المساعد الشخصي الرقمي

مشاهدة النسخة كاملة : بغيت رايكم باالاشتراك بخدمة البرود باند الجوال


The Queen
01-09-2010, 08:03 PM
السلام عليكم ورحمة الله وبركاته


انا حابة اني اشترك في خدمة البرودباند الجوال 21 ميجا بت واللي يقولون انه توصل فيها سرعة التحميل الى 2 ميجا بايت .

بس اللي محيرني في الموضوع شيين وهم اني سمعت انه البرود باند الجوال الباقة الغير محدودة فقط اسم انها غير محدودة وما اقدر احمل منها غير 20 جيجا بالشهر فهل هذا الشيئ صحيح ولا لا للعلم اني اتصلت بكيوتل من قبل شهر واستفسرت عن الموضوع وقالوا لي صح الكلام واليوم اتصلت وقالوا لي لا يكون التحميل مفتوح

والشي الثاني بالنسبة لللأرسال في احد من الشباب هني ساكن في مسيمير عشان يخبرنا ان كان الارسال تمام ولا لا بالمنطقة ولا لا

وعساكم ع القوة ان شاء الله

تحياتي

أختكم The queen
qatar121
01-09-2010, 08:44 PM
هلا كوين*
انا عندي واحد ترى مفتوح تقدرين اتنزلين على راحتج
ترى كل منطقة ولها سرعه وانا اروح مجلس في مسيمير والسرعه هناك حلوة
The Queen
01-09-2010, 09:04 PM
طيب ياخوي اللي عندك كم سرعته ؟؟


اذا 21 ميجا بت

رقمك ع الخاص بلييز
م. عبدالعزيز
01-09-2010, 10:21 PM
انا انصحج بالبدايه تجربين الخدمه عن طريق برودباند مسبقة الدفع،، مثل ما انا سويت .. جربت خدمة مسبقة الدفع وشفتها اوكيه وبعدين خلصت اللي كنت احتاجه فكنسلت الرقم،، لانه الاشتراك الشهري مشكلته انه عليه التزام 3 شهور واذا كنسلتي قبلها راح تدفعين قيمه أول 3 شهور.

شوفي البرودباند مسبقة الدفع اول مره تدفعين 250 ريال يعطونج اشتراك غير محدود لمده 10 ايام
اعتبريها تجربه
http://www.qtel.qa/Mob_BrdbandPost_Sub.do?trans=ar&null

واذا عجبتج وحبيتي تشتركين حوليه لنظام الفاتوره واستخدمي الخدمه.. واذا ماعجبتج بامكانج تكنسلين خدمه البرودباند مسبقة الدفع وماراح يدفعونج قيمه 3 شهور... وتقدرين تستمرين في خدمة البرودباند مسبقة الدفع وتعبين 90 ريال = 3 ايام، و250 ريال فيه 10 ايام ، و450 ريال لمدة شهر .. التعبئة تكون عن طريق مكينة كيوتل...

ان شاء الله قدرت اخدم الاعضاء بتجربتي للخدمه... للعلم السرعه عندي وصلت 3ونص ميجابت/ثانيه باستخدام وصله قديمه عندي (بو 7 ميجا)
باسكن روبنز
01-09-2010, 11:46 PM
حسب علمي انه سرعة البرود باند هو 21 ميغا ،

بس نطاق التغطيه في قطر لايتعدا 2 ونص ميغا! ،

يعني طاقة استيعاب الجهاز لاتغرج واجد صج الجهاز قوي لكن شالفايده اذا قوة الارسال محدوده ،
The Queen
02-09-2010, 12:00 AM
يعني اخوي كم راح توصل سرعة التحميل بالبرودباند عموما ؟؟
A-Alansari
02-09-2010, 12:33 AM
حسب علمي انه سرعة البرود باند هو 21 ميغا ،

بس نطاق التغطيه في قطر لايتعدا 2 ونص ميغا! ،

يعني طاقة استيعاب الجهاز لاتغرج واجد صج الجهاز قوي لكن شالفايده اذا قوة الارسال محدوده ،

بس اخوي الي اعرفه انه مو مثل مامكتوب تحصل السرعه

يعني لو عندك اشترك 2 ميجا سرعه الداونلود تكون 280 وتحت كيلو بايت في الثانيه

يعني ال 21 ميجا اظن سرعه الداونلود فيها 2 ميجا ونص بصراحه سرعه خياليه وخصوصا للي يحملون افلام وبرامج احجامهم كبيره
The Queen
02-09-2010, 12:58 AM
لا ياخوي يجي نفس اللي مكتوب بس في فرق بين البت والبايت

اللي يجيك في الاعلانات يكون بالبت اما اللي بالتحميل يجيك بالبايت
interista
02-09-2010, 11:31 AM
Anaaa 3ndee broadband 21 mega aljdeeed mn qtel 9raaa7h sreee3 ma 3leeeh klaaam an97j feeeh lo t7mleeen aflaaam w braamj wayed Ana a7ml aflaaam w mslslaat wayed ok kl shy tmam
Qt.1
02-09-2010, 12:47 PM
خدمه فاشله , نصيحه لتعورين راسج وياهم :)
fantasy
02-09-2010, 07:01 PM
اسم بس 21 ميغا مصدقين انتوا بريطانيا ماوصلوا هالسرعه تبون زباله كيوتل توصل هالسرعه كله خدعه واسالوا مجرب
The Queen
03-09-2010, 08:57 PM
انا كنسلت سالفة البرودباند و السبب هو download limit ما راح اقدر احمل خلال شهر الا 15 جيجا كحد اقصى والكلام هذا مكتوب في موقع كيوتل


وبالنسبة للي كاتبه فانتسي ف احب اقولك حسابك غلط بالسالفة في فرق بين البت والبايت

وبالعربي 21 ميجا بت = 2.6 ميجا بايت واللي هو سرعة التحميل

وطريقة الحساب هي 21 * 1024 / 8 = 2688 كيلو بايت