السفر عن طريق البحر من قطر الى البحرين..حد عنده فكرة؟؟

[بوجاسم 2009]

السلام عليكم

حبيت استفسر عن السفر عن طريق البحر من قطر الى البحرين..حد عنده فكرة و جرب؟؟

هو فالشمال بس في اي منطقة بالضبط ؟ كم التكلفة الروحة و الردة ؟ كم ساعة من قطر الى البحرين عن طريق البحر؟

خاطري اجرب

على حسب علمي بين قطر و البحرين 30كم او 35كم تقريبا في البحر بين قطر و البحرين

و الله اعلم

ياريت تفيدونا هالموضوع

تحياتي

بوجاسم

[الخفي]

(( ماعتقد فيه رحلات بحريه ))

[نون]

5 ساعات

[فارس الكلمة]

في السابق كان من مدينة الشمال .. ميناء الرويس ..

لكن السفن غير مجهزة لراحة المسافرين كما نشاهدها في الدول الاخرى ..

[بوجاسم 2009]

(( ماعتقد فيه رحلات بحريه ))

مادري والله ياخوك

سمعت ان فيه

بنشوف باقي الاعضاء

مشكور عالمشاركة

[بوجاسم 2009]

5 ساعات

ما اعتقد 5 ساعات عن طريق البحر

اذا بالبر 4 ونص اوصل البحرين

اشكرك عالمشاركة

[Chambray]

عبر ميناء الرويس يالغالي
اعتقد عبر لنجات الصيد تقدر تروح وترجع

[بوجاسم 2009]

في السابق كان من مدينة الشمال .. ميناء الرويس ..

لكن السفن غير مجهزة لراحة المسافرين كما نشاهدها في الدول الاخرى ..

يعطيك العافية عالمرور لكن حاليا موجودين ولا لا؟؟

[بوجاسم 2009]

عبر ميناء الرويس يالغالي
اعتقد عبر لنجات الصيد تقدر تروح وترجع

جزاك الله خير

بس صيد!؟ ولا ياخذ لين البحرين؟؟

تحياتي

[حسن]

الشيخ تقدر من ميناء الرويس والرحله تاخذ في الطراد حوالي ساعه واذا في لنج 3 ساعات وعندك في الشمال بن دسمال الكواري وحبيب البحريني اخبر يودون الناس

[بوجاسم 2009]

الشيخ تقدر من ميناء الرويس والرحله تاخذ في الطراد حوالي ساعه واذا في لنج 3 ساعات وعندك في الشمال بن دسمال الكواري وحبيب البحريني اخبر يودون الناس

طيب عندك عنوانهم او اي شي نتواصل معاهم

مشكور عالمشاركة

[البرونزي]

على ممشاك اخوي اذا مكاينك 200 وتمشي 65 او 70 بتوصل بعد ساعه تقريبا
واذا مكاينك 250 والريس حده وبتمشي فوق 75 بتوصل في ساعه الاربع تقريبا
وتختم وتسوي خروج في فرضة رويس.
لكن شوف لك حد سافر من قبل حتى يعطيك الدرب عدل لان في اماكن المياه فيها
ضحله وفيها فشوت يعني لو تعرف المسار الصحيح بتكون ماعندك اي مشكله
خذ قارمن حد مسافر وامش على نفس الخط وخل القارمن الثاني شغال عندك وخزن المسار
او اتبع حد بيسافر وترا الموضوع سهالات كلها ساعه او ساعه وربع وقبل تاكد من
الاحوال الجويه
موفق ان شاء الله

[بوجاسم 2009]

على ممشاك اخوي اذا مكاينك 200 وتمشي 65 او 70 بتوصل بعد ساعه تقريبا
واذا مكاينك 250 والريس حده وبتمشي فوق 75 بتوصل في ساعه الاربع تقريبا
وتختم وتسوي خروج في فرضة رويس.
لكن شوف لك حد سافر من قبل حتى يعطيك الدرب عدل لان في اماكن المياه فيها
ضحله وفيها فشوت يعني لو تعرف المسار الصحيح بتكون ماعندك اي مشكله
خذ قارمن حد مسافر وامش على نفس الخط وخل القارمن الثاني شغال عندك وخزن المسار
او اتبع حد بيسافر وترا الموضوع سهالات كلها ساعه او ساعه وربع وقبل تاكد من
الاحوال الجويه
موفق ان شاء الله

يعطيك العافية عالمعلومة الطيبة

حاليا انا و ربعي ندور واحد شاطر هالامور

اذا تعرف حد او عنوانهم طرش لي عالخاص يالغالي

تحياتي

[حسن]

بوجاسم انه مسافر فوق الخمسين مره من الدوحه ولا رويس واي معلومات تبيه ومن المسافه والاتجاه حاضر

[بوجاسم 2009]

بوجاسم انه مسافر فوق الخمسين مره من الدوحه ولا رويس واي معلومات تبيه ومن المسافه والاتجاه حاضر

مرحبا اخوي حسن

ممكن التفاصيل عشان الاخوان يستفيدون هالموضوع

سواء من الدوحة او من الرويس مافي مشكلة


تحياتي

[حسن]

ارسلي رقمك على الخاص وباشرحلك مافي وقت يابوجاسم

[JN000N]

في فرضة الرويس
من هناك تطلع تروح
وتصير رحلات يا باللنجات
والا بالطراريد

عموما انت تروح ومحد بيقصر معاك
بس من تقول ابي حد يوديني بيقومون فيك

[القلم الصريح]

في رحلات من قطر الى البحرين عن طريق مينا الرويس

تاخذ جوازك معاك او البطاقه الذكيه ، ومسافه الرحله من 40 دقيقه الى ساعه على حسب سرعه المركب

او الطراد او اللنج واذا كان الجو في هوا او لاء

وتكلفة الرحله اذا كنتوا مجموعه بتطلع على الشخص في حدود ال300 روحه ورجعه

وفي اشخاص اعرفهم يودوا مسافرين ، يوسف الكواري وفي حبيب البحريني

[بوجاسم 2009]

ارسلي رقمك على الخاص وباشرحلك مافي وقت يابوجاسم

تم الرد عالخاص يالغالي

[بوجاسم 2009]

في رحلات من قطر الى البحرين عن طريق مينا الرويس

تاخذ جوازك معاك او البطاقه الذكيه ، ومسافه الرحله من 40 دقيقه الى ساعه على حسب سرعه المركب

او الطراد او اللنج واذا كان الجو في هوا او لاء

وتكلفة الرحله اذا كنتوا مجموعه بتطلع على الشخص في حدود ال300 روحه ورجعه

وفي اشخاص اعرفهم يودوا مسافرين ، يوسف الكواري وفي حبيب البحريني

جزاك الله خير اخوي

ممكن ترسل لي عنوان او ارقام يوسف الكواري و البحريني عالخاص اذا مافي كلافة


تحياتي

[بوجاسم 2009]

في فرضة الرويس
من هناك تطلع تروح
وتصير رحلات يا باللنجات
والا بالطراريد

عموما انت تروح ومحد بيقصر معاك
بس من تقول ابي حد يوديني بيقومون فيك


يعطيج العافية

[شمعة الدوحه]

اول مره اعرف انه فيه رحلات بحريه :looking:

يالله ان شاء الله يكونون فادوك الاخوان

:thumbup:

[أبو بكر سالم]

والله شي عجيب يبيله

[KSK Logistic]

شباب حد عنده احداثية مركز جوازات وجمارك البحرين ،

[وطن]

الله أحس وناسه

[حمد 2002]

:telephone::telephone:

[حسن]

شباب حد عنده احداثية مركز جوازات وجمارك البحرين ،

ازل نقطه امنيه تلتقي فيها عند جسر خليفه ومن عفبها تاخذ اذن دخول على مبناء سلمان وبينهم مسافه بسيطه
وتروح هناك سكه العذاب غير الامريكان قبل يستقبلونك بمدفع رشاش اذا زريت مني ولا مناك
تروح من صيد امس
الاول ميناء المحرق سهالات ولا غثى الامريكان ولا المسافه بعيده
تطابق الفرضه الجمارك والجوازات في ويهك بينك وبيمهم 5 امتار اما الحين الله يعينك

[حسن]

:telephone::telephone:

هلا هلا

لك خاطر تروح ترا حاظرين ادل الطريق عدل وعقبها نروح شاليهات البندر
بالطراد كلشي مرتب عندهم وسهالات وننروح نتسبح في قطعه جراده
على رمالها الذهبيه
بحر يلمع تشوف الابره مهب هني السافليه الخايسه ام الدلخ

[حمد 2002]

بوعلي لو شريت لي طراد 18 قدم ولا 20 قدم نقدر انروح فيه انا وانت ؟

[ولد العرب]

بوعلي لو شريت لي طراد 18 قدم ولا 20 قدم نقدر انروح فيه انا وانت ؟

حسن ماعنده مشكله بيركبك على ظهره وبيسبح فيك لين بندر عباس اهم شي وافق انت ههههههههههههههههههههههه

[حسن]

بوعلي لو شريت لي طراد 18 قدم ولا 20 قدم نقدر انروح فيه انا وانت ؟

انا اسير لك لوح ولد العرب نسويه مجداف

انت تامر

الاخبار اللي سمعتها البارحه ان سوف يفتح ميناء المحرق وهذه بشاره ولا ميناء سلمان والامريكان
وغثاهم

[رجل الجزيرة]

اخبر واحد أكثر من 10 سنين من الربع كان عنده لنج لصيد السمك مرة عزمي أسافر معه للبحرين طبعا أول مرة فرفضت لكنه هو راح علشانه هو صاحب اللنج علشان يبيعهم هناك في البحرين.

[بوخالد911]

ومنكم نستفيد

[jassas]

حد وصل للنتيجة ؟

نبي الاحداثيات والمسافه

[مخطط قطري]

ش الله حادك ع الشقا والتعب 20 دقيقه وانت في البحرين من مطار حمد الدولي

[R 7 A L]

الموضوع قديم من خمس سنوات
هاه وش صار يابوجاسم