احسن سياره للبيت

[سالي 123]

بغيت اعرف احسن سياره تصلح للمشاوير البيت والشغل غير البيكم رفيعه اشوى موب كروزر لانه غالى نبي شي عملى وجديد وسعره معقول اى شركة افضل .:playball:

[بوجبران]

انصحك في كامري واذا لك خاطري عندنا كامري في البيت نظيف

[Aigner]

التيماا حلوه وسعرهاا منااسب

او كاامري

[راعي 2006]

واحد من الشباب عنده دودج فورويل

موديل 2009

ماشي 9000

السياره جديده وسعر مناسب تحت 100 الف

[بندر؟]

يا جماعة الخيير الاخت قالت سياره رفيعه ورفيعه بالعربي يعني فيها ارتفاع مب صالون اللي يعرض كامري والتيما ..شوفي اختي انصحج بكروزر حتى لو ستاندر موديل 2008 ويكون نظيف سعره في حدود 90الف احسن لكم من اي سياره امريكيه جديده من الوكاله
بالتوفيق

[ضوى]

البرادو 6 سلندر الصراحة مالت كرف

[qatar911]

شوفي اختي انصحج بكروزر و الله يوفقك في موتر زين و يكفيك خيره و شره ان شاءالله

[مستثمر 999]

سوبر بان دينالي او يوكن

[بومحمد911]

انصحك كل ما ذكر اعلاه

[fsl_qa]

يوكن ولا تاهو

[ابن مانع]

حطي حدود الميزانيه كم وبيفيدونج ان شاءالله الاخوان اكثر

[@فارس@]

اذا تبين موتر عائلي وكبير انصحج في :

يوكون او تاهو او سوبربان

والله يوفقج

[m7dmrta77]

انصحك بلموزين مؤقت لين الله يفرجه .. لا امزح ههههههه والله مثل ما قلوا الربع الكروزر ما في احسن منه سعره فيه وعائلي وحلو وواسيع والله يوفقكم يارب

[المليونير الفقير]

انصحج بتويوتا بيكب هايلوكس بشرط قير تماتيك عمليه جدا ومالت مكده وعند البيع سعرها فيها وانا مب طالب فيها وايد يعني براعيج بالسعر:pilot:

[العساس]

تاهو (عملية . اقتصادية . تكيف . عائلية . تصلح لكل شي حتى السفر )
وفوق هذا خرابات قليلة وخدمة جيده وقطع غيار وسط

[الــجــزيــرة]

تاهو (عملية . اقتصادية . تكيف . عائلية . تصلح لكل شي حتى السفر )
وفوق هذا خرابات قليلة وخدمة جيده وقطع غيار وسط

صح لسانك

تاهو ولا عقبه وعن واقع تجربه ورحت فيه لين مكة ماشاء الله سيارة روعة

وممكن انفعج بخصم فالشركة لو تحبين

[qatarz8]

والله البرادو زين و عملي و في النهايه تويوتا

[أبو بكر سالم]

انصحج بالعراوي موتر مكدة حق الاغراض وخاصه للدريولية مايتكسر بسرعه

[منصوربن حمد]

احسن موتر استعمال ورفيع وسعرة فية كروزر حوض او بوغاتي

[ابو مشعل]

برادو .. من 2006 وفوق ..
:)

[الخارجية]

نصحج باليوكن

[راعي 2006]

مشاءالله حرب ع الموضوع في الاخير تلاقونها شرت موتر من جي ماردت عليكم ... ^_^

[قلب الدوحة]

من ثلاث ايام شاري برادوا 6 سلندر 2010 وسعرها حلو 125000 مكيفين بس بدون ثلاجة وفتحة خذتها حق الاهل

[بور بلاك]

انصحج بتويوتا بيكب هايلوكس بشرط قير تماتيك عمليه جدا ومالت مكده وعند البيع سعرها فيها وانا مب طالب فيها وايد يعني براعيج بالسعر:pilot:



هههههههههههههههههههههههههههههه :eek2::eek2::eek2:

[باسكن روبنز]

عاد كم الميزانيه ،

عشان نعرف ننصحج خاصة انه بعض الوكالات مسوين عروض على سيرفزهم ،

[@north_star@]

تويوتا برادو مب دفش وعملي وسعره فيه وبالتوفيق ان شاء الله

[سالي 123]

الميزانيه فى حدود 70 الف اختى تبي سياره جديده بس اتحاتى لانه السواق مخله سياره لنه الاعدمها لانه كل مره تصليح وحاله من جى اختى قاعده اتفكر .

[باسكن روبنز]

70 الف ماتجيب لج فور ويل ،

في القسم في عضوه اسمها فرحه الكواري ،
عارضه سوبربان موديل 2001 ب45 ألف ،

ممكن تفحصون السياره على نظافتها وتاخذونها بسعر أقل ،

بالتوفيق يارب ،

[صاحبة إمتياز]

الله ييسر لكم إن شاء الله بهالمبلغ ماراح تقدرون تاخذون الإ سيارة مستعملة
ولا أنا كنت بانصج بالتاهو وااايد عملي ومريح وعائلي وسعره زين إذا كاش
وإذا ماتبونها امريكية أخذوا برادو أغلب رفيجاتي ماخذينها جني جي صغير بس أنا ماحبها هالسيارة
أفكر في كامارو ولا بوناميرا بس أنتوا أدعو لي..

[Mishari]

اختى تونى ماخذ حك الأهل باارود 2 طلعوو علي الوحد 134 الف ريال سعودي هذا رقم 2 الي تحت الفل مسووين عليهم عرروض روعه موصفاته نفس الكرزور ما عدا الفتح السقف ترى مسووين تصفيه للي يبي بسعر الكاش بمعارض الدمام

[المليونير الفقير]

70الف تيبلج بيكب يديده اصافار وتويوتا بالتوفيق

[سالي 123]

اشرايكم في سيارة كاشكي للبيت والشغل

[لاجئ عاطفي]

الميزانيه فى حدود 70 الف اختى تبي سياره جديده بس اتحاتى لانه السواق مخله سياره لنه الاعدمها لانه كل مره تصليح وحاله من جى اختى قاعده اتفكر .


هالمبلغ ينفع كدفعة اولى وتقدرين تاخذين اي سياره ويكون القسط بسيط وميسر.. اما انج تبين فوريل وجديد بهالسعر انسي

[طويل النفس]

الميزانيه فى حدود 70 الف اختى تبي سياره جديده بس اتحاتى لانه السواق مخله سياره لنه الاعدمها لانه كل مره تصليح وحاله من جى اختى قاعده اتفكر .مداد السالفه كذا

تعالي اسولك ميزانيه صح
1- سفروا الدريول 70.000-2000=68000
2- قدمو على فلبينيه سواقه 68000-7000= 61000
3- رخصة واجرائات الجوازات والفحص الخ 61000-2000=59000
4- صلحوا سيارتكم اللي خربها الدريول بـ 4000 -59000=55000
النتيجة النهائية انتي ربحانه 50.000
بعد خصم 5000 استشارة :deal: