فرصة اسثمارية تاسيس شركه عقارية مقفله ش ق م

[مخطط قطري]

يجماعه الخير عندي مشروع عقاري
ومحتاج 40 مسثمر فقط
المشروع عباره عن عماريه تجاريه في وسط الدوحه دخلها الشهري 440 الف ريال قطري
ومطلوب في العماره 40 مليون ريال نهائي بدون دلال ولا وسيط من المالك مباشرة
مبدئيا نسوي اجتماع مغلق عندي بدون دفع ولا ريال بس مايجي الاجتماع الا درس الموضوع من كل نواحي والضمانات الي تضمن حقه والتسجيل بيكون في السجل العقاري القطري وناسس الشركه
وصف المشروع عباره عمارة ماخذتها شركه قويه وشيكاتها مضمونه وعقد 10 سنوات مر من العقد سنتين ونص وعقد قوي وكله في صف المالك وحتى في مايتعلق بالصيانه وملف الشركه كاامل عندي وحتى معاملاتها البنكيه الي بيصير كتالي
المسستثمر بيحط مبلغ المليون وبيكون شارك في نسبه من العماره هي 1 | 40 ونضمن له شيكات بقيمه 10 الاف ريال شهريا للمده الباقيه الي هي 7 سنوات ونص بواقع
120 الف في السنه وفي وقت التصفيه او بيع العماره حقه مضمون طبعا
الي يبي تفاصيل اكثر يدخلي
احنا محتاجين 40 مليون وندش
المسموح فقط قطريين
والعقود عند محامي معروف
طبعا هالموضوع بيكون عقب العيد مباشره واحنا نسعى لجمع المبلغ بدون فوائد بنكيه
اعتقد فرصه حلوه لصاحب راس المال البسيط
لانه مثلكم عارفين المليون شتسوي الحين ماتجيب حتى بيت
واعتقد عائد 12% سنوي مضمون شي طيب وصعب تحصله حتى الي بيدش بروحه في عقار
والي شاك في العمليه ولا متخوف من حقه لانه مانعرف بعض بس اعتقد بعد الاجتماع وتوضيح الامور بتغير النظره

[الوسيط العقاري]

بالتوفيق

[رحال]

أخوي الله يوفقك وعلى قدر أهل العزم تأتي العزائم ...

بس أشوفها صعبة انك تجمع 40 شخص !!!

في هل الزمن راسين بالحلال مايتفقون ، وتبيهم 40

ومايعرفون بعض !!!

[المليونير الفقير]

العائد بس 10 الاف عالمليون صعبه اشوي

[captin]

أخوي الله يوفقك وعلى قدر أهل العزم تأتي العزائم ...

بس أشوفها صعبة انك تجمع 40 شخص !!!

في هل الزمن راسين بالحلال مايتفقون ، وتبيهم 40

ومايعرفون بعض !!!


الفكرة ممتازة ولازم نفكر كقطريين في الدخول في مشاريع مثل هاذي وغيرها بالمشاركة الجماعية لان اليد الوحدة اليوم ماتصفق في ظل وجود حيتان كبيرة في السوق تبتلع الأسماك الصغيرة وعلى فكرة مثل هاذي المشاريع يسونها الكويتيين من زمان سواء شراء عقارات او مشاريع صناعية او تجارية وناجحين فيها جدا

[مخطط قطري]

بالتوفيق

وياك الغالي



أخوي الله يوفقك وعلى قدر أهل
العزم تأتي العزائم ...

بس أشوفها صعبة انك تجمع 40 شخص !!!

في هل الزمن راسين بالحلال مايتفقون ، وتبيهم 40

ومايعرفون بعض !!!
وياك طويل العمر بس احنا نجتهد ونبي الخيرلنا و لربعنا والباقي على ربك



العائد بس 10 الاف عالمليون صعبه اشوي

صعبه من اي ناحية الشيخ ممكن توضح يعني قصدك شوي العائد؟؟؟
عطني عقار بمليون ريال ويدخلي 10 الاف بشرط المبني جديد ويكون على جهه قويه حكوميه او شركه مش افراد وربي مايهمني الموقع ان شالله اقصى شمال قطر وانا اشتريه بكره من عندك




الفكرة ممتازة ولازم نفكر كقطريين في الدخول في مشاريع مثل هاذي وغيرها بالمشاركة الجماعية لان اليد الوحدة اليوم ماتصفق في ظل وجود حيتان كبيرة في السوق تبتلع الأسماك الصغيرة وعلى فكرة مثل هاذي المشاريع يسونها الكويتيين من زمان سواء شراء عقارات او مشاريع صناعية او تجارية وناجحين فيها جدا



صدقت والله وانا من فتره طويله في بالي مثل هالمشاريع ويابخت من فاد واستفاد وهذي الضربه الاولى والحمدالله معدلات الخطوره فيها منخفضه وايد وهذي بس البدايه

[سوبر 111]

ماعليك امر وسيلة اتصال

[بيت العرب]

السلام عليكم اولا ما مواصفات العماره هل تسوا 40 مليون ثانيا اذا كان الدخل 440 الف بيكون نصيب الشخص 11 الف وليس 10 الاف ارجو التوضيح لاني ادرس مشروعك العقاري بجديه والله يوفق الجميع

[بدوي]

مشروع حلو

ويحتاج تفكير 

[مخطط قطري]

ماعليك امر وسيلة اتصال

طرشلي رقمك لاني ماقدر ارسله لك مشاركتي تحت 50 ولو اداره الموقع تسمح بحط لكم عنوان شركتي وتلفونات الشركه واذا قدرنا نجمع العدد المطلوب اتفاقنا على موعد للاجتماع

[مخطط قطري]

السلام عليكم اولا ما مواصفات العماره هل تسوا 40 مليون ثانيا اذا كان الدخل 440 الف بيكون نصيب الشخص 11 الف وليس 10 الاف ارجو التوضيح لاني ادرس مشروعك العقاري بجديه والله يوفق الجميع

وعليكم السلام اسئلتك مهمه مواصفات العماره 900 متر وفي قلب الدوحه وتجاريه واي نعم تسوى وبامكانك توديها عند اكثر من مثمن عقاري وتشوف كم تسوا
وانا لي فتره طويله في المجال العقاري واقولك العماره فرصه وانا ماجبركم عليها هي بالذات الا بالعكس اذا فيه افضل منها نشتريها بس انه حاليا دارس السوق من فتره وشفت المعروض و اشوفها افضل الي موجود في السوق والشركه المستاجره قويه ولها سمعتها في السوق والمالك كان طالب اكثر من هالسعر في العماره وسبب البيع محصل فرصه احسن ومحتاج الكاش اذا عندك نفس المواصفات عماره اهم شي جديده يعني مايكون عمرها اكثر من 5 سنوات ومؤجره بعائد ممتاز وسعرها سعر السوق او تحت بشوي
جيبها واحنا نشتريها الا بالعكس هذي ميزه الشركه الي بنكون فيها انه الواحد حريص انه يحصل افضل الفرص الاسثماريه وكلنا شركاء في العمليه وبخصوص الحسبه
صح حسبتك الغالي بس هذا الي اقدر اعطيك اياه من راس مالك 10 الاف شهريا لين يخلص العقد وانا حريص انه 10 الاف ماتنقص عشان يكون عائدكم 12% السنوي
40 الف الي بتزيد هذي في الاجتماع بوضح لكم وين بتروح صحيح الصيانه كلها طول مده العقد على المستاجر بس في مصاريف اداريه وخدمية تندفع من صوبنا وهي جزء من 40 الف الي بتزيد كل شهر
واي ريال بيزيد عقب خصم المصاريف بيتوزع بالحق وبالعدل بس بيكون بشكل سنوي مش شهري يعني في اغلاقات السنه نشوف وين انصرف من 480 الف الي هي الدخل السنوي حق 40 الف الزايده كل شهر ماراح ينضاف لاي احتياطي نصفر الرصيد في كل سنه اغلاق
ولاتنسى في مصاريف تندفع انا اهم شي عندي تاخذ 10 الاف صافي لك بدون نقصان
بس في امور مهمه لازم نتناقش فيها من بين هذي الامور المهمه هي عمليات التخارج والي يبي يطلع من نص المده او حتى البدايه نبي نصيغ لنا شي في العقد يضمن الحقوق كلها وخصوصا الواحد ممكن يحتاج راس ماله ويطلع ويبيع حصته هذي النقطه مهمه وحساسه واحنا نبي شركاء متضامنين مع بعض وتقريبا مسوده العقد جاهزه وقابله للتغير فيما يضمن المصالح
المشتركه
وكل الاوراق عندي نجمتع وتشوفونها وعقب نقرر العمليه تستحق المجازفه ولا رزق الله على السيف ونخلي البحر واهواله
والله يوفق الجميع ان شاء الله ويكتب الي فيه الخير

[نبض الوطن]

مخطط قطري .. بارك الله فيك .. ولوسمحت اين موقع العمارة وكم عمرها تقريبا ؟

[مخطط قطري]

مخطط قطري .. بارك الله فيك .. ولوسمحت اين موقع العمارة وكم عمرها تقريبا ؟

وباك الله فيك يالغالي الموقع بالضبط في الاجتماع بقوله لكم بس نص الدوحه(السد ونجمه وام اغويلينا والمنصوره والمنتزه) في وحده من هالمناطق الي ذكرتها فوق ومن المناطق الحيويه والمهمه والعماره تجاريه والعمر سنتين ونص

[barod]

فكره حلوه وتحتاج عقود توضيحيه عند المحامي لضمان الحقوق فحاله البيع او الاستمرار بعد نهايه العقد بس ياريت توضح حجم العماره وعدد الشقق والموقع علشان نعرف هل مدخولها معقول في حال انتهى العقد ويعطيك العافيه

[قناص 787]

أنا اقول كل واحد يمسك فلوسه احسن بدل الشيكات اللي مامنها فايده لين راح المستفيد من المبلغ عقب كل واحد ياخذ شيكه و يوديه المحكمه عاد عقب دورني

[مخطط قطري]

الاخ بورد ماراح تحط فلوسك الا عقب ماتقرا العقود وتشوف العماره وتسجيل عند محامي وحقك لازم تضمنه

[مخطط قطري]

أنا اقول كل واحد يمسك فلوسه احسن بدل الشيكات اللي مامنها فايده لين راح المستفيد من المبلغ عقب كل واحد ياخذ شيكه و يوديه المحكمه عاد عقب دورني

وجهه نظر جديره بالاحترام

[i.s.s]

فكره رائعه وان شاء الله نشوف ثمار قوية لهذه الشركة لاني متأكد في حال ما اتفقتوا على شراء عقار واحد بنسبه عائد 12% اي اكثر من عوائد البنوك الي ما تتعدى 5% بتكون بوابة خير لكم كلم في المشاريع الجايه ولا تنسون يالربع الزكاة على اموالكم وثاني شي احس اذا قامت هذي الشركة ممكن يجيكم دعم من الدولة لان دولتنا دولة خير واهلها اهل خير اكيد ما راح يقصرون وياكم

سيروا الى الامام ياعيال قطر وعين الله ترعاكم

[صبي الهوامير]

وجة نظر بس لاحد يزعل بس مع كل الضمانات بعد المبلغ كبير والقطريين اكتفو من المستثمرين الي ماينعرف لهم حل وبعدين حتى القطري ماينضمن في هلزمن لانه لفلوس تعمي لنفوس وياما شفنه مشاريع مثل واحسن والي توهق الي شارك بفلوسه وعطوه اول شهرين والباقي كله تاخير غير الي ماعطي ظمانات ومانعرف كيف يتحايل على القانون ويبيع هلظمانات يعني انا نصيحه كلن عنده بيزه يترك عنه هلمشاريع ولا تقولي تجاره بدون مغامره ماينفع لا اتغامر ولا شيء يبه افلوس يمعتها ومبلغ مليون روح اشتري فيه بيت حتى لو تدفع الباقي اقصاد واسكن فيه واذا لك رزق في هلدنيا بتاخذه لاكن اتقولي شراكه وتجاره وبنيان كله تجاري وماتدري بكره شنو يصير يبه اتركو عنكم تر وايد ناس انلدغو وكفايه كفايه مشاريع حتى بورصه لا اتدشون والي يبي يصير تاجر عنده هلشهر الكريم تجاره لن تبور وسلامتكم

[simsim1963]

المربح بعد 10 سنين 320000 صعبه وايد ويمكن اقل اذا خصمنا منها صيانه وما ندري يمكن السعر ينزل ونخسر المربح وراس المال وشراكه 40 شخص ما يندري الاعمار بيد الله وبعدين يدخلون الورثه وتنباع العمارة بثمن قليل ؟

[المليونير الفقير]

سؤال مهم هل العماره بتتسجل باسماء المساهمين جميعا والا باسم شركتك فقط؟

[مخطط قطري]

فكره رائعه وان شاء الله نشوف ثمار قوية لهذه الشركة لاني متأكد في حال ما اتفقتوا على شراء عقار واحد بنسبه عائد 12% اي اكثر من عوائد البنوك الي ما تتعدى 5% بتكون بوابة خير لكم كلم في المشاريع الجايه ولا تنسون يالربع الزكاة على اموالكم وثاني شي احس اذا قامت هذي الشركة ممكن يجيكم دعم من الدولة لان دولتنا دولة خير واهلها اهل خير اكيد ما راح يقصرون وياكم

سيروا الى الامام ياعيال قطر وعين الله ترعاكم
بيض الله ويهك وجزاك الله خير على الدعوه الطيب وعلى طاري دعم الدوله في شخص امس كلمني عن موضوع مهم وهو في جهه حكوميه تدعم مشاريع اللشباب سواء الزراعيه او الصناعيه وحتى التجاريه منها وتوصل قيمه الدعم مليون
واذا شافونا شباب ومعزمين على هالشي وعندنا الجديه وبندفع جزء من البملغ وهذي مب فايده لقطري 1 الا فايده حق 40 بيت قطري اعتقد المساله بتكون لها نظره بعيده عن مساله التجاره والربح والخساره وبس يعني يعاملونها معامله قرض حسن ويتم السداد من ايجار العماره يعني نفس قرض الحكومه الي 30 سنه ويعطونك مليون و200 وياخذون منك 4000 شهريا يعني هذي الشي مجرد اقتراح اذا فيه لنا سبيل او قناه مع الحكومه

[مخطط قطري]

وجة نظر بس لاحد يزعل بس مع كل الضمانات بعد المبلغ كبير والقطريين اكتفو من المستثمرين الي ماينعرف لهم حل وبعدين حتى القطري ماينضمن في هلزمن لانه لفلوس تعمي لنفوس وياما شفنه مشاريع مثل واحسن والي توهق الي شارك بفلوسه وعطوه اول شهرين والباقي كله تاخير غير الي ماعطي ظمانات ومانعرف كيف يتحايل على القانون ويبيع هلظمانات يعني انا نصيحه كلن عنده بيزه يترك عنه هلمشاريع ولا تقولي تجاره بدون مغامره ماينفع لا اتغامر ولا شيء يبه افلوس يمعتها ومبلغ مليون روح اشتري فيه بيت حتى لو تدفع الباقي اقصاد واسكن فيه واذا لك رزق في هلدنيا بتاخذه لاكن اتقولي شراكه وتجاره وبنيان كله تجاري وماتدري بكره شنو يصير يبه اتركو عنكم تر وايد ناس انلدغو وكفايه كفايه مشاريع حتى بورصه لا اتدشون والي يبي يصير تاجر عنده هلشهر الكريم تجاره لن تبور وسلامتكم

لايالغالي لازعل ولا شي انا لو احصل واحد من نت يقولي نفس الكلام الي انا كتبته بشك في مصداقيته من حقك ياخوي وبتاكد وبتحرى عن جدوى الموضوع هذا فيما يتعلق بالشق الاول من تعليقك اما عن المضلل بالاحمر انت تقصد بيت تسكن فيه احنا نتكلم عن شي اسثماري مب سكني والشق الاخير من تعليقك لاشك انه هالشهر هو شهر عباده وخير ولاتعوضه ملايين الدنيا بس احنا نتناقش عن امور تجاريه تساعدنا على نهضه بلادنا وتفيدنا والمسلم القوي خير من المسلم الضعيف واليد العليا خير من اليد السفلى

[مخطط قطري]

المربح بعد 10 سنين 320000 صعبه وايد ويمكن اقل اذا خصمنا منها صيانه وما ندري يمكن السعر ينزل ونخسر المربح وراس المال وشراكه 40 شخص ما يندري الاعمار بيد الله وبعدين يدخلون الورثه وتنباع العمارة بثمن قليل ؟

الصيانه طول مده العقد على الشخص المستاجر في كل شي وشلون حسبتها الشيخ 320000؟؟ وبعدين المربح لك حصه في عماره بعد 10 سنوات وراس مالك رجعلك يعني لو نبيع بنص سعر السوق الحالي هذا في اسوء الظروف انت ربحان
واحب اطمنك العقاارات من يومنا لين 2030 امورها طيبه :)
بنسبه للورثه والامور الثانيه انت تكلم عن مستقبل واطمنك في عقود وانظمه تحكم مثل هالعمليات والحقوق ان شاءالله انها محفوظه

[مخطط قطري]

سؤال مهم هل العماره بتتسجل باسماء المساهمين جميعا والا باسم شركتك فقط؟

لا بسمنا كلنا ولها سجلها التجاري

[بيت العرب]

وعليكم السلام اسئلتك مهمه مواصفات العماره 900 متر وفي قلب الدوحه وتجاريه واي نعم تسوى وبامكانك توديها عند اكثر من مثمن عقاري وتشوف كم تسوا
وانا لي فتره طويله في المجال العقاري واقولك العماره فرصه وانا ماجبركم عليها هي بالذات الا بالعكس اذا فيه افضل منها نشتريها بس انه حاليا دارس السوق من فتره وشفت المعروض و اشوفها افضل الي موجود في السوق والشركه المستاجره قويه ولها سمعتها في السوق والمالك كان طالب اكثر من هالسعر في العماره وسبب البيع محصل فرصه احسن ومحتاج الكاش اذا عندك نفس المواصفات عماره اهم شي جديده يعني مايكون عمرها اكثر من 5 سنوات ومؤجره بعائد ممتاز وسعرها سعر السوق او تحت بشوي
جيبها واحنا نشتريها الا بالعكس هذي ميزه الشركه الي بنكون فيها انه الواحد حريص انه يحصل افضل الفرص الاسثماريه وكلنا شركاء في العمليه وبخصوص الحسبه
صح حسبتك الغالي بس هذا الي اقدر اعطيك اياه من راس مالك 10 الاف شهريا لين يخلص العقد وانا حريص انه 10 الاف ماتنقص عشان يكون عائدكم 12% السنوي
40 الف الي بتزيد هذي في الاجتماع بوضح لكم وين بتروح صحيح الصيانه كلها طول مده العقد على المستاجر بس في مصاريف اداريه وخدمية تندفع من صوبنا وهي جزء من 40 الف الي بتزيد كل شهر
واي ريال بيزيد عقب خصم المصاريف بيتوزع بالحق وبالعدل بس بيكون بشكل سنوي مش شهري يعني في اغلاقات السنه نشوف وين انصرف من 480 الف الي هي الدخل السنوي حق 40 الف الزايده كل شهر ماراح ينضاف لاي احتياطي نصفر الرصيد في كل سنه اغلاق
ولاتنسى في مصاريف تندفع انا اهم شي عندي تاخذ 10 الاف صافي لك بدون نقصان
بس في امور مهمه لازم نتناقش فيها من بين هذي الامور المهمه هي عمليات التخارج والي يبي يطلع من نص المده او حتى البدايه نبي نصيغ لنا شي في العقد يضمن الحقوق كلها وخصوصا الواحد ممكن يحتاج راس ماله ويطلع ويبيع حصته هذي النقطه مهمه وحساسه واحنا نبي شركاء متضامنين مع بعض وتقريبا مسوده العقد جاهزه وقابله للتغير فيما يضمن المصالح
المشتركه
وكل الاوراق عندي نجمتع وتشوفونها وعقب نقرر العمليه تستحق المجازفه ولا رزق الله على السيف ونخلي البحر واهواله
والله يوفق الجميع ان شاء الله ويكتب الي فيه الخير



مشكور على التوضيح وتشكر كذلك على هذا الجهد. انا لاالوم يخوف الناس في مثل هذا النوع من الاستثمار الجماعي لما حصل لكثير منا وانا واحد منهم. لاكن احب اقول ان اصابع يدك مب وحده وامام كل واحد فينا اختيارين اما نتم مثل ما نحن لا نستثمر من الخوف ونترك السوق للهامير يستفيدون او ندخل السوق بقلب قوي ولا نسوف لابد لكل استثمار مخاطره. المخاطر درجات ومن خبرتي المتواضعه في السوق مقارنة مع خبراتكم اقدر درجه المخاطره امشروع الاخ مخطط قطري ب 7 مع العلم 1 الاسوء و 10 الافضل. ارجو ان الله وفقني بتوضيح الفكره. ولكم مني الشكر والتوفيق. انا واحد مستعد ادخل كشريك بس لو تتضح الصوره اكثر مثل العماره كم طابق وكم عدد الشقق لان المناطق الي ذكرها مخطط قطري مسموح 7 طوابق وارضي واذا مساحة الارض 900 م يعني 6 شقق كحد اقصى في كل طابق يعني مجموع الشقق 42 يعني كل شقه مؤجره ب 10500 ريال؟؟؟؟؟هل كلامي منطقي ام لا

[مخطط قطري]

مشكور على التوضيح وتشكر كذلك على هذا الجهد. انا لاالوم يخوف الناس في مثل هذا النوع من الاستثمار الجماعي لما حصل لكثير منا وانا واحد منهم. لاكن احب اقول ان اصابع يدك مب وحده وامام كل واحد فينا اختيارين اما نتم مثل ما نحن لا نستثمر من الخوف ونترك السوق للهامير يستفيدون او ندخل السوق بقلب قوي ولا نسوف لابد لكل استثمار مخاطره. المخاطر درجات ومن خبرتي المتواضعه في السوق مقارنة مع خبراتكم اقدر درجه المخاطره امشروع الاخ مخطط قطري ب 7 مع العلم 1 الاسوء و 10 الافضل. ارجو ان الله وفقني بتوضيح الفكره. ولكم مني الشكر والتوفيق. انا واحد مستعد ادخل كشريك بس لو تتضح الصوره اكثر مثل العماره كم طابق وكم عدد الشقق لان المناطق الي ذكرها مخطط قطري مسموح 7 طوابق وارضي واذا مساحة الارض 900 م يعني 6 شقق كحد اقصى في كل طابق يعني مجموع الشقق 42 يعني كل شقه مؤجره ب 10500 ريال؟؟؟؟؟هل كلامي منطقي ام لا

كلامك منطقي والعماره عباره عن شقق فندقيه مقسمه بين استديو وغرف وشقق واكثر من العدد الي انت خمنته وعدد الطوابق 8 ادوار وارضي وتم دراسه العماره من كل النواحي عشان كذا رشحتها هي الافضل وايضا تم الاتصال باداره نزع الملكيه اذا في نيه او خطط مستقبليه لعمليات ازاله او نزع ملكيه للمنطقه وقالو ماعليها اي ازاله
وبالعكس انا ارحب بكل الملاحظات قد يكون شي منها يفيدني

[a7medooo]

اخوي لو انت دارس السوق عدل وعارف الاسعار ليش ما تشوفلك ارض رخيصة وتبني عليها بناية 6 شقق اعتقد راح تكلفك بحدود ال 3 مليون او 4 ويكون العائد منها 36 الف تقريبا وتكون بروح وما تعور راسك مع الشركاء وتقدر تبيعها وقت ما تحب

[ولد النواخذه]

فكرة رائعه الله يوفقكم ولولا عندي استثمار اشتغل عليه لفكرت جديا في الدخول في مثل هالمشروع الجذاب

[Qatar4Ever82]

ممكن رقمك عالخاص

[قطري !]

مخطط قطري

هل من حق المستاجر الخروج قبل المده المحدده .. اللي هي 7 سنوات ..


وهل انت قرأت العقد بين صاحب العمارة والمستأجر؟؟


وهل هناك زياده في الايجار سنويا وهي 10% ؟

انت تقول الصيانه على المستأجر ..؟؟ الالف ريا المخصومه من حقنا الشهري .. ليش؟؟؟ هل هي مصاريف اداريه لشركتكم؟؟؟


انا جاد واعتبرني من ال 40 شخص....

[ممنوع اللمس]

كلمت البنك اليوم على اساس قرض بمليون قال صعبه

موفق اخوي ولك مني اجمل التحايه والله يوفقك والسموحه

[الفاو]

مخطط قطرى
رقمك على الخاص

[بازار]

السلام عليكم

اخي الكريم

اتقول عن المليون مبلغ بسيط ... !!

ثانيا ..

من راح يدفع لك مليون ريال قطري بعد عمليات النصب والاحتيال اللي صارت على مدى خمس سنين

وكان على مبالغ اقل بكثير منك

ثالثا .. الربح 8.000 ريال فقط !!

12.000 * 12 = 144.000 سنويا
144.000 * 7 = 1.008.000 خلال فترة المتبقيه اللي قلت انها 7 سنوات

بالللللله عليك

احط فلوسي واخزنها 7 سنوات عشان مدخول 12 الف شهريا

وربح 8.000 ريال في النهاية

مادري شلون حسبتها اخوي الكريم ...

بتقولي اسعار الاراضي بترتفع .. كلام غير صحيح نهائيا

بل بالعكس (( قد وصلت الذروة ))

لا تنسى المناطق التجارية الجديدة .. والخطة العمرانية ( الثلاثينية ) لدولة قطر

عادي بكره طال عمرك عمارتك ضمن المخطط وتروح . بعد ماكانت 40 مليون .. ما راح تجيب 20 مليون

المهم الله يوفقك وانصحك فكر في مشروع ثاني .. او اشتثمر برى

استغل الهبوط الغير مفهوم في الامارات واشتر أراضي .. السعودية ... عمان ياخي

اتقول المليون ما يسوي شي ... اطلع برى قطر وشوف شتقدر تسوي ..