ويـن حمايـة المستهلك عن فودافون!!!!!!!

[CH Engineer]

السلام عليكم ورحمة الله وبركاته

اترك لكم الصور تتحدث
بس عندي سؤال ليش مانشوف حد يردع مثل هالجهات! ليش الاستهزاء بعقـول اهل قطر!
ليش هالمبالغه في الاسعار! مع العلم ماعتقد حد غبي لهالدرجه وبياخذ بهالسعر! نبي نعرف السبب !!!!!!!!!!!
احتمال يكون السبب عشان فودافون ماتعوض الي اخسروا على الارقام قبل البدالة الجديدة؟


http://www4.0zz0.com/2010/09/01/19/650715100.png

http://www2.0zz0.com/2010/09/01/19/278277001.png


على الاقل طرشولهم الخرجي يخالفهم قدام مكاتبهم يبرد حرتنا فيهم :anger3:

[إينشتاين]

هههههههههههههه

من صجهم هذولا

بس الرقم الثالث في اللستة الآولى ماله حل ،، كل رقم في وادي

[كاروهات]

وين المشكلة

عادي

تبي اشتري ما تبي كيفك

الصراحة انا ما شوف شي غلط في فودا فون

[آلصآحب آلجديد]

هالاسعار اشوفها ولا شي دور بعد بتحصل ب 5 ملايين ..هههههه

[La Bella]

هاهاي يستهبلون على الناس

[القمه]

السلام عليكم ورحمة الله وبركاته
هنا سنقف عند نقطه مهمه للغايه >>الذين يشترون
الأرقام بقيمه عاليه وهم ليسى بحاجه إلى هاذا المبلغ
تذكر أخوانك وأخوتك ،،الذين بحاجه إليه ويطلبون ربهم فك كربتهم
فلاتبذر باموالك في اشياء في نهاية المطاف فراغ ووهم وليسى له
أي قيمه هناك أسر تنظر إلينا نحن أصحاب المال تحتاج من يسندها
ويقف في مواقفهم صعبه >>وتلك شركات تنتهز فرصة أقلية العقول
الصغيره لكي تستثمرها وتجنيها إلى نفسها ،،طلق عليها بورصه شركات
لتي توهم البشريه بها ،،أيوها الإنسان الذي شتريت رقم هاتف بمليون
ريال قطر منذا 10 سنوات تقريبا >>سؤال لماذا لم تعطي لمن ينتظر
وينظرون إليك أخوتك المحتاجين وحاجتهم الماسه إليه .
أخواني وخواتي المواطنون في هاذا البلد >>أخوتكم لهم الحق به أي مبلغ
وأنتم في غنى عنه فقدمه فلم تخسر شيئ تأكد<<

[CH Engineer]

هههههههههههههه

من صجهم هذولا

بس الرقم الثالث في اللستة الآولى ماله حل ،، كل رقم في وادي

والله انت الي مالك حل :thumbup:
يعطيك العافيه على المرور

[CH Engineer]

وين المشكلة

عادي

تبي اشتري ما تبي كيفك

الصراحة انا ما شوف شي غلط في فودا فون

اختي مايصير احنا بدولة لها سيادتها واحترامها في لجنة لحقوق الانسان وعندنا حماية المستهلك
احنا مب بزريبه!!
بكره العالم بتبيع مخدرات وخمور على ارصفة الشارع اتمنى مايكون موقفج مثل هالموقف!!
تبي اشتري ماتبي كيفك :no:

[CH Engineer]

هالاسعار اشوفها ولا شي دور بعد بتحصل ب 5 ملايين ..هههههه

اي شفتهم بس تتوقع لو عرضت عليك هالارقام ب 1000 ريال بتشتريهم مني :nono:

[CH Engineer]

هاهاي يستهبلون على الناس

نبي الي يأدبهم :strong3:

[CH Engineer]

السلام عليكم ورحمة الله وبركاته
هنا سنقف عند نقطه مهمه للغايه >>الذين يشترون
الأرقام بقيمه عاليه وهم ليسى بحاجه إلى هاذا المبلغ
تذكر أخوانك وأخوتك ،،الذين بحاجه إليه ويطلبون ربهم فك كربتهم
فلاتبذر باموالك في اشياء في نهاية المطاف فراغ ووهم وليسى له
أي قيمه هناك أسر تنظر إلينا نحن أصحاب المال تحتاج من يسندها
ويقف في مواقفهم صعبه >>وتلك شركات تنتهز فرصة أقلية العقول
الصغيره لكي تستثمرها وتجنيها إلى نفسها ،،طلق عليها بورصه شركات
لتي توهم البشريه بها ،،أيوها الإنسان الذي شتريت رقم هاتف بمليون
ريال قطر منذا 10 سنوات تقريبا >>سؤال لماذا لم تعطي لمن ينتظر
وينظرون إليك أخوتك المحتاجين وحاجتهم الماسه إليه .
أخواني وخواتي المواطنون في هاذا البلد >>أخوتكم لهم الحق به أي مبلغ
وأنتم في غنى عنه فقدمه فلم تخسر شيئ تأكد<<

الله يجزاك الف خير اخوي
والله كلامك من ذهب واتمنى الكل يقرأ هالرد

[Al-Kuwari]

اذا هالارقام على 30 الف

عيل انا اعرض عليك رقمي XXXYYYAZ بـ 120 الف ها تشتري ؟ :eek2:

[قلب الدوحة]

77421112

موجود في الموقع ومتوفر وسعره 20000 ريال على شنو

[ابو ضمير]

لا لا فودافون ما سوت شي هي ما قصت على العالم بلقمتها ولا من الاشياء الضروريه
هي كل ما في الامر انه شافت انه في مخبل يشترون هالارقام فقالت ليش احنا من نستفيد من فلوسهم
وعاد في النهايه القرار لك اذا تبي تشتري اشتر ما تبي كيفك
وبعدين انت لما تدفع الفلوس بتدفعها بدرايه وعلم منك انت يالمشتري

[وحيد بغربتي]

بصراحه انا شريت رقم من عندهم قبل شهر بقيمة 50000 ريال قطري

وهذه صيغته 7777xxyy

ولين الحين مافتحته من علبته

ولو ترجع الايام ماشريته

[The Blade]

الله يرحم والديك هذا ولا شئ
مره رحت لهم في الفرع وكنت استفسر عن شئ رحت ادور عن رقم مشابه حق رقمي
تتوقع ابكم حصلته؟

٥٠٠٠٠٠٠ ريال نوط ينطح نوط , قريت الرقم اكثر من مره وماصدقت وقلت حق المبيعات الضاهر في خلل في الكمبيوتر قالوا لا السعر حقيقي !!

شوف الاسعار :

http://img.skitch.com/20100901-ngtb3nu53jj1g9kn4s1n17iq4g.jpg

[العقل الحر]

فودافون داخله على طمع كبير كبير وتحسب كل واحد عنده بير نفط في بيته

والاسعار مبالغ فيها جدا ومستخفه في عقولنا

ماقول الى بسنا خرابيط

[بوخالد الذيب]

لاقيه مهابيل تقص عليهم وين المشكله ؟؟!!!

لا ويطالبون الدوله بدفع الديون!!!!!

الدوله يوم تشوف مثل هذولا تقول ليش نسدد عنهم مهابيل ويلعبون بالفلوس

شلون ترى بنقترح على الدوله اذا قررت دفع الديون تيحث قبل عن كل واحد شاري ومسجل في كيوتل أو فودا فون أو فيرجن أو المرور على انه مميز وقيمته اللي دافعها فيه أكثر من 1000ريال مايشمله القرار0

وانا اعتقد الدوله ماراح تغفل هالموضوع لو حصل نصيب

[الـقـاسـي]

ههههههههههه والله شي يضحك المشكله في خبلان يشترون بهالاسعار تهقون يعني لو فودافون ماتبيع الارقام بهالسعر بيتمون على عرضهم ..
انا شريت رقم من عندهم xxxyyyas بـ 750 ريال مناسب سعره وبعد متحسف عليه ..

[][ الوحيد ][]

عادي ,,

77004000 بــــ مليونين فالموقع

:)

[al-sadd]

^^^^
اذا هالرقم بمليونين
عيل ٧xxxxxxx بكم ؟!!
ياعمي كلها على بعضها ارقام يعني انا اموت واعرف
المخبل الي يشترون ارقام مميزه الي على ٣٠ و٤٠ و٥٠ الف على شنو !
قلنا رقم مميز بالفين ولا ٣
اما ٥٠ شدعوه ! حق المزوبي بين الناس !!
هههههه اتمنى اتصير ارقامنا مثل امريكا ستين الف رقم
ابي اشوف اللميز شلون بيطلع هههههه

[بوجاسم566]

:)

هم رافـعين الاسعـار هاليومين

لانهم موزعين قسـائم شـراء

بحدود الـ 20 الى 50 الف على المساهمين

ومن يومين وزعو قسيمة بـ 1000 ريال مع جريدة العرب

يعني لو خلو الاسعار مثل ماهي ماتمت ارقام مميزة

[رجل الجزيرة]

نعم فودافون لهم الحق يستعبطون على القطريين لأن القطريين إلي يروحون لهم أصلا أغبياء فثلاثة عندهم أصلا عشرة شرائح أرقام فودافون مهيب شيء ب 3000 و 3500 ريال طبعا لازم يعبيهم رصيد في فودافون فرع المعيذر التجاري، الصراحة أنا إنقهرت.

[باسكن روبنز]

وين المشكلة

عادي

تبي اشتري ما تبي كيفك

الصراحة انا ما شوف شي غلط في فودا فون

في شي اسمه عقل وشي اسمه استخفاف بالعقول ،

المسأله أكبر من (تبي تشتري ولا ماتبي بكيفك) ،



الا لو فلوسج زايده ذي كلام ثاني ،:no:

[الصريحه]

صراحه الغلط على الشباب اللي يعطونهم وجه
والله لو لقوا الارقام طاحت في كبدهم وان المواطن مايستغبى كانوا عدلوا الارقام
خلوها عندهم ابرك تخيس وتاليهم بيوزعونها مع الجرايد

[بنت ابوها 19]

من زين الارقام مادقتهم الحلا

[JN000N]

هع :eek2: :eek2:
يمكن ثلاثين ريال لا اكثر :eek2:

لو يعطوني هالارقام ببلاش ما خذتها مب من حلاتهم

[الخنجر]

بصراحة اسعار مغرية جداً ..

لانه انت الرقم الي فيه ارقام مكونة من 2010 بتحصله غالي .. صح .. وسنة 9000 سعر الكرت بيظرب .. صح ولا لا .

خليك ذكي حق عيال عيالك .. خخخخخخخخخخ

[لابس بشت]

هي فتره وبتطيح الارقام في جبودهم وبينزلون الاسعار
يعني في ذمتكم فيه عاقل يشتري هالارقام البايخه بهالاسعار؟؟
فيه ناس تدفع لكن في ارقام تسوى
بصراحه ولا رقم يسوى حتى 2000 ريال
عطوهم وقت وبيعدلون فالاسعار

[بوخالد911]

بل

الله يعيين

[qatari 111]

يمكن تكون الارقام هاذي عداد مفتوح من غير فواتير

[ريم المدينة]

:)

هم رافـعين الاسعـار هاليومين

لانهم موزعين قسـائم شـراء

بحدود الـ 20 الى 50 الف على المساهمين

ومن يومين وزعو قسيمة بـ 1000 ريال مع جريدة العرب

يعني لو خلو الاسعار مثل ماهي ماتمت ارقام مميزة



متى وزعوا؟؟ :looking::looking:

[بوجاسم566]

متى وزعوا؟؟ :looking::looking:

من اسبـوع...!!!

روحـي جيـكي البريـد واذا ماوصل بيوصلج خلال هالاسبوعيـن

[مساهم فنان]

شافوا كلن يغلي في هاالبلد قالوا انغلي ، أنا رقمي مميز جدا وبعد زيادة رقم صار أكثر تميزا 3 أرقام متشابهة ورقمين متسلسلين و3أرقام متشابهة ، اشتريته منهم ب1500ريال ، الحين أكيد (على حسبتهم )يساوي 50000أو 60000

[مساهم فنان]

:)

هم رافـعين الاسعـار هاليومين

لانهم موزعين قسـائم شـراء

بحدود الـ 20 الى 50 الف على المساهمين

ومن يومين وزعو قسيمة بـ 1000 ريال مع جريدة العرب

يعني لو خلو الاسعار مثل ماهي ماتمت ارقام مميزة
أنا وصلتني قسيمة ب25000ريال ، أقسم بالله العظيم إني قطيتها في الزبالة ..............

[CH Engineer]

الله يعطيكم العافيه..
الموضوع مفتوح لكل واحد يشعر بظلم من شركة فودافون

ليش تعاملنا بهالاسلوب مع ان معاملتها للمشتركين بالفروع الثانيه خارج قطر غير!!

بس شباب بخصوص القسائم
انا ماوصلني شي ليش..
انا من اول المشتركين وعندي رقم مميز ماخذه منهم
وعندي اسهم فالشركة..
يمكن لاني نزلت الموضوع :tomato: