بغيت هديه لزوجتي .. من تقدر اتسويها لي ..

[jojo]

السلام عليكم

اخواتي الاعضاء

انا ولد بس حبيت اطلب شي معين اذا ممكن

حبيت اني اسوي لزوجتي هديه خاصه لانها زعلانه علي اشوي

وحبيت اراضيها

فياليت اللي اتعرف اتسويلي او اتنسقلي هديه مكونه من اغراض نسائيه وورود

ياليت اتقولي

لاني سبق وسويتلها هديه عباره عن شنط مليانه ميكب

فحبيت اغير هالمره

ياليت اللي عندها استعداد اطرشلي اقتراحاتها وطريقة الهديه على الخاص

وسوري للازعاج

تمنياتي لكم بالتوفيق

[شمعة الدوحه]

انا اقترح تاخذ لها شنطه وعطور هالمره

شوف العطر اللي تحبه

وقدمها لها بطريقه حلوه

يعني تحطها بمحل وتخليهم يتصلون لها ويقولون فيه لج اغراض

وحط بوسط الهديه بطاقة اعتذار وعبر فيها عن ندمك

واذا تبي تدخل بالهديه شي فكاهي يضحك

علشان يوم تستلمها تضحك على حركاتك

وتستانس يوم تقرى الاعتذار

لانه اذا خذت الهديه قدامك يمكن ماراح تبين لك هالاشياء :thumbup:

[شمعة الدوحه]

اممممممم

نسيت شي اللحين العيد قرب

اذا تلفونها قديم اخذ لها آخر تلفون


والله يصلح من بينكم ان شاء الله :yu:

[jojo]

الزعل بسيط جداا يعني مش هذاك الكبير

ولاكن لازم الزوج يهدي زوجته في السنه على الاقل هديتين في غير المناسبات

وانا طلبت شخص ينسقه لي يعني يسوي كل شي ويجهز الاغراض مغلفه وانا استلمها

هذا اللي طلبته

ولا الاشياء هذي بسيطه لاكن ابي شي لمسة نسائيه لان البنات يعرفون شيحبون

اكثر من ذوق الشباب ..

تحياتي لكم

[شمعة الدوحه]

الزعل بسيط جداا يعني مش هذاك الكبير

ولاكن لازم الزوج يهدي زوجته في السنه على الاقل هديتين في غير المناسبات

وانا طلبت شخص ينسقه لي يعني يسوي كل شي ويجهز الاغراض مغلفه وانا استلمها

هذا اللي طلبته

ولا الاشياء هذي بسيطه لاكن ابي شي لمسة نسائيه لان البنات يعرفون شيحبون

اكثر من ذوق الشباب ..

تحياتي لكم

عادي موب لازم توصي احد
ترى حلاتها تكون انت اللي تاعب عالهديه افرض مثلا وحده جهزتها وغلفتها وانت استلمتها
وبعدها زوجتك تسألك تقولك من وين خذت الشي الفلاني
او كم سعره وانت ماتعرف عن أي شي بتتوهق وقتها :strong2:
يفضل انه يكون ذوقك واختيارك لانك انت اللي معاشرها وتعرف اللي تحبه واللي ماتحبه
انزين ابسط شي تاخذ لها ساعه من الجابر اللي بالسيتي
واذا تبي تغليف حلوو
روح اكسبو سنتر اللي بالدور الثالث تغليفهم وايد حلووو ومرتب
انت تختار لون التغليف والشرايط يعني تقدر تختار لها احمر او وردي
في نص ساعه تقدر تخلص وماراح تضيع وايد من وقتك

[هواجس _q6r]

الله يخليكم لبعض ويهنيكم ان شاء الله

واذا عندك خوات يساعدونك او خل الوالده تساعدك

[أحمــد]

نصيحتي لك اخوي

احجز ليله في فندق وبلغ الفندق انك مسوي حفلة لزوجتك

واذا تقدر تتعب شوي وتترس الغرفه ورد او من الفندق نفسه


وبخصوص الهديه السلام عنده تنزيلات يعني لايفوتك

خذ عطورات ومعطرات ووووووالخ

روح الاند مارك في محل تغليف خذ صندوق وخله يصفه لك ويرتبه وقبل لاتاخذ زوجتك من البيت ود الهديه وحطها في وسط الغرفه

وبخصوص الورد انصحك تحط في الحمام الله يعزك مع رغوه ودعيلي


لاتنسى تدعيلي

ولا تنسى تبخر الغرفه او عود طيب صدقني بتدعيلك زوجتك والله يخليكم حق بعض ياخوي

[لوردغاليري]

الله يصلحكم

[الريتاج]

الله يوفقكم و يخليكم لبعض

[أم شيوخ]

احمد انا معاك....
انا متزوجه وطبعا احب لو ريلي يسويلي هالحركه والله بستانس وااايد وااايد احنا يالحريم نحب احد يدلعنا شوي من فتره لفتره وهاي الطريقه بصراحه وااايد حلوه والحين عندكم فنادق وااايد طب وتنقى واقولك احلى شي اخذ الغرفه الي حجزتها يوم عرسكم بتشوفها حتى يمكن من الوناسه بتصيح وحط لك شنطه صغنونه من ملابسك واهي شنطه حط لها انت اغراضها مثلا تشتريلها الي تبيه وبالخش وده :)
والله يوفقكم ان شالله

[فكتوريه]

الله يصلح مابينكم يارب

[انا حره]

الله يصلح مابينكم المره تكفيها لوو ورده وتقولها اسف :)

بس اذا مصمم خخخخخخ

خذلها عطور مع ساعه كشخه جاي العيد خلها تكشخ

[جلامور]

الله يخليكم حق بعض
هاي الهوشات لازم تصير ... وحلاتها أصلاً
ملح وبهار الحياة

انزين أخوي كم ميزانيتك ومتى تبي الهدية وأنا بسويها لك (من إلى)

تقبل تحياتي

[هارودز]

سافر معها في العيد احلا شي

[شمسة]

سافر معها في العيد احلا شي

:thumbup::thumbup::thumbup:

[احساس الدوحة]

طبعا لو ميزانيتك كبيره مافي الا الذهب

ولو متوسطه عطور ماركات

عطني ميزانيتك وانا انسق لك احلى هديه لو تحب

[راية الفخر]

روح الرويال بلازا اللي في السد ..

اول شي روح الجزيره للعطور وخذ لها غرشة عطر مخلط + علبه فخمه فيها عود
وعقب مر على باريس غاليري وخذ لها ساعه او اكسسوار من ديور او اي ماركه ثانيه + عطر فرنسي جديد
وعقب انزل تحت عند راعي الورد وخله يحط لك الهدايا في باقة ورد مرتبه وان شاءالله تعجبها الهديه والله يهنيكم ويسعدكم ولا يغير عليكم .. واذا اعجبتك الفكره ادعي لي دعوه طيبه

[aminasalam]

السلام عليكم

اخواتي الاعضاء

انا ولد بس حبيت اطلب شي معين اذا ممكن

حبيت اني اسوي لزوجتي هديه خاصه لانها زعلانه علي اشوي

وحبيت اراضيها

فياليت اللي اتعرف اتسويلي او اتنسقلي هديه مكونه من اغراض نسائيه وورود

ياليت اتقولي

لاني سبق وسويتلها هديه عباره عن شنط مليانه ميكب

فحبيت اغير هالمره

ياليت اللي عندها استعداد اطرشلي اقتراحاتها وطريقة الهديه على الخاص

وسوري للازعاج

تمنياتي لكم بالتوفيق


هلا اخوي عندة تغليفة حلوة

اذا تبي راسلني

[أبو بكر سالم]

أم تنون ذكرتيني بالفندق الى صار فيه عرس الحريم ولي قعدنا فيه (هدوة)شسوي ههههههههه

[تلفزيون قطر]

روح الرويال بلازا اللي في السد ..

اول شي روح الجزيره للعطور وخذ لها غرشة عطر مخلط + علبه فخمه فيها عود
وعقب مر على باريس غاليري وخذ لها ساعه او اكسسوار من ديور او اي ماركه ثانيه + عطر فرنسي جديد
وعقب انزل تحت عند راعي الورد وخله يحط لك الهدايا في باقة ورد مرتبه وان شاءالله تعجبها الهديه والله يهنيكم ويسعدكم ولا يغير عليكم .. واذا اعجبتك الفكره ادعي لي دعوه طيبه

بصراحة على كلامج هذا حسستيني انه انتي الي مأجرة الرويل بلازا ماشاء الله عليج حافظه المحلات عدل هههههههههههههههههههههههههههه

اسمحيلي بس اعجبني وصفج حسيتج متحمسه للموضوع

[تلفزيون قطر]

هذي مشكلتنا يالريايل نزعل البنت بعدين انتوهق اشلون نرضيها الله يعينك والله

ههههههه:tease: ههههههه

[مشتاقة لقطر]

امممممم متى تبيها ؟؟ اذا يمديني ممكن اسوي لك وانت مجرب منتجاتي

[ام صقر]

مرحبا اخوي
بالنسبه لي انا وحده اذا زعلت ماحب العطور كلش لان الذوق يختلف من شخص لين شخص
ممكن تاخذ لها شي ما يختلف عليه اثنين
ممكن تسوي لها باقة ورد وتحجز لها في العيد وتسافرون مكن قريب حتى لو يومين وتحط تذاكر السفر في ظرف مع باقة الورد ..
زوجي سوى لي شي مشابه لما تزاعلنا وبصراحه استانست واااايد وماتوقعت ..
عالعموم هذا راي .. والله يصلح بينكم ان شالله

[xtreme]

بالتوفيق اخوي تجد الشيئ المناسب

ولا يوجد افضل من ان تهادي المقتنيات القديمة
مجموعة عالمية نادرة من العملات الورقية القديمة
او مجموعة قيمة جدا من الطوابع العالمية
او مقتني نادر
كل هذا لدي ان شاء الله وابيعة لمن يحب يهادي بالقيم النفيس ورجال كثيرون يسعدون بذلك

واخوات كثيرات طلبن مني من قبل لكن صراحة كانت تهادي زوجها او اخيها ههههه

تحياتي

[USB]

أخوي عندي لك شي مميز و راقي يحافظ على قيمته و شكله طول العمر إن شاء الله

و شرط بتشوف الضحكه من الشق للشق :)

راسلني عالخاص و فالك طيب

الله يصلح حالكم و يهدي نفوسكم و يوفقكم

[رمــش الغلا]

احجز لها ليلة في حياة جراند

والله يصلح بينكم ان شاء الله

[همس QA]

هلا اخوي الله يديم محبتكم وياحلات التراضي بعد الزعل يقربكم اكثر
انا اشورك خذها لأجواء فندق دابليو الدوحه وخلها تستمتع وفاجأها بهديه حلوه
سولها شيء في خاطرها كان من قبل
وايد شغلات تقدر تسويلها
المره قلبها كبير وحتى لو راضيتها بكلمه وبوسه بترضى
او تقومها الصبح بريوق وجوء وطلعها تدورون برع طول اليوم وبالليل اعزمها مطعم او اذا بغيت تضيف تهديها قطعة ذهب

[bojassem13]

.


اشتر لها خيشة عيش هديه

وقول لها تسوي لك احلى غدا
بس ما وصيك غلف الخيشه بغلاف لونه وردي على اساس انك رومنسي

والا قول لها انك بتتزوج عليها

صدقني بترضى على طول وهي اللي بتجي تراضيك

خخخخخخخخخخخخ

الله يخليكم حق بعض ويديم المحبه ان شاء الله :)
.

[!.توته.!]

^

ينخاف منك بو جاسم

~_~

[بـــــــنت النوخـّــــذه]

شنطه من قسم الماركات في فيلاجيو او خاتم ألماس من فيرساي الي في المركز(السنتر) يسوي خصومات جامده وخلصنا 00000000000

هذا غرام الحريم ^________^ وحطها بكيس المحل لاتزين ولاتعب عمرك

والله يجعل ايامكم كلها سعاده وفرح

[مساهم متوهق]

صراحه تضحكون على هالردود اللي قلتو الرجال صار له شهرين منزل الموضوع شكله هو الحين اللي يبي الهديه من الزوجه

[s.a.m]

الله يصلح بينكم
الاخوان والاخوات ماقصروا صراحه
حتى اللي مب زعلانه من زوجها بتزعل علشان يسويلها نفس الشي
بس اهم شي قبل الزعل تتأكد انه بيسويلها