:: مشروع :: جديد :: مبتكر :: اتمنى اشوووفه في قــــــطر وفي العالم كله ::

[نجمة سهيل]

:eek2:



عندي مشروع جديد
يحاكي " ستار بكس " اليهودي " :anger3:


http://q8airport.com/popups/starbucks.jpg



بطرح فكرته
واتمنى اشوفه فقطر
وتنتشر فروعه فمجمعاتنا وفكل دول العالم



" قهوه ... cafe "
لكن بطابع وطعم عربي
ديكوراته عصريه تراثيه
" سدو ..نقشه الغتره...دلال رسلان .. فناجيل.. الخ "




http://www.ibn3.com/images/895100761b.gif






(المنيو)

المشروبات:
قهوه خليجيه( بالقناد والزعفران ):app2:
قهوه عربيه
قهوه تركيه
شاي بالحليب (كرك):thumbup:
حليب "بالزنجبيل"
حليب "بالقناد والزعفران"
سحلب
مقات
حليب بالحبه الحمرا
حسو بالمكسرات
زعتر
ملك شيك " بالبوضه العربيه"
.. الخ



المأكولات:
لقيمات
معمول
خنفروش
حلوى " عمانيه..بحرينيه"
خبيص
عصيد
بلاليط
كنافه
بسبوسه
....الخ


مثال للتقديم :
(ميني بلاليط) :yes:
http://www2.0zz0.com/2010/07/23/17/419286362.jpg


طريقه التقديم :

في داخل المقهى تقدم القهوه
اللي يطلب قهوه :
تقدم له على الطاوله دله رسلان صغيره + فنجال تراثي وصحن صغير " تمر وصحن صغير " غسول

وباقي المشروبات
تقدم بأكواب بثيم معين تراثي أكيد
تحاكي بشكلها أكواب " ستار بكس " والمقاهي العالميه الأخرى

http://bigmarketing.files.wordpress.com/2007/05/starbucks_cup.jpg

تكون الأكواب مطبوعه بهذا الأسلوب

http://www.kul-alnas.com/vb/uploaded/781/1243963868.jpg





وطاقم العاملين
( بزي عربي اسلامي )



الهدف من المشروع :

- اول واهم حاجه نشر ثقافتنا الخليجيه والعربيه على العالم
-الكل يتفق على لذه طعم " قهوتنا " وكركنا " حتى الأجانب في البلد .. فليش ما يتوافر لنا فأسواقنا ومستشفياتنا وفكل مكان في قطر ..
- تربيه وتعويد الأجيال القادمه على أصالتنا الخليجيه العربيه



المشروع محتاج ميزانيه كبيره والأهم محتاج ناس مبتكرين ينفذون ها المقهى بصوره طيبه
والا انتو شرايكم ؟

[eXpert*]

مشروع جميل بالتوفيق لمن سيبادر في استثماره

[نجمة سهيل]

اللهم ااامين
وشكرا

[راعي الدتسن]

فكره ولا اروع..

اتمنى نشوفها

[البسطة]

مشروع قوي باذن الله تعالى ،، بالامكان استيراد البن والقهوة من ماليزيا ،،

[Busin Lover]

اظن موجود هالمكان في فندق الشرق

مقهي الجلسه

[نجمة سهيل]

مشكوورين على المرور الطيب

[المليونير الفقير]

نفس هالمشروع لقيته فالسعوديه وبالتحديد الطائف الهدا ونفس الي قلته مسوينه وازياده

[صاحبة إمتياز]

تتوقعون كم بتكون ميزانيته هالمشروع؟

[نجمة سهيل]

الله احسه حلو اللي فالسعوديه
ياليت نشوفه منتشر فمجمعاتنا

شاكره مروركم الكريم

[am5ald]

فكرتج رائعه
انا من رايي مادام انها فكرتج لازم تنفذينها وتديرينها
روحي دار الانماء الاجتماعي وقولي لهم عن الفكره وانج محتاجه تمويل وهم بيساعدونج
موفقه باذن الله

[سعودي.. ولكن]

ممتاز و فكرة خيالية

[..er..]

صراحه فكره روعه ..


بس هل ياترى شبابنا وبناتنا بيميلون له مثل ستار بكس ؟

< يهوجس في هالفكره

[قطرية فذة]

فكره سبقتك بها لم تجد النور لاسباب اعاقتني ومنها المكان

احتر من اشوف ستار بكس ولا ابل بيز

اغلب الاماكن مسميات اجنبيه ليت شعبيتنا قايمه بإسلوب حضاري مطور له اقباله ونهجه وشكله

الله يبارك فيك لما تسويه خبرني ولاعليك امر


موفق

[strong woman]

فكره ولا أروع بالتوفيق إن شاء الله للي يطبقها

[نجمة سهيل]

شااااااااااااااااااكره مروركم الاكثر من رائع

[alhurmsi]

فكرة حلوة وممتازة لكن ما تنفع بدون دراسة
اول شي شوفي اللي فالسعودية وفكرتة ووشلون الاقبال عليه والاسعار
ثانيا ادرسي التكاليف واهم شي تكاليف الديكور لانه في اعتقادي راح يكون مكلف وتكاليف المواد الاولية
وثالثا ً اختاري المكان المناسب مثلا ً في سوق واقف او الاماكن اللي تتجمع فيها العوائل او المقاهي والمطاعم .
وثالثا ً العماله لازم تكون مدربه تتدريب جامد لأن الاكلات راح تكون قطريه وخليجية بحته مش هندية او نيبالية او فلبينية فلازم العمال او الطباخ عايش في قطر او الخليج وفاهم الطبخة صحححح
رابعا ادرسي التكاليف المتغيرة للمواد مثل القهوة والزعفران والايجار لأن تكلفتها تزداد وتتغير بسرعة

واخيرا ً اعيد واكرر ادرسي الموضوع بعناية وشوفي المشروع مجدي ولا مش مجدي ولا تقارنينه بالسعودية من حيث التكاليف لأن عندنا التكاليف دبل السعودية مثلا ً الايجار في السعودية 6000 فالسنة اما عندنا 6000 فالشهر فالفرق وااااااااضح وبالتوفيق

[كرستال]

السلام عليكم ورحمة الله

الفكرة اساسا جميلة

ولمعطيات حلوه

بس بلوري الفكرة حسب الاهداف ورغبات الزبون والارباح المتوقعة


يعني شوفي الي قاله اخونا alhurmsi

بالاضافة الى معوقات عمل المشروع من الاخت قطرية فذة

والممول الجيد الغير باحث عن الربح السريع في مده 6 شهور على الاقل والله يفتح عليكم في ما يلي ذلك

المكان وايد مهم .. سوق واقف يعتمد على المواسم .. والمواقف سيدة الموقف هناك بالاضافة ا لى الجو


حاولي تحطين خيارات حديثة مع الفكرة

مثل الانترنت ... الجلسات ابتكارية ... الديكور يكون حميمي ومريح ويعيشك جو الراحة والطمأنينة

بالاضافة الى كسب ثقة الزبون اين كانت جنسيته


والله يكتب لكم التوفيق

[تاجرة صغيرة]

مشرووووع والله...

شكرا للفكرة المتميزة

[q6ryah]

الفكرة اكثر من رائعة عساج عالقوة ياليت تنفذينها

[ibr]

فكرة جميلة وتستاهل التكاتف من الجميع لعمل مثل تلك المقهاي

[رُفق المجنّا]

والله مشروع جيّد , ومُبتكر نوعاً ما

فكرت فيه من قبل , ولكن ميول النّاس لـ ستاربكس وغيره

ولكن لو نضفي ع المنيو بعض الخيارات اللي ممكن تكون خارجيه , بكون له قابليّه أكثر

1) الموقع مهم ( سوق واقف , أو أحد المجمعات التجاريّة )

2) البيئة الداخليّة ( الديكور , والأثاث لـ يكون هنالك أريحيّة , والأضواء , وزي الموظفين .. )

3) الخدمات المقدمة ( درايف ثرو , انترنت , ومنيو للأطفال )


مستعد أشارك في المشروع ولو ما عندي رأس مال ولكن بنتسلف :) أهم شي نشوف المشروع ع أرض الواقع وعندي العديد من الأفكار التطويريّة


أتمنّى لكم التوفيق

[V.I.P_QATAR]

الفكرة رائعه وتحاكي تاريخ الخليج وبتشوفين الاجانب يجونك من كل مكان بس بشرط انه يكون بمجمع تجاري لا الجو بالخارج مايساعد
ومن الممكن اني اشارك بالمشروع

[كاشف الغطاء]

فكرة حلوة

صدقيني المشروع مربح وموجود منه في السعودية

وفكرت انا مع مجموعة من الشباب في هالفكرة

بس ..

يبيلها مكان زين وانا مستعد ادعمكم سواء بالافكار او حتى ممكن اساهم بجزء

ولو قليل من رأس المال :)

[saryalia4u]

نتمنى نشوفه في مولاتنا

[R 7 A L]

فكرة حلوة ياليت نشوفها في قطر

[حفيف الصمت]

حلوووة الفكرة
وراح تضرب
لكن في دولة اجنبية
برالخليج لان الفكرة موجودة في بيوتنا وحنا لما نطلع من البيت نقصد اشياء ماانشوفها في البيت يعني راح يفشل بالدوحة
لالالالا راح يضرب في واقف لان كله اجانب
لكن لاتتوقعون اهل قطر يكون من رواد هذا المشروع

[نجمة سهيل]

ياا ليت انفذها

لكن الفكره كبيره ويا ليت رجل/امراه اعمال مهتم يتولى تنفيذها ..

يله ما ندري يمكن نشوف ها القهوه فقطر :)


الف شكر على مروركم الطيب
لاهنتو

[sepasteyn]

جميل جدا - الله يوفق