المساعد الشخصي الرقمي

مشاهدة النسخة كاملة : استفسار عن الفحص الفني اللي في الخور


البرونزي
31-08-2010, 05:51 PM
السلام عليكم ورحمة الله وبركاتة


عندي استفسار يالربع وين مكان الفحص الفني اللي في الخور بالضبط ؟
لاني اعتقد احسن من الصناعيه والزحمه بتكون اخف ومتى دوامهم ؟وهل اسوي التأمين قبل ماروح ومتى ادفع المخالفات ووين ادفعها في
الدوحه قبل ماروح ولا في مكان في الخور ؟

مشكورين ياجماعة مقدما وجزاكم الله خير
الحلال فقط
31-08-2010, 11:00 PM
اظن دوامهم سبت احد اثنين فقط
باقي الايام للشاحنات
ومكانهم قرب الاطفاء
والتأمين بيكون بعد الفحص والنجاح
ومرات بتحصل عندهم زحمة
بوسيف الهاجري
31-08-2010, 11:04 PM
وليش اتروح الخور
عندك الي في بو هامور
ما فيه زحمه نص ساعه وامورك خالصه
طلعة الروح
01-09-2010, 12:48 AM
اخوي انصحك خلك على الفحص الفني اللي في مسيمير نفس مانصحوك الاخوان يمكن لانه اقرب مكان واخف زحمة

حسب فهمي لموضوع التجديد ...

بالنسبة للتأمين تقدر تسوية قبل او بعد الفحص عادي لكن لازم تسوية وتودية معاك قبل ماتجدد الاستمارة لكن الافضل تسويه بعد النجاح في الفحص

اما دفع المخالفات يوم تخلص الفحص الفني وتنجح تودي الورقة ووثيقة التأمين المجددة أي مركز مرور قريب منك وهناك تجدد الاستمارة وبنفس الوقت راح يجيكون عالسستم ويطلبون منك تدفع المخالفات اذا في عليك مخالفات والاستمارة تصدر في نفس اليوم او ثاني يوم مش متأكده بصراحه...
طلعة الروح
01-09-2010, 10:45 AM
تصحيح :

اخوي نصيحه لا تروح تجدد التأمين بدون ورقة الفحص الفني
ماراح يرضون وعن تجربه

تحياتي
HEART_LION
01-09-2010, 11:57 AM
ما قصروا الشباب والله يوفقك
Abo Ahmed
01-09-2010, 01:31 PM
اخوي...

أنا رحت يوم 22/08/2010 على فحص الوكرة. وصلت الساعة 7:30 بالضبط وكنت طالع من عندهم على الساعة 8:15 بالضبط وبعدين على التأمين "القطرية العامة للتأمين وإعادة التأمين" مكتبهم جنب بوابة فندق السوفيتيل أخذ مني 25 دقيقة بسبب عدد الناس و450 ريال "VXR 98". وبعدين طلعت من عندهم على مرور سوق واقف. تقريباً 10 دقايق وكنت مخلص كل أموري.

المصاريف كانت كالتالي:

75 ريال فحص فني.
450 ريال تأمين ضد الغير "VXR 98" قبل رفع الأسعار الجديدة.
100 ريال ملكية جديدة.

أوقات الدوام في "فاحص" الوكرة:

7 الصبح لين 12 الظهر ويفضل تكون موجود قبل بربع ساعة من موعد الإغلاق في حالة نويت تروح الظهر.
8 المساء لين 11 المساء.

نصيحة:
أحسن وقت تروح فيه هو الصبح، تكون هناك 7:30 علشان تخلص أمورك على المرتاح.

إن شاء الله أكون أفدتك.

أخوكم

Abo Ahmed
البرونزي
01-09-2010, 04:57 PM
الحلا فقط
yamaha710
طلعة الروح
HEART-LION
Abo Ahmed

جزاكم الله خير على الافادة
وماقصرتوا والله

وبخصوص التامين لاتحاتون عندي
توصيل منازل خخخخخخخخخخخخ