السفر الى عمان

[عنابي وابيض]

السلام عليكم

وصباح / مساء الخير

انا ان شاءالله ناوي اسافر ثالث العيد الى عمان

وبأذن الله سياره

حبيت استفسر عن المناطق اللي ازورها

العمله بكم قطري؟ هل المعيشه غاليه والا رخيصه؟

وكم المسافه من قطر الى حدود عمان ؟

وين اروح مسقط والا صلاله

بالنسبه للسكن ابي فندق 5 نجوم قريب البحر والطبيعه

ابي منكم تفيدوني لو سمحتو

وشكرا

[عليان قطر]

ان شاء الله تجد رد من الشباب
وبالتوفيق
وانتبة للخط وعدم السرعه

[عنابي وابيض]

ان شاءالله

يعطيك العافيه اخوي

ماقصرت

وشكرا

[عنابي وابيض]

up
up
up

[فتى الحرمان]

اولا تروح وترجع بالسلامه اخوي

ثانيا الحدود تقريبا من الدوحه الى مركز سلوى نقول 100 كم ومن سلوى الى مركز البطحاء تقريبا حدود 125 كم وبعدين دش مركز الغويفات وخط السلع في حدود 340 كم ( اذا مسافر بالليل انتبه من الضباب على خط السلع ) ولما توصل المفرق ( طبعا الحين تصليحات انتبه للتحويلات ) بتروح للعين تقريبا حدود 120 كم او اكثر وبعدها حدود عمان البريمي ومن البريمي لين دوار وادي الجزي 100 كم ( انتبه منحدارت كثيره ) ومن الدوار تاخذ يمين ولين ما توصل مسقط العامره . ( والحسبه عندك )

الافضل حاليا في هذا الوقت تروح صلاله لوقت الخريف مع رغم انه في نهاياته حاليا - واذا فضلت تتم في مسقط انصحك بفندق البستان من اروع الفنادق وعلى البحر وبين الجبال - وذا ناوي تزور مناطق انصحك جبل شمس والجبل الاخضر بالداخليه وطبعا منها نزوى وبهلا - وبالمنطقه الشرقيه الاشخره للجو ال ماله حل + صور ولا تنسى تمر صوب كهف مجلس الجن هههه.

بالنسبه للعمله الريال العماني تقريبا ال 9.4 للصرف ( في 1000 qr تقريبا 105.500 or ) واحسن شي تصرف من قطر عماني وانصحك بصرافة السد يعطون اكثر ههههه -- بالنسبه للمعيشه رخيصه مقارنه بقطر بس الفنادق غاليه شوي

وبالتوفيق في الرحله وحاضرين لو تبي نروح معاك خخخخخخخخخخخخ

[عنابي وابيض]

يعطيك العافيه اخوي فتى الحرمان ماقصرت

يعني المسافه تقريبا 800 كيلو تقريبا 9 ساعات

ماشاءالله يمدحون صلاله الحين ناوي ان شاءالله اذا رحت بنزل في مسقط

اما كهف كهف مجلس الجن هذا خلنا بعيد عنه ههههههههههههه

يعطيك العافيه اخوي

وحياك الله

شكرا