجيران .... ووصلت لنهايه كلامى


قول لماما امي تسلم عليكم وتقول .. اذا بغيتو شي لايردكم الا لسانكم

وخرج الصغير ولسانى حالى يقول:

شكرا لك عشت معك لحظات اصبحت مفقوده ....



بزمن لم يعد الجار يعرف جاره







( ذكريات )






http://www4.0zz0.com/2010/08/31/10/843966284.gif (http://www.0zz0.com)

[JN000N]

الله يرحم ايام هالذكريات

ذكرتيني فبيتنا القديم،، كانو جيرانا يجننون وحليوييين
اما الحين كلن شد

بس هالعاده موجوده الحين عندنا بين الخوات
احنا بيوتنا قريبه من بعض عاد لو عندنا عزيمه والا شي كل بيت عايه شغل
تعالي لو نقصت اغراض تشتغل التلفونات واذا محد رد نطرش اليهال نوزعهم هههههه
خاصه في اشيا ماتكون موجوده مثلا نوع خضره << اتكلم عن مكان مب فالدوحه
او خلاط او قوالب

وصلت فيني اخر مره طرشت الكيكه يخبزونها في بيت خالي لان ماعرف حق الفرن العود هههههههااي
يوم خبزوها يابوها لي

ولين الحين عندنا هالعاده
و عندنا عزيمه والا شي نطرش لجيرانا قريضه منه
ونعزل لهم.. وهم بعد نفس الشي
بس مب فالدوحة

اغلب هل الدوحه نسوا هالعاده
بس المناطق الثانيه لا.. مثال: الخور

[BARBICAN]

الحمد لله ، الله لا يغير علينا

جيرانا من 22 سنة ،، حتى يوم شدينا شدوا معانا

وللحين ناخذ من عندهم الخضرة والمقاضي الناقصة وهم بعد ياخذون من عندنا

ومافي عزيمة عندنا الا نعزمهم مع ضيوفنا او اقلها نطرش لهم والعكس بعد هم يطرشون لنا ويعزمونا

تعرفنا عليهم في الفريج القديم وصارت عشرة عمر لمدة 10 سنين

ويوم بنينا البيت الجديد قبل 12 سنة بنوا احذانا

وصرنا اهل ،، وعيالهم اخوانا واكثر بعد

[**هـتــــــان**]

ولكن العلاقه نفسها فقدت طعمها


فقدت دفئها


فقدت الجيره


فعلا كانت ايام بسيطه وحلوة ..للاسف هالشي عشته وانه صغيرة الحين مافيه امل .
الحين حتى الزيارة بين الجيران تكاد تكون معدومه .
:(

شكرا للذكريات الجميله اخت نورهان .

[بوعلي2]

احنا لحد الان عندنا هالعاده

الله لايغير علينا


شكرا للموضوع الطيب

[بنت شيوخ]

عاده رائعه

ياليت ترجع

شكرا لك

[الكنترول]

الحمد لله ، الله لا يغير علينا

جيرانا من 22 سنة ،، حتى يوم شدينا شدوا معانا

وللحين ناخذ من عندهم الخضرة والمقاضي الناقصة وهم بعد ياخذون من عندنا

ومافي عزيمة عندنا الا نعزمهم مع ضيوفنا او اقلها نطرش لهم والعكس بعد هم يطرشون لنا ويعزمونا

تعرفنا عليهم في الفريج القديم وصارت عشرة عمر لمدة 10 سنين

ويوم بنينا البيت الجديد قبل 12 سنة بنوا احذانا

وصرنا اهل ،، وعيالهم اخوانا واكثر بعد



ماشاءالله هذول مش جيران هذول أهل تنتقلون وينتقلون معكم نادر هاي الأيام

الله يسلمك

[بوخالد911]

يسلمووو للموضوع

[أ التميمي]

الله الله على ذيك الايام كانت حلوه

لاهنتي يايدوووه على الموضوع الحلو

[نورهان88]

الله يرحم ايام هالذكريات

ذكرتيني فبيتنا القديم،، كانو جيرانا يجننون وحليوييين
اما الحين كلن شد

بس هالعاده موجوده الحين عندنا بين الخوات
احنا بيوتنا قريبه من بعض عاد لو عندنا عزيمه والا شي كل بيت عايه شغل
تعالي لو نقصت اغراض تشتغل التلفونات واذا محد رد نطرش اليهال نوزعهم هههههه
خاصه في اشيا ماتكون موجوده مثلا نوع خضره << اتكلم عن مكان مب فالدوحه
او خلاط او قوالب

وصلت فيني اخر مره طرشت الكيكه يخبزونها في بيت خالي لان ماعرف حق الفرن العود هههههههااي
يوم خبزوها يابوها لي

ولين الحين عندنا هالعاده
و عندنا عزيمه والا شي نطرش لجيرانا قريضه منه
ونعزل لهم.. وهم بعد نفس الشي
بس مب فالدوحة

اغلب هل الدوحه نسوا هالعاده
بس المناطق الثانيه لا.. مثال: الخور




أسعدني مرررررررررررررورك أختي

لكن الجيران كوم والاهل كوم على قولة المصريين

[نورهان88]

الحمد لله ، الله لا يغير علينا

جيرانا من 22 سنة ،، حتى يوم شدينا شدوا معانا

وللحين ناخذ من عندهم الخضرة والمقاضي الناقصة وهم بعد ياخذون من عندنا

ومافي عزيمة عندنا الا نعزمهم مع ضيوفنا او اقلها نطرش لهم والعكس بعد هم يطرشون لنا ويعزمونا

تعرفنا عليهم في الفريج القديم وصارت عشرة عمر لمدة 10 سنين

ويوم بنينا البيت الجديد قبل 12 سنة بنوا احذانا

وصرنا اهل ،، وعيالهم اخوانا واكثر بعد



يا حليلهم هالجيران ما مثلهم أحد الله يكثر من أمثالهم والله لايفرقكم

أسعدني مرور الطيب

[نورهان88]

فعلا كانت ايام بسيطه وحلوة ..للاسف هالشي عشته وانه صغيرة الحين مافيه امل .
الحين حتى الزيارة بين الجيران تكاد تكون معدومه .
:(

شكرا للذكريات الجميله اخت نورهان .



تسلمين اختي على مرورك الحلو & ياليتها هالأيام تعود ونعيشها مرة ثانية



http://www9.0zz0.com/2010/09/01/10/422852669.jpg (http://www.0zz0.com)

[نورهان88]

احنا لحد الان عندنا هالعاده

الله لايغير علينا


شكرا للموضوع الطيب



أن شاءالله دوم

[unless]

اااااااااااااااااااااااااااااااااااااااااااااااااه
على الـــزمن الــجميـــــــــــــــــل
انا اشهد انج عزفتي على وتر الذكريات
ااااااخ منك ياعالم النسيان ما أجمل ذكراك
وااااخ منك ياحاضر الهم وحسبي على جار غم
وجه عبوس وعفن نفوس يتفنن في الضيق
اقول ياهند ياريت بس يرجع هالزمن ويقول
تسلم عليكم امي ومش بس طمام إلا يقول
عندكم سوق خضرة..حاضرين.

[نورهان88]

عاده رائعه

ياليت ترجع

شكرا لك



تسلمين حبوبة

[فارس الكلمة]

موضوع مشابه .. :)

http://www.qatarshares.com/vb/showthread.php?t=256892&highlight=%C3%E3%ED+%CA%D3%E1%E3+%DA%E1%ED%DF+%E6% CA%DE%E6%E1+%DA%E4%CF%DF%E3

[نورهان88]

الله الله على ذيك الايام كانت حلوه

لاهنتي يايدوووه على الموضوع الحلو



وينك حفيدي هالأيام معاد شفنا طلتك عسى المانع خير

كل عام وانت بخير مقدماً




http://www9.0zz0.com/2010/09/01/11/439697584.jpg (http://www.0zz0.com)

[نورهان88]

اااااااااااااااااااااااااااااااااااااااااااااااااه
على الـــزمن الــجميـــــــــــــــــل
انا اشهد انج عزفتي على وتر الذكريات
ااااااخ منك ياعالم النسيان ما أجمل ذكراك
وااااخ منك ياحاضر الهم وحسبي على جار غم
وجه عبوس وعفن نفوس يتفنن في الضيق
اقول يانورهان ياريت بس يرجع هالزمن ويقول
تسلم عليكم امي ومش بس طمام إلا يقول
عندكم سوق خضرة..حاضرين.




تسلم أخوي على المشاعر الطيبة وأسعدني مرورك

وكل عام وأنت بخير

وأن شاءالله تعود

[نورهان88]

موضوع مشابه .. :)

http://www.qatarshares.com/vb/showthread.php?t=256892&highlight=%c3%e3%ed+%ca%d3%e1%e3+%da%e1%ed%df+%e6% ca%de%e6%e1+%da%e4%cf%df%e3




الله يزيك خير أخوي على هالسرد الأحلى

[unless]

تسلم أخوي على المشاعر الطيبة وأسعدني مرورك

وكل عام وأنت بخير

وأن شاءالله تعود

شكراً على التعديل واعتذاري على الخطأ

[meshwar]

هذا الموضوع حلو من جهة

ومصيدة من جهة أخرى

والمصيدة هذي ماتصيد الا كبار السن : )
يعني انفضحنا

صحيح ايام حلوة
حتى الماي كانو يطلبونه من عندنا حق يسون شاي
والله سهالات

شكرا لك

[دوحة الجميع]

احنا عندنا جيران من 20 سنة وفاتحين باب بينا حق اليهال والأغراض .... كل شوي يات الخدامة وراحت الخدامة كل يوم طلبات .... بس وناسة كل يوم أكل غير شكل ....أشكال وألوان خاصة في رمضان ... الهريس والكباب والسمك والبلاليط .... يوعان والله ..... اللهم إني صائم

[amzo]

أيام البركة لا بد حترجع هالايام قولو يا رب

[كهرمان]

وجزاك الله خير

[نورهان88]

احنا عندنا جيران من 20 سنة وفاتحين باب بينا حق اليهال والأغراض .... كل شوي يات الخدامة وراحت الخدامة كل يوم طلبات .... بس وناسة كل يوم أكل غير شكل ....أشكال وألوان خاصة في رمضان ... الهريس والكباب والسمك والبلاليط .... يوعان والله ..... اللهم إني صائم




الله يكثر من أمثالهم هالجيران

وأسعدني مرورك الطيب ** يا دوحة الجميع

والله يحفظ الدوحة وهلها يارب


:thumbup:

[نورهان88]

أيام البركة لا بد حترجع هالايام قولو يا رب





يارب *** شاكرة لك مرورك

[نورهان88]

وجزاك الله خير




تسلم أخوييييييييييييييييييييي



omen

[حليتان*]

احنا الى الان موجوده هالعاده لكن مب واايد :) اخبر في بيتنا القبلي كنا ماجرينه لين يبرز بيتنا كانو عيال جيرنا دايم عندنا عشان شيرة الكنار ومرات يطلبون سلندر الغاز :)

واخبر كانت جارتنا تدرسني انا واخوي انجليزي

[نورهان88]

احنا الى الان موجوده هالعاده لكن مب واايد :) اخبر في بيتنا القبلي كنا ماجرينه لين يبرز بيتنا كانو عيال جيرنا دايم عندنا عشان شيرة الكنار ومرات يطلبون سلندر الغاز :)

واخبر كانت جارتنا تدرسني انا واخوي انجليزي




مشاءالله عليهم هالجيران هاي كله من طيبكم & ماهم مثل للي مايردون على جرس الباب