مكيفات المناعي

[OTBD]

السلام عليكم ياشباب في حد منكم جرب مكيفات توشيبا من شركة المناعي

واشرايكم في مكيف دكت المناعي اوكي ولا ماتنصحوني وشكراً

[Chambray]

توشيبا ممتازة جداً والله

[السد]

اهم شي ان يكون المكيف نظام البستن
توشيبا نظامه روتري ما ينفع لجو الدوحة

[OTBD]

مشكورين على الردود يالغاليين

[captin]

التوشيبا القديم الياباني كان زين وللحين شغال عند كثير من الناس ويمدحونه
لكن الحين جابوا التوشيبا تجميع الصين وتايلند وما اشوف عليه اي اقبال

كان تبي تريح نفسك

ميتسوبيشي

جنرال

فوجي

[بولينجر]

دائما نشتري من التوشيبا وتكييفهم ممتاز.....

[شمعة الدوحه]

جنرال القديم :thumbup:

[qatari1]

هناك نوعين من المتسوبيشي...

إلكتريك، ودايا. فما الفرق؟!

[ana_ana]

السلام عليكم ياشباب في حد منكم جرب مكيفات توشيبا من شركة المناعي

واشرايكم في مكيف دكت المناعي اوكي ولا ماتنصحوني وشكراً

عليكم السلام ورحمة الله وبركاته


نصيحه ابتعد عن هذه الشركة بكافة منتجاتها المنزليه لاتكيف ولا افران بصراحه خدمتهم مابعد الببيع جداً سيئة وغير هذا بضاعتهم ماتعمر وسريعة العطل والغريب انه ماتتوفر عندهم قطع الغيار لمنتجاتهم لو حصل لها عطل ومحتاجه قطعة غيار هذا بخصوص افرانهم

ونصابين بخصوص المكيفات انا اخذت منهم مكيف على انه بستن وماكمل عندي سنتين الا اخترب وطلبتهم للصيانه ولما جوني عمالهم شيكو على المكيف قالو الكمبريسر يليك ايل ويبي له تغير فأشوف حجم الكمبريسر صغير فسألت الفني هذا بستن ولا روتري قالي هذا كمبريسر روتري فأنصدمت لني شاريه على اساس انه بستن بس غشوني وحسبي الله ونعم الوكيل *

[وبشرالصابرين]

كمل معانا 3 سنين زين والحين اشوفه يخر علينا ماي وشوي صار حار مايبرد